Deani Klafuriç e filloi aventurën e tij si trajner i Tiranës me një barazim pa shënime, në ndeshjen miqësore që skuadra bardheblu luajti kundër Corum FK në tokën turke.

Gjatë kësaj sfide, u hodhën në fushë pesë lojtarë të rinj që vijnë nga akademia e klubit. Bëhet fjalë për mesfushorët Mateo Maçin, Aimar Bamin dhe Olti Qerimaj, si dhe mbrojtësin qendror Leon Misja dhe sulmuesin e krahut të djathtë Serxho Prendi.

Sipas një komunikate të klubit në rrjetet sociale, ky konsiderohet një moment krenarie, i cili e shndërron Tiranën në një model frymëzues për Superioren. Kjo vjen në një kohë kur kampionati shqiptar po përgatitet të zbatojë një ndryshim thelbësor, duke filluar nga sezoni i ardhshëm, ku do të bëhet i detyrueshëm përfshirja e talenteve të rinj në formacionet e skuadrave.

The post Tirana teston rregullin e ri të Superiores, pesë talente debutojnë në miqësore appeared first on Albeu.com.

Të shtunën, në orën 17:00, skuadra bardheblu do të zhvillojë takimin e parë nën drejtimin e trajnerit Dean Klafuric, në duelin miqësor të organizuar në Turqi kundër Corum FK.

Pas një merkatoje të ngarkuar dhe afrimeve në të gjitha repartet, tekniku kroat do të shfrytëzojë këtë mundësi për të testuar filozofinë e tij të lojës dhe për t’u integruar më thellë me grupin që ka në dispozicion.

Përballja merr një shije të veçantë për Tiranën, pasi radhët e ekipit turk i përket edhe Ylber Ramadani, aseti i Kombëtares shqiptare që këtë verë iu bashkua Corum FK, pas një aventure në Serie A me fanellën e Lecces.

The post Starti i epokës Klafuric, Tirana përballet në testin turk me skuadrën e mesfushorit kuqezi (PROGRAMI) appeared first on Albeu.com.

Ylber Ramadani duket se do të jetë futbollisti i radhës shqiptar që do të vazhdojë karrierën në Superligën turke. Sipas raportimit të gazetarit italian Gianluca Di Marzio, mesfushori i Kombëtares është drejt kalimit te Corum FK, skuadër që siguroi ngjitjen në elitë për sezonin e ardhshëm.

Klubi që mban kartonin e lojtarit, Lecce, mësohet se ka dhënë pëlqimin për ofertën e ardhur nga ekipi turk. Kështu, pas tre sezonesh në Serie A, Ramadani është gati të nisë një eksperiencë të re në karrierën e tij.

Në kampionatin turk, futbollisti kuqezi do të bëhet pjesë e një grupi të njohur lojtarësh shqiptarë. Aktualisht aty aktivizohen edhe Qazim Laçi te Rizespor, Ernest Muçi te Trabzonspor, Rey Manaj te Sivasspor (mund të largohet), Taulant Seferi dhe Arlind Ajeti te Bodrum FK, si dhe Arbnor Muja te Samsunspor.

The post Ylber Ramadani ndahet nga Serie A, mesfushori kuqezi pritet të transferohet te Corum FK në Turqi appeared first on Albeu.com.