Sezoni i ri i Superligës Turke nisi me një përballje dramatike mes Galatasaray dhe Corum. Në sfidë u realizuan plot 4 gola dhe të dyja skuadrat morën nga një pikë, ndërsa miqtë mbetën me një lojtar më pak në minutën e 70-të, pas kartonit të kuq të sulmuesit grek Alexandros Kyziridis.

Vëmendja ishte përqendruar edhe te debutimi i Ylber Ramadanit, i transferuar këtë verë nga Lecce te Corum. Megjithatë, mesfushori shqiptar nuk ishte i pranishëm as në formacion, as në stolin e rezervave dhe as në tribunë.

Mungesa e tij lidhej me një pezullim të mbartur nga sezoni i fundit me klubin italian. Pas zhvillimit të ndeshjes së parë, Ramadani e ka shlyer dënimin e mbetur dhe mesfushori i Shqipërisë mund të aktivizohet që në takimin e ardhshëm të Corum.

The post Arsyeja pse Ylber Ramadani mungoi në barazimin e Corum ndaj Galatasaray në Stamboll appeared first on Albeu.com.

Në një ndeshje kontrolli të zhvilluar në terrenet turke, Tirana u ndal në një barazim të bardhë përballë Çorum FK, pa mundur asnjëra palë të shënojë. Rezultati përfundimtar 0-0 pasqyron një përballje të ekuilibruar dhe pa emocione në rrjetë.

Kjo miqësore shërbeu si një test i rëndësishëm për grupin bardheblu, që po zhvillon fazën përgatitore larg Shqipërisë. Pavarësisht mungesës së golave, djemtë nga kryeqyteti demonstruan qëndrueshmëri ndaj një rivali që militon në kategorinë e parë të Turqisë.

Në këtë sfidë, trajneri Dean Klafuriç regjistroi debutimin e tij në pankinë, duke e nisur me një rezultat që, në kontekstin e kundërshtarit, merr konotacion pozitiv. Tirana vijon kështu përgatitjet intensive në kampin në Turqi, ku ka qëndruar prej disa ditësh, në funksion të sezonit të ardhshëm në kategoriën elitarë “Abissnet Superiore”.

The post Barazim pa gola për Tiranën në miqësoren ndaj Çorumit, një provë e suksesshme për trajnerin e ri Klafuriç appeared first on Albeu.com.