Por vetëm 5 ditë, pasi Çyrbja kishte dorëzuar mandantin e deputetit dhe po bënte kalkulimet juridike për të dërguar dosjen e prokurorit Dritan Prençi në Prokurorinë e Durrësit, në lojë ka hyrë një prokuror tjetër i SPAK, Adnand Xholi, i cili në mënyrë urgjente ka urdhëruar arrestimin e Çyrbes, në datën 20 Tetor 2024.

Kjo pasi SPAK, kishte hapur një çështje të dytë kundër deputetit të PS, për shkak se Çyrbja rezultonte përdoruesi i aplikacionit “Sky”, me të cilin mbante komunikime me Altin Hajrin, një person ky i shpallur në kërkim për vrasjen dhe zhdukjen e kufomës së Jan Prengës.

“Ora News”, ka mundur të sigurojë të plotë dosjen penale që mban Nr. 127, për të cilën SPAK në 9 Tetor 2024, ka ngritur akuzën e “Shpërdorimit të detyrës” për ish-deputetin Çyrbja.

Ndërkohë, të pandehur për “Shpërdorim detyre” së bashku me Çyrben në këtë dosje janë marrë dhe 4 ish-zyrtarë të tjerë si Hysen Gashi, ish-kryetar i Komunës Rrashbull, Qamil Lila ish-drejtor i Zyrës Bujqësore në Komunën Rrashbull, Ervis Mustafa, ish-specialist juridik pranë Hipotekës (ZVRPP) Durrës, Edlira Çollaku ish-juriste dhe E.D.

Lista e personave të pandehur shtohet dhe me disa emra të personave të tjerë që kanë përfituar në mënyrë të padrejtë sipërfaqet e tokës në zonën e Rrashbullit dhe më pas i kanë shitur ato, duke fituar vlera monetare.

Në dosjen hetimore të siguruar nga “Ora News”, thuhet se abuzimet e Jurgis Çyrbes, janë kryer gjatë periudhës 2015 kur zyrtari i PS, mbante postin e regjistruesit në hipotekën e Durrësit.

Kallëzimi për këtë rast është depozituar në SPAK në muajin Prill 2021 nga subjekti politik, Partia Demokratike, ç`ka solli angazhimin e prokurorëve të zgjeronin hetimet.

Përgjatë 3 viteve hetime, janë zbuluar se Jurgis Çyrbja në cilësinë e regjistruesit të hipotekës së Durrësit, në bashkëpunim me zyrtarë të tjerë të këtij institucioni dhe kryetarin e komunës Shkallnur, kanë kryer veprime duke shpërdoruar detyrën në 5 raste.

Bëhet fjalë për regjistrimin e 5 sipërfaqeve të tokë në fshatin Rrashbull, në emër të Selim Selimit, Mehmet Musaj, Shaban Hersit, Nazmi Gjeçit, Agron Xhafa dhe Marsida Merja.

“Ora News” ka zbuluar se ish-zyrtarët e hipotekës Durrës, ish-zyrtarët e komunës Shkallnur në bashkëpunim dhe me persona të tjerë në datën 25 Mars 2015 kanë regjistruar në mënyrë të padrejtë në emër të Selim Selimit sipërfaqen tokësore prej 5710m2.

Ndërkohë në 4 Maj 2015, të njëjtit zyrtarë kanë rregjistruar padrejtësisht në emër të Mehmet Musaj sipërfaqen tokësore prej 4500m2.

Po në të njëjtën datë, në 4 Maj 2015, ish-zyrtarët kanë regjistruar padrejtësisht në emër të, Shaban Hersit, sipërfaqen e tokës në fshatin Shkallnur prej 5470m2.

Gjithashtu, në 12 qershor 2015, të njëjtët zyrtarë kanë regjistruar në emër të shtetasit Nazim Gjeçit, sipërfaqen tokësore prej 13 mijë e 500m2.

Ndërkaq në emër të Agron Xhafa dhe Marsida Merja në datën 14 korrik 2015, është regjistruar një sipërfaqe tjetër tokësore prej 13 mijë e 500m2.

Në total, bëhet fjalë për një sipërfaqe prej 42 mijë e 680m2 tokë që është përfituar në mënyrë të padrejtë nga 6 shtetasit e mësipërm, të cilët sapo janë pajisur me çertifikatë pronësinë e kanë shitur tokën, ose disa të tjerë e kanë vendosur në kolateral, për shkak se kanë marrë kredi në banka.

Hetimi ka zbuluar se sipërfaqet e tokës përmes një relacioni të vitit 2015 të nxjerrë nga komuna e Rrashbullit, janë shtuar në AMTP-të e vitit 1991 dhe 1992, duke bërë që 6 personat të përfitojnë tokë në mënyrë të padrejtë.

TË PANDEHURIT E DOSJES

Jurgis Çyrbja, ish-kryetar ZVRPP në Durrës (Deputet i PS);

Hysen Gashi, ish-kryetar i Komunës Rrashbull;

Qamil Lila, ish-drejtor i Zyrës Bujqësore në Komunën Rrashbull;

Ervis Mustafa, ish-specialist jurist në ZVRPP Durrës;

Edlira Çollaku, ish-juriste.

6 PËRFITUESIT E TOKËS

Selim Selimi, përfitues i 5710 m2 tokë në Shkallnur;

Mehmet Musaj, përfitues i 4500 m2 tokë në Shkallnur;

Shaban Hersi, përfitues i 5470 m2 tokë në Shkallnur;

Nazim Gjeci, përfitues i 13.500 m2 tokë në Shkallnur;

Agron Xhafa dhe Marsida Merja, përfitues të 13.500m2 tokë në Shkallnur.

The post Zbardhet dosja/ Ish-deputeti socialist Jurgis Çyrbja abuzoi me ligjin, njihuni me zyrtarët e tjerë të akuzuar (EMRAT) appeared first on Albeu.com.

Për kreun e qeverisë, këto janë broçkulla, ndërsa u shpreh se ndihet i lehtësuar kur eksponentë të PS zbulohen se kanë bërë zullume dhe me ta merret drejtësia.

“Nuk është bërë hetim i treti apo i pesti. Këto janë broçkulla. Nuk është aspak e pamundur që në një vend se i yni njerëzit të dinë diçka paraprakisht dhe të fillojnë ta përdorin. Ai është subjekt sot i drejtësisë për një temë që e ka sqaruar vetë organi që ka vepruar ndaj tij. Kush mbulohet me flamurin e PS për të bërë zullume të zbulohet. Unë ndihem i lehtësuar kur dikush që ka marrë mandat nga PS, dikush që ka marrë besim nga unë e ka shpërdoruar dhe ekspozohet nga drejtësia. Unë ndihem i lehtësuar. Përzgjedhja e njerëzve bëhet edhe mbi bazën e atyre që di. Në rrugën e jetës shumë njerëz rrugës, devijojnë, bien në gracën e përfitimit të paligjshëm dhe ka një sistem që i ndëshkon. Të të them që edhe kur larg qoftë je në familje mund të ndodhë që fëmija të dalë nga shinat”, tha Rama në Opinion.

The post Arrestimi i Çyrbjas, Rama: Ndihem i lehtësuar kur një eksponent i PS që ka bërë zullume zbulohet nga drejtësia appeared first on Albeu.com.

Gazetarja duke iu referuar dosjes së SPAK, deklaroi se bëhet fjalë për një grup të fuqishëm kriminal në Durrës, që javët e fundit ka patur një aksion për arrestimin e kreut të këtij grupi, por që nuk ka mundur, megjithatë, sipas saj, i gjetën celularin e harruar mbi tavolinë.

Biseda në studio:

Klodiana Lala: Informonte një grup për të cilin nuk është folur thuajse fare. Është një grup thuajse i panjohur për publikun shqiptar, por në këndvështrimin tim është ndër grupet më të rrezikshme që ka vepruar në Durrës, grupi i Kreshnik Budllës Farrukut. Klani kriminal Farruku konsiderohet për momentin një ndër klanet më të fuqishme në qytetin e Durrësit, në zonën e Manzës. Kreshnik Budlla Farruku në atë kohë akuzohej dhe kërkohej nga autoritetet italiane.

Blendi Fevziu: Si i merrte këto dokumente Çyrbja?

Klodiana Lala: Së pari ishte në Komisionin e Sigurisë Kombëtare se ishte deputet, shkojnë dokumente nga të gjitha llojet. Të tjerat i merrte nga Policia e Shtetit dhe njerëz të drejtësisë. Kreshnik Budlla Farruku nuk u arrestua në atë kohë. Më pas, pati një ndalim dhe lirim nga ana e drejtësisë shqiptare, shkoi në arrest shtëpie. Para 3 javësh u bë një tjetër aksion i SPAK për arrestimin e Kreshnik Budllës Farrukut. Në momentin që ka ndërhyrë skuadra operacionale për ta arrestuar Kreshnik Budlla Farrukun, nuk e kanë gjetur aty, kanë gjetur vetëm darkën e shtruar, kanë qenë 15-20 veta në atë darkë. Kreshnik Budlla është larguar nga vila e tij luksozë në Manzë, por ka lënë celularin të hapur aty. Nisur nga kjo indicie dhe janë zbërthyer të gjitha kontaktet, më pas SPAK ka kërkuar me urgjencë informacion te autoritetet franceze për të identifikuar edhe personat të cilët janë të përfshirë në këtë gjë. Me këtë rastin e fundit SPAK ka vetëm 1 javë që merret.

The post “Çfarë u zbulua nga celulari i hapur i harruar mbi tavolinë?” Gazetarja: Çyrbja informonte grupin më të rrezikshëm kriminal në Durrës appeared first on Albeu.com.

Mësohet se personazhe të botës së krimit, mes tyre edhe Edmond Koçi, kanë ndikuar që Jurgis Çyrbja të ishte në listën e sigurt të kandidatëve për deputetë ne qarkun e Durresit.

Edmond Koçi, ish-anëtar i bandës së Durrësit, i njohur ndryshe si “Mond Çekiçi”, u ekzekutua me armë zjarri në 20 mars 2021.

Autorët kanë qenë dy, të kamufluar me veshje ushtarake dhe të maskuar me shall e kapuç. Makina e autorëve një tip “Benz ” i zi kishte bllokuar rrugën në pritjet të arritjes së makinës me të cilën udhëtonte Çekiçi, të cilin e kanë ekzekutuar me breshëri të shtënash, një skenë që ka zgjatur rreth 20-30 sekonda.

“Mond Çekiçi”, konsiderohej nga policia e Durrësit si person me rrezikshmëri, pasi jo vetëm që ishte pjesë përbërëse e një klani kriminal në Durrës, por ai rezultonte të jetë dënuar disa herë për akuzën e mbajtjes pa lejë të armëve dhe kundërshtimit të forcave të policisë.

I DËNUAR

“Mond Çekiçi”, konsiderohej nga Policia e Durrësit si person me rrezikshmëri, pasi jo vetëm që ishte pjesë përbërëse e një klani kriminal në Durrës, por ai rezultonte të jetë dënuar disa herë për akuzën e mbajtjes pa leje të armëve dhe kundërshtimit të forcave të Policisë.

Në muajin maj 2009, Edmond Koçi u dënua me 2 vite burgim për akuzën e “Mbajtjes pa lejë të armëve”.

Në një raport të Ministrisë së Brendshme thuhej se “Mond Çekiçi është pjesë shoqërore me Lulzim Berisha ‘Luli’, Emiljano Shullazi ‘Mili’, Plarent Dervishaj ‘Lenti’, Marjel Fierza dhe persona të tjerë.

Mond Çekiçi është arrestuar herën e fundit në 24 shtator 2020 nga Policia e Durrësit për armëmbajtje pa leje, por është liruar në datën 8 tetor 2020.

\Ai u lirua me pretekstin e situatës së pandemisë, pasi paraqiti dokumentacion sikur ishte i prekur nga Covid-19 dhe për këtë arsye duhej të merrte mjekime dhe jo të izolohej me të burgosurit e tjerë.

Me kërkesë të Prokurorisë së Rrethit, Gjykata e Durrësit vendosi si masë sigurie për 40- vjeçarin “Arrest shtëpie”, ndërkohë që akuzohej për armëmbajtje pa leje. Mirëpo, Koçi nuk respektoi as vendimin e Gjykatës, pasi qarkullonte fare lirshëm nëpër qytet deri në momentin e atentatit.

The post I doli emri në bisedat “SKY ECC” që çuan në pranga ish-deputetin Çyrbja: Kush është Mond Çekiçi, ish-anëtar i bandës së Durrësit i vrarë tre vite më parë appeared first on Albeu.com.

Në këto kushte, Komisioneri Shtetëror i Zgjedhjeve njoftoi se ditën e premte, në orën 13:00 do të zhvillohet mbledhja për të shqyrtuar projektvendimin për plotësimin e kësaj vakance të krijuar në Kuvendin e Shqipërisë.

Emri që pritet të zëvendësojë Çyrbjan në Grupin Parlamentar socialist është Erjon Meka, kandidat i listës shumemërore të Partisë Socialiste të Shqipërisë, Qarku Durrës. Çyrbja dorëzoi mandatin e deputetit një ditë pasi u thirr nga SPAK për një kallëzim që kishte bërë në Prokurorinë Speciale, Partia Demokratike, lidhur me kohën kur ish-deputeti socialist drejtonte Kadastrën e qytetit bregdetar.

The post Dorëzoi mandatin e deputetit, ja kush pritet ta zëvendësojë Çyrbjan appeared first on Albeu.com.

E ftuar në emisionin “Të Paekspozuarit” në MCN TV, Lala tha se Çyrbja nuk i duhej më Ramës dhe se është detyruar të dorëhiqej. Gazetarja deklaroi se sipas burimeve të saj, Çyrbja do të merret i pandehur nga SPAK.

“Ju thoni dha dorëheqjen, nuk mendoj se e ka lënë mandatin, mendoj se e kanë detyruar të shkojë drejt një vendimi të tillë. Nuk e lidh fare me Prokurorinë e Posaçme.

Unë e kam ekspozuar Jurgis Çyrbjan në vitin 2017-2018, me biseda të një grupi të struktuar kriminal me një nga njerëzit më të besuar të Shullazit.

Lobe të fuqishme brenda PS duan të zaptojnë qarkun e Durrësit dhe Çyrbja nuk iu duhej ferrë nëpër këmbë. Mendoj se ka një lojë të pistë dhe të thellë që Çyrbja të mos ishte pjesë e Parlamentit. Ta them për shumë arsye. E kam parë hetimin që po kryhet ndaj Jurgis Çyrbjas, ai është kallëzuar nga Paloka, është kallëzim që ka të bëjë me mbivendosjen e pronave kur ai drejtonte hipotekën e Durërsit. Mendoj se është një prapaskenë dhe lojë e pistë i grupimeve dhe lobeve në Durrës.

Është kallëzuar para zgjedhjeve parlamentare të vitit 2021, tani jemi në 2024. Në 2024, një ditë të bukur thirret në prokurori. Pra dikush dhe mendoj se Ramës nuk i duhet më Çyrbja. Bëhet fjalë për katër praktika që po hetohen. Jurgis Çyrbja, jo më larg se ditën e nesërme do të thirret si person nën hetim dhe do të merret i pandehur.

Por, kjo paralajmëron, largimi i tij nga Parlamenti, do të kuptosh çfarë do të ndodhë në qarkun e Durrësit. Dorëheqja e tij do të zbulojë shumë pjesë të errëta.

Burimet e mia të besuara thonë se do të thirret ditën e nesërme.

E shoh pak më të thellë, situate në Durrës është më e vështirë se në 2021 dhe krimi i organizuar do të jetë shumë më agresiv. Mendoj se Çyrbja nuk i duhet më Ramës, thotë nuk dua një ferrë nëpër këmbë”, tha Lala.

The post “Çyrbja shumë shpejt i pandehur nga SPAK!”/ Lala zbulon “fatin” e ish deputetit: Nuk i duhet më Ramës appeared first on Albeu.com.

Bëhet fjalë për Erjon Meka, pasi emri i tij është i renditur në listën shumë emërore të PS, dhe do të zëvendësojë Çyrbjan, pasi ky i fundit konfirmoi heqjen dorë nga mandati i deputetit.

Ditën e djeshme, Çyrbja u paraqit në dyert e SPAK rreth orës 10:00 të paradites, ku për 5 orët në vijim dha deklarime para organit të akuzës në lidhje me një kallëzim të bërë nga Edi Paloka, gjatë kohës që deputeti mbante pozicionin e kreut të Hipotekës së Durrësit.

Ai doli nga Prokuroia e Posaçme në orën 15:00, por refuzoi të ndalej që të prononcohej për gazetarët.

Ligjvënësi i PS për qarkun e Durrësit, nuk ndau asnjë detaj mbi arsyen e pranisë në SPAK, përveç se ishte paraqitur si person në dijeni për një çështje.

The post Jurgis Çyrbja dorëzoi mandatin e deputetit, ja kush e zëvendëson në Parlament (EMRI) appeared first on Albeu.com.