Ronaldo prej disa kohësh lidhet më nje largim të mundshëm nga United, më saktë që nga momenti që ai nuk iu bashkua skuadrës në grumbullim.

Momentalisht duket se asnjë skuadër nuk është e interesuar për shërbimet e potugezit, jo për cilësitë që ai disponon ende, por për pagën e lartë dhe moshën që ka.

Lidhur me situatën që po kalon CR7 ka folur edhe Raphael Varane, i cili thotë se Ronaldo është një legjendë dhe nuk është e saktë që thuhet se United do të ishte më i fortë pa të.

“Ne i dimë kualitetet e tij. E dimë që ai është shumë i famshëm. Cristiano është garues i madh. Ai është legjendë dhe gjithmonë ndihmon skuadrën, kështu që është e qartë se është shumë mirë të luash me të”, ka thënë Varane, transmeton lajmi.net.

Ronaldo dhe Varane kanë qenë shokë skuadre edhe te Real Madridi, ku fituan shumë trofe së bashku.

Mbetet të shihet nëse dyshja do të vazhdojnë të luajnë në të njëjtën skuadër edhe sezonin e ardhshëm./albeu.com

The post CR7 në dilemë për të ardhmen, Varane e mbështet: Është një legjendë appeared first on Albeu.com.