Dëshmia e Shimës, është klalsifikuar si sekret nga SPAK.

Por ky sekret u dekonspirua teksa rrëfimi i Daniel Shimës është përdorur si provë gjatë zhvillimit të seancës gjyqësore në Gjykatën e Apelit të Posaçëm, ku përfaqësuesi i prokurorisë, e paraqiti në tavolinën e gjyqtarit si provë të re.

Gazetari Elton Qyno ka mësuar se ish-zv/drejtori i AKSHI-t Daniel Shima, është pyetur dy herë për llogari të procedimit penal Nr.36/4, ku persona nën hetim për disa vepra penale janë vënë shtetasit biznesmeni, Ergys Agasi, ish-drejtoresha e AKSHI-t, Mirlinda Karçanaj, Ermal Beqiri i “Soft Solution”, Hava Delibashi, Rogers Rryta, Andis Papa, Gëzim Hoxha.

Pyetja e tij është realizuar në muajin Dhjetor 2025 dhe në muajin Janar 2026, ku Daniel Shima ka dhënë shpjegime lidhur me praktikat e hapjes së procedurave tenderuese në Agjensinë Kombëtare të Shoqërisë dhe Informacionit.

Shima, ka dhënë shpjegime detajuese që sipas prokurorisë së posaçme ka rënduar pozitën e ish-drejtoreshës së AKSHI-t, Mirlinda Karçanaj. Sipas rrëfimit të tij, Komisionet e Vlerësimit të Ofertave gjatë mbylljes së praktikave, shpesh herë orientoheshin nga titullarja e institucionit, Karçanaj.

Dëshmia e Shimës është futur si provë e re në Gjykatën e Posaçme të Apelit, kur u morën në shqyrtim kërkesat e personave të arrestuar për zëvendësimin e masave të sigurisë.

Përmes kësaj prove të re dhe provave të tjera shtesë, SPAK arriti të bindë gjykatën e posaçme të mbajë të palëvizur masat e sigurisë ndaj personave proceduar për këtë rast.

Hetimet ndaj këtij rasti vijojnë, ndërsa Ergys Agasi dhe Ermal Beqiri vazhdojnë të qëndrojnë në kërkim, pasi gjakata ka caktuar ndaj tyre masën e sigurisë “arrest në burg”.

Nga ana tjetër Daniel Shima, është një ish-zyrtar që ka pasur dhe një precedent hetimi në prokurorinë e Tiranës, pas dyshimeve se ai u rrëmbye në zonën e “Qytetit Studenti” në kryeqytetit.

Pas hetimeve të kryera prokuroria e Tiranës vendosi mosfillim të dosjes penale për “rrëmbimin” e ish-drejtorit të AKSHI-t, Daniel Shima.

Kjo dosje u rregjistrua në prokurori, pas një referimi penal të bërë nga komisariati Nr.1, i cili kishte marë një denoncim në muajin Gusht 2025, për rrëmbimin e Shimës.

Por pas verifikimeve të kryera Prokuroria e Tiranës mori vendimin e mosfillimit të çështjes penale. Vendimi u morr, duke u referuar tek kqyrja e pamjeve filmike, marrja në pyetje 3 herë e Daniel Shimës, të të fejuarës së tij avokate, 2 herë të nënës së tij. /Nga Elton Qyno – Syri.net/

The post Ish-zyrtari i AKSHI-t, Daniel Shima, jep 2 herë dëshmi në SPAK. Rrëfimi u përdor si provë e re në Gjykatën e Apeli appeared first on Albeu.com.

Berisha ka treguar prapaskenat e zhdukjes së Shimës per disa orë, ndërsa thotë se rasti është një shembull i dhunës shtetërore dhe i “dorës së zezë” të një regjimi që operon jashtë ligjit.

Ish-kryeministri thekson se; Shima është shkarkuar më 19 mars 2024 nga drejtuesja e AKSHI-t, Linda Karçanaj, pas një seance të gjatë në SPAK, për shkak të, siç pretendohet, “dëshmive tronditëse” që ai ka dhënë.

“Për Danielin, ish-zëvendës drejtorin e përgjithshëm të AKSH, dihet se u shkarkua më 19 mars 2024 nga famëzeza Karçanaj pas seancës shumë orëshe në SPAK dhe njohjen me sa duket me dëshmitë e tij tronditëse. Për Danielin dihet se ai është nga ata zyrtarë të lartë që është kërcënuar direkt personalisht nga Edi Rama, mbasi AKSHI konsiderohet si miniera e floririt të Edi Ramës dhe familjes së tij”, shkruan Sali Berisha.

Sipas tij, Shima nuk është arrestuar nga strukturat zyrtare të policisë apo prokurorisë, por nga një “polici private” që vepron me uniformën e shtetit dhe që, sipas Berishës, kontrollohet drejtpërdrejt nga kryeministri Edi Rama.

Reagimi:

Për Danielin askush nuk flet!

Miq, Danieli u harrua. Daniel Shima u arrestua, rrëmbye në orën 13:30 të datës 20 gusht siç njoftoi vetë me një mesazh dërguar familjes: ‘Po më arrestojnë’ që do ishte SOS shpëtimtar për jetën e tij. Danieli nuk u arrestua nga policia zyrtare e narko-shtetit as dhe nga prokuroria e Altin “Troplinit” që rrëmbeu gazetarin Elton Qyno.

Danieli u rrëmbye, arrestua si Stafuka që u zhduk pa nam e nishan nga policia private që në operacione të saj speciale vesh uniformën e policisë së shtetit dhe ka kompetenca më speciale se sa dy të parat. Ajo varet direkt nga kreu i narko-shtetit. Për Danielin, ish-zëvendës drejtorin e përgjithshëm të AKSH, dihet se u shkarkua më 19 mars 2024 nga famëzeza Karçanaj pas seancës shumë orëshe në SPAK dhe njohjen me sa duket me dëshmitë e tij tronditëse.

Për Danielin dihet se ai është nga ata zyrtarë të lartë që është kërcënuar direkt personalisht nga Edi Rama, mbasi AKSHI konsiderohet si miniera e floririt të Edi Ramës dhe familjes së tij. Besohet se Danieli është personi që kontribuoi në vendosjen e çimkave që regjistruan bisedën e G. Meçes me një person tjetër ku lakohej emri i Armand Fangut dhe kunatës së tij Linda Ramës. Për të gjitha këto, Danielit duhet t’i mbyllej goja përgjithmonë.

Sipas qytetarit dixhital një muaj më parë Danielin e kishin dërguar për një ‘kafe’ tek Poja por ai pas kësaj ‘kafeje’ kishte shkelur kodin dhe tani u vendos të dërgohej për mësimin e fundit tek Çela. Jo vetëm në arrestimin e tij por edhe në rikthimin e tij dukej qartë dora e zezë e shtetit. Pas një zhdukje prej rreth 12 orë gjithçka u qartësua.

Danieli u kthye në dy të natës në shtëpi i bërë fërtele psikologjikisht dhe fizikisht. Rikthimi i Danielit tregon se rrëmbyesit e tij nuk e kishin rrëmbyer atë për llogari të tyre por me porosi. Porositësit e lartë të grabitjes, për shkak të zhurmnajës së madhe që u ngrit në media nga mesazhi i tij, gjykuan se për ta ishte më me leverdi ta linin të gjallë dhe pa gojë si në rastin e zyrtarëve të tjerë se sa ta zhduknin atë, mbasi të akuzuar kryesor për këtë krim tashmë të paralajmëruar do ishin vetë Edi Rama dhe koordinatori i tij për krimin famëziu Agasi.

Por edhe paskthimi i Danielit flet po aq shumë për dorën e zezë të shtetit në krimin që tronditi dheun. Nga dita e kthimit në shtëpi, thuhet i torturuar mizorisht e deri sot, në një kod omerta askush nuk flet më për Danielin. Kodi i plotë omerta pas kthimit të tij mund ta vendoste vetëm kreu i organizatës, pra Rama dhe askush tjetër. Të gjithë heshtin dhe vetëm heshtin. Vetë ai hesht si fije bari, kafeja tek Poja ishte lule krahasuar me torturat prej 4 orësh në bodrumin e Çelës.

Heshtin mediat, emri Daniel nuk ekziston më në asnjë media dhe asnjë gazetar nuk mori mundimin të hetojë rreth gjendjes së tij. Hesht Avokati i Popullit, hesht shoqëria civile… Kjo heshtje e tmerrshme flet vëllime të tëra për shoqërinë në narkodiktaturë. Të krijohet përshtypja se me heshtjen e tyre të gjithë i druhen fatit të Danielit. Por heshtja për Danielin është një akuzë morale për të gjithë ata që heshtin sepse po zbatojnë verbërisht kodin omerta që nuk është i tyre por i narkoshtetit. sb

The post U shkarkua nga Linda Karçanaj pas seancës shumë orëshe në SPAK, Berisha zbulon prapaskenat e rrëmbimit të Daniel Shimës appeared first on Albeu.com.

Zhdukjen e tij, Lala e ka konsideruar si një “dorëzim të kontrolluar”.

Gjithashtu, ajo theksoi se Shima di shumë dhe se mund të jetë kërcënuar për të mos folur. Sipas Lalës, Shima kishte marrë edhe para me fajde kohët e fundit.

“Unë e kam konsideruar si një dorëzim të kontrolluar. Sipas meje, në ato 10 orë, grupet e interest, krimi I organizuar ka pasur kohë për të bërë shumëçka në forma të sofistikuara, për tia bërë qartë që të heshtë”, tha Lala për News24.

Klodiana Lala: Daniel Shima konsiderohej si truri kryesor i AKSHI. Kontaktin e fundit Shima e ka pasur me partneren. Ai ka qenë në Borsh, gjatë kohës së kthimit kishte blere vezë. Dje ka shkuar tek shtëpia e gjyshes. Partneres i ka dërguar vetëm një mesazh që po më arrestojnë. Nga ky moment është dhënë alerti. Por, kamerat e sigurisë e tregojnë edhe në Tiranë, deri tek Tuneli i Elbasanit. Ai ka thënë se ka pasur konflikt me partneren. Unë nuk e shikoj kështu, por besoj se çështja ka nevojë për hetim të thelluar. Policia duhet të sqarojë se Shima, pasi iku nga Tirana, kë takoi në Borsh dhe Shijak, pse e dërgoi atë mesazh se do më arrestojnë.

Daniel Shima di shumë. Nëse ai flet, shumë hetime mund të zhvillohen. Nuk besoj se ka qenë ikje me dëshirë. Duhet ditur nëse ai është kërcënuar dhe për të heshtur, a ka nevojë ai për mbrojtje dhe mos ka nevojë të flasë për atë që ka ndodhur në AKSHI. Kohët e fundit kishte kërkuar para me fajde. Kësaj çështje duhet t’i shkojë deri në fund policia. Ndoshta ka njerëz që janë të interesuar që ai të heshtë.

The post Zhdukja ish-zv.drejtorit të AKSHI-t Daniel Shima, Klodiana Lala zbulon detaje… appeared first on Albeu.com.

“Më datë 20.08.2025, rreth orës 17:00, në Komisariatin e Policisë Nr. 1 është paraqitur shtetasja M. Sh., e cila ka kallëzuar se ditën e sotme ka humbur kontaktet me djalin e saj, shtetasin D. Sh., 34-vjeç.

Shërbimet e Policisë po punojnë për sqarimin e rrethanave të rastit dhe për gjetjen e tij”, thuhej dje në njoftimin e Policisë.

Në fakt, kanë qenë nëna dhe gruaja e Daniel Shimës, që kishin shkuar në polici, fillimisht për t`u interesuar për arrestimin që pretendohej në mesazh dhe pasi kanë marrë vesh se ai nuk ndodhej në arrest, kanë bërë denoncim për zhdukjen e tij për shkak se ai nuk po përgjigjej e nuk po komunikonte as me mesazhe dhe as në telefon.

Denoncimi u bë nga e nëna e Danielit rreth orës 17:00. Duket se ajo kishte shkuar bashkë me të shoqen e Daniel Shimës për të kërkuar të birin që “e kishin arrestuar”, por ky informacion rezultoi i rremë.

Lajmi për zhdukjen e Daniel Shimës, ish-zv.drejtor i AKSHI-t qarkulloi kudo për 12 orë ndërsa një ditë më pas, policia njoftoi se ai ka shkuar vetë në komisariat dhe ka sqaruar se kishte ikur me dëshirë.

Njoftimi i Policisë:

Drejtoria Vendore e Policisë Tiranë -Në vijim të informacionit të dhënë ditën e djeshme, për kallëzimin e shtetases M. Sh, për humbjen e kontakteve me djalin e tij, shtetasin D. Sh., 34-vjeç, bëjmë me dije se rreth ores 02:00, ky shtetas është paraqitur në Komisariatin e Policise Nr. 1 dhe ka deklaruar se ishte larguar me dëshirën e tij.

E gjitha kjo ka ndodhur me Daniel Shimën, ish-zv.drejtues nga AKSHI i cili u shkarkua nga detyra në mars 2024.

Konkretisht, ai u largua nga detyra në 19 mars 2024, ne ditën që Mirlinda Karçanaj u mor në pyetje nga SPAK, lidhur me tenderat shume miliones te AKSHI-t.

Ajo që mbetet për t`u parë, pavarësisht tentativës së policisë për ta paraqitur ngjarjen si një episod të rëndomtë hatërmbetjesh në familje, është se cfare po luhet me teatrin e “zhdukjes” së Daniel Shimës.

Ka raste kur pas humbjes së kontakteve me një familjar, qytetarët hezitojnë të denoncojnë në polici për shumë aresye, por dërgimi i një mesazhi tek të afërmit se po më arrestojnë, duket se indirekt ka pasur si synim qe ata te shkonin ne polici.

Dërguesi ka qenë i vetëdijshëm që te afërmit nuk do ta gjenin në polici, pasi nuk po arrestohej sic thuhej në mesazh, e për rjedhojë, duke u gjendur aty, do të detyrohen të bëjnë denoncim për largimin e tij.

Sido që të jetë e vërteta, pa kaluar shumë orë, në 02.00 të natës, Daniel Shima paraqitet vetë në polici dhe kthen përmbys gjithcka duke thënë se ishte laguar me dëshirë pas një mosmarrëveshje me partneren.

Cfarë mesazhi ka dashur të japë me këtë histori, dhe cfarë ka ndodhur në orët e zhdukjes së inskenuar, mbetet për t`u pareë nga hetimi.

The post Drejtoresha e AKSHI-t e shkarkoi ditën që u thirr në SPAK, cfarë “teatri” po luhet me “zhdukjen e Daniel Shimës”? appeared first on Albeu.com.

Ditën e djeshme, ai u denoncua i zhdukur nga familja, e cila kishte humbur kontaktet me të.

Gazetarja Klodiana Lala, ka siguruar deklaratën e tij pas kthimit, ku pretendon se ka qenë në jug të vendit pas një konflikti që  kishte pasur me të dashurën e tij.

Megjithatë, Shima nuk jep shpjegimin për mesazhin që nisi në drejtim të familjarëve, ku para se të mos “bëhej më i gjallë, shkroi “Po më arrestojnë“.

Ky mesazh ngriti shqetësime në lidhje me fatin e tij.

Kujtojmë se më herët, Shima është thirrur për t’u pyetur në SPAK lidhur me tenderat e zhvilluar nga AKSHI.

Tiranë/Informacion

“Më datë 20.08.2025, rreth orës 17:00, në Komisariatin e Policisë Nr. 1 është paraqitur shtetasja M. Sh., e cila ka kallëzuar se ditën e sotme ka humbur kontaktet me djalin e saj, shtetasin D. Sh., 34-vjeç.

Shërbimet e Policisë po punojnë për sqarimin e rrethanave të rastit dhe për gjetjen e tij”.

The post U zhduk pa lënë gjurmë, ish-zv.drejtori i AKSHI-t kthehet pranë familjes: Isha në… appeared first on Albeu.com.

Por ajo që vlen të kujtojmë është se një vit më parë, ish-kryeministri Arben Ahmetaj, në një intervistë nga arratia, foli për një përgjim ambiental të kapur nga SPAK për një tender me vlerë 43 milionë euro përmes AKSHI-t.

Asokohe, Arben Ahmetaj deklaroi se Daniel Shima është kërcënuar nga Kryeministri Edi Rama që të mbyllë gojën dhe të mos flasë për asgjë.

“AKSHI është tmerr. Danieli është kërcënuar. Tani ata që e kuptojnë e dinë shumë mirë që të mbylli gojën. Danieli është kërcënuar nga vetë kryeministri që të mbyllë gojën. Le të dalë e të bëjë batuta, jo tha…”-deklaronte asokohe Arben Ahmetaj.

Daniel Shima ka mbajtur më herët postin e Zëvendësdrejtorit të AKSHI-t deri pak kohë më parë, por në momentin që drejtuesja e institucionit, Mirlinda Karçanaj u thirr në SPAK, ai u shkarkua.

Më 19 Mars 2024 Mirlinda Karçanaj u mor në pyetje në ambientet e SPAK, ndërsa menjëherë pas daljes nga Prokuroria e Posaçme, Daniel Shima u shkarkua.

Të vetmet të dhëna deri tani të konfirmuara janë se Daniel Shima nuk ka dalë nga territori i Republikës së Shqipërisë, duke iu referuar të dhënave të sistemit TIMS. Blutë e Tiranës ditën e sotme kanë raportuar vetëm që ishte nëna e Shimës që bëri denoncimin për humbjen e kontakteve me të birin.

The post Zhdukja pa gjurmë e Daniel Shimës, çfarë deklaronte Arben Ahmetaj: Është kërcënuar për 43 milionë euro appeared first on Albeu.com.

Në Komisariatin nr.1 të Tiranës rreth orës 17:00 të pasdites sot, është paraqitur mamaja e Shimës, e cila ka kallëzuar se ka humbur kontaktet me djalin e saj. Familjarët e Daniel Shimës kanë raportuar së në kontaktin e fundit me të, ai shprehimisht u ka thënë: Po më arrestojnë.

Sakaq, burime nga Policia e Shtetit bëjnë me dije se nga kontrolli në sistemit TIMS, Daniel Shima nuk rezulton të jetë larguar nga Shqipëria.

Njoftimi i Policisë Tiranë:

Më datë 20.08.2025, rreth orës 17:00, në Komisariatin e Policisë Nr. 1 është paraqitur shtetasja M. Sh., e cila ka kallëzuar se ditën e sotme ka humbur kontaktet me djalin e saj, shtetasin D. Sh., 34 vjeç.

Shërbimet e Policisë po punojnë për sqarimin e rrethanave të rastit dhe për gjetjen e tij.

The post Zhdukja e ish-zv/drejtorit të AKSHI-t, të dhënat nga sistemi TIMS: Daniel Shima s’është larguar nga Shqipëria appeared first on Albeu.com.

Familjarët pretendojnë se në telefonatën e fundit që kishin me të afërmin e tyre, Daniel Shima ka thënë: Po më arrestojnë.

Kujtojmë se Daniel Shima është marrë në pyetje më herët nga SPAK në lidhje me tenderat e zhvilluar nga AKSHI gjatë periudhës së drejtimit të tij.

Ndërkohë Policia e Tiranës ka nisur verifikimet për rastin në fjalë ndërsa janë sekuestruar edhe kamerat e sigurisë në zonën ku mendohet se Daniel Shima është parë për herë të fundit.

The post Zhduket në mes të Tiranës Daniel Shima, ish-zv/drejtori i AKSHI-t! Telefonata e fundit: Po më arrestojnë! appeared first on Albeu.com.