Tani ai i ka shtuar koleksionit të tij mbresëlënës një model spektakolar dhe unik, të frymëzuar nga klubi i tij aktual, Saudi Al Nassr.

Është një Mercedes-AMG G63 Cabriolet i modifikuar, një model jashtëzakonisht i rrallë që u personalizua posaçërisht për futbollistin nga Refined Marques. Edicioni i kufizuar i kësaj makine ka vetëm 20 njësi të prodhuara në të gjithë botën.

Ky SUV ka një çati të butë, e cila është një gjë e rrallë për SUV-të masive, dhe është gjithashtu specifik për dyert e pasme që hapen prapa për hyrje më të lehtë në automjet. Edhe pse “G-Class” standarde është tashmë një automjet luksoz, vlera e këtij versioni të personalizuar vlerësohet në një shifër marramendëse prej 1.32 milion dollarësh (1.12 milion euro).

Ajo që e bën këtë makinë edhe më të veçantë për Ronaldon janë aksesorët e personalizuar estetikë. Mjeti është i lyer me ngjyrat dalluese të verdha dhe blu të Al Nassr, ndërsa pragjet e dyerve kanë pllaka të personalizuara me inicialet dhe numrin e fanellës së tij – “CR7”.

Kjo blerje ekstravagante nuk është për t’u habitur duke pasur parasysh fuqinë e jashtëzakonshme financiare të portugezit.

Falë sukseseve historike në klube të tilla si Manchester United dhe Real Madrid, një kontrate multimilionëshe në Arabinë Saudite dhe një marke të fortë personale, pasuria e tij sot vlerësohet në rreth 1.4 miliardë dollarë (1.19 miliardë euro).

Mercedesi i ri do t’i bashkohet kështu flotës tashmë të famshme të makinave, e cila përfshin modelet më të shtrenjta të Bugatti-t, Ferrari-t dhe Lamborghini-t.

Ndërsa Ronaldo feston “kafshën” e tij të re mbi katër rrota, ai përballet me një fund të tensionuar të sezonit në fushë. Ekipi i tij, Al Nassr, aktualisht kryeson kampionatin saudit me 79 pikë dhe mban në dorë fatin e titullit.

Ata kanë nevojë për dy fitore të tjera për të siguruar kampionatin, me kusht që njëra prej tyre të jetë kundër rivalit të tyre më të madh, Al Hilal, i cili është i dyti me 74 pikë dhe një ndeshje më pak të zhvilluar.

Ndeshje vendimtare i presin të enjten, më 7 maj, kur do të përballen me Al-Shabab në stadiumin King Fahd, dhe të martën, më 12 maj, kur do të presin në shtëpi Al Hilal në një derbi të madh që mund të zgjidhë çështjen e një kampioni të ri.

The post Ronaldo blen një nga veturat më të shtrenjta në botë, Cabriolet unik me ngjyrat e Al Nassr appeared first on Albeu.com.

Me katër ndeshje të mbetura, CR7 dhe shokët e tij të skuadrës janë tetë pikë përpara Al Hilal të Simone Inzaghit, të cilët, megjithatë, kanë një ndeshje më pak dhe shpresojnë në përplasjen direkte në javën e parafundit për ta vendosur kampionatin përsëri në ekuilibër.

Megjithatë, në ndeshjen e mbrëmshme, atmosfera u nxeh pasi Coman kreu një faull të rëndë ndaj Demiral në fund të ndeshjes. Ish-mbrojtësi i Juventusit, në fishkëllimën e fundit, u ankua për incidentin te vetë Cristiano Ronaldo, i cili, megjithatë, nuk e trajtoi në mënyrë miqësore. Portugezi, në fakt, shpërtheu në të qeshura, duke provokuar kundërshtarin e tij, i cili më pas drejtoi gishtin në drejtim të tij dhe u përpoq të anashkalonte rezistencën e shokëve të ekipit dhe kundërshtarëve për t’u përballur ballë për ballë me vetë Coman.

Pak më vonë kur Demiral u tregoi tifozëve vendas medaljen nga fitorja e javës së kaluar në Ligën e Kampionëve Aziatike, e dyta radhazi e Al Ahli-t. Ky moment shkaktoi kaos të mëtejshëm, pasi atmosfera tashmë e tensionuar në ligën saudite ishte e dukshme. Disa javë më parë, sulmuesi i Al Ahli-t, Toney, paraqiti një ankesë duke shpjeguar se në fund të ndeshjes kundër Al Fayha-s, ku ekipit i ishin mohuar dy penallti, gjyqtarët i kishin thënë të “përqendrohej në Ligën e Kampionëve të AFC-së dhe jo në ligë”, duke lënë të kuptohet se gjithçka ishte e orientuar drejt fitores përfundimtare të Al Nassr.

Një tjetër incident shkaktoi një debat të gjatë në mediat sociale mbi vendimet e arbitrazhit në favor të skuadrës së Cristiano Ronaldos, ndërsa ata ndiqnin titullin e tyre të parë në Ligën Profesionale Saudite. Vetë CR7, gjatë një interviste pas ndeshjes, reagoi ndaj talljeve të dy tifozëve të Al Ahli, të cilët theksuan dy fitoret e tyre në Ligën e Kampionëve Aziatike. Në atë pikë, sulmuesi u përgjigj duke ngritur lart numrin 5, numri i titujve të Ligës së Kampionëve që ai ka fituar në Evropë.

Megjithatë, në intervistë, ai iu përgjigj aludimeve për parregullsinë e kampionatit: “Do të flas për këtë në fund të sezonit sepse kam parë kaq shumë episode të këqija. Shumë lojtarë postojnë në Instagram duke u ankuar për gjyqtarët dhe ligën. Kjo nuk është e drejtë, flisni me Ligën Profesionale Saudite për këtë sepse ky nuk është futboll”.

The post Ronaldo, një natë e çmendur: shënoi, provokoi Demiral, u grind me tifozët dhe pastaj tha: Ky nuk është futboll appeared first on Albeu.com.

Sulmuesi portugez pësoi një dëmtim në ndeshjen e së shtunës në kampionatin saudit për t’iu nënshtruar më pas ekzaminimeve mjekësore nga ku rezultoi se ky dëmtim është më i rëndë nga sa u parashikua.

Al Nassr doli me një komunikatë ku bën të ditur se 41 vjeçari ka pësuar një dëmtim muskular në përballjen me Al Fayha. Futbollisti ka nisur tashmë programin e rehabilitimit dhe se gjendja e tij do të monitorohet dita ditës.

Cristiano Ronaldo ka probleme kronike në tendinën e gjurit të majtë, por klubi nuk e bëri të ditur se ku ishte dëmtimi dhe as kohën që do t’i duhet sulmuesit portugez për t’u riaftësuar.

The post Cristiano Ronaldo, dëmtimi, më i rëndë nga sa u parashikua, koha e riaftësimit është një mister appeared first on Albeu.com.

Kjo e përditshme nuk dha detaje të tjera, por Ronaldo nuk ka asnjë dëmtim e madje të mërkurën ai postoi një foto të tij duke u stërvitur dhe për këtë arsye kjo mungesë e tij interpretohet si një protestë tjetër e Ronaldos për të shfaqur pakënaqësinë ndaj dickaje që ai e konsideron si një padrejtësi ndaj skuadrës së tij në këtë sesion të merkatos dimërore. Ky i Ronaldos është një qëndrim për të cilin nuk e dimë se i çfarë kalibri është dhe se çfarë peshe do të ketë më vonë

Cristiano Ronaldo rinovoi verën e kaluar deri në vitin 2027 e për më tepër e përforcoi më shumë impenjimin e tij me vendin saudit duke u shndërruar në ambasadorin e Botërorit 2034. Por tani me këtë situatë, e ardhmja e tij është në dyshim. Sipas të përditshmes portugeze, ‘Record’ zbuloi një klauzolë teorike sekrete për zgjidhjen e kontratës së Ronaldos në fund të sezonit 2025/26 prej 50 milionë eurosh që është një shifër e rëndësishme. Gjithnjë sipas ‘Record’ nuk përjashtohet mundësia që Cristiano Ronaldo të kthehet në Evropë apo të shkojë në SHBA për të vijuar karrierën e tij.

The post Media arabe është e sigurt: Cristiano Ronaldo nuk do të luajë ndaj Al Ittihad appeared first on Albeu.com.

Çifti, i njohur për dashurinë e tyre të fortë dhe momente të bukura familjare, ka ndarë shumë momente me fansat e tyre, përfshirë fotot me fëmijët e tyre. Ky urim për ditëlindjen e Georginës vjen në një periudhë të rëndësishme për çiftin, pasi ata pritet të bëhen edhe më të lidhur në vitin 2026, pasi është konfirmuar se do të martohen gjatë këtij viti.

Megjithatë, një pyetje e madhe që mbetet është se kur do të ndodhë kjo martesë. Deri tani, nuk ka një datë të caktuar për ngjarjen e madhe, por me siguri kjo është një prej momenteve më të pritura nga fansat e çiftit. Pasuria e dashurisë dhe e suksesit të Ronaldos dhe Georginës është një frymëzim për shumë të tjerë, dhe ata janë një nga çiftet më të pëlqyera në botë.

The post Cristiano Ronaldo uron Georginën për ditëlindje: Gruaja e jetës sime appeared first on Albeu.com.

Me fanellën e Al-Nassr dhe me kombëtaren portugeze, të cilën e ka udhëhequr sërish drejt Kupës së Botës, CR7 vazhdon të jetë protagonist me gola dhe aksione që mbajnë firmën e një fenomeni.

Sigurisht, shpërthimi dhe ritmi i dikurshëm i viteve te Manchester United dhe Real Madrid nuk janë më të njëjtët, por fiziku i Cristiano Ronaldos mbetet jashtë çdo diskutimi.

Këtë e dëshmojnë edhe imazhet e fundit të publikuara në rrjetet sociale, ku sulmuesi portugez ka zgjedhur t’u tregojë ndjekësve trupin e tij të ndërtuar me disiplinë, sakrificë dhe punë të palodhur, vetëm pak javë para se të festojë 41-vjetorin, më 5 shkurt.

Një trup që ngjan më shumë me atë të një bodybuilder-i se të një futbollisti tradicional, rezultat i një përkushtimi ekstrem ndaj përgatitjes fizike.

Ronaldo është shndërruar ndër vite në një “makineri” golash, e ndërtuar mbi mentalitet fitues, stërvitje të personalizuar dhe një regjim rigoroz rikuperimi, mes krioterapisë, palestrës dhe ushtrimeve për parandalimin e dëmtimeve.

Fotografia, e publikuar në kanalet e tij zyrtare të premten në mëngjes, më 19 dhjetor, e tregon CR7 ende të tonifikuar, me muskuj të theksuar dhe një shikim të fiksuar drejt sfidës së radhës.

Imazhi është bërë menjëherë viral, duke grumbulluar mbi një milion pëlqime në Instagram brenda më pak se gjysmë ore.

The post Cristiano Ronaldo çmend tifozët në rrjetet sociale, trupi i tij është thjeshtë perfekt (FOTOT) appeared first on Albeu.com.

Sipas dokumentit, sulmuesi 40-vjeçar u dënua fillimisht me tre ndeshje pezullim.

Ronaldo e kreu menjëherë dënimin tre ditë më vonë, duke munguar në fitoren bindëse 9-1 ndaj Armenisë në Porto — ndeshje që i siguroi Portugalinë pjesëmarrjen e saj të nëntë dhe të shtatë radhazi në Botëror.

Megjithatë, pas apelimit të Federatës Portugeze të Futbollit (FPF), FIFA rishikoi çështjen, duke pranuar argumentet e paraqitura që synonin shmangien e një pezullimi më të gjatë.

Rezultati: Ronaldo nuk do të përballet me ndëshkime shtesë përtej ndeshjes së vetme të humbur, pavarësisht se ishte përjashtimi i tij i parë pas plot 226 grumbullimesh me kombëtaren.

Vendimi u konsiderua si një lehtësim për Portugalinë, që e sheh kapitenin e saj të rikthehet i disponueshëm për fazën e ardhshme të përgatitjeve drejt Botërorit 2026.

The post A do të luajë Cristiano Ronaldo në ndeshjen e parë të Botërorit? FIFA merr vendimin për kartonin e kuq të CR7 appeared first on Albeu.com.

Portugezi shënoi një super gol të magjishëm, me skuadrën e Al Nassr që vijon të kryesojë kampionatin e Arabisë Saudite. Të dielën CR7 e Joao Felix dhuruan spektakël, duke bërë që Al Nassr të fitonte 4-1 ndaj Al-Khaleej.

Megjithatë qershia mbi torte ishte goli i yllit portugez, Në minutën e 6 të shtesës CR7 do të realizonte një kryevepër teksa pas një topi të harkuar nga e djathta do të kthehej në një goditje “biçikletë” që do të mahniste të gjithë të pranishmit, për golin që do të vuloste suksesin e vendasve.

Në krahun tjetër Lionel Messi dhe Inter Miami CF, u kualifikuan në Finalen e Konferencës së Lindjes në mënyrë dominuese, duke arritur një fitore bindëse 4-0 ndaj FC Cincinnati të dielën.

Messi zhvilloi një paraqitje historike me 1 gol dhe 3 asiste, duke shkuar në 12 kontribute në gola (gjashtë gola, gjashtë asiste) në Audi MLS Cup Playoffs 2025 – një rekord i ri në ligë për një fazë të vetme të plejofit.

Numri 10 legjendar e hapi ndeshjen në minutën e 19-të, duke finalizuar një kombinim me bashkëqytetarin e tij nga Rosario, Argjentina, Mateo Silvetti, me një goditje me kokë që kaloi mbi portierin Roman Celentano.

Fitorja e së dielës e çon Inter Miamin në Finalen e Konferencës së Lindjes për herë të parë në histori, ku do të përballet me New York City FC, që ka surprizuar deri tani. Fituesi do të kualifikohet në finalen MLS Cup të prezantuar nga Audi më 6 dhjetor.

The post Mosha thjesht një numër, Lionel Messi dhe Cristiano Ronaldo magjepsin sërish botën e futbollit appeared first on Albeu.com.

Por gjithashtu u kujtoi shumë njerëzve selfien nga Oscarët e vitit 2014, ku ishin përfshirë disa nga njerëzit më të dashur të showbiz-it.

Ronaldo pozon me partneren e tij Georgina (poshtë djathtas), drejtorin ekzekutiv të Tesla-s, Elon Musk, i cili u shfaq për herë të parë në Shtëpinë e Bardhë pas një kohe të gjatë, presidentin e FIFA-s, Gianni Infantino, sekretarin amerikan të tregtisë, Howard Lutnick (i katërti nga e majta).

Të pranishëm janë edhe kreu i inteligjencës artificiale dhe kriptovalutave në Shtëpinë e Bardhë, David Sachs (i treti nga e majta), dhe presidenti dhe bashkëthemeluesi i OpenAI, Greg Brockman (prapë djathtas).

The post Cristiano Ronaldo bën një selfie në Shtëpinë e Bardhë me Musk, Infantinon dhe Georgina appeared first on Albeu.com.

Sipas “The Athletic”, superylli portugez mund të marrë pjesë në një takim diplomatik, megjithëse as pala saudite dhe as ajo amerikane nuk kanë dhënë ende konfirmim zyrtar.

Vizita e Mohammed bin Salman në SHBA do të ishte e para pas shtatë vitesh, një periudhë e shënuar nga tensione ndërkombëtare dhe kritika të gjera pas raportimeve se ai mund të ketë autorizuar vrasjen e gazetarit Jamal Khashoggi, një akuzë që MBS dhe Arabia Saudite e kanë mohuar vazhdimisht.

Raportohet se gjatë takimit të mundshëm në Washington, Trump dhe Princi i Kurorës pritet të diskutojnë mbi Marrëveshjet e Abrahamit, marrëdhëniet ndërkombëtare dhe investimet dypalëshe.

Ronaldo, i cili luan për Al-Nassr në Arabinë Saudite, ka qenë shpesh pozitiv në deklaratat e tij mbi vendin dhe rolin e tij në futbollin saudit.

Në një intervistë të mëparshme me gazetarin Piers Morgan, Ronaldo kishte shprehur dëshirën për t’u takuar me Trump, duke thënë se “ai është një nga ata njerëz që mund ta ndryshojnë botën”.

The post Cristiano Ronaldo pritet të takohet sot me Donald Trump në Shtëpinë e Bardhë appeared first on Albeu.com.