Incidentet e shkaktuara nga mbështetësit e Crvena Zvezdës në ndeshjen e “play-off”-it të Ligës së Europës, të zhvilluar më 20 gusht, kanë sjellë masa disiplinore nga UEFA.

Për thirrjet kundër shqiptarëve dhe Kosovës që u dëgjuan në stadium, klubi serb është ndëshkuar me një gjobë prej 50 mijë eurosh. Së bashku me penalitetet për shkeljet e tjera të rregullores disiplinore, shuma totale që Crvena Zvezda duhet të paguajë është 99.500 euro.

UEFA ka përcaktuar gjithashtu një periudhë prove dyvjeçare për klubin serb. Nëse incidente të tilla përsëriten, Crvena Zvezda mund të përballet me mbylljen e pjesshme të stadiumit gjatë ndeshjeve evropiane.

VENDIMET:

FK Crvena zvezda gjobitet me 20 000 euro për shkak të bllokimit të kalimeve të tifozëve.

Për transmetimin e mesazheve të papërshtatshme për një aktivitet sportiv, FK Crvena zvezda ndëshkohet me 50 000 euro.

Ndezja e mjeteve piroteknike i kushton FK Crvena zvezda-s një gjobë prej 9 500 eurosh.

Për sjelljen raciste dhe/ose diskriminuese të tifozëve, FK Crvena zvezda gjobitet me 20 000 euro dhe urdhërohet të mbyllë pjesërisht stadiumin, konkretisht sektorin 3 të tribunës së Veriut, në ndeshjen e ardhshme të një kompeticioni të UEFA-s ku do të luajë si skuadër pritëse. Zbatimi i masës për mbylljen e pjesshme pezullohet për një periudhë prove prej dy (2) vitesh, e cila nis nga data e këtij vendimi.

The post Thirrjet kundër shqiptarëve, UEFA ndëshkon Crvena Zvezdën për sjelljen e tifozëve (SHUMA E GJOBËS) appeared first on Albeu.com.

Një incident i rëndë është regjistruar në sfidën kualifikuese të Champions League mes Larne dhe Crvena Zvezda, e cila u mbyll me fitoren 0-4 të ekipit serb. Gjatë takimit, në tribunën e tifozëve vendas u shfaq një pankartë me një mesazh provokues.

Pankarta paraqiste siluetën e territorit të Kosovës të mbuluar me flamurin dhe simbolet e Serbisë, shoqëruar me mbishkrimin “Kosova është Serbi”. Ky veprim u krye nga ana e mbështetësve të klubit irlandez.

Vetë klubi Crvena Zvezda e përforcoi jehonën e këtij gjesti duke e shpërndarë atë në llogaritë e veta zyrtare në median sociale, ku shprehu edhe falënderime të hapura për skuadrën kundërshtare.

Megjithëse rregulloret e UEFA-s ndalojnë kategorikisht shfaqjen e mesazheve politike dhe përçmuese në fushat e lojës, duke kërkuar vazhdimisht mbajtjen e politikës larg sportit, nga ana e këtij institucioni ende nuk ka pasur asnjë reagim zyrtar për këtë rast.

The post Skandal në Champions: Harta e Kosovës me simbole serbe, Crvena Zvezda e publikon dhe UEFA hesht appeared first on Albeu.com.