Ndërkohë që në Shqipëri ka nisur vaksimi i detyrueshëm, fillimisht me studentët, mjekët dhe pedagogët, rastet e COVID-19 e kanë kaluar 1000 në ditë, ndërkohë nuk kanë munguar as humbjet e jetës.

Përballë presionit dhe përgjegjësisë për t’u vaksinuar, le të zbulojmë më shumë mbi çmimet e vaksinave anti COVID-19 që qarkullojnë.

Investigimi nga Open Data:

Open Data Albania po hulumton mbi çmimet e vaksinave të zhvilluara dhe që po administrohen gjerësisht kundër Covid 19. Artikulli synon të informojë mbi variancën dhe diferencat e çmimeve sipas vaksinës së zhvilluar dhe sipas vendit/kontinentit.

Të dhënat për këtë artikull janë marrë kryesisht nga organizata ndërkombëtare UNICEF (2021), e cila ka zhvilluar së fundmi Panelin e Tregut të Vaksinave COVID-19-, një mjet ndërveprues për partnerët, prodhuesit dhe vendet. Janë 22 vaksina të miratuar për përdorim të paktën nga një vend, ndërkohë Organizata Botërore e Shëndetit ka njohur shtatë vaksinat në Listën e Përdorimit Emergjent, e konkretisht AstraZeneca-Vaxzevria; SII-Covishield; Janssen Ad26.COV2.S; Moderna mRNA1273; Pfizer/BionTech-Comimaty; Sinophar (Pekin)-BBPIBP; Sinovac-CoronaVac. Tre prej tyre kanë hyrë edhe në vendin tonë.

Nga të dhënat e përpunuara dhe raportuar nga UNICEF, çmimi për një dozë vaksinë varjon nga 2-37 USD. Vaksina më çmimin më të ulët është AstraZeneca, ndërsa me çmimin më të lartë është tregtuar Moderna. Vaksinat janë tregtuar me çmime të ndryshme në vende apo kontinente të ndryshme. Nëse llogarisim një mesatare çmimi jo sipas sasisë por sipas çmimit në vende ku është tregtuar më shumë, rezulton që nga shtatë vaksinat e njohura për përdorim emergjent nga OBSH Moderna mRNA1273 dhe Sinopharm (Pekin)-BBPIBP janë më të shtrenjtat. Asnjëra prej tyre nuk ka hyrë në vendin tonë. Pas vjen po kinezja Sinovac – CoronaVac me çmim mesatar për vendet kryesore ku është tregtuar rreth 17.85 USD. Kjo vaksinë është blerë edhe nga Shteti ynë, me kontratë sekrete pa të dhëna për çmimin dhe pagesën, detaje që janë zbardhur me Vendim të Këshillit të Ministrave që Autorizon Transaksionet.

Për shtatë vaksinat  e miratuara nga OBSH për përdorim emergjent, çmimet janë si më poshtë: AstraZeneca, rezulton të jetë tregtuar me çmimin më të ulët, konkretisht për Komisionin Evropian është shitur 2.19 USD doza. Ndërsa çmimi më i lartë i tregtimit të kësaj vaksinë ka rezultuar me Filipinet 5USD. Çmimi mesatar i një doze vaksine është 3.69 USD. Konstatohet se përveç prodhimit nga kompania zhvilluese Astrazeneca, i është dhënë eskluzivitet për prodhim dhe institutit brazilian Fiocruz, e cila ka tregtuar në vend me çmim 3.16 USD një dozë. Kjo vaksinë ka hyrë edhe në Shqipëri përmes Marrëveshjes për lehtësira COVAX.

Vaksina Pfizer/BioNTtech-Comirnaty, rezulton të jetë tregtuar me çmimin më të ulët për vendet Afrikane më pak se 7 USD, ndërsa çmimi më i lartë deri tani ka qenë 23.15 USD për dozë, tregtuar Komisionit Evropian (KE). Megjithatë ky nuk është çmimi i vetëm që i është ofruar KE-së, deri tani rezultojnë çmime të diferencuar nga 14.7 deri 23.15 USD  për Komisionin Evropian. Ndërkohë SHBA-të e kanë blerë një dozë rreth 19.5$. Kjo vaksinë është siguruar nga shteti shqiptar përmes dy marrëveshjeve me kompani prodhim tregtim konkretisht me Pfizer Export BV dhe tjetra me Pfizer Overseas LLC . Të dyja këto marrëveshje janë konsideruar sekrete nga autoriteti shqiptar por në databazën OpenProcurement Albania, tenderime Covid 19 janë vendosur me kujdes të gjitha dokumentet qeveritare që zbardhin planifikime buxhetore dhe shpenzime për këtë lloj Kontraktimi.

Vaksina SII-Covishield, është tregtuar me çmimin më të ulët në vendin e origjinës Indi me çmimin 2.88$. Çmimi më i lartë për tregtimin e kësaj vaksine shënohet në Bangladesh në tregje private. Çmimi mesatar rezulton 4.8$.

Vaksina Sinopharm (Pekin)- BBIBP-CorV renditet në vaksinat me çmim relativisht të lartë. Çmimi mesatar rezulton rreth 23.6$. Sipas të dhënave të disponueshme, deri tani rezulton që çmimi më i ulët i shitjes ka qenë 15$, tregtuar në Argjentinë dhe në Mongoli. Ndërsa çmimi më i lartë është në Hungari përkatësisht 36$.

Vaksina Sinovac-Coronavac, vaksina kineze e cila është njohur së fundmi nga OBSH për përdorim emergjent në Qershor 2021, është tregtuar më çmimin më të ulët në Kamboxhia, 10$ për një dozë. Ndërsa çmimi më i lartë i shitjes shënohet 32.5$ me tregje private në Tailandë. Kjo vaksinë është blerë edhe nga Shteti Shqiptar përmes tregtarit turk Keymen Ilac Sanayi ve Ticaret Anonim Sirketi.

Vaksina Johnsson Ad26 cov2S nga Janssen, rezulton të jetë shitur me çmim më të ulët për Komisionin Evropian, 8.5$ për doze, ndërsa SHBA dhe unioni Afrikan e kanë blerë dozën me 10$. Vaksinimi i plotë me këtë vaksinë, ndryshe nga të tjerat, përfshin vetëm një dozë.

Vaksina Moderna, e cila rezulton me çmimin më të lartë deri tani, është tregtuar me çmimin më të ulët në marrëveshjen me SHBA për 15USD doza, ndërsa çmimi më i lartë 37 USD po për vendet e SHBA-së, por nëpërmjet marrëveshje me organizatën shëndetësore siç është mekanizmi HICs Hospital Incident Command System.

Përveç vaksinave të njohura nga OBSH si më lart, vaksina të tjera të miratuara të paktën nga një vend dhe të përhapura gjerësisht, janë tregtuar me çmime të ndryshme që variojnë si vijon:

Vaksina Covaxin -Bharat Biotech është tregtuar me çmimin më të ulët në vendin e origjinës në Indi përkatësisht 3$ dhe me çmimin më i lartë deri tani është 35 $ tregtuar në tregjet private në Nepal. Vaksina ruse Sputnik V, prodhuar nga Instituti i Kërkimit Gamaleya është tregtuar me çmimin më të ulët në Argjentinë 9.95$ dhe me çmimin më të lartë në tregje private të Pakistanit, përkatësisht 27$. Përveç institutit zhvillues, në pamundësi të furnizimit me dozat e kërkuara, kjo vaksinë po prodhohet nga laboratorë të tjerë që kanë marrë eskluzivitetin e prodhimit, si Shilpa Biologicals, apo Uniao Quimica Farmaceutica National, kjo e fundit rezulton ta ketë tregtuar vaksinën Sputnik me një çmim më të ulët, konkretisht 3$ për doze në Amerikën Latine. Një tjetër vaksinë kineze, CaNsino, është tregtuar me çmim 27.15$ në tregje private të Pakistanit. Vaksina Curevac i është tregtuar me çmim 11.8$ Komisionit Evropian. Vaksina Covovax, një tjetër vaksinë e prodhuar po nga Serume Institute of India, që ka zhvilluar dhe vaksinën SII-Covishield, është tregtuar nëpërmjet facilitetit COVAX AMC me çmim 3$ për dozë. Vaksina Nano Covax, është tregtuar në Vietnam me çmimin 5.19$.

Në Shqipëri janë administruar katër lloj vaksinash deri tani për të parandaluar sëmundjen COVID- 19 si BioNTech Pfizer; CoronaVac; Oxford, AstraZeneca dhe Sputnik V. Deri në datë 27 Gusht 2021 kanë mbërritur në Shqipëri rreth një milion e nëntë qind mijë (1,899,172) doza vaksine anticovid. Nga këto, rreth 550 mijë doza janë nga vaksina Pfizer, 320 mijë nga vaksina AstraZeneca, 50 mijë doza vaksine Sputnik V, dhe mbizotëron Sinovac-Coronavac me 900 mijë doza. Deri në 31 gusht 2021 në Shqipëri janë vaksinuar 22% e popullsisë.

Sipas platformës OWID, deri në datë 15 Gusht 2021, janë raportuar rreth 4.72 miliardë doza vaksina në të gjithë boten. Numri më i lartë i dozave të administruara, rreth 65% e totalit ose 3.08 miliardë doza është administruar në Kontinentin Aziatik, ku gjendet dhe pjesa më e madhe e popullsisë afro 4 miliardë banor. Në rang global janë vaksinuar plotësisht rreth 1.84 miliardë njerëz ose 23.6% e popullsisë së botes. Sipas të dhënave të raportuar mbi administrimin e vaksinave, rezulton se vaksinat janë siguruar nëpërmjet mekanizmave ndërkombëtare, marrëveshjeve qeveritare të vendeve të ndryshme; dhe nëpërmjet tregjeve private të një vendi. /albeu.com/

The post Kush shitet më shtrenjtë e kush më lirë? Kaq para kushtojnë vaksinat e COVID-19 (FOTO LAJM) appeared first on Albeu.com.

Duke folur për mediat amerikane, Fauci ka thënë se është koha që të përdoret një tjetër mënyrë që personat e pavaksinuar të binden për të kryer vaksinat anti-Covid.

Por vaksinimi i detyruar në SHBA pritet të bëhet nga muaji shtator, pasi ekspertët presin që Administrata e Ushqimit dhe Barnave të japë miratimin e plotë për vaksinën Pfizer deri në fund të muajit gusht.

“Shpresoj – nuk parashikoj – shpresoj se do të jetë brenda javëve të ardhshme. Shpresoj që të jetë brenda muajit gusht. Nëse është kështu, ju vaksina do të bëhet e detyruar në kolegje, universitete, biznese, dhe unë e mbështes fuqimisht këtë. Ka ardhur koha. … Duhet të bëjmë një hap shtesë për t’i vaksinuar njerëzit”, tha ai.

FDA ka dhënë vetëm miratimin e përdorimit emergjent të vaksinave Pfizer, Moderna dhe Johnson & Johnson, por agjencia pritet që së shpejti të japë miratimin e plotë për Pfizer.

Administrata e Presidentit amerikan Joe Biden ka deklaruar se qeveria federale nuk do të urdhërojë vaksinimet për njerëzit përveç punonjësve të qeverisë, por gjithnjë e më shumë po u kërkon shteteve dhe pushteteve lokale, si dhe bizneseve që të marrin në konsideratë urdhra të tillë, shkruan panorama.

Fauci, i cili është këshilltari kryesor mjekësor i Presidentit Joe Biden, tha se “duhet të bëhen urdhërime në nivelin lokal” për të ndihmuar në frenimin e përhapjes së virusit.

The post E paralajmëron eksperti amerikan: Vaksina anti Covid-19 do të bëhet e detyrueshme nga shtatori! appeared first on Albeu.com.

Por ky afat, nuk merr parasysh vonesat politike në shpërndarjen e tyre, si për shembull vendet që vendosin kontroll mbi eksportet, apo faktin që shumica e dozave po shkon në vendet më të pasura. Kjo situatë, po nxit një fushatë që kërkon heqjen përkohësisht dorë nga e drejta e pronësisë intelektuale, në mënyrë që prodhuesit në vendet e varfra t’i prodhojnë vetë dhe sa më shpejt vaksinat anti–Covid.

Sa vaksina mund të prodhojë bota këtë vit?

Industria farmaceutike, e përbashkët me shumë sektorë industrialë, nuk e tregon kapacitetin e saj të prodhimit, thotë Rasmus Hansen, shefi ekzekutiv i “Airfinity”, një kompani analitike me bazë në Londër që përpilon të dhënat mbi këtë industrinë. Por ai parashikon që rritja e vaksinave, ka të ngjarë të jetë “eksponenciale” gjatë muajve të ardhshëm.

Sipas të dhënave të “Airfinity”, rreth 413 milion doza vaksinash anti–Covid-19 ishin prodhuar deri në fillim të këtij muaji. Kompania parashikon që kjo shifër të arrijë në 9.5 miliardë doza në fund të këtij viti.

Një shifër edhe më e madhe u parashikua javën e kaluar në një analizë të “Global HealthInnovation Center” në Universitetin Djuk në Durham, Karolina e Veriut. Studiuesit e qendrës,grumbulluan parashikimet e bëra publike nga prodhuesit e vaksinave, duke arritur në shifrën 12 miliardë doza deri në fund të 2021-it.

Por Andrea Tejlor, që drejtoi studimin në Universitetin Duke, thotë se këto shifra ka më shumë të ngjarë që të arrihen në fundin e vitit 2022. Kjo pasi prodhimi i vaksinave, mund të kërkojë më shumë se 200 përbërës individualë, të cilët shpesh prodhohen në vende të ndryshme.

Këtu përfshihen flakonët prej qelqi, filtrat, rrëshira, etj. “Nëse ndonjë prej tyre vonohet, atëherë kjo mund të prishë të gjithë procesin”- thotë Riçard Hachet, kreu ekzekutiv i Koalicionit për Inovacionet dhe Gatishmërisë Epidemike, një organizatë jo-qeveritare me seli në Oslo të Norvegjisë.

A mund të punojnë kompanitë së bashku, për t’i prodhuar më shpejt vaksinat?

Ato po e bëjnë tashmë këtë gjë. Kështu kompania “Merck”, me seli në Nju Xhersi po prodhon vaksina për rivalen e saj “Johnson & Johnson”. Dy kompani të tjetëra të madhe GSK me qendër në Londër dhe Novartis në Bazel të Zvicrës, janë duke prodhuar përkatësisht 100 milion dhe 250 milion doza të vaksinës për llogari të kompanisë “Curevac”, me qendër në Tybingen të Gjermanisë.

Një shkallë e tillë e bashkëpunimit midis korporatave shumëkombëshe është e pashembullt.

Përveç kësaj, janë nënshkruar shumë marrëveshje të tjera. Për shembull, francezja “Sanofi”, me seli në Paris, ka një kontratë me kompaninë “BioNTech” me seli në Mainc të Gjermanisë,për të prodhuar në një fazë më të vonë 125 milion doza të vaksinës Pfizer – BioNTech.

Ndërkohë ”Sanofi”, ka një kontratë për të paketuar miliona doza të kësaj vaksine.

Por marrëveshjet më të mëdha të prodhimit janë negociuar nga “AstraZeneca”, me seli në Kembrixh të Britanisë së Madhe, e cila ka kontraktuar 25 kompani në 15 vende, për njëkapacitet prodhues për 2.9 miliardë doza. Marrëveshja më e madhe e partneritetit është me Institutin Serum në Indi, që në qershor 2020 ra dakord të prodhojë 1 miliard doza të vaksinës “AstraZeneca”.

Pse bota nuk po prodhon më shumë vaksina?

Ekzistojnë 3 tipe kryesore të vaksinës anti–Covid: ajo me vektorin viral; virusin e plotë; dhe ARN mesazhere (ARN). Vaksinat e ARN-së, përbëhen nga fijet e materialit gjenetik që kodifikojnë një proteinë të virusit, që shkakton një përgjigje imune.

Prodhimi në masë i vaksinave të ARN-së është i ndërlikuar, thotë Zoltan Kis, inxhinier kimik në “Future Vaccine Manufacturing Hub” në Kolegjin Mbretëror të Londrës. Sipas tij, kjo teknologji nuk ishte përdorur asnjëherë më parë tek vaksinat, ndaj ka një mungesë të personelit të trajnuar.

Por pengesa kryesore në prodhimin më të madh të vaksinave mRNA, është mungesambarëbotërore e përbërësve thelbësorë, veçanërisht nukleotideve, enzimave dhe lipideve.

Kjo pasi ka relativisht pak kompani që i prodhojnë këto produkte, dhe jo në numër të mjaftueshëm për furnizim global. Për më tepër, këto kompani po tregohen shumë të ngadalta në licencimin e prodhimit të tyre, në mënyrë që këtë gjë ta bëjnë edhe të tjerët.

Deri në çfarë mase po e ngadalëson qasjen në vaksinat anti–Covid mbrojtja e pronësisë intelektuale?

Duke supozuar se duhen 2 doza për çdo njeri, atëherë nevojiten rreth 11 miliardë doza për të vaksinuar 70 për qind të popullsisë së botës. Ky është numri që mund të jetë i nevojshëm për të arritur imunitetin e tufës.

Deri tani vendet me të ardhura të larta dhe të mesme, që përfaqësojnë një të pestën e popullsisë së botës, kanë blerë rreth 6 miliardë doza. Ndërkohë vendet me të ardhura të ulëta, që përfaqësojnë katër të pestat e popullsisë, kanë siguruar vetëm rreth 2.6 miliardë. Me ritme të tilla, këto të fundit mund të vaksinohen pas 2 ose më shumë vitesh.

Kjo është arsyeja pse India dhe Afrika e Jugut, janë ndër vendet që drejtojnë një fushatë për heqjen e përkohshme të së drejtës së pronësisë intelektuale të lidhur me COVID-19. JohnNkengasong, virologu që drejton Qendrat për Kontrollin dhe Parandalimin e Sëmundjeve në Adis Abeba, thotë se kjo kërkesë vjen nga përvoja e epidemisë së AIDS-it.

Në vitet 1990, thotë ai, ilaçet për të trajtuar HIV-in ishin në fillim në dispozicion për vendet me të ardhura të larta, edhe pse shumica e rasteve dhe vdekjeve nga HIV ndodhnin në Afrikë. Atëherë, ashtu si tani u deshën shumë vite që ilaçet e AIDS-it të shkonin në Afrikë, thotë ai.

Por ky propozim po kundërshtohet nga Bashkimi Evropian, Shtetet e Bashkuara, Britania e Madhe dhe shumica e kompanive më të mëdha farmaceutike në botë. Për ta heqja dorë nga të drejtat e pronës intelektuale është e panevojshme, madje edhe e padëshirueshme. /bota.al

The post Sa kohë do të duhet për të vaksinuar gjithë botën kundër Covid-19? appeared first on Albeu.com.

Janë vaksinuar gjithsej 12.100 qytetarë, respektivisht vetëm 0.7% e popullsisë, me çka radhitet mes vendeve ku procesi i vaksinimit është i dobët dhe i ngadaltë. Kryeministri Zaev paralajmëron se deri në fund të prillit do të mbërrijnë mbi 300.000 vaksina të reja.

“Presim që muajin prill ta përmbyllim me mbi 300.000 doza të vaksinës dhe edhe një herë do të përsëris prej ku priten këto vaksina. Presim të mbërrijnë sasitë e para, gjegjësisht 651.000 doza nga BE për Ballkanin Perëndimor, ku për vendet tona janë 100.000. Më me siguri 20-25 mijë doza do të mbërrijnë ditëve në vijim, gjatë këtij muaji, pasi disa herë thamë se kjo nuk varet vetëm prej nesh, por edhe nga pala tjetër, respektivisht nga furnizuesi i vaksinave. Presim dërgesën e parë të vaksinës “Fajzer”, kompani më të cilën kemi marrëveshje për 800.000 vaksina, pastaj e presim edhe dërgesën e dytë nga kovaks-mekanizmi, të cilën me siguri do ta marrim në prill. Në prill presim edhe 200.000 doza nga Kina, si dhe një sasi të konsiderueshme nga vaksina ruse “Sputnik”, me të cilën kemi kontratë për 200.000 vaksina”, tha kryeministri Zaev.

The post Shumë pak, ja sa % e popullsisë është vaksinuar në Maqedoni appeared first on Albeu.com.