Sipas burimeve për gazetarin Osman Stafa, palët kanë rënë dakord që Komisioni të përbëhet nga grupet parlamentare, siç ka qenë traditë, dhe parti jo parlamentare.

Konkretisht, Komisioni për Reformën Zgjedhore do të ketë 8 anëtarë nga maxhoranca, si edhe 8 anëtarë nga opozita.

Raportohet se PSD e Tom Doshit, do të marrë një vend në radhët e anëtareve të Partisë Socialiste, ndërsa Agron Shehaj do të marrë një vend ndër radhët e PD-së.

Pra, në grupin e PS, do të jenë 7 anëtare të PS dhe 1 nga PSD. Ndërsa nga opozita 5 anëtarë janë PD, 1 nga PR, 1 nga PL dhe Agron Shehaj.

Kjo formulë, është zgjedhur si më e mira për të përfaqësuar grupet parlamentare dhe partitë e vogla.

Jashtë Komisionit të Reformës Zgjedhore, sipas kësaj formule mbetet Partia Shqipëria, “Bëhet” e Adriatik Lapajt dhe “Lëvizja Bashkë” e Arlind Qorit.

Ngritja e Komisionit të Reformës Zgjedhore, pritet të miratohet në Kuvendin e Shqipërisë javën e ardhshme.

The post PD dhe PS dakordësohen për përbërjen e Komisionit të Reformës Zgjedhore, ja si do të ndahet anëtarët mes tyre appeared first on Albeu.com.

Mazhoranca dhe opozita, vendosën të vijojnë me vizitat e përbashkëta në terren, për të parë zbatimin e kontratave koncensionare.

Në dy javët e ardhshme do të zhvillohen vizita në Durrës, Shkodër, Lushnje, Vlorë dhe Spitalin e Traumës.

Kryetarja e Komisionit, Albana Vokshi tha se, “këtë të premte do të bëhet një vizitë në në spitalin e Durrësit. Më tej do vendosim për vizita në dy qendra shëndetësore apo në laborator. E gjithë disa do fokusohet në Durrës”.
“Të martën do të bëhet një vizitë te spitali i Traumës”, shtoi Vokshi.

Po ashtu, theksoi ajo, “do të diskutojmë nëse do të vizitojmë në të njëjtën rrugë një qendër shëndetësore dhe një laborator”.

“Fundjavën që vjen vizitat do të bëhen në Vlorë, Lushnjë dhe Shkodër. Në fund të javës që vjen shpresoj që ti kemi ezauruar. Jeni dakord që për këto dy javë të fokusohemi te vizitat në terren”, tha Vokshi.

Mazhoranca dhe opozita,  nuk kanë gjetur ende dakordësi për shtrirjen e periudhës së hetimit prej vitit 2009 e këtej.

Kjo pikë e rendit të ditës, u shty për një mbledhje tjetër. Më pas, deputetët e Komisionit miratuan që dëgjesat e dëshmitarëve të nisin më datën 3 qershor.

Të parët në radhë janë grupet e auditit të KLSH e më pas Nisma Thurje, e cila ka bërë një kallëzim në Prokurorinë e Posaçme për kontratën e shërbimit të sterilizimit.

Në vazhdim do të mbahen dëgjesa të tjera sipas listës së dëshmitarëve të miratuar në Planin Hetimor.

The post Hetimi i kontratave në “Shëndetësi”/ Mazhoranca dhe opozita dakordësohen për vizitat e përbashkëta në spitale appeared first on Albeu.com.