Vrau të riun nga Kukësi dhe plagosi shokun e tij, flet për herë të parë “Kobra”: Vëllai im nuk është i përfshirë

E B — Wed, 04 Jan 2023 12:37:15 +0000

Në seancën paraprake në Gjykatën Themelore në Prizren, Dibran Hoxha i njohur me nofkën “Kobra”, i cili dyshohet për vrasjen e së martës në Prizren, tha se vëllai i tij, Enver Amrallahu, nuk kishte qenë në vendin e ngjarjes në momentin kritik, por erdhi më pas, ngase dikush i kishte thënë se e kanë vrarë atë (Hoxhën).

Ai tha se pajtohet me fjalët e mbrojtësit të tij, avokatit Nexhat Elshani, ndërsa theksoi se i pandehuri Enver Amrallahu në momentin kritik nuk ka qenë në vendin e ngjarjes, ashtu siç thuhet në kërkesën e Prokurorisë, por i njëjti ka ardhë pasi është informuar nga dikush lidhur me ngjarjen.

“Pajtohem me fjalët e avokatit, veç deshta me shtu diçka në lidhje me Enver Amrallahun, ky është vëllau prej nanës. Ky ka ardhë masi ka ndodhë, masi ka ni prej tjerëve që ka ndodh diçka në lokal, ka ardhë masi me policinë mrapa krejt kur janë marrë deklaratat krejt, kanë ardhë e kanë nxanë aty si vlla”, tha i dyshuari Hoxha.

Hoxha tha se Armallahu ka ardhë pasi kishte marrë informacione se ai (“Kobra”) është vrarë.

Seanca është duke vazhduar me deklarimet e palëve të tjera.

Ndryshe, sipas Prokurorisë, Dibran Hoxha po dyshohet për veprat penale “Vrasje e rëndë”, armëmbajtje pa leje dhe manipulimi me prova, ndërsa Arben Vezaj, Burim Mazreku, Jesmir Badalli, Kujtim Gashi dhe Enver Amrallahi, po dyshohen për veprën penale “Pjesëmarrja në rrahje”.

“Më dt 03.01.2023, rreth orës 04:00, në afërsi të lokalit të tij “Kobra City”, që gjendet në rrugën magjistrale Prizren- Zhur, me armë zjarri, me dashje e privon nga jeta viktimën V.C, duke vë në rrezik jetën e të dëmtuarit R.Sh, të cilin e plagos dhe duke vë në rrezik edhe jetën e të dëmtuarit A.B, që të tre shtetas të Republikës së Shqipërisë, në atë mënyrë që për shkak të një mosmarrëveshje paraprake që kishin pas rreth pagimit të faturës në lokal, fillon përleshja në mes punëtorëve në lokalin “Kobra City”, me të dëmtuarit ku pas kacafytjeve dhe rrëmujës së krijuar në lokal, të dëmtuarit dalin nga lokali dhe pasi hypin në veturën “Mercedes” FA 19-PFX, me targa angleze, për tu larguar në parkingun e lokalit, paraqitet i dyshuari Dibran Hoxha, i cili me armë zjarri shtënë në drejtim të veturës, me ç’rast e qëllon të dëmtuarin V.C, i cili kishte qenë i ulur në ulësen e pasme të veturës dhe R.Sh, i cili kishte qenë i ulur në ulësen e përparme, dhe si pasojë e këtyre të shtënave me armë zjarri V.C ndërron jetë rrugës për në spitalin e Kukësit, derisa R.Sh nga plagët e marra nga Kukësi dërgohet në spitalin e Tiranës”, thuhet në kërkesën e Prokurorisë.

Me këtë, Hoxha dyshohet se ka kryer veprën penale “Vrasje e rëndë” nga neni 173, par.1, nënpar, 1.5 të Kodit Penal. /BetimipërDrejtësi

The post Vrau të riun nga Kukësi dhe plagosi shokun e tij, flet për herë të parë “Kobra”: Vëllai im nuk është i përfshirë appeared first on Albeu.com.

Pandemia në Kosovë nuk kurseu as mjekë e infermierë: 28 të vdekur e mbi 3 mijë të infektuar

E S — Sat, 13 Mar 2021 17:51:37 +0000

Për një vit rresht, brenda një dita qindra pacientë me covid-19 i trajtuan vetëm në një klinikë. Shërimi i të tjerët ishte dhe mbetet qëllimi kryesor i mjekëve në këtë luftë që po vazhdon.

Punëtorët shëndetësor nuk shpëtuan pa u prekur nga pandemia Covid-19. Që nga 13 marsi i vitit të kaluar deri tani, u infektun 1 mijë e 400 mjekë me covid-19, ku 18 prej tyre kanë humbur jeten si pasojë e infektimit me Covid-19.

Ndërsa, janë rreth 1 mijë e 650 infermierë që janë prekur me Covid 19, ku 10 prej tyre kanë vdekur.

Të gjithë punëtorët shëndetësor janë përballur me vështirësi të ndryshe përgjatë këtij viti në luftë me pandeminë.

Në një përgjigje për lajmi.net, Oda e Mjekëve të Kosovës ka bërë të ditur se vështirësitë më të mëdha ishin në fillim të kësaj pandemie.

“Në fillim vështirësite kryesore me të cilat janë perballë kolegët tonë kanë qenë pikëpyetjet e shumta rreth visrusit, protokolet terapeutike si dhe mungesat e shumta në mjete mbrojtese dhe aparaturë adekuate. Tani koleget tonë janë duke u përballur me lodhjen fizike dhe psiqike”, kanë thënë nga OMK.

Ndërkaq, edhe infermierët vazhdojnë të ketë barrë të madhe në luftimin e Covid-19.

Vështirësi janë paraqitur edhe në punën e infermierëve në gjithë territorin e Kosovës.

“Sa i përket vështirësive, ato janë të shumëta. Në fillim të pandemisë problem ishte qasja dhe frika në raport me një virus shumë të panjohur. Pastaj, mungesa e kushteve shpeshherē më elementare për punë, kufizonte mundësitë për trajtimin më të mirë mjekësor ndaj pacientëve. Po ashtu, numri i vogël i stafit infermieror në raport me kërkesat për shërbime, sidomos në klinikat ku trajtohen pacientët me Covid ishte problem në vete. Pastaj rrezikshmerija ishte e lartë nga infektimi kurse stimulimi për Infermierët që kanë rrezikuar edhe shëndetin e tyre dhe të familjarëve të tyre, ka qenë minimal”, thuhet në përgjigjen e Odës së Inerfierëve të Kosovës për lajmi.net.

Ndërkaq, lajmi.net ka realizuar dokumentarin “Mes jetës dhe vdekjes, goditja e fuqishme trazuese që s’po merr fund”, ku ka përmbledhur një vit pandemic në Kosovës, përmes rrëfimeve të veçanta nga personazhe të sferave të ndryshme, që në ndonjë formë u përballën me virusin Covid-19.

The post Pandemia në Kosovë nuk kurseu as mjekë e infermierë: 28 të vdekur e mbi 3 mijë të infektuar appeared first on Albeu.com.

#covid #mjek #kosove Archives - Albeu.com

Vrau të riun nga Kukësi dhe plagosi shokun e tij, flet për herë të parë “Kobra”: Vëllai im nuk është i përfshirë

Pandemia në Kosovë nuk kurseu as mjekë e infermierë: 28 të vdekur e mbi 3 mijë të infektuar