Sinovac planifikon të paraqesë materiale shtese aplikimi klinik për vaksinën e tij veçanërisht për te luftuar variantin Delta deri ne fund të këtij viti. Menaxheri i përgjithshëm i Sinovac me bazë në Pekin ka deklaruar se Sinovac ka përfunduar kërkimin para klinik mbi variantin Delta si dhe variantin Gama dhe do të paraqesë materiale aplikimi për kërkime klinike në të ardhmen e afërt.

Mbrojtja kundër variantit Delta nga ana vaksines Sinovac pritet të jetë jo më pak rezultative se vaksinat ekzistuese dhe do të përfshijë tre doza për të rritur imunitetin.

Gao tha se kompania ka përfunduar studimin mbi vaksinën përforcuese të vaksinës Covid-19, e njohur si CoronaVac. Niveli neutralizues i antitrupave i prodhuar nga kjo vaksinë është i krahasueshëm me atë të vaksinave të tjera të proteinave dhe vaksinave mRNA të përdorura në të gjithë botën, duke përmbushur standardet e përparuara ndërkombëtare.

Ndërkaq Turqia po lehtëson udhëtimet e shtetasve të saj jashtë vendit duke ofruar të vaksina Pfizer për të vaksinuarit me Sinovac

Covid-19 për ata që duan të udhëtojnë në vendet që nuk kanë miratuar vaksinën e koronavirusit Sinovac të Kinës.

Turqia ka administruar 83 milionë vaksina kundër Covid-19, kryesisht Coronavac dhe vaksina Pfizer-BioNTech./VOA

The post Sinovac përforcohet ndaj variantit Delta, vaksina kineze gati ta luftojë më mirë virusin appeared first on Albeu.com.

Ndërsa rendit dy gjetje të studimit klinik zyrtar të fazës 1 dhe fazës dy, epidemiologu shkruan se në përfundim të fazës së parë dhe të dytë klinike të dozës së tretë të vaksinës Coronavac tek moshat mbi 60-vjeç është zbuluar se 2 javë pas dy dozave CoronaVac (3 μg), 97.8% e personave kanë antitrupa neutralizues mbi titrin e rekomanduar. Më tej, ai shkruan se 6 muaj pas dy dozave CoronaVac (3 μg), vetëm 17.8% e personave vazhdojnë ta kenë këtë nivel antitrupash, pra ka një rënie me 80% brenda 6 muajsh.

ANALIZA E PLOTË:

“CoronaVac ka nevojë për një dozë të tretë te moshat mbi 60 vjeç” janë gjetjet e studimit klinik zyrtar të fazës 1 dhe 2 në Kinë!

Kina zyrtare ka qenë gjithmonë korrekte në publikimet dhe vënien në dijeni të studimeve (ndryshe nga shtete të tjera më të pazhvilluara që përdorin këtë vaksinë) dhe ky është rezultati i një studimi zyrtar të kryer nga CDC Hebei Kinë, Laboratori Kyç i Shëndetit Publik (Ministria e Arsimit Kinë) dhe firma farmaceutike Sinovac Life Sciences Co. Beijing Kinë.

Në përfundim të fazës së parë dhe të dytë klinike të dozës së tretë së vaksinës CoronaVac në moshat >60 vjeç, të prepublikuar më 8 Gusht 2021, autorët gjejnë se:

2 javë pas dy dozave CoronaVac (3 μg), 97.8% e personave kanë antitrupa neutralizues mbi titrin e rekomanduar, por

6 muaj pas dy dozave CoronaVac (3 μg), vetëm 17.8% e personave vazhdojnë ta kenë këtë nivel antitrupash, pra

Rënie me 80% brenda 6 muajsh.

Pas aplikimit të dozës së tretë CoronaVac (3 μg):

100% personave zhvillojnë antitrupa neutralizues mbi titrin e rekomanduar.

Në nivel sasior, titri gjeometrik mesatar i antitrupave neutralizues ishte:

42.7 (pozitiv) dy javë pas dy dozave (niveli i rekomanduar >8),

3.4 (negativ) gjashtë muaj pas dy dozave (niveli i rekomanduar >8), dhe

305.0 (pozitiv) shtatë ditë pas dozës së tretë.

Doza e tretë (3 μg) është toleruar mirë dhe të gjitha reaksionet ishin të gravitetit të nivelit 1 dhe 2 (detajet në tabela).

Sqarim 1: është paraqitur doza 3 μg, pasi është doza zyrtare e licensuar për këtë vaksinë, megjithatë studimi përfshin edhe dozat 1.5 μg dhe 6 μg.

Sqarim 2: edhe pse titri i antitrupave neutralizues ka rënë në nivel negativ, jo automatikisht do të thotë e njëjta gjë për përgjigjen qelizore, pra vaksina me dy doza mund të vazhdojë të ofrojë mbrojtjen nga format e rënda.

Autorët dalin në përfundimin e qartë se:

Titri i antitrupave neutralizues bie shumë gjashtë muaj pas dy dozave CoronaVac te moshat e vjetra (>60 vjeç).

Një dozë e tretë indukton me shpejtësi (7 ditë) përgjigje imunitare të fortë.

Këto rezultate mund të ndihmojnë politikabërësit të përcaktojnë nevojën dhe kohën e saktë të dhënies së dozës së tretë te të moshuarit.

Duke qenë se Shqipëria ka vaksinuar kryesisht moshat e vjetra me CoronaVac në periudhën mars-prill-maj, këto gjetje duhet të na mbështesin përdorimin e një doze të tretë CoronaVac, akoma më mirë Pfizer apo AstraZeneca, brenda muajit nëntor, për t’i bërë ballë vjeshtë/dimrit të ardhshëm.

Dr. Shk. Ilir Alimehmeti

Epidemiolog Klinik Fakulteti i Mjekësisë, UMT Akademia e Shkencave të Shqipërisë. /albeu.com/

The post Alimehmeti: Tek moshat mbi 60 vjeç duhet aplikuar doza e tretë e vaksinës CoronaVac appeared first on Albeu.com.