Merkatoja verore e Superiores ka sjellë dy afrime me vlerë të konsiderueshme për standardet e futbollit shqiptar: portierin francez Paul Bernardoni te Teuta dhe Cristian Avram te Vllaznia.

Të dy lojtarët janë transferuar pa kosto, pasi Bernardoni iu bashkua Teutës me parametra zero, ndërsa Avram kaloi te Vllaznia gjithashtu falas. Megjithatë, këto dy lëvizje përfaqësojnë vetëm pjesën më të dukshme të situatës.

Të dhënat e “Transfermarkt” e rendisin Bernardonin si futbollistin me vlerën më të lartë në Superiore, konkretisht 1.2 milionë euro. Në vendin e dytë vjen portieri rumun i Vllaznisë, Cristian Avram, i vlerësuar 700 mijë euro.

Fakti që dy lojtarët më të shtrenjtë të kampionatit janë portierë mbetet një dukuri e pazakontë, jo vetëm për futbollin shqiptar, por edhe në një kampionat europian apo më gjerë.

The post Bernardoni dhe Avram rrisin vlerat e Superiores, kampionati shqiptar në një situatë të rrallë appeared first on Albeu.com.