Trajneri i Interit, Cristian Chivu, deklaroi se mbetet “i lumtur dhe optimist për të ardhmen” e skuadrës, pavarësisht disfatës 2-1 ndaj Real Madridit në Ligën e Kampionëve.

Skuadra zikaltër pati kontrollin e takimit për pjesën më të madhe të ndeshjes në Bernabeu, por gabimet e saj u shfrytëzuan nga madrilenët, të cilët shënuan dy gola të hershëm.

Goli i parë erdhi pas një pasimi të pasaktë të Curtis Jones, ndërsa më pas Josep Martinez u kap jashtë pozicionit teksa tentonte të driblonte Federico Valverden brenda zonës.

Interi arriti të reagojë përmes Carlos Augustos, i cili realizoi pas asistimit të Lautaro Martinez. Në vazhdim, si Thibaut Courtois, ashtu edhe Josep Martinez, bënë pritje të rëndësishme, duke ndikuar në fiksimin e rezultatit 2-1.

“Nuk jam aspak i zemëruar. Përkundrazi, jam i lumtur me guximin dhe karakterin që tregoi skuadra ime”, u shpreh fillimisht Chivu për Sky Sport Italia.

“Gabimet janë pjesë e sportit, por e rëndësishme është mënyra se si reagon pas tyre dhe si vazhdon përpara, përmes gjuhës së trupit dhe qëndrimit deri në fund. Mendoj se zhvilluam një paraqitje të mirë, duke synuar të dominonim dhe ta mbanim iniciativën gjatë gjithë ndeshjes”.

“Kjo më bën të ndihem i lumtur dhe optimist për të ardhmen e këtij ekipi. E dinim se do t’u krijonim disa mundësi në tranzicion dhe se ata kanë shumë cilësi në sulm, por ne qëndruam në lojë deri në fund, treguam karakter dhe realizuam një paraqitje të mirë”.

“Jam krenar që luajtëm me guxim. Nuk erdhëm këtu për të kërkuar vetëm një pikë, por për ta kontrolluar ndeshjen ndaj një kundërshtari si Real Madridi”, përfundoi trajneri i Interit.

The post Chivu: Jam i kënaqur dhe besimplotë për të ardhmen e Interit, ndaj Real Madridit patëm kontrollin e lojës appeared first on Albeu.com.

Chivu zëvendëson Inzaghin si trajner i ‘Nerazzurrëve’ me një kontratë fillestare dyvjeçare, e cila do të zgjasë deri në fund të sezonit 2026/2027.

44-vjeçari i është bashkuar sërish Interit pas një periudhe katërmujore në Serie A me Parmën, të cilën e udhëhoqi drejt mbijetesës në javën e fundit të kampionatit 2024/2025.

Ai tashmë i ka dhënë lamtumirën klubit të tij të mëparshëm, i cili gjithashtu ka konfirmuar largimin e tij.

A new chapter waiting to be written 🖊️
Cristian Chivu is our new head coach 🇷🇴#ForzaInter #WelcomeCristian

— Inter ⭐⭐ (@Inter_en) June 9, 2025

Chivu e kaloi pjesën e fundit të karrierës si futbollist pikërisht në ‘San Siro’ me Interin, ndërsa karrierën si trajner e nisi po në Milano, duke drejtuar ekipet e moshave U14, U17, U18 dhe më pas skuadrën Primavera nga viti 2018 deri në vitin 2024.

Më pas u largua për të marrë drejtimin e Parmës në shkurt të vitit 2025, por tani është kthyer për të marrë postin e trajnerit të parë te ‘Nerazzurrët’.

“FC Internazionale Milano ka kënaqësinë të mirëpresë Cristian Chivu si trajnerin e ri të skuadrës së parë”.

“Trajneri ka nënshkruar kontratë me Interin deri më 30 qershor 2027,” thuhet në njoftimin zyrtar të klubit./Telegrafi/

The post Zyrtare: Cristian Chivu emërohet trajner i ri i Interit appeared first on Albeu.com.