Pas një periudhe të gjatë me udhëtime të shumta, Speed u kthye në ambientin e tij të njohur, duke ndarë me fansat jo vetëm energjinë e tij unike, por edhe një pasuri të çmuar personale: një dhuratë nga Cristiano Ronaldo.

IShowSpeed, edhe pse është një streamer amerikan, është një adhurues i madh i futbollit, dhe në veçanti i Cristiano Ronaldos. Ndër vite, ai ka treguar dashurinë e tij për yllin portugez, duke mbledhur sende të personalizuara që lidhen me të, si një Lamborghini, një zinxhir dhe një orë

Por mbi të gjitha, dhurata më e çmuar që ai ka në shtëpi është një fanellë e veçantë e Kombëtares së Portugalisë, e vitit 2023, me numrin shtatë dhe emrin e Cristiano Ronaldos.

Fanella nuk është një thjesht një suvenir i zakonshëm. Ajo është firmosur personalisht nga Cristiano Ronaldo dhe përmban një dedikim të veçantë: “Para Speed”.

Gjatë transmetimit të tij të fundit live, IShowSpeed e tregoi atë me krenari të madhe, duke theksuar sesa e rëndësishme është kjo dhuratë për të. Ai e ka vendosur atë në një kornizë, duke e ruajtur si një relike të çmuar në shtëpinë e tij.

Kjo fanellë është më shumë sesa një dhuratë, është një simbol i lidhjes së tij me idhullin e tij dhe një dëshmi e ndikimit që Cristiano ka pasur në jetën e streamer-it. Speed ka theksuar disa herë se Ronaldo ka qenë gjithmonë një frymëzim për të, dhe kjo fanellë është një kujtesë e kësaj lidhjeje.

Tani që Speed ka këtë fanellë të personalizuar me dedikim, lindin pyetje nëse një takim mes tyre ka ndodhur tashmë dhe nëse kanë regjistruar diçka së bashku.

The post I fiksuar me Cristiano Ronaldon, IShowSpeed vendos të tregojë dhuratën që i ka bërë legjenda e futbollit… appeared first on Albeu.com.

I famshmi i dytë më në trend në Google ishte futbollisti portugez Cristiano Ronaldo, i cili kishte një rritje mesatare mujore të kërkimit prej 75%.

Ndërsa personazhi i tretë është aktorja hollivudiane Megan Fox me rritje mesatare mujore të kërkimit prej 48%, themeluesi i Teslas, Elon Musk radhitet i katërti me rritje prej 41%, ndërkaq e pesta radhitet aktorja hollivudiane, Scarlet Johansson, me rritje prej 27%.

Në mesin e 10 më të kërkuarve për vitin 2021 në Google Search janë edhe Kim Kardashian, Meghan Markle, BTS, Ariana Grande dhe Kylie Jennifer.

The post La pas Cristiano Ronaldon, kush është e famshmja më e kërkuar në botë në Google për vitin 2021 appeared first on Albeu.com.

“Ne jemi të kënaqur me shqyrtimin e hollësishëm të Gjykatës mbi këtë çështje dhe gatishmërinë e saj për të zbatuar ligjin në fakte dhe për të rekomanduar pushimin e çështjes civile kundër Ronaldos”, tha avokati i sulmuesit Peter S. Christiansen.

Ronaldo ka mbajtur gjithmonë marrëdhëniet e tij me Mayorga konsensuale dhe një gjykatë në Nevada tani ka rekomanduar që mocioni i Portugezit për përfundimin e çështjes të miratohet.

Sipas dokumenteve ligjore të paraqitura në Gjykatën e Qarkut të Shteteve të Bashkuara në Qarkun e Nevadës, avokatët e Ronaldos kanë kërkuar që çështja e zonjës Mayorga të pushohet që nga vera për shkak të sjelljes së ekipit të saj ligjor.

Mayorga ka pohuar se ajo ishte sulmuar seksualisht në një dhomë hoteli në Las Vegas pas një nate të kaluar jashtë me futbollistin në vitin 2009.

Ronaldo ka vazhduar të mohojë me forcë pretendimin dhe rekomandimin e sotëm të përfundimit të çështjes, por e spastron emrin e tij në një gjykatë.

Sipas The Mirror, Ronaldo bleu heshtjen e Mayorgas 12 vjet më parë për 375,000 funte.

Ajo më pas kërkoi të përmbysë atë zgjidhje origjinale në vitin 2018 dhe tani po kërkon më shumë se 56 milionë funte dëmshpërblim.

Në vitin 2018, Ronaldo tha: “Unë i mohoj me forcë akuzat që janë ngritur kundër meje. Përdhunimi është një krim i neveritshëm që shkon kundër gjithçkaje në të cilën unë besoj”.

E dashura e Ronaldos, modelja 26-vjeçare spanjolle Georgina Rodriguez, gjithashtu i ka qëndruar pranë edhe pas këtyre pretendimeve.

The post U akuzua për sulm seksual, merret vendimi për Cristiano Ronaldon appeared first on Albeu.com.