“Mbretëresha Margrethe u dërgua në Rigshospitalet dje në mbrëmje pasi u rrëzua në Kështjellën Fredensborg. Mbretëresha është mirë, por është shtruar përkohësisht në spital për vëzhgim,” tha Lene Balleby, kreu i Komunikimit të Shtëpisë Mbretërore Daneze.

Kështjella Fredensborg është një vendstrehim sezonal për familjen mbretërore daneze, që përdoret shpesh në muajt e verës.

Nëna e mbretit Frederik do të bënte një fejesë mbretërore më 19 shtator dhe do të shfaqej në një ngjarje për të përkujtuar 75 vjetorin e Departamentit të Arkeologjisë në Universitetin Aarhus. Megjithatë, pjesëmarrja e saj u anulua, mesa duket pas rrëzimit.

Mbretëresha Margrethe studioi arkeologji në Universitetin e Kembrixhit në Angli dhe fitoi një diplomë në arkeologjinë parahistorike, sipas biografisë së saj mbretërore, dhe ka thënë se nëse nuk do të ishte mbretëreshë, ajo do të kishte qenë arkeologe.

Në fillim të vitit 2024, mbretëresha Margrethe bëri historinë moderne mbretërore kur abdikoi në 52-vjetorin e pranimit të saj, duke u bërë sovranja e parë daneze që vullnetarisht u largua nga froni në gati 900 vjet.

The post Mbretëresha Margrethe e Danimarkës rrëzohet në kështjellë dhe përfundon në spital appeared first on Albeu.com.

Para asaj ndeshje, në konferencë ka dal njëri prej kapitenëve, portieri Kasper Schmeichel.

“It’s coming home?”, është motja e Anglisë, por çuditërisht, këtë trofe për të cilin ata thonë “It’s coming home?”, por nuk e kanë fituar kurrë.

Dhe, Schmeichel e shfrytëzoi këtë për t’u tall paksa. Ai u përgjigj; “Pse a ka qenë ndonjëherë?”.

Ai më pas tha se nuk janë aspak të fokusuar në Anglinë, por të skuadra e tyre, se çfarë mund të bëjnë dhe të japin maksimumin për 90 minuta për të vazhduar dhe gëzuar një popull të tërë.

The post Portieri i Danimarkës tallet keq me Anglinë (VIDEO) appeared first on Albeu.com.

Danimarka iu bashkua Belgjikës e cila u rendit në vendin e parë me nëntë pikë kurse danezët vazhduan më tutje me tri pikë të mbledhura, përcjellë KosovaPress.

Danimarka e nisi në mënyrë të trishtueshme këtë eveniment kur në ndeshjen e parë ndaj Finlandës, mesfushori i tyre Christian Eriksen pësoi arrest kardiak në fushë por pas intervenimit te shpejtë të stafit mjekësore ai e kaloi këtë problem dhe tani është në shtëpi me familjen e tij.

Pikërisht Eriksen ka reaguar menjëherë pas kualifikimit të Danimarkës ku ka postuar një foto të tij i mbështjellur me flamurin e Danimarkës dhe ka shkruar:

“Danimarka në raundin tjetër”.

Ndryshe, ende nuk dihet nëse Eriksen do të mund të luajë serish futboll pas intervenimit që pati në zemrën e tij.

The post Eriksen reagon pas kualifikimit të Danimarkës në 1/8 appeared first on Albeu.com.

Asokohe shpërtheu lufta në ish-Jugosllavi. UEFA nuk mund t’i lejonte serbët të merrnin pjesë si kombëtare në atë Europian, kështu që i takoi Danimarkës (e dyta në grup) që të thirrej në fazën finale. Danezët e panë veten si Davidi kundër Goliath. Ditët e Europianit kalojnë, ndeshjet vendimtare vijnë, ndërsa Danimarka vazhdon udhëtimin befasues, falë një “saraçineske” si Peter Schmeichel.

Është 26 qershori 1992. Danimarka e gjen veten duke luajtur finalen kundër Gjermanisë. Jensen kalon nordikët në avantazh qysh në minutën e 18-të. Gjermanët mundohen shumë, por nuk mund të bënin asgjë kundër murit Schmeichel. Saktësisht, 12 minuta deri në përfundimin e finales, “Zoti i Futbollit” zbriti në fushë. Topin e merr Vilfort, driblon, godet fort, shtyllë dhe rrjetë, shkruan telesport.

Duket si film, por është realitet. Kim Vilfort është personazhi kryesor. Ai që alternoi magjinë e konkurrencës me trishtimin e jetës së tij private, teksa i dhimbte zemra nga dhimbja e vajzës së sëmurë me leucemi dhe pas çdo ndeshjeje, shkonte në shtëpi për t’u kujdesur për të. Kim shënoi për 2-0 dhe ia dorëzoi trofeun Danimarkës.

Skuadra që kishte nisur pushimet e verës, e cila u mblodh me urgjencë për të zëvendësuar ish-Jugosllavinë në “Euro 1992”, fitoi trofeun e lakmuar. Duket si përrallë, por ky është futbolli. Ky është futbolli, kjo është historia më e bukur, që vlen të kujtohet para startit të Europianit të kësaj vere.

The post Nga plazhi te triumfi në Europian, historia e pabesueshme e Danimarkës në vitin 1992 (FOTO+VIDEO) appeared first on Albeu.com.