Dhimbje koke e fortë, dhimbje fyti dhe rrjedhje hundësh janë tani simptomat më të raportuara nga qytetarët e prekur në Britani, ku varianti indian përbën mbi 90 për qind të rasteve të reja prej disa ditësh.

Prof. Tim Spector, i cili drejton studimin e Zoe Covid Symptom, thotë se infektimi me variantin indian mund të ngatërrohe “më shumë si një ftohje” te të rinjtë. Por, megjithëse mund të mos ndihen shumë të sëmurë, ata mund të jenë ngjitës dhe të vendosin të tjerët në rrezik.

Prof. Spector thotë se humbja e shijes dhe e aromës tani është më pak e zakonshme, bazuar në të dhënat që ekipi i Zoe ka marrë nga mijëra njerëz që kanë regjistruar simptomat e tyre në një aplikacion.

“Që nga fillimi i majit, ne kemi qenë duke parë simptomat kryesore në përdoruesit e aplikacioneve – dhe ato nuk janë të njëjtat me ato që ishin në fillim. Ndryshimi duket i lidhur me rritjen e variantit Delta, identifikuar së pari në Indi dhe tani përbën 90% të rasteve Covid në Mbretërinë e Bashkuar. Ethet mbeten mjaft të zakonshme por humbja e nuhatjes nuk shfaqet më në 10 simptomat kryesore”, thotë Prof Spector.

“Ky variant duket se po funksionon pak më ndryshe”, thotë ai. “Njerëzit mund të mendojnë se sapo kanë marrë një të ftohtë sezonal dhe ata ende shkojnë nëpër festa dhe ta shpërndajnë atë te njerëzit e tjerë.

The post Studimi: Varianti indian i Covid-19 nuk shkakton humbjen e shijes dhe nuhatjes appeared first on Albeu.com.

Në emisionin “Real Story” në “News 24”, ekspertët shëndetësorë të ftuar, u pyetën nëse duhet që shqiptarët të kenë frikë nga varianti indian i koronavirusit.

Mjeku Ilir Alimehmeti thekson se varianti indian i Covid është shqetësues, por jo mbizotërues. Brataj nënvizoi se OBSH s’flet për situatë alarmi.

Ilir Alimehmeti: Dy mutacione klasike që ka varianti indian, janë përshkruar. Edhe në Indi, 1 për qind ka dalë ai që e quajmë, variant indian. Quhet variant interesi, nuk është ende variant shqetësimi. Një gjë të tillë e thotë OBSH. Varianti indian nuk është mbizotërues. Ndërsa, britaniku është qartësisht mbizotërues.

Perlat Kapisyzi: India ka numër të madh banorësh. Fauci ka folur për izolim, izolim, izolim. Fakti që kemi Indinë shqetësues si vend, kjo do të thotë se fundi i pandemisë mund të jetë edhe më larg.

Skënder Brataj: Është variant shqetësues, por jo alarmues varianti indian i koronavirusit. Nuk është alarmues, sepse virulenca e këtij varianti nuk është përhapur më.

The post A duhet të kenë frikë shqiptarët nga varianti indian i COVID-19? Përgjigjen ekspertët appeared first on Albeu.com.