Dalic Archives - Albeu.com

Kroacia, Dalic: Duam edhe më shumë, kam besim te lojtarët e mi

admin — Mon, 12 Dec 2022 16:16:44 +0000

Zlatko Dalic ka dalë në konferencën për shtyp përpara sfidës së nesërme të gjysmëfinales përballë Argjentinës. Dalic ka besim te Kroacia e tij, të cilëve nuk u ve kufij dhe se beson se mund të bëjnë mrekullinë.

“Të jesh në mesin e katër skuadrave më të mira në botë është një arritje e jashtëzakonshme, por ne duam më shumë. Arritja në një tjetër finale do të ishte momenti më i madh i të gjitha kohërave për kombëtaren tonë. Përpara kemi Argjentinën, një skuadër e frikshme e drejtuar nga Messi. Ne i kemi analizuar kundërshtarët dhe e dimë si luajnë, madje ata kanë më shumë presion se ne.

Unë jam optimist nga natyra, u besoj lojtarëve të mi, ata kanë karkater të madh dhe pa këtë nuk do të arrinin në gjysmëfinale. Është një ndeshje e shkëlqyer për të dyja vendet. Aksionet janë të larta, askush nuk e kursen veten. Pres një ndeshje solide, dinamike dhe të ndershme. Nuk do të përshtatemi me stilin e tyre të lojës, kundër Holandës pati shumë duele dhe situata të ashpra, absolutisht ne duam t’i shmangim dhe shpresojmë që arbitri të ketë kontroll të mirë të ndeshjes”, është shprehur tekniku i Kroacisë./ h.ll/albeu.com

The post Kroacia, Dalic: Duam edhe më shumë, kam besim te lojtarët e mi appeared first on Albeu.com.

Kroacia, Dalic: Ishim pak me fat, Gvardiol është mbrojtësi më i mirë në botë

admin — Thu, 01 Dec 2022 19:03:20 +0000

Pas raundit të radhës, trajneri i Kroacisë Zlatko Dalic foli në konferencën për shtyp: “I përgëzoj lojtarët tanë për kalimin në grup, dje thashë se prisja një betejë kundër një ekipi të madh, sepse Belgjika nuk mund të luajë keq tre herë.

Ne ishim shumë mirë, sidomos për një orë dhe në pjesën e parë, ne kishim kontrollin e lojës, kishim një penallti të pastër, por përsëri VAR ishte kundër nesh, por nuk na ndikoi. ishim pak me fat.”

Për kundërshtarin e radhës.

“Nuk dua të komentoj për kundërshtarin e radhës, ndoshta do të jetë Spanja, por do të shohim. Ata janë një kombëtare e madhe, një përzgjedhje e madhe me shumë lojtarë të rinj.

Kemi pasur precedentë të vështirë kundër tyre. Nëse Spanja mbërrin, do të përgatitemi mirë, tani duhet të pushojmë. Sot kemi parë një skuadër ndryshe, të kombinuar me përvojë dhe rini.

Gvardiol? Nga sa kam parë, për mua ai është mbrojtësi më i mirë në botë, i kompletuar, në moshën 20-vjeçare, duke luajtur me shumë përvojë dhe kjo është gjithashtu diçka fantastike”./ h.ll/albeu.com

The post Kroacia, Dalic: Ishim pak me fat, Gvardiol është mbrojtësi më i mirë në botë appeared first on Albeu.com.

E kualifikoi në Katar 2022, Daliç edhe për 3 vite në stolin e Kroacisë

E S — Wed, 08 Dec 2021 12:41:23 +0000

Kroacia dhe Zlatko Dalic do të vazhdojnë bashkëpunimin mes tyre edhe për 3 vite të tjera. Sot ka ardhur edhe zyrtarizimi i kësaj marrëveshjeje me Federatën Kroate të Futbollit që i ka besuar sërish pankinën njeriut që e kualifikoi atë për në “Katar 2022”.

Tekniku 55-vjeçar ka marrë në dorë kombëtaren ballkanase në tetorin e vitit 2017, ku arritja më e madhe e tij ishte mbërritja deri në finale të Botërorit “Rusi 2018” ku u mundën në finale nga Franca.

Gjithashtu Dalic ka kualifikuar kroatët në Botërorin e vitit të ardhshëm “KATAR 2022”.

The post E kualifikoi në Katar 2022, Daliç edhe për 3 vite në stolin e Kroacisë appeared first on Albeu.com.