Sipas gazetës Vijesti,  inspektorët e Sektorit për Luftën kundër Krimit, ndanë me kolegët tek Administrata Doganore, informacionet se në një kontenier me banane, fshihej një sasi e madhe kokaine e cila do të hynte në Portin e Tivarit.

Për të kapur “mat” trafikantët dhe sasinë e drogës, ata i lejuan trafikantët të kalonin lehtësisht drogën në Portin e Tivarit dhe në Podgoricë, ku doganierët në marrëveshje me policinë nuk skanuan mallrat dhe lanë të “lirë” kamionin për të arritur në destinacionin final.

Trafikantët  hynë në “kurth” dhe e dërguan drogën në një magazinë në fshatin Zeta, ku u konfiskua. Policia malazeze bën me dije se nga ky aksion është kapur një sasi droge kokaine, mbi 1 ton e ndarë në 1 205 pako.

Mësohet se të arrestuarit janë Arijana K. dhe Buda K.

“Droga u gjet në një kontejner me banana dhe u arrestuan dy persona”, shkroi më pas në Twitter Drejtoria e Policisë së Malit të zi, e cila pasi e peshoi konstatoi se bëhej fjalë pikërisht për 1 205 kilogram kokainë, të ndarë në pako 1 kilogramëshe.

Vijon… /albeu.com/

The post 1 205 pako me emrin “covid”! Si u kapën 1.2 ton kokainë në portin e Tivarit, trafikantët ranë në kurthin e policisë (FOTO LAJM) appeared first on Albeu.com.