Në seancën e sotme të BNJVL-së, me kërkesë të kryetarëve të komunave nga radhët e VMRO-DPMNE-së, është propozuar që Arsovska të shkarkohet nga detyra dhe kryetar i ri të jetë kryetari i komunës së Kisella Vodës, Orce Georgievski.

I menjëhershëm ishte edhe reagimi nga Qyteti i Shkupit, nga ku theksojnë se VMRO dhe LSDM janë në koalicion kundër Arsovskës.

Koalicioni mes LSDM-së dhe VMRO-DPMNE-së edhe një herë është treguar në vepër gjatë votimit të sotëm në Bashkësinë e Njësive të Vetëqeverisjes Lokale (BNJVL) të Republikës së Maqedonisë, thonë nga Qyteti i Shkupit.
“Me votat e përbashkëta të kryetarëve të komunave të LSDM-së dhe VMRO-DPMNE-së, përfaqësues në BNJVL, kryetarja e qytetit të Shkupit, Danela Arsovska, u shkarkua nga pozita e kryetares së BNJVL-së. Ky është vetëm shembulli i fundit i bashkëpunimit mes dy partive në dëm të qytetarëve për interesa të tyre personale dhe të ngushta partiake”, theksojnë nga Qyteti i Shkupit./alsat

The post Shkarohet nga detyra kryetarja e Qytetit të Shkupit appeared first on Albeu.com.

“Që në ditët e para ishim transparent lidhur me shumat që janë paguar. Unë dje pash njerëz që në televizion thanë se nga 3-4 muaj nuk u është paguar, ndërsa qytetarët e dinë se Ndërmarrja Qarkulluese Publike ka marrëveshje vetëm me një person juridik dhe atij personi juridik i paguhet vazhdimisht. Të mos i tregoj tani, ja ku janë, pagesat që i janë bërë çdo ditë këtij personi juridik, ky person juridik, kur edhe si i ka paguar këta persona të cilëve u ka borxh, ne këtë nuk e dimë. 31:03 Asnjë nga ata që duan të fitojnë me nder bukën, nuk do të lejojmë që të ngelën në rrugë”, tha Danela Arsovska në 360 shkallë.

Akuzave të VMRO-së se Arsovska po e përgatitë terrenin që tenderin për transportuesit privat të ja jep një firme private dhe se pikërisht për këtë shpallja po zgjatë 5 javë, Arsovska iu përgjigj.

“Sepse duam të lejojmë që të gjithë ata që duan të aplikojnë, gjegjësisht persona fizik dhe juridik nga Maqedonia, të mund të mbledhin dokumentet e nevojshme dhe të përgatiten për të hyrë. E dini si, tani nuk dua të them para kohe që kjo tezë që plasohet është vërtet joserioze, por kjo do të vërtetohet. Në 30 ditë prej tani, të gjithë do ta dinë se kush gënjen”, shtoi ajo.

Kryetari i VMRO DPMNE-së, Hristijan Mickovski tha se në takimet që sipas tij realizohen fshehurazi mes Arsovskës dhe kryeministrit Dimitar Kovaçevski, duhet të flitet për zgjidhjen e problemit dhe jo për pazaret në lidhje me provizionet e tenderit.

“Për këtë takimin e radhës, sido që të jetë, i fshehur apo publik, të merren vesh, ka mënyra se si mund të arrihet marrëveshje. Fillimisht, ose qeveria të sigurojë para përmes transferit ose huas deri te Qyteti i Shkupit dhe ata t’i paguajnë detyrimet kundrejt transportuesve privat ose e dyta, në vend që paratë të përfundojnë në duart e njerëzve të afërm me LSDM-në, familjarë të Arsovskës ose bizneseve të ndryshme, të përfundojnë te NQP dhe ata t’i paguajnë detyrimet kundrejt transportuesve privat”, deklaroi Hristijan Mickovski, kryetar i VMRO DPMNE-së.

Ndryshe, bulevardi Ilinden vijon të jetë i bllokuar nga transportuesit privat në të gjitha katër korsitë ndërsa dje ata i tërhoqën autobusët nga udhëkryqet Mavrovasja dhe Kryqi i Kuq. Kjo situatë u krijua pasi Qyteti i Shkupit shfuqizoi marrëveshjen me Makekspres e cila kishte vlefshmëri deri në fund të vitit 2023 për disa linja të autobusëve dhe disa ditë më vonë, edhe kompania Slloboda Prevoz hyri në grevë për shkak që sipas tyre, NQP u ka borxh prej 1 milion eurove./Alsat.mk

The post Kryetarja e Shkupit: Nuk ndjehem përgjegjëse për kaosin e shkaktuar në kryeqytet nga transportuesit privatë appeared first on Albeu.com.

Kryetarja e qytetit të Shkupit, Danela Arsovska, ka udhëhequr mbledhjen urgjente në terren të Shtabit për Mbrojtje dhe Shpëtim pas përmbytjeve.

Ajo bën të ditur se aktualisht ekipet po ndërhyjnë në më shumë se 30 lokacione ku ka pasur dhe përmbytje më të mëdha pas stuhisë.

“Të gjitha ekipet janë mobilizuar dhe janë në terren, përfshirë edhe zjarrfikëset e qytetit të Shkupit, të cilët me një ndërhyrje të suksesshme arriti të shpëtojë mbi 20 persona. Ekipet e ndërmarrjeve publike po pastrojnë në terren dhe do të qëndrojnë deri sa dëmet të jenë sanuar plotësisht dhe gjendja të normalizohet”, theksoi Arsovska./albeu.com/

The post Përmbytjet në Shkup, Arsovska: Të gjitha ekipet janë në terren, po ndërhyet në më shumë se 30 lokacione appeared first on Albeu.com.