Futbollistët kuqezi folën për objektivat e këtij takimi, ndërsa komentuan gjithashtu fitoren 0-1 në miqësoren e fundit ndaj Gjibraltarit.

Juljan Shehu, theksoi se ndeshja e radhës ndaj Letonisë, është shumë e rëndësishme dhe objektivi kryesor është të marrim tre pikët.

“Objektivi për ndeshjen me Gjibraltar ishte që të provoheshin lojtarët e rinj, disa mënyra loje. Besoj se zhvilluam një ndeshje të mirë. Lojtarëve që iu dha mundësia të luanin, besoj se luajtën mirë dhe treguan vlerat e tyre si futbollistë të ekipit kombëtar. Ishte ndeshje pozitive”, tha Shehu.

“Ndeshja e ardhshme është më e rëndësishmja. Gjendja në skuadër është shumë e mirë, kemi entuziazëm dhe duhet ta fitojmë këtë ndeshje. Ky është edhe objektivi kryesor, që të marrim tre pikët”, theksoi ai.

Kritikat për ndeshjet e fundit dhe ndryshimet që duhet të bëjë skuadra në lojë:

“Besoj se nuk kemi zhvilluar ndeshje të këqija, por më e rëndësishmja është që të kemi rezultate, për të cilat ne luajmë 90 minuta. Besoj se në këto ndeshje, bashkë me lojën e mirë, të kemi edhe rezultate. Ndaj Letonisë, duam të marrim tre pikët dhe gjithçka është më e lehtë pastaj”,

“Nuk besoj se është çështje përqëndrimi. Çdo ekip, qoftë Letonia, qofshin ekipe të tjera që në letër janë më të dobëta se ne, edhe ato luajnë futboll dhe nuk është e lehtë të fitosh kundër tyre, sidomos në fushat e tyre. Në këtë ndeshje do të bëjmë akoma më shumë për të marrë tre pikët”, tha Shehu.

Për mungesën e golave në kombëtare:

“Klubi nuk është njëlloj me kombëtaren. Tek ekipi, pozicioni im natyral është mesfushor difensiv. Por që në varësi të taktikave të trajnereve, ndonjëherë edhe lojtarët ndërrojnë pozicionet. Kjo nuk është e përcaktuar gjithmonë. Ka trajnerë që më kërkojnë të luaj pak më përpara, ka trajnerë që më kërkojnë të luaj pak më mbrapa. Te kombëtarja, trajneri ka vendosur që unë të luaj si mesfushor difensiv dhe unë duhet të bëj më të mirën në atë pozicion dhe në detyrat që më jep trajneri”, përfundoi Shehu.

Komentet e Mirlind Dakut për sfidën ndaj Letonisë dhe miqësoren me Gjibraltarin

Mirlind Daku, komentoi ndeshjen miqësore ndaj Gjibraltarit dhe foli për sfidën e radhës kualifikuese ndaj Letonisë, duke theksuar se objektivi është fitorja në “Air Albania”.

“Ishte një ndeshje ku kemi pasur shumë testime të lojtarëve të rinj që kanë ardhur dhe ishte hera e parë që kemi luajtur bashkë. Sa i përket aspektit sulmues, kishim disa raste, por nuk ishte ai përqendrimi maksimal duke marrë parasysh që ndeshjet miqësore janë vetëm për të parë ekipin si vendoset dhe skemat që i përgatisim. Besoj që ndeshjet miqësore janë normalisht për t’u fituar dhe për të parë ekipin në lojë se çfarë duhet për t’u përmirësuar”, tha Daku.

“Në ndeshjen e parë kundër Letonisë kemi pasur shumë raste, por ndoshta vinim pas një ndeshje këtu në ‘Air Albania’ kundër Serbisë me shumë volum dhe intensitet, por prapë ishim pak agresivë te pjesa e finalizimeve, por rastet nuk mungonin. Kjo është ajo që nuk duhet të brengosemi, pasi kemi pasur raste dhe mund të fitonim, por shpresoj që në ndeshjen e radhës të fitojmë, pasi kemi mësuar nga gabimet që kemi bërë”.

Si është gjendja e skuadrës?

“Forcën duhet ta gjejmë dhe besoj që shumë shpejt dhe duke filluar nga ndeshja e Letonisë që është shumë e rëndësishme për të vazhduar rrjedhën e ndeshjeve që kemi me shumë intensitet dhe duhet patjetër të gjejmë forcën dhe të japim maksimumin për t’i fituar këto ndeshje, për të qenë më të qetë, sepse ndeshjet më të vështira që i ka ndonjë skuadër janë kur luan kundër këtyre ekipeve që në letër nuk kanë çfarë të humbin dhe futen në fushë për çdo gjë. Prandaj duhet të gjejmë forcën, të jemi të bashkuar dhe të luftojmë deri në fund për qëllimet tona që i kemi”, u shpreh Daku.

Si ka qenë paraqitja e skuadrës deri më tani në këto kualifikuese?

“Besoj e keni parë dhe po i referohem ndeshjes me Serbinë që kemi qenë shumë të përgatitur dhe më të mirë në atë ndeshje se kundërshtari. Besoj që vetëm kundër Anglisë që kemi luajtur atje, të gjitha ndeshjet e tjera i kemi dominuar dhe duhet edhe këto ndeshje të bëjmë një hap më shumë deri te ëndrra që kemi, për të siguruar Kupën e Botës. Edhe pse kanë mbetur shumë pak ndeshje, por është një rrugë shumë e gjatë, sepse duhet shumë punë dhe angazhim për të arritur deri atje, sepse kemi kundërshtarë shumë të fortë, por besoj te ky grup dhe te gjithë ne që me mund, sakrificë dhe angazhim do ja dalim”,

Shqipëria do të luajë të martën në ora 20:45 në stadiumin ‘Air Albania’ ndeshjen ndaj Letonisë, e vlefshme për kualifikueset e Botërorit 2026.

The post Shehu: Ndeshja me Letoninë është shumë e rëndësishme, Daku: Të japim maksimumin appeared first on Albeu.com.

Paga e Dakut është përfolur të ishte 3 milionë euro në sezon. Në anën tjetër, drejtori i përgjithshëm i Rubin Kazan, ka folur për prapaskenat e rinovimit.

Aibatov tregonte më parë: “Kur ka mbetur një vit apo më pak, rinovimi kthehet në çështje të rëndësishme. Ishte e rëndësishme për ne që ta zgjasnim kontratën.

Nuk kishte vështirësi të tjera. Çdo gjë përfundoi mirë. Rroga e Dakut? Thashethemet nuk janë gjë e mirë. Natyrisht, rroga e tij është më pak se 3 milionë euro”.

Kështu mbeten për t’u konfirmuar shifrat. Elseid Hysaj, është treguar se përfiton 2.8 milionë euro në sezon te Lacio.

The post Mirlind Daku rinovoi dhe bëhet më i shtrenjti i Kombëtares? Fjalët e drejtorit të përgjithshëm appeared first on Albeu.com.

Trajneri i Rubinit, Rashid Rakhimov, ka folur për gjendjen shëndetësore të sulmuesit të Shqipërisë. Ai deklaroi se Daku do të ketë nevojë të operohet ndërsa nuk është bërë e ditur ende saktësisht se për çfarë lëndimi bëhet fjalë.

“Lëndimi është shumë i pakëndshëm. Unë mendoj se Daku do të ketë nevojë për një operacion të vogël. Mungesa e Dakut vërehet në skuadër”, ka thënë Rakhimov, shkruajnë të hënën mediat ruse.

27-vjeçari Daku i mungoi edhe Shqipërisë në ndeshjet nga Anglisë dhe ndaj Andorrës që u zhvilluan këtë muaj e që ishin të vlefshme për kualifikimet e Kupës së Botës që mbahet në vitin e ardhshëm.

Daku është golashënuesi më i mirë i Rubin Kazanit këtë edicion. Ai ka kontribuar me 11 gola dhe gjashtë asistime.

The post Mirlind Daku vijon të jetë i dëmtuar, sulmuesi do të operohet appeared first on Albeu.com.

Nga lista e bërë publike ra në sy mungesa e Mirlind Daku-t, trajneri Sylvinho tha në konferncën e sotme për shtyp se sulmuesi kuqezi që luan në Rusi te Rubin Kazan nuk është thirrur për shkak dëmtimi.

Reagimi i Sylvinho-s siç duket nuk ka mjaftuar dhe në rrjetet sociale pati një lum komentesh dhe kritikash ndaj trajnerit brazilian, pse e la jashtë Daku-n, duke dyshuar se ai është vërtet i dëmtuar.

Në një prononcim të shkurtër për GazetaBlic Sport në Kosovë, Mirlind Daku ka pohuar që është lënë jashtë për shkak dëmtimi. “Në konsultim me doktorin dhe Sylvinho-n, kemi vendos që unë të pushoj dhe të rikuperohem plotësisht”, ka thënë Daku.

The post Mirlind Daku tregon pse nuk u ftua nga Sylvinho për ndeshjet eliminatore appeared first on Albeu.com.

Por ditët e fundit në rrjet po komentohet se partneri i saj s’është i panjohur. Në fakt, ai është një nga lojtarët e Kombëtares shqiptare, Mirlind Daku.

Vesa ka publikuar një fotografi në rrjetet sociale me fanellën kuq e zi.

Ndërkohë është vënë re se ata ndiqen në rrjete sociale duke shtuar aludimet, vërtetësinë e të cilave do ta tregojë koha.

The post Ish-banorja e BBVK në lidhje me lojtarin e Kombëtares Shqiptare? appeared first on Albeu.com.

Pas ndeshjes, nëpërmjet rrjeteve sociale, ai ka bërë një dedikim të veçantë për dy golat.

Daku ia kushtoi ato gola Martin Canit dhe familjarëve të tij, duke kujtuar në këtë mënyrë futbollistin 14-vjeçar shqiptar i cili u vra i goditur me thikë në një sherr për arsye banale mes bashkëmoshatarësh.

“Dy golat shkojnë për familjen e Martinit dhe për vet Martinin. Bohuni të fortë, ai do shëndrit në parajsë”, shkruante Daku në mesazhin e tij emocionues.

The post Shënoi dy gola në Rusi, Mirlind Daku dedikim prekës për Martinin: Bëhuni të fortë (VIDEO) appeared first on Albeu.com.

Ai ka postuar fotografi me të dashurën, në rrjetin social “Facebook”.

Dyshja shihen në ashensor, teksa Daku ka shkrepur foton, megjithatë pa zbuluar fytyrën e saj.

The post Mirlind Daku prezanton publikisht të dashurën (FOTO) appeared first on Albeu.com.

26 vjeçari që aktivizohet me Rubin Kazan në Rusi, ka marrë një kërcënim të hapur nga brigada e kuqe, “Espanyola”. Këta të fundit janë një brigadë vullnetare ushtarake ruse e cila përbëhet nga tifozë të ekipeve të ndryshme të futbollit. “Espanyola” ka kërcënuar me jetë Mirlind Dakun për shkak të thirrjeve kundër serbëve.
Madje, “Espanyola” paralajmëron sulmuesin shqiptar që ndaj tij nuk do të ketë falje, pasi tashmë është shumë vonë. Ndër të tjera, “Brigada e Kuqe” i drejtohet Dakut duke i thënë që është më mirë për të që të mos kthehet më kurrë në Rusi.

“Siç e dini, lufta në Jugosllavi në vitin 1991 filloi me futbollin. Lufta moderne, e cila po zhvillohet në territorin e ish-Ukrainës si pjesë e Operacionit Special Ushtarak, ishte pa futboll, derisa Espanyola solli sportin tonë të preferuar në Donbass. Tani të gjitha ndeshjet më interesante zhvillohen pranë Chasovo Jaro. Edhe pse nuk ndjekim se çfarë po ndodh në EURO 24, na vijnë disa lajme. Dhjetëra lidhjet tona të yjeve në vijën e parë po funksionojnë siç duhet. Kështu u tronditëm shumë kur dëgjuam se një lojtar i Rubin Kazanit me origjinë shqiptare, që luan në ligën tonë, pati guximin të këndonte me megafon dhe të bënte thirrje për vrasjen e serbëve. Ai ka diçka kundër të gjithë vëllezërve tanë ballkanas… Espanyola i drejtohet Dakut. Ne do të jemi të prerë. Më mirë të mos kthehesh në Rusi! Asnjë falje nuk do të ndihmojë këtu. Është shume vonë. Mirupafshim!”, është mesazhi i “Espanyola” për Mirlind Dakun.

The post Nuk kanë të sosur telashet për Dakun: Bën mirë mos të kthehesh më në Rusi appeared first on Albeu.com.

Ashtu siç pritej, tashmë ka ardhur edhe ndëshkimi i UEFA. Instanca më e lartë e futbollit në Europë ka pezulluar me dy ndeshje sulmuesin e Shqipërisë. E thënë në gjuhë më të thjeshtë, Daku nuk do të mund të kontribuojë për ekipin e Silvinjos, në dy ndeshjet e radhës. Në këto kushte, ai s’do mund të luajë dot ndaj Spanjës, në Dussledorf.

Kujtojmë se lajmi, i cili mori jehonë pas ndeshjes me Kroacinë, ka shkaktuar edhe reagimin e Federatës së Futbollit të Maqedonisë, që kërkonte marrjen e masave të duhura për këtë rast. Mirlind Daku luajti 6 minuta ndaj Kroacisë.

The post UEFA me dorë të ‘hekurt’, merr vendimin drastik për Mirlind Dakun appeared first on Albeu.com.

Sipas komunikatës së klubit, Daku do të njoftohet për dënimin kur të kthehet në klub për fazën përgatitore, pas përfundimit të Evropianit dhe të disa ditëve pushim. Nuk dihet nëse do të ketë thjesht gjobë apo pezullim, ndërsa sulmuesi mundet edhe të largohet nga skuadra pasi atë e kërkojnë klube në Rusi dhe në Evropë.

Daku gjithashtu është nën hetim nga UEFA, ashtu siç janë edhe Federatat e Futbollit të Shqipërisë dhe Kroacisë.

Ai mori megafonin në përfundim të sfidës së Europianit në Hamburg dhe lëshoi thirrje ofenduese ndaj popullit maqedonas, gjë për të cilën Federata e Maqedonisë së Veriut bëri denoncim në UEFA. Shqipëria dhe Kroacia mund të dënohen për thirrje të disa tifozëve “vritini serbët”, po në të njëjtën ndeshje, ndërsa Federata Serbe e Futbollit bëri një ankesë në Nion.

The post Ndëshkohet Daku, dënimi i parë vjen nga klubi i Rubin Kazan appeared first on Albeu.com.