Kalimi i De Jong nga Ajaxi te Barcelona, me vlerë 86 milionë euro, e vendos mesfushorin në krye të listës historike.

Vetëm 500 mijë euro më pak kushtoi transferimi i Matthijs de Ligt nga Ajaxi te Juventusi, që e pozicionon atë të dytin me 85.5 milionë euro. Në vendin e tretë është Virgil van Dijk, për të cilin Liverpooli i pagoi Southamptonit 84.7 milionë euro.

Renditja vijon me një tjetër lëvizje të De Ligt, këtë herë nga Juventusi te Bayern Munich. Mbrojtësi kaloi te klubi gjerman për 67 milionë euro dhe zë vendin e katërt.

Xavi Simons është i pesti, pas transferimit nga RB Leipzig te Tottenham Hotspur për 65 milionë euro. Në gjashtëshen e parë përfshihet edhe Crysencio Summerville, i cili u largua nga Ëest Ham drejt Al Hilal për 64.5 milionë euro.

Tijjani Reijnders renditet i shtati falë kalimit nga Milan te Manchester City, një marrëveshje e vlerësuar në 61 milionë euro.

Tre pozicionet e fundit plotësohen nga Jan Paul van Hecke me 60 milionë euro, Teun Koopmeiners me 58.4 milionë euro dhe sërish Tijjani Reijnders, transferimi i mëparshëm i të cilit nga AZ te Milani kushtoi 54.9 milionë euro.

Në total, katër prej dhjetë transferimeve kryesore lidhen me futbollistë që u larguan nga klubet holandeze. Megjithatë, rekordi vazhdon t’i përkasë Frenkie de Jong.

The post De Jong në krye: Dhjetë transferimet rekord të futbollistëve holandezë appeared first on Albeu.com.

West Ham ka vendosur një rekord të ri për klubet e kategorisë së dytë angleze, duke siguruar shumën më të madhe nga shitjet e lojtarëve gjatë një afati kalimtar.

Ndonëse sezonin e ardhshëm do të luajë në Championship, skuadra londineze ka arkëtuar plot 179 milionë euro vetëm nga largimi i dy futbollistëve.

Marrëveshja më e kushtueshme ishte transferimi i Mateus Fernandes te Tottenham Hotspur për 99 milionë euro. Ky operacion u bë shitja më e shtrenjtë në historinë e West Hamit, si dhe një prej blerjeve me vlerën më të lartë të realizuara ndonjëherë nga Spurs.

Vetëm pak javë më pas, Crysencio Summerville kaloi tek Al Hilali në Arabinë Saudite për 80 milionë euro. Holandezi u rendit kështu mes përforcimeve më të shtrenjta në historinë e klubit saudit.

Dy shitjet i japin frymëmarrje financave të klubit

The Telegraph raporton se, pas rënies nga Liga Premier, West Ham duhej të mblidhte rreth 150 milionë funte përmes shitjes së futbollistëve, në mënyrë që të rivendoste ekuilibrin financiar. Zbritja nga elita i shkaktoi klubit rreth 100 milionë euro humbje në të ardhura.

Përmes këtyre dy transferimeve, West Ham jo vetëm arriti të stabilizonte gjendjen financiare, por regjistroi gjithashtu një rekord të ri për një ekip të Championship.

Mateus Fernandes kishte tërhequr interesimin e disa prej klubeve më të mëdha të Evropës, mes tyre Real Madridi dhe Manchester Unitedi, përpara se të zgjidhte Tottenhamin. Në fund, ishte pikërisht klubi londinez që investoi 99 milionë euro për mesfushorin portugez.

Në anën tjetër, Summerville ishte fare pranë transferimit te Roma, por propozimi përfundimtar i Al Hilalit e bindi të kalonte në Arabinë Saudite. Klubi saudit pagoi rreth 70 milionë euro, duke e kthyer holandezin në blerjen e dytë më të shtrenjtë të historisë së tij, pas Neymarit.

Këto shuma tregojnë se Championship mbetet një burim i rëndësishëm financiar. Në të njëjtën kohë, rasti i West Hamit dëshmon se marrëveshje rekord në tregun e transferimeve mund të realizohen edhe pas rënies nga kategoria elitare.

Shitjet më të shtrenjta të klubeve të divizionit të dytë në pesë ligat kryesore

1. Mateus Fernandes (West Ham → Tottenham) – 99 milionë euro

2. Crysencio Summerville (West Ham → Al Hilal) – 70 milionë euro

3. Roméo Lavia (Southampton → Chelsea) – 62.1 milionë euro

4. Mateus Fernandes (Southampton → West Ham) – 52.25 milionë euro

5. Georginio Rutter (Leeds United → Brighton) – 46.7 milionë euro

6. James Maddison (Leicester → Tottenham) – 46.3 milionë euro

7. Nathan Aké (Bournemouth → Manchester City) – 45.3 milionë euro

8. Harvey Barnes (Leicester → Newcastle) – 44 milionë euro

9. Omari Hutchinson (Ipswich → Nottingham Forest) – 43.4 milionë euro

10. Archie Gray (Leeds United → Tottenham) – 41.25 milionë euro

The post Rekord në Angli: West Ham arkëton 179 milionë euro nga shitja e vetëm dy futbollistëve appeared first on Albeu.com.

Al-Hilal ka arritur një marrëveshje marramendëse me West Ham United për transferimin e anësorit holandez Crysencio Summerville, duke paguar një shifër prej 80 milionë eurosh për një lojtar që aktualisht aktivizohet në Championship.

Është një lëvizje që tregon se klubet saudite nuk kanë ndërmend të kursejnë shpenzimet në merkato, edhe kur bëhet fjalë për futbollistë që nuk luajnë në elitë.

I dalë me emër pas paraqitjeve pozitive me Holandën në Kupën e Botës së fundmi, 24-vjeçari ka firmosur tashmë kontratën e re dhe do të vijojë rrugëtimin e tij profesional në Arabinë Saudite.

Që prej mbërritjes në Londër dy sezone më parë, Summerville ka grumbulluar 56 paraqitje dhe ka shënuar vetëm tetë herë për West Hamin. Shifrat modeste nuk e penguan aspak përfundimin e kësaj marrëveshjeje kolosale.

Për holandezin kishte shfaqur interesim edhe Roma në Serie A, por tarifa e lartë e kërkuar e bëri të pamundur transferimin e tij në kampionatin italian.

Gjatë aventurës botërore, ai gjeti rrugën e rrjetës në dy raste, përkatësisht ndaj Japonisë dhe Suedisë, përpara se Holanda të eleminohej në raundin e 16-shes nga Maroku.

Kjo lëvizje e bujshme vjen pas një tjetër shitjeje madhore për West Hamin, i cili pavarësisht rënies nga Premier League, arriti të cedonte këtë verë Matheus Fernandez te Tottenhami për shumën e 100 milionë eurove.

The post Edhe kjo ndodh në futboll: Nga kategoria e dytë angleze te skuadra arabe për 80 milionë euro appeared first on Albeu.com.

Edicioni i vitit 2026 i Kupës së Botës, i organizuar në Shtetet e Bashkuara, Kanada dhe Meksikë, u kthye sërish në një vitrinë të jashtëzakonshme për talentet në ngjitje dhe lojtarët e afirmuar. Shfaqjet e fuqishme në këtë turne kanë vënë në lëvizje gjigantët e kontinentit evropian, të cilët tashmë po konkurrojnë për të siguruar shërbimet e protagonistëve më të spikatur.

Nga adoleshentët premtues e deri te emra të mirënjohur, më poshtë po rendisim dhjetë futbollistë që, sipas analizës së GOAL, kanë shanse të mëdha të kryejnë një kalim te një skuadër e re gjatë sesionit veror të transfereve.

Gilberto Mora (Meksikë)

Gilberto Mora, vetëm 17 vjeç, u shfaq si një prej sensacioneve më të këndshme të kampionatit botëror. Mesfushori arriti të zërë një vend në formacionin bazë të përfaqësueses meksikane, duke dhuruar performanca të nivelit të lartë përballë Republikës Çeke, Ekuadorit dhe Anglisë. Liverpool kryeson garën për talentin, por interes konkret kanë shprehur edhe Manchester City, Arsenal, Barcelona dhe Real Madrid. Për kartonin e tij, klubi pronar kërkon rreth 40 milionë euro.

Antonio Nusa (Norvegji)

Anësori norvegjez i RB Leipzig rikujtoi gjatë Botërorit përse është etiketuar prej kohësh si një nga margaritarët më të çmuar të futbollit evropian. Tottenham planifikon të depozitojë një ofertë zyrtare për të, por Arsenali synon t’i marrë sërish përpara klubit londinez në garën për të njëjtin objektiv merkatoje.

Crysencio Summerville (Holandë)

Megjithëse e nisi si titullar në vetëm dy takime, Crysencio Summerville la gjurmë të thella në turne. Ai pati një ndikim të drejtpërdrejtë në katër rrjeta, duke shënuar dy prej tyre vetë. Këto paraqitje i kanë rritur ndjeshëm kuotat në merkato dhe Liverpool konsiderohet momentalisht si destinacioni më i mundshëm për lojtarin e West Ham, me një shifër që sillet rreth 50 milionë funte.

Ayyoub Bouaddi (Marok)

Mesfushori 18-vjeçar i Lille mahniti publikun që në sfidën debutuese të Marokut kundër Brazilit dhe e mbajti të lartë nivelin e tij gjatë gjithë kompeticionit. Duke luajtur titullar në katër prej pesë ndeshjeve të ekipit afrikan, Bouaddi ka tërhequr vëmendjen e gjigantëve anglezë si Arsenal, Liverpool dhe Manchester United, të cilët tani po luftojnë për firmën e tij.

Bruno Guimarães (Brazil)

Edhe pse rruga e Brazilit u ndërpre në fazën e 16 ekipeve më të mira, Bruno Guimarães u dallua si një prej elementëve më pozitivë në skuadër, duke shërbyer katër asistime përgjatë garës. Mesfushori i Newcastle dëshiron një aventurë të re dhe Arsenali mbetet pretendentja kryesore për transferimin e tij, pavarësisht se anglezët do të duhet të përballojnë një shpenzim jo më të vogël se 80 milionë funte.

Yan Diomande (Bregu i Fildishtë)

Sulmuesi anësor nuk arriti të gjejë golin në këtë Botëror, por la mbresa të pashlyeshme me shpërthimet e tij në shpejtësi, aftësitë në driblim dhe rrezikun konstant që sillte në çdo veprim. Nëse më parë Liverpool dukej ekipi favorite për shërbimet e tij, tani Paris Saint-Germain po shihet si destinacioni i ardhshëm i futbollistit. RB Leipzig pritet ta lëshojë lojtarin vetëm përballë një oferte me nëntë shifra.

Elijah Just (Zelanda e Re)

Anësori që aktivizohet te Motherwell e rriti në mënyrë të konsiderueshme profilin e tij në treg pas një Botërori ku realizoi tre gola. Skuadra si Celtic dhe Toulouse po vlerësojnë mundësinë e një oferte për futbollistin 25-vjeçar, largimi i të cilit mund të ndodhë për një shumë rreth katër milionë funte.

Mbekezeli Mbokazi (Afrika e Jugut)

Në moshën 20-vjeçare, mbrojtësi ishte një kolonë e formacionit të Afrikës së Jugut, e cila ndërtoi një rrugëtim historik drejt fazës me eliminim direkt. Napoli dhe Nottingham Forest figurojnë në listën e klubeve të interesuara, teksa përfaqësuesi i lojtarit shpreh bindjen se klienti i tij është gati për një kampionat elitar dhe për të luajtur në Ligën e Kampionëve.

Tarik Muharemovic (Bosnje dhe Hercegovinë)

Qendërmbrojtësi i Sassuolos ka parë një rritje të rëndësishme të çmimit të tij pas paraqitjeve të sigurta në Kupën e Botës. Inter dhe Juventus vazhdojnë ta mbajnë nën vëzhgim, por interesim konkret ka mbërritur edhe nga Premier League, ku Sunderland shihet si një kandidate e fortë për të siguruar shërbimet e tij.

Julian Quinones (Meksikë)

Sulmuesi meksikan konfirmoi formën e tij të jashtëzakonshme edhe në skenën më të madhe të futbollit, duke shënuar në katër nga pesë ndeshjet e kombëtares së tij. Pasi fitoi çmimin e “Këpucës së Artë” në Arabinë Saudite, lojtari 29-vjeçar tani ushqen ëndrrën për një kalim në Premier League, edhe pse klubi i tij, Al-Qadsiah, nuk ka ndërmend ta lejojë një largim të thjeshtë.

The post Yjet e Botërorit 2026 që mund të ndezin merkaton e verës appeared first on Albeu.com.

Manchester United ka përcaktuar objektivin e saj kryesor për merkaton e verës, ndërsa klubi vijon punën për të rindërtuar skuadrën.

Sipas raportimeve, emri që pëlqehet më shumë nga Michael Carrick për krahun e majtë të sulmit është Crysencio Summerville i West Hamit.

Edhe pse fokusi kryesor i klubit mbetet përforcimi i mesfushës, drejtuesit e United janë të gatshëm të shtojnë cilësi edhe në repartin ofensiv nëse paraqitet mundësia e duhur.

Carrick synon të zgjerojë alternativat në ekipin e parë dhe preferenca e tij, thuhet, janë lojtarët që kanë treguar vlerat e tyre në Ligën Premier.

United ndërkohë ka mbyllur marrëveshjen për afrimin e Edersonit nga Atalanta, por mbetet e vendosur që para përfundimit të afatit kalimtar të sjellë edhe të paktën një mesfushor qendror.

Në fillim, “Djajtë e Kuq” kishin si synim Mateus Fernandes nga West Ham, por tashmë duket se kjo pistë ka rënë, pasi Tottenhami ka arritur marrëveshje për transferimin e tij për rreth 99 milionë euro.

Sipas Sky Sports, Manchester United ka hartuar një listë me katër alternativa për këtë rol. Përveç Summerville, në të përfshihen edhe Morgan Rogers i Aston Villës, Matias Fernandez-Pardo i Lille dhe Iliman Ndiaye i Evertonit. Megjithatë, zgjedhja e parë mbetet Summerville.

West Ham e çmon sulmuesin holandez me rreth 58 milionë euro, pas rënies së klubit në Championship. Duke qenë se klubi ka siguruar një shumë të madhe nga shitja e Fernandesit, drejtuesit e “Hammers” mund të jenë më të hapur për të lejuar edhe një largim tjetër të rëndësishëm.

Gjatë sezonit të kaluar, Summerville shënoi shtatë gola dhe kontribuoi me pesë asistime, edhe pse West Hami ra nga elita.

Paraqitjet e tij me Holandën në Kupën e Botës kanë lënë gjithashtu përshtypje shumë të mira te departamenti i rekrutimit të Manchester United.

The post Manchester United e vendos Summerville, të spikatur me Holandën në Kupën e Botës, në krye të listës së verës appeared first on Albeu.com.