Kjo për faktin, se sa herë mundet dhe detyra ia lejon, deputeti i Partisë Socialiste shfaqet sportiv.

E nëse në Parlament i duhet të jetë me kostum, madje dhe me kollare, në të përditshmen e tij gjithnjë ish-ministri preferon sportiven. Të shpeshta kanë qenë rastet, kur paparaci ynë ka mundur ta sjellë krejt ndryshe Gjiknurin.

Me tuta sportive dhe tërësisht komod në përzgjedhjen e tij, deputeti duket se shfaqet i relaksuar në veshjet që zgjedhë kur nuk i duhet të jetë pjesë e botës politike.

Paparaci ynë ka mundur ta fotografojë pranë Kryesisë së Kuvendit, teksa Damiani zgjidhte një biçikletë për të lëvizur. I veshur sportive, ai ishte tërësisht në kontrast me kolegët e tij që i ndalonin pranë këmbëve.

The post Damian Gjiknuri shfaqet dhe me biçikletë te Kryesia e Kuvendit (FOTOT) appeared first on Albeu.com.

Sipas regjistrimeve që disponon drejtësia të cilat kanë rrjedhur në media ka një episod ku Agasi flet për pengesat që kishte krijuar Damian Gjiknuri në lidhje me një emërim në një post të një personi tjetër.

Nga përmbajtja e bisedave të sekuestruara, SPAK identifikon se personi i quajtur “Labi” është Elgerti Bixha. Sipas dosjes, Agasi synonte ta emëronte Bixhën administrator në një shoqëri private, e cila kishte fituar një koncesion me ministrinë e drejtuar në atë kohë nga Gjiknuri.

Hetimi thekson se Gjiknuri konsiderohej si “pengesë” për realizimin e këtyre përfitimeve, çka çon në diskutime për mënyra të tjera presioni për ta “hequr” këtë pengesë.

Në një mesazh të datës 06.03.2019, ora 21:54:43, Ergys Agasi shprehet tekstualisht:

“Do ja *i robt do fusim cunat pastaj.”

Gjatë emisionit, Blendi Fevziu mori një mesazh në telefon me informacionin se Ergys Agasi ka planifikuar edhe dhunimin e një ministri tjetër, por që nuk është realizuar për shkak se ishte i shoqëruar nga eskorta.

The post Hetimet për Ergys Agasin, plan për dhunimin e Gjiknurit dhe një ministri tjetër appeared first on Albeu.com.

Gjiknuri: “Nuk kam informacion për mediet. Është sekret hetimor”.

Deputeti socialist Damian Gjiknuri, është paraqitur mëngjesin e kësaj të premteje në ambientet e Prokurorisë së Posaçme.

Teksa nuk dihet ende se për çfarë dosje hetimore është kërkuar paraqitja e tij, mësohet se Gjiknuri është shfaqur pa praninë e avokatit në SPAK.

The post Damian Gjiknuri del nga SPAK: S’kam informacion për mediat appeared first on Albeu.com.

Damian Gjiknuri, ishte edhe të premten e kaluar në Prokurorinë e Posaçme, SPAK.

Për gati një orë ai iu përgjigj interesit të prokurorëve në lidhje me një kallëzim të bërë prej tij në vitin 2017, kur mbante pozicionin e Ministrit të Infrastrukturës dhe Energjisë.

Kallëzimi i ish-ministrit Gjiknuri për abuzime në projektin e rrugës Tiranë-Elbasan erdhi pas shkeljeve të konstatuara nga një raport auditi i ministrisë që drejtonte. Për abuzime me tenderimin e ndërtimit të këtij aksi rrugor në vitin 2018 ish-Prokuroria për Krimet e Rënda vendosi para përgjegjësisë penale ish-drejtuesin e ARRSH, Dashamir Xhika dhe dy vartësit e tij, Albens Alite dhe Aksel Duka.

Më tej dosja u dërgua për kompetencë në Prokurorinë e Tiranës, ndërsa në vitin 2021 Gjykata e Tiranës pushoi akuzat ndaj tyre.

Në të njëjtin vendim, gjykata konstatonte se në procedurën tenderuese kishte shkelje dhe i kërkonte Prokurorisë së Posaçme të gjente personat përgjegjës.

The post Damian Gjiknuri paraqitet në SPAK appeared first on Albeu.com.

“Kam pasur një debat para pak ditësh me një prej përfaqësuesve të sektorit të prodhimit. Ne e dimë shumë mirë që në sektorin e prodhimit dhe të eksporteve ka pasur një stres jo të vogël për shkak të forcimit të lekut dhe rënies së euros në raport me lekun, por kjo… dhe kemi pasur një konsultë të gjerë me disa ndër ekspertët më të mirë ndërkombëtarë. Mos harroni që këshilltari im për ekonominë është këshilltari i kancelares Merkel. Është një histori suksesi, është një histori suksesi. Një lek i fortë në këtë moment dhe në këtë kohë kur një lek i dobët do të na kishte sjellë një dhimbje koke katastrofike është një histori suksesi. Por nga ana tjetër duhet kuptuar që është dhe një kambanë e fortë alarmi për sektorin fason. Duhet shkuar drejt ciklit të mbyllur. Ky stres jam i bindur që do nxisë një pjesë prej tyre të vrapojnë drejt ciklit të mbyllur siç kanë bërë disa të tjerë”, tha Rama.

Shefi i qeverisë ka komentuar dhe shkakrimin e Damian Gjiknurit nga posti i Sekretarit të Përgjithshëm të PS.

Rama i cilësoi spekulime aludimet se Gjiknuri ishte shkarkuar se i kishte dalë emri në dosjen e inceneratorëve.

“Po të nisemi me vendimmarrjet tona nga thashethemet apo nga përfshirjet paraprake të kujto do qoftë në një proces analize, qoftë edhe hetimore, atëherë se di se kush ngelet në këtë vend pa u bërë pis. Po ju them se raportin tonë me drejtësinë e kam bërë të qartë, dhe në Asamble, lëvizja e sekretariatit s’ka të bëjë aspak me atë që është spekuluar. Damiani e ka bërë punën mirë. Kam besuar dhe besoj gjithmonë se para të vënë në pozitë të tjerët, për të qenë mbi të tjerët, duhet ta bësh ti vetë. Ndaj është PS këtu prej 10 vitesh. Jam edukuar me idenë se çdo ditë duhet të kërceja më lartë. Kjo është arsyeja. Të gjitha të tjerat janë spekulime. Raporti me drejtësinë i kësaj qeverie është i qartë.”, tha Rama.

The post “Forcimi i lekut, histori suksesi”, Rama flet dhe për shkarkimin Gjiknurin: Ka bërë punë të mirë! appeared first on Albeu.com.

I pyetur nga gazetarët nëse ndihet i braktisur nga kryeministri, Edi Rama, Gjiknuri tha se nuk ndihet i keq ardhur për këtë dhe se pas çdo fundi vjen një fillim i ri.

Gjiknuri foli gjithashtu edhe për akuzat që i janë bërë në lidhje me inceneratorët. Ai tha se akuzat janë politike.

Gjiknuri: Nuk ndihem i keqardhur, as i braktisur nga Rama. Jam mësuar të lëviz në pozicione të ndryshme, dhe në të gjitha pozicionet që kam qenë kam arritur rezultate të mira. Posti nuk të jep forcë, posti të nxjerr dobësitë. Çdo gjë që duket e befasishme është fillim i diçkaje të re. Për akuzat unë nuk i jap rëndësi, aq më tepër ku gjërat janë publike. Janë akuza të mirëfillta politike. Berisha thotë pse Gjiknuri ka zbaruar ligjin.

A ka nisur SPAK hetim pasuror ndaj Damian Gjiknurit?

Gjiknuri tha se nuk ka dijeni por nuk ndihet i shqetësuar. Ai theksoi se pasuritë e tij janë kaluar në sitë 3 herë nga Inspektoriati i Lartë i Deklarimit të Pasurive.

“Pasuritë e mija janë publike. Nuk kam informacion. Nuk shqetësohem nuk kam asnjë lloj përftimi nga personat në fjalë (Klodian Zoto e Mirel Mërtiri)”

Sa i takon udhëtimeve të tij me dy biznesmenët, në kërkim për inceneratorët Gjiknuri tha se nuk ka përfituar asnjë udhëtim nga ata.

“Udhëtimet e mija kanë qenë zyrtare. Dy udhëtimet janë bërë me Arben Ahmetaj duke shkuar në SHBA për të lidhur një kontratë me ÇEZ” tha Gjiknuri.

/albeu.com/

The post Rama e shkarkoi nga posti sekretarit të PS-së, Gjiknuri: Nuk ndihem i braktisur, akuzat për inceneratorët, politikë appeared first on Albeu.com.

Në vend të tij kryeministri Edi Rama ka emëruar Blendi Klosin.

Ai nuk pranoi të komentonte për mediat, por tha shkurtimisht se më mirë do bëhej.

“Kemi kohë për komente! Më mirë do të bëhet!,” tha Gjiknuri dhe më pas u largua nga selia e Partisë Socialiste.

The post U shkarkua si Sekretar i Përgjithshëm i PS, Gjiknuri: Më mirë do të bëhet! appeared first on Albeu.com.

Damian Gjiknuri nuk do të jetë më Sekretar i Përgjithshëm i Partisë Socialiste. Në vend të tij kryeministri Edi Rama ka emëruar Blendi Klosin.

Kujtojmë se më herët, ish-ministri i Brendshëm Bledi Çuçi u zgjodh kreu i Grupit Parlamentar.

Këtë post e ka mbajtur ministri aktual i Brendshëm Taulant Balla./albeu.com

The post Damian Gjiknuri jo më Sekretar i Përgjithshëm i PS, kush e zëvendëson appeared first on Albeu.com.

Gjiknuri tha se  të gjitha udhëtimet për të cilat ai akuzohet nga opozita se ka kryer me pronarët e incenratorëve, janë udhëtime zyrtare dhe të regjistruara në dikasterin e Ministrisë së Infrastrukturës dhe Energjisë.

Ai insistoi se nuk ka kryer kurrë shkelje ligjore.

Kujtojme se Prokuroria shqiptare ka gjetur në kompjuterin e biznesmenit në arrati Klodian Zoto dy rezervime hotelesh në Vienë dhe Frankfurt për Damian Gjiknurin, ish-ministër i Energjisë dhe aktualisht Sekretar i Përgjithshëm i Partisë Socialiste në vitin 2014, ndërsa ky i fundit i tha BIRN se nuk ka fjetur në hotelet e paguara nga biznesmeni i incineratorëve dhe se është i hapur për t’iu përgjigjur prokurorisë, nëse thirret. I pyetur konkretisht nëse është takuar ndonjëherë me biznesmenët Zoto dhe Mirel Mërtiri, Gjiknuri refuzoi të përgjigjej duke përsëritur: “Do jap sqarime në prokurori, nëse thirrem.”

Dosja e Prokurosisë së Posaçme Kundër Korrupsionit dhe Krimit të Organizuas, SPAK, rrodhi pjesërisht në media gjatë ditëve të fundit, pavarësisht kërkesës së kreut të SPAK, Altin Dumani për të ruajtur sekretin hetimor përmes zhvillimit të debateve në Këshillin Parlamentar të Mandateve, Rregulloren dhe Imunitetet pas dyerve të mbyllura.

Në faqet 269-271 të dosjes që detajon gjetjet mbi hetimin e ish-zëvendëskryeministrit Arben Ahmetaj dhe lidhjeve të tij me biznesmenët e incineratorëve, prokurorët vërejnë se kanë gjetur dy pagesa të bëra nga Klodian Zoto për hotele në Frankfurt dhe në Vienë, me emër klienti Damian Gjiknuri. Prokurorët i paraqesin këto rezervime si prova për të treguar se të katërt mund të jenë takuar në Frankfurt.

Damian Gjiknuri: Qëndrimet i kam bërë publike në Komision Hetimor. Rast pas rasti gjithkush do përdorë emrin tim për të ngritur kauza politike. Udhëtimet e pretenduara, dy janë, ka dokumentacion përkatës, janë në dijeni, nuk kam pse bëj debat publik. Janë të deklaruara, nuk kam shkuar as për qejf e as s’kam bredh. Roli im si ministër nuk ka asnjë shkelje ligjore në asnjë procedurë. E kam shpjeguar rolin, nuk ka dalë dikush të citojë një shkelje ligji. Çdo ministër përgjigjet për atributin e zyrës që përfaqëson. Secili ministër e ushtron funksionin, këto janë ato që dua të them mos e bëni sikur po hetojmë pacientin zero. Bëhet fjalë për akte zyrtare dhe pasoja konkrete. Me Arben Ahmetajn kamë bërë udhëtime, si koleg, si ministër. I keni faturat atje, keni gjithçka atje. Aty janë dokumentat, kur të thirrem do të jap shpjegimet. Kam zbatuar ligjin, akuzat politike ka vite që ngrihen ndaj meje, i kam sqaruar. Është shumë vapë tani dhe ju duheni këtu.

/albeu.com/ 

The post Përfshirja në skandalin e inceneratorëve, Damian Gjiknuri: S’kam bredhur për qejf, udhëtimet e mia janë zyrtare appeared first on Albeu.com.

Dosja e Prokurosisë së Posaçme Kundër Korrupsionit dhe Krimit të Organizuas, SPAK, rrodhi pjesërisht në media gjatë ditëve të fundit, pavarësisht kërkesës së kreut të SPAK, Altin Dumani për të ruajtur sekretin hetimor përmes zhvillimit të debateve në Këshillin Parlamentar të Mandateve, Rregulloren dhe Imunitetet pas dyerve të mbyllura.

Në faqet 269-271 të dosjes që detajon gjetjet mbi hetimin e ish-zëvendëskryeministrit Arben Ahmetaj dhe lidhjeve të tij me biznesmenët e incineratorëve, prokurorët vërejnë se kanë gjetur dy pagesa të bëra nga Klodian Zoto për hotele në Frankfurt dhe në Vienë, me emër klienti Damian Gjiknuri. Prokurorët i paraqesin këto rezervime si prova për të treguar se të katërt mund të jenë takuar në Frankfurt.

“Ekziston dyshimi se shtetasit Arben Ahmetaj dhe Damian Gjiknuri janë takuar dhe kanë qëndruar bashkë më datë 08.02.2014 në Frankfurt me shtetasit Mirel Mërtiri dhe Klodian Zoto,” thuhet në dokumentin e prokurorisë.

Sipas fakteve të mbledhura nga hetimi, Zoto ka paguar për Gjiknurin Hotelin Mariot me vlerë 147 mijë lekë.

“…emaili i agjencisë xxx me titull ‘hoteli i mr Gjiknuri’” shkruhet në dokumentin e prokurorisë. “…Ky email më datë 08.02.2014 ora 07.45.51 i është përcjellë nga Damiani emailit të Klodian Zotos,” shkruan më tej prokuroria.

Gjiknuri ishte nisur në këtë rast për në Shtetet e Bashkuara në një udhëtim zyrtar.

Në rastin e dytë, një hotel në Vienë është paguar në emër të Gjiknurit nga Klodian Zoto. Në këtë udhëtim, Gjiknuri ishte me mision zyrtar, negociatat me kompaninë çeke të energjisë elektrike, CEZ për riblerjen nga shteti shqiptar të Operatorit të Sistemit të Shpërndarjes. Por prokuroria thotë se një projekt tjetër nga ana e Zotos dhe Mërtirit ka qenë objekt i bisedimeve – një kontratë koncesionare për instalimin e mbi 1 milionë matësave të energjisë elektrike. Prokuroria vëren se nga informacioni i marrë nga bankat e nivelit të dytë, Zoto bëri pagesa me vlerë mijëra dollarë në një hotel në Vienë me një opsion që sugjeron se ai ka qenë fizikisht atje dhe se karta nuk është përdorur online.

Sipas prokurorisë bëhej fjalë për një interes në të cilin ishte përfshirë kompania ITS sh.p.k dhe AE Distribution e shtetasit Gerian Kuka si dhe një kompani kineze, me qëllim të shitjes së matësave të energjisë elekrike. Gjiknuri në atë kohë ishte ministër i Energjisë dhe Shqipëria po përjetonte të ashtuquajturën reformë të rimëkëmbjes së sektorit të energjisë, e cila përfshiu burgosjen e mijëra shqiptarëve nën akuzën e vjedhjes së energjisë elektrike. Nga sa dihet publikisht, nuk ka të dhëna nëse një projekt i tillë u realizua ndonjëherë.

Pyetur nga BIRN, Gjiknuri mohoi akuzat duke thënë se ai vetë ka fjetur në hotel të paguar nga ministria dhe se për udhëtimin, i gjithë dokumentacioni, përfshirë faturat, janë dorëzuar në ministri. Ai madje shtoi se dokumentacionin nuk e ka vetëm ministria, por e disponon edhe ai vetë personalisht.

“Të gjitha udhëtimet e mia jashtë vendit kanë qenë në linjat e zakonshme të fluturimit, vizita zyrtare në detyrën e ministrit. Fakte këto që mund të vërtetohen lehtësisht duke konsultuar dokumentet zyrtare të ministrisë: urdhër-shërbimet, qëllimin e udhëtimit, nisjen dhe destinacionin,” tha Gjiknuri.

“Referuar rastit konkret dhe datës të cilën ju e citoni për një udhëtim në Vjenë, ju siguroj se prokuroria, ministria të cilën unë drejtoja por edhe unë personalisht disponojmë praktikën e urdhër-shërbimit, biletat e avionit dhe rezervimin e hotelit ku kam fjetur, të gjitha të paguara me fatura nga institucioni që unë drejtoja si titullar. Për informacion, hoteli ku unë kam fjetur nuk është ai të cilit ju i referoheni por një tjetër. Të dhënat konkrete, emri i hotelit dhe pagesat janë pjesë e dokumentacionit që disponohet nga ministria përkatëse,” shtoi ai.

Gjiknuri nuk iu përgjigj pyetjes nëse është takuar me Mirel Mërtirin dhe Klodian Zoton, duke thë se do jap sqarime në prokurori, nëse do të thirret për të dëshmuar.

Mërtiri dhe Zoto janë aktualisht në arrati pasi kërkohen nga drejtësia shqiptare për korruptimin e një numri zyrtarësh të lartë, përfshirë ish-ministrin Lefter Koka dhe ish-deputetin Alqi Bllako, ndërsa së fundmi, nën akuzë përfundoi edhe ish-zëvendëskryeministri Arben Ahmetaj./birn/

The post SPAK thotë që edhe Gjiknuri është i përfshirë në skandalin e inceneratorëve, reagimi: Kam fjetur në hotelet e paguara nga Ministria appeared first on Albeu.com.