Serwer shkruan se serbët në jug të lumit Ibër duket se kanë bërë paqe, të paktën tash për tash, me institucionet e dominuara nga shqiptarët.

“Në Kosovë, popullsia serbe është pakica më e madhe, përbën më së shumti 6% të popullsisë. Kushtetuta e Kosovës i siguron pakicës serbe mbrojtje të gjerë dhe marrëveshje për ndarjen e pushtetit. Por shumica e serbëve të Kosovës mbeten të ndarë nga shumica e shqiptarëve. Gjuhët e tyre (ndryshe nga gjuhët dominuese në Bosnjë dhe Mal të Zi) janë të papajtueshme. Serbët në jug të lumit Ibër jetojnë kryesisht në enklava me shumicë serbe. Por ata duket se kanë bërë paqe, të paktën tani për tani, me institucionet e dominuara nga shqiptarët në Prishtinë. Ashtu si komunat me shumicë shqiptare, ato me shumicë serbe kanë kompetenca të gjera mbi qeverisjen lokale”, ka shkruar ai.

Sipas tij, serbët në katër komunat veriore janë më pak të integruara sesa serbët në jug të Ibrit, derisa shton se Beogradi është siguruar që serbët të refuzojnë ta pranojnë autoritetin e Kosovës.

“Serbia dëshiron që komunat me shumicë serbe të formojnë një Asociacion. Kjo do t’u mundësonte atyre të qeverisin bashkërisht dhe veçmas nga Prishtina, si në ‘Republika Serpska’. Në mjedisin e duhur gjeopolitik, Asociacioni mund të veprojë edhe si mjet për ndarjen e katër komunave veriore nga një shtet që Beogradi ende nuk e njeh. Do ishte një asociacion i ngjashëm i autoriteteve provinciale që çoi në formimin e RS-së përpara përpjekjes për shkëputjen e saj në 1992 nga Bosnja”, shkruan ai.

Sipas tij, në kundërshtim të kësaj kërkohet një manovër e vështirë nga Prishtina.

“Ajo duhet t’i bindë serbët e veriut se ata do të jenë më mirë si qytetarë të Kosovës (edhe nëse e mbajnë edhe shtetësinë serbe). Disa po lëvizin në atë drejtim, siç sugjerohet nga gatishmëria e tyre e shtuar për të marrë targa, letërnjoftime, dhe pasaporta të Kosovës. Por shumë nga serbët në veri kanë qenë ndër kundërshtarët më luftarak dhe ndonjëherë të dhunshëm të Prishtinës. Beogradi ia ka dalë që ta bëjë kontaktin me serbët e veriut shumë më të vështirë sesa komunikimin me serbët në komunat që nuk janë ngjitur me Serbinë”, thekson ai.

Sipas tij, kryeministri Kurti ka një qellim që flet më shumë në gjuhën serbe të rrjedhshme.

“Të gjitha autoritetet e Prishtinës duhet të jenë më të kujdesshme se sa kanë qenë në të kaluarën për të shfaqur flamurin etnikisht neutral të vendit, në vend të flamurit etnik shqiptar (gjithashtu flamurin e Shqipërisë) që shumë prej tyre preferojnë. Zbatimi i shumë marrëveshjeve për ndarjen e pushtetit në kushtetutë nuk është i lehtë, por ende i nevojshëm. Kështu është edhe mbështetja financiare për komunitetet serbe dhe zbatimi i vendimit të Gjykatës Kushtetuese për manastirin e Deçanit, të cilin Prishtina e ka refuzuar deri më tani”, shkruan ndër të tjera ai.

The post Serwer: Autoritetet e Prishtinës duhet të jenë më të kujdesshme me serbët appeared first on Albeu.com.

Serwer ka thënë se ky është nga ato momentet kur ajo që nuk thuhet është më e rëndësishme se ajo që thuhet, duke kritikuar amerikanët dhe evropianët që s’po i publikojnë përfundimet e hetimeve për Banjskën.

“Ky është një nga ato momente në Ballkan kur ajo që nuk thuhet është më e rëndësishme se ajo që thuhet. Amerikanët dhe evropianët deri më tani nuk kanë arritur të publikojnë rezultatet e hetimeve të tyre të paralajmëruara për kryengritjen e dështuar serbe të 24 shtatorit në veri të Kosovës. Me atë rast, Serbia dërgoi një grup të armatosur mirë në pritë ndaj policisë së Kosovës, duke vrarë një oficer. Serbët gjithashtu u përpoqën të tërheqin policinë në një përleshje zjarri në një kompleks manastiri. Autorët synonin që ky incident të jepte një justifikim për ndërhyrjen ushtarake serbe. Me sa duket qëllimi ishte kapja e katër komunave me shumicë serbe në veri të Kosovës”, ka shkruar Serwer, transmeton Express.

Serwer tutje ka thënë se s’ka kurrfarë dyshimi për atë që ka ndodhur dhe pse ka ndodhur, dhe shton se pyetja e vetme është se kush e autorizoi një sulm të tillë terrorist. Nëse ishte Aleksander Vuçiq apo jo.

Serwer ka thënë se s’ka ndonjë provë lidhur me këtë, por potencon se dihet që Vuçiq i merr të gjitha vendimet e rëndësishme në Beograd.

“Nuk ka me të vërtetë asnjë dyshim për atë që ndodhi dhe pse. Pyetja e vetme e vërtetë është se kush e autorizoi këtë komplot terrorist. Ishte ose presidenti serb Vuçiq ose jo. Nuk kam asnjë provë për këtë çështje. Por ne e dimë se Vuçiq zakonisht i merr të gjitha vendimet vërtet të rëndësishme në Beograd. Nëse ai nuk e bën këtë, ky është vetëm një reflektim pak më i mirë për sundimin e tij sesa nëse do ta bënte”, ka shtuar tutje profesori amerikan.

Tutje Serwer ka thënë se nga komploti i dështuar në Banjskë, Vuçiq iu është bashkuar forcave antidemokratike në rajon, duke takuar Dodikun, Orbanin, Lukashenkon, Aliyevin e Azerbejxhanit, dhe autokratët Putin e Xi.

Tutje profesori amerikan ka elaboruar për arsyet se pse po heshtet për këto veprime të presidentit të Serbisë, Aleksander Vucic. Këtu ka përmendur zgjedhjet që pritet të mbahen në Serbi, unitetin që kërkohet në BE për të marrë qëndrim ndaj një çështje dhe përpjekjen e Washingtonit për ta drejtuar Serbinë kah Perëndimi.

Megjithatë ai thotë se mbrojtja funksion vetëm nëse luhet loja. Profesori amerikan ka thënë se mbase një “shpatull e ftohtë” do ta bënte Vuçiqin që të punonte më shumë për të kënaqur Perëndimin.

“Por nëse Perëndimi refuzon të luajë lojën, mbrojtja dështon dhe Serbia bie në krahët e Putinit dhe Xi. Kjo nuk është një humbje e madhe për Perëndimin, i cili nuk ka fituar shumë për të gjitha të mirat që i ka rënë Beogradit. Megjithatë, le të supozojmë se Vuçiç është sinqerisht i përkushtuar ndaj mbrojtjes. Një shpatull e ftohtë më pas do ta bënte atë të bënte pak më shumë për të kënaqur Perëndimin. A nuk do të ishte mirë?”, ka thënë Serwer./GazetaExpress/

The post Serwer për mos publikimin e hetimeve për Banjskën: Ky është momenti kur më shumë rëndësi ka ajo që s’thuhet appeared first on Albeu.com.

Kurti ka mundur të lëvizë nga një pozicion refuzues me prezantimin e kushteve, por tashmë topi bartet në negociata të ashpra meqë kushtet e tilla janë krejtësisht të kundërta me pozicionin e Serbisë, e cila nuk kërkon një Asociacion që i ngjan një OJQ-je.

Këtë veprim të Kurtit, profesori amerikan i John Hopkins, Daniel Serwer, në një bisedë me Gazetën Express e sheh si të dobishëm për pozitën e tij sepse më mirë të paraqesësh diçka sesa të refuzojë.

“Mendoj se është e dobishme që kryeministri të ketë deklaruar qartë se cilat janë kushtet e tij. Kjo është shumë më mirë sesa thjesht të refuzosh Asociacionin”.

Emisari amerikan, Gabriel Escobar, edhe në një intervistë të fundit e përsëriti se marrëveshja për Asociacionit s’është mes Kurtit e Serbisë, por mes Kosovës dhe Serbisë dhe si e tillë do të zbatohet. Kjo deklaratë e tij erdhi pas një takimit në ambasadën amerikane ku u diskutua për Asociacionin, por pa kryeministrin Kurti. Ky i fundit reagoi dy ditë më pas reagoi.

“Kjo është një përgjigje pozitive, por disa nga kushtet do të paraqesin qartë pengesa për një marrëveshje. Negociatat duhet të fokusohen në to”, thotë Serwer.

Ndër gjashtë kushtet e Qeverisë Kurti për Asociacionin si më e vështira që u pa në opinion ishte hyrja në fuqi e Asociacioni pas njohjes reciproke. Për këtë pikë partitë opozitare sugjeruan se ai po mashtron opinionin dhe se me këtë i referohet planit franko-gjerman që nuk e përmban njohjen reciproke.

Profesori amerikan thotë se këtë pikë Kurti duhet ta sqarojë më tej.

“Fatkeqësisht, ne nuk kemi një version zyrtar të planit, kështu që është e vështirë të komentohet. Por, unë pajtohem me kryeministrin se Asociacioni do të duket ndryshe nga Prishtina në kontekstin e njohjes”.

Por, sa janë gjasat që Serbia ta pranojë një Asociacion ku ajo s’mund të ushtrojë pushtetin e saj?

“Është e qartë se ky nuk është lloji i Asociacionit që Beogradi ka në mendje. Pra, duhet të pyesni presidentin Vuçiq”.

Gjithashtu, Serwer thotë se ende nuk sheh ndonjë arsye për ndryshime në Kushtetutën e Kosovës, e cila mund të akomodojë një Asociacion që është në përputhje me vendimin e Gjykatës Kushtetuese.

“Sigurisht që nuk duhet të ketë ndryshime në kushtetutën e Kosovës pa ndryshime në kushtetutën e Serbisë”, thotë ai.

Të enjten e kësaj jave në Kuvendin e Kosovës, por edhe në atë të Serbisë, pati përplasje rreth marrëveshjes Kosovë-Serbi, që së fundi me ngulm po e kërkon bashkësia ndërkombëtare nën hijen e agresionit rus në Ukrainë.

Opozita në Kosovë e akuzoi Kurtin se e ka pranuar krijimin e Asociacionit pasi ai prezantoi gjashtë kushtet e hartuara. Kurti ngulmoi se një lloj i tillë i Asociacionit nuk është “Zajednica”, të cilën ai e ka kundërshtuar fuqishëm si opozitar, por nga opozita pat të tillë që atij ia bënë edhe ‘përhajr’ atë.

Ndërkaq, në Serbi, djathtistët në një moment u sulën ndaj presidentit serb Aleksandar Vuçiç, i cili, së paku në publik, ka ndërruar qëndrim ndaj Kosovës. Ata e akuzuan për “tradhti” meqë, sipas tyre, Vuçiç po e shet Kosovën./express

The post Serwer: E dobishme që Kurti doli me kushte për Asociacionin. Disa janë pengesa, negociatat të fokusohen aty appeared first on Albeu.com.