Në dëshminë e saj të dhënë nëpërmjet një video-konferencë, ajo e ka përshkruar si një njeri besnik dhe që nuk ishte kurrë agresiv.

“Është një njeri besnik, kurrë agresiv. Nuk e ngriti kurrë zërin para askujt”, është shprehur ajo, shkruan La Libre.

Më tej ajo deklaroi se nuk ishte në dijeni të ndonjë aktiviteti kriminal. Më herët një tjetër dëshmitar kishte deklaruar se i njihte dy familjet Alibej dhe Çopja të cilët ka theksuar se janë në një luftë klanesh që të paktën që nga dhjetori i 2018.

Franc Çopja akuzohet si porositësi dhe organizatori kryesor i vrasjes me paramendim të Ardit Spahiut, një anëtar i një bande rivale shqiptare, i vrarë me armë zjarri në Molenbeek të Brukselit në nëntor 2020.

The post Gjyqi i famëkeqit Çopja në Belgjikë/ Dëshmon partnerja: Njeri besnik dhe kurrë agresiv! Nuk kam dijeni për…. appeared first on Albeu.com.

Në materialin e përgatitur, përmes të dhënave të dosjes hetimore zbulohen fakte interesante se si u dekonspiruan 2 prej operacioneve më të mëdha të trafikut të drogës në vitet e pandemisë 2020-2021 që kishin si autor Ervis Çelës dhe financues të sasisë së porositur Franc Çopja dhe Fadil Balla.

Ervis Çela është një ‘Lord i drogës’ shqiptar.

Tërësisht i panjohur për autoritetet ligjzbatuese, që nëse nuk do të zbërthehej aplikacioni Sky ECC, ndoshta nuk do të binin kurrë në gjurmët e tij.

Një ‘fantazmë’ thuajse për drejtësinë shqiptare, por që kishte lidhje të forta në Brazil, Kolumbi, Bolivi dhe Paraguaj.

Atje ku kishte mundur të korruptonte zyrtarë të të gjitha niveleve.

Ai është Ervis Çela. Nga fshati Fatish i Peqinit. Ku pas një vrasje të kryer në Itali ishte arratisur dhe vendosur në Paraguaj.

Atje ku kishte ngritur dhe perandorinë e tij të drogës.

Ku kishte bërë pjesë dhe 3 vëllezërit e tjerë, Rizain, Albinin dhe Ardjanin.

41-vjeçari që po pushonte i qetë me familjen e tij në një nga zonat më të bukura bregdetare të Shqipërisë, atë të rivierës së jugut, në Qeparo, kur befas u vendos në pranga nga Drejtoria e Forcës së Posaçme Operacionale në Policinë e Shtetit.

Fillimisht në akuzat për vrasje, rrëmbim dhe kanosje.

Por që në fakt atkviteti i tij i vërtetë siç do të shikohet edhe më poshtë, ishte ai i kreut të një prej organizatave kriminale shqiptare më të fuqishme në fushën e trafikut ndërkombëtar të trafikut kokainës nga Amerika e Jugut drejt vendeve të Bashkimit Europian.

Që e kishin kthyer në fundin e vitit 2020 dhe vazhdimin e vitit 2021 në një nga shqiptarët më të fuqishëm dhe me më influencë në Amerikën e Jugut, që së bashku me disa personazhe të tjerë të botës së krimit, kishin mundur të kalonin nga portet kryesore të Evropës, tonelata me kokainë.

Ku pavarësisht disa dështimeve që u kishin shkaktuar dhimbje të forta koke, ata nuk kishin hequr dorë, por kishin vazhduar me këmbëngulësi të sillnin tonelata të tjera.

Po kush ishte Ervis Çela dhe si mundi ai të kthehej në një lord shqiptar të drogës?

Si arrirti ai në Paraguaji aty ku ishte lidhur me ‘kuzhinierët’ më të fuqishëm të drogës, të kalonte i pashqetësuar dhjetra tonelata me kokainë fillimisht nga portet e Amerikës së Jugut dhe më pas në ato të Evropës?

Si u lidh ai me personazhin tashmë të pangatërrueshëm të Franc Çopjas, i njohur ndryshe edhe me mbiemrin Gergeli, që sot ndodhet në një burg të sigurisë së lartë në Belgjikë nën dyshimet për akuzën e vrasjes së një prej kundërshtarëve të tij?

Kush janë personazhet e tjerë të përfshirë në këtë trafik të pazakontë për nga përmasat të kokainës, midis tyre siç do të shikohet edhe më poshtë njerëz të cilët këto para i kishin investuar në Shqipëri në resorte, apo deri edhe në klube futbolli.

Pasuri të vendosura nëpërmjet drogës të cilat kapin shumat e çmendura të qindra miliona eurove

Apo që i kishin konvertuar deri në lingota ari…

Po për të njohur më mirë këta personazhe dhe modus operandi, apo mënyrën se si ata vepronin dhe mendonin, është me interes të ndjekim pikërisht atë që është operacioni i tyre i parë i dokumentuar tashmë i trafikimit të 12 tonë kokainë që ata ndërmorën në fundin e vitit 2020 nga Paraguaji i largët në Amerikën e Jugut drejt Evropës.

Këtu ku falë edhe bisedave që ata lanë si dëshmi në aplikacionin e koduar Sky Ecc, ne mundemi të shikojmë se edhe kush janë këta personazhe.

Operacion i cili në fakt nuk çoi menjëherë në identifikimin e tyre.

Pasi do të duheshin 3 vite të tjera analiza të bisedave për të zbuluar kokat dhe anëtarët e këtij grupimi.

Por lë te ndalemi te ajo që do të ishte puna e tyre e parë e sojme, dhe që papritur falë edhe gjenialitetit të tyre do t’i bënte aq të pasur, sa nëse do ta themi kështu edhe të fillonin të talleshin me paratë e fituara.

Ajo që ka lidhje me trafikimin e 11.6 ton kokainë nga Paraguaji në Evropë.

Drogë e cila do të kalonte e pashqetësuar në portin belg të Anversës në fundin e vitit 2020.

Punë e cila kishte filluar të bluhej në mendimet e tyre në shtatorin e këtij viti ku protagonist kryesor ishte Ervis Çela.

Një shtetas shqiptar me vendbanim në Paraguaji, i cili së bashku me një shtetas brazilian kishin marrë përsipër detyrën e vështirë të kalimit të kësaj sasie të jashtëzakonshme droge nga Porti i Villetas në Paraguaji për në atë të Anversës në Belgjikë.

Aty ku në këtë port ai që do t’i priste dhe kishte dalë garant për kalimin e ngarkesave me drogë do të ishte Franc Çopja.

I cili sot është ekstraduar nga Dubai i Emirateve të Bashkuara Arabe në Belgjikë, për llogari të autoriteteve ligjzbatuese në këtë vend, në akuzën për urdhërimin e vrasjes së Arian Spahiut i njohur si Arjani i Vogël, në lagjen Molenbek në vitin 2020.

‘Ushtarit’ të bandës së drejtuar nga Erion Alibej, kundërshtarit të tij më të përbetuar në Shqipëri.

Franc Çopja që ishte një financuesit kryesor të dy ngarkesave me drogë që po kalonin portin e Anversës, ku pjesa e tij ishte 5.5 ton kokainë.

Ndërsa një pjesë tjetër siç do të mësohet edhe më poshtë i përkiste shtetasit tjetër shqiptar, Fadil Balla, apo i njohur ndryshe edhe me gjeneralitetet Julian Balla.

I cili në vitet e fundit ka mbajtur postin e Presidentit të Klubit të Futbollit ‘Erzeni’ që përfaqëson ekipin e Shijakut.

Ekip që gjatë drejtimit të Ballës u katapultua nga ligat inferiore ku militonte deri në elitën e futbollit shqiptar.

Balla, një personazh ky i panjohur deri në arrestimin e tij, që kishte përfituar nëpërmjet kompanive të tij ndërkohë edhe tendera publikë për pastrimin e qytetit.

Por që ndërkohë kishte krijuar landfill të paligjshëm siç është edhe ai Hardhishtës në Shijak.

Që po ndoste të gjithë mjedisin e zonës.

Personazhe, ku kokat e grupit kriminal ishin Ervis Çela dhe Franc Çopja.

Çela që kishte zgjedhur për të kaluar këto sasi të mëdha droge, me anë të një forme të padëgjuar më herët.

Atë, ku njëra nga dy prej ngarkesave me kokainë, do të ishte e fshehur në kuti sapuni.

Ngarkesa të ndara secila në 7 dhe 4.6 ton

Nga të cilat siç thamë 80 kg i ishin blerë Ervis Çelës nga Fadil Balla.

I cili më pas do t’i blinte edhe 720 të tjera, që në total përbënin 800 kg.

Drogë e cila më pas me të kaluar portin e Anverës do të magazinohej në garazhet e siguruara më herët nga Franc Çopja.

I cili pas të tërhiqte sasinë e plotë prej 11.6 ton me të dalë nga Portin e Anversës, do të niste një operacion tjetër.

Atë të ndarjes së kokainës për bashkëpunëtorët.

Këtu ku në skenë dalin edhe disa personazhe të tjerë të cilët në bazë të urdhërit të lëshuar nga Çopja kishin tërhequr drogën nga porti.

Dy nga këta bashkëpunëtorë që ishin edhe Muharrem Daja dhe Nilson Bakiu.

Të cilët me të marrë instruksionet nga Miklovan Mullaj, një tjetër bashkëpunëtor i Franc Çopjas, një pjesë të drogës, atë që i përkiste Fadil Ballës, e magazinuan në një apartament në qytetin e Roterdamit në Holandë.

Por rrugëtimi i këtyre ngarkesave me kokainë nga Paraguaji në Belgjikë, nuk duket se kishte shkuar vaj për organizatorët.

Edhe pse më i dëmtuari në këtë operacion del të jetë Fadil Balla.

Sasia e drogës prej 600 kg të të cilit u sekuestrua në të njëjtën ditë që zbriti në Portin e Anversës dhe u magazinua në apartamentin e marrë prej tyre në qytetin e Roterdamit në Hollandë.

Kjo pas sinjalizimeve që policia holandeze kishte marrë që në muajin shtator rreth lëvizjeve të dyshimta të dy personave në këtë bllok apartamentesh

Aty ku nga vëzhgimet doli se personat ishin Muharrem Daja dhe Nilson Bakiu.

Tashmë të dënuar nga një gjykatë në Holandë me 5 vite heqje lirie për bashkëpunim në trafikun e drogës.

Por siç thamë ato që duket se do të dekonspironin grupin e plotë që ishte marrë me këtë trafik të lëndëve narkotike por edhe me episode të tjera në vazhdim do të ishin bisedat që ata kishin kryer për gjatë kësaj gjithë kësaj kohe në Sky Ecc.

Komunikime të cilat nisin fillimisht midis Ervis Çelës dhe Fadil Ballës.

Çela që nga Paraguaji ku ndodhet i shkruan mikut dhe bashkëpunëtorit të tij, se ngarkesa ishte bëri gati.

Duke lënë të nënkuptohej se kokaina tashmë ishte ‘gatuar’ dhe ishte gati për rrugë të gjatë.

‘I kam bërë gati. Javën tjetër me kismet vëlla’, I shkruan Ervis Çela, Fadil Ballës.

Por ndërkohë që ka bërë gati ‘qerren’ për të transportuar kokainën, Ervis Çela kujdeset që të mbledhë edhe paratë te ata të cilët ishin porositësit shqiptarë.

Pasi kështu do të duhet të paguante edhe ‘kuzhinierët’ lart në male që ishin kujdesur për të gatuar mallin.

Sikundër është edhe kjo bisedë e tij me njërin nga vëllezërit, në këtë rast Albin Çelën, te i cili siç vihet re interesohet shpesh të dijë, nëse personat që kanë porositur drogën, kanë sjellë paratë te ai në Shqipëri.

Këtu ku ai përmend edhe ‘Shijaksin’.

Që në fakt nuk është askush tjetër, vetëm se Fadil Balla, të cilin e thërrasin edhe ‘Jul’.

Bisedat në Sky Ecc

6 Shtator 2020

Ervis Çela bisedon me vëllain e tij Albin Çela

‘Ke marrë ndonjë lekë sot?

Shijaksi… Nesër besoj vjen…

‘Tani shpejt i bën…Kanë frikë njerëzit…S’ka shofera me sjell lekët…’

‘Kam shumë lekë në Hollandë. S’po i nis dot…’.

Nga analiza e bisedave ajo që lihet të kuptohet është se Ervis Çela ka një shumë prej 15 milion dollarë për të mbledhur nga ata që kanë porositur drogën te ai.

Por ato që duken më me vlerë janë bisedat që ai bën gjatë kësaj kohe me Franc Çopjan.

Sikurse është edhe kjo e datës 7 Shtator 2020. Ku e gjithë biseda rrotullohet rreth parave që duhen grumbulluar para se ngarkesa të niset me datë 12 Shtator nga porti paraguajan i Villetas.

Nga ku del se Franc Çopja i ka një shumë prej 7 milion euro për t’i dorëzuar Ervis Çelës.

Ky i fundit, i cili nga ana e tij në këtë ngarkesë ka një sasi prej 780 kg kokainë e cila në treg vlen 21 milion euro.

Këtu ku dalin edhe pseudonimet e disa prej anëtarëve të grupi kriminal.

Konkretisht ‘Iphone’, i identifikuar si Petrit Lakatos dhe Miklovan Mullaj i njohur si ‘Batman’.

Ndërsa nga ana e tij Ervis Çela, i kërkon Franc Çopjas që të shikojë mundësinë që paratë tja çojë në Shqipëri, pse jo me ndonjë kamion.

Bisedat Sky Ecc

7 Shtator 2020

Franc Çopja i shkruan Ervis Çelës

‘Ke mundësi t’i çoj 7 mln sot, dy herësh, njëherë 4, njëherë 3’.

‘856-15% (128.5) 727.5 x 30 000=Total 21 825 000 euro’.

Si një mik i mirë që është dhe një bashkëpunëtor i zellshëm që beson verbërisht te aftësitë organizative, Franc Çopja nuk vonon të shlyejë në vazhdim, Ervis Çelën.

Këtë duke e bërë nëpërmjet transfertave të ndryshme, të cilat zbulohen edhe në komunikimet e tyre.

Të cilit i kalon të gjithë shumën e parave prej 21 milion euro që i takojnë, që përkon me kilogramët e kokainës që ai ka në dy ngarkesat e fshehura fillimisht.

Po kështu nga krahu tjetër, Ervis Çela sigurohet te vëllai i tij që Fadil Balla, i njohur si ‘Shijaksi’, të sjellë nga e tij edhe ai sasinë e parave që i detyrohet.

Biseda Sky Ecc

Ervisi i kërkon Francit një banesë ku mund të lerë një shumë e cila dyshohet se është 10 milion euro.

‘Po pate ndonjë shtëpi të mirë…’

Franci përgjigjet se e ka të pamundur.

7 shtator 2020

Ervis Çela komunikon me Albin Çelën.

Ky i fundit i thotë se Fadil Balla i ka dorëzuar një shumë prej 510 mijë euro.

8 Shtator 2020

Franc Çopja dërgon një listë pagesash të kryera kryesisht në Bolivi bashkë me kodet unike të tyre të quajtura ‘token’ të një pagese totale prej 21 313 200 $.

Fill pas këtyre lëvizjeve bankare, bashkë me paratë duket se fillon të lëvizë edhe malli në drejtim të portit paraguajan të Villetas.

Gjë të cilën ia komunikon Franc Çopjas, vetë Ervis Çela.

I cili i pohon nga ana e tij se kamionët me mall janë gati për t’u nisur.

Fakt të cilin ai e shoqëron edhe me foto të ngarkesës.

Çela që bashkë me to i tregon bashkëbiseduesit të tij edhe disa kuti metalike me mbishkrimin me ngjyrë të zezë ‘Fox’.

Bisedat Sky Ecc

9 Shtator 2020

Ervis Çela bisedon me Franc Çopjan.

‘Kamionët me mallin për pak nisen. I kam ndarë në dy pjesë. Po i çoj te magazina zyrtare. Nesër shkojnë në port. Dje çuam një kuti në port, sot dy, nesër dy.’

Ajo që duket se nxjerr zbuluar për herë të parë për mënyrën se si janë paketuar pakot me kokainë, në fakt është biseda që Ervis Çela bën me Fadil Ballën.

Të cilit i rrëfen me detaje edhe se si ata mund të identifikojnë nëpërmjet mbishkrimeve të veçanta.

Në një tjetër bisedë me Fadil Ballën, Ervis Çela, i tregon edhe për mënyrën se si ia ka paketuar sasinë e tij të drogës.

Si edhe shenjat dalluese me të cilat mund të identifikojë pakot e drogës që janë porositur prej tij.

Biseda Sky Ecc

11 Shtator

Ervis Çela i shkruan Fadil Ballës

Ndërkohë i çon dy fotografi ku dallohet paketimi me shenjën ‘Sy të mërzitur me rrufe në mes’.

‘Me kujdes fotot…Kam 6 mijë nga kjo…

‘Rri se tamam i ke 200 te kjo soja…100 ti fus në vend tjetër… Dhe 100 në një vend tjetër…Se di çfarë do më.’

Po në këtë ditë, Ervis Çela dërgon në grup edhe sihariqin e shumërpritur, se tanimë ngarkesa me kokainë ishte nisur për në rrugëtimin e gjatë.

Nga porti i Villetas në Paraguaji, më pas në atë të Buenos Aires në Argjentinë, me destinacion final atë të Anversës në Belgjikë.

Dhe ata tashmë thjesht duhet të hapnin krahët për ta pritur.

Si edhe të kryqëzonin gishtat që gjithçka të shkonte mbarë e mirë.

Biseda Sky Ecc

Ervis Çela shkruan në grup

‘Kontejneri në bord…’

Franci e pyet: U ngarkuan?

Ervisi i përgjigjet

‘Po. Shpresoj të arrijë shpejt në Argjentinë’.

Pasi kanë siguruar nisjen e ngarkesës dhe ekzaltimi duket të jetë në nivelet më të larta, Ervis Çela kapet në bisedë me vëllain e tij Albinin, të cilit i sugjeron që tashmë që kanë fituar kaq shumë para, është mirë të hapë një fabrikë leshi, dhe të presë fatura fiktive.

Kjo me qëllim për të justifikuar sasitë e mëdha të parave që kanë fituar nga droga dhe duke i investuar ato në biznese.

Madje në një moment Ervis Çela i thotë të vëllait, se nuk po luan fare.

Kurse ai po lodhet duke bërë llogari këndej.

The post “Shijaksi më ka sjellë 510 mijë euro”/ Nga kodet në Sky ECC te tonelatat e drogës, zbardhen bisedat që fundosën Ervis Çelën dhe Çopjan appeared first on Albeu.com.

Gazetarët Sokol Bregu dhe Klodiana Lala debatuan nëse vëllezërit Çopja janë apo mafiozë, ndërsa gazetari Xhevahir Zhabina tha se Erion Alibej është një aset për Prokurorinë e Posaçme që do të tregojë për trafikun e kokainës.

Biseda

Sokol Bregu: Për mua Alibej ndryshe nga të tjerët, ka shumë të vdekur nga familje. Të tjerët marrin pjesë për të fituar para nga vrasjet me pagesë, ose për të patur diçka nën kontroll. Alibej është i detyruar sepse Çopjat i vranë familjarët. Në një moment konflikti nis për 30 mijë euro me një kundërshtar të Çopjave. Pas kësaj u vra i vëllai, kushëriri i pari. Çopjat nuk vrasin, nuk janë mafiozë.

Klodiana Lala: Çopjat janë mafiozë. Kanë 10 milionë euro të sekuestruar. 15.4 milionë euro lingota ari të. 5 milionë euro ofronin për kokën e Erion Alibejt.

Sokol Bregu: Çopjat vendosën ndonjë deputet në Elbasan, kanë bërë ndonjë tender? Jo. Ata mund të kenë para sa të duash, por Elbasanin nuk e kanë. Kur kanë politikën dhe votat, pse të mos kenë edhe kamerat e qytetit të Elbasanit!

Xhevahir Zhabina: Erion Alibej do të jetë një aset një duart e Prokurorisë së Posaçme për të zbardhur trafikun e kokainës nga Amerika Lattine drejt Evropës. Nëse Prokuroria e Posaçme do ta përdorë si duhet do të sqarojë shumë detaje. Vrasjet përbëjnë interes, por interes më të madh do të jetë trafiku i kokainës ku ka qenë i përfshirë.

The post Bregu dhe Lala debatojnë për vëllezërit Çopja, Zhabina: Erion Alibej, aset për Prokurorinë e Posaçme appeared first on Albeu.com.

35-vjeçari Merkaj njihet si mik i ngushtë i vëllezërve Çopja dhe nga hetimet e deritanishme të SPAK, dyshohet se i riu pastronte paratë e Hajdar dhe Franc Çopjas.

35-vjeçari u ekstradua në muajin nëntor të vitit 2024 nga Italia në drejtim të Shqipërisë, pasi ndaj tij GjKKO kishte caktuar masën “arrest në burg”, për veprën penale “Pastrimi i produkteve të veprës penale ose veprimtarisë kriminale”, kryer në bashkëpunim.

NJOFTIMI ZYRTAR

1. Kërkuesi Klajdi Merkaj me datë 10.01.2025 ka paraqitur pranë Gjykatës kërkesën me objekt: “Zëvendësimi i masës së sigurimit”, baza ligjore neni 260 e në vijim të K.Pr.Penale.

2. Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtari Bib Ndreca, bazuar në nenet228, 229, 230 dhe 238 të K.Pr.Penale, me vendimin Nr. 46, datë 03.03.2025 vendosi:

1. Rrëzimin e kërkesës së kërkuesit Klajdi Merkaj, vazhdimin e masës së sigurimit “arrest në burg” parashikuar nga neni 238 i K.Pr.Penale, dhënë sipas vendimit nr. 86, datë 29.07.2024 të Gjykatës së Posaçme të Shkallës së Parë për Korrupsionin dhe Krimin e Organizuar.

2. Shpenzimet gjyqësore i ngarkohen kërkuesit.

3. Kundër këtij vendimi mund të bëhet ankim brenda 5 ditëve, nga e nesërmja e komunikimit të vendimit në Gjykatën e Posaçme të Apelit Kundër Korrupsionit dhe Krimit të Organizuar.

The post Pastronte paratë e Çopjave/ GJKKO rrëzon kërkesën e Klajdi Merkajt appeared first on Albeu.com.

Këto pasuri janë sekuestruar nga shteti pasi ka dyshime të forta që vërtetojnë se prejardhja e tyre buron nga veprimtari kriminale e aktivitete të paligjshme të kryera në formën e grupit të strukturuar kriminal.

Pasuritë e sekuestruara:

Pasuria e paluajtshme në Mumajes, Baldushk, (pjesë e OE-së “S. FARM”);

Godinë shërbimesh restorant; kati i parë përbëhet nga kuzhina, restoranti, ambienti i restorantit, veranda, etj dhe kati i dytë i përbërë nga dy dhoma, sallon etj.

Oborri (hapsira rreth ndërtesës) në të cilën gjenden tavolina dhe karrige shërbimi, një kënd lojërash për fëmijë, një ambient ku mbahen shpendë të ndryshëm;

Dhomë shërbimi jashtë restorantit;

Sendet dhe orendi, të ndodhura në restorant.

Gjithashtu më datë 18 shkurt është vendosur nën “sekuestro preventive” kompania “S….. FARM” si dhe për godinën dhe tokën, në sipërfaqen e të cilës ky operator ekonomik ushtron aktivitetin, konkretisht, pasuria e paluajtshme në Mumajes, Baldushk, Tiranë.

SPAK ka arrestuar dhe shtetasin me iniciale P. L. në cilësinë e administratorit të operatorit ekonomik “S. FARM”, si person i dyshuar për kryerjen e veprave penale “Pastrimi i produkteve të veprës penale ose veprimtarisë kriminale”, “Organizata kriminale” dhe “Kryerja e veprave penale nga organizata kriminale dhe grupi i strukturuar kriminal”.

Gjatë kontrollit personal të këtij shtetasi, SPAK ka sekuestruar:

Shuma monetare në valutë euro 2940 (dy mijë e nëntëqind e dyzet)

Shuma monetare në monedhë Lekë (ALL), në total 203,000.00 (dyqind e tre mijë)

Orë dore, marka Rolex

1(një) varëse floriri, me pllakë në dukje me përbërje floriri, pas të cilës është gdhendur data 29.09.2022, ndërsa në pjesën e përparme janë të vendosura dhe 3 (tre) gurë të çmuar, në dukje diamante;

4 (katër) telefona;

Njoftimi i SPAK:

Prokuroria e Posaçme përmes njoftimeve të publikuar më 01.08.2024 dhe 21.01.2025 informoi mbi procedim penal të një organizate kriminale, e cila e kishte bazën në qytetin e Elbasanit dhe drejtohej nga vëllëzërit F. G. (ndryshe F. Ç.) dhe H.B. (ndryshe H. Ç.) si dhe sekuestrimin e pasurive të luajtshme dhe paluajtshme, që dyshohet se janë produkt i veprës penale.

Prokuroria e Posaçme ka vijuar me kryerjen e hetimeve në drejtim të evidentimit dhe sekuestrimit të pasurive të luajtshme dhe paluajtshme, të cilat dyshohet se kanë origjinë kriminale. Pas kryerjes së veprimeve të shumta hetimore është bërë e mundur evidentimi i një pasurie të paluajtshme e vlera e së cilës është e konsiderueshme.

Më datë 18.02.2025, në zbatim të vendimit nr. 115, datë 12.02.2025 të Gjykatës së Posaçme të Shkallës së Parë për Korrupsionin dhe Krimin e Organizuar, është vendosur ‘’sekuestro preventive’’ për operatorin ekonomik “S….. FARM” (me aktivitet në fushën e agroturizmit, shërbime akomodimi në struktura hotelerie, bujtinë, shtëpi pushimi, vila, shërbim bar-restorant-kafe etj), si dhe për godinën dhe tokën, në sipërfaqen e të cilës ky operator ekonomik ushtron aktivitetin, konkretisht, pasuria e paluajtshme në Mumajes, Baldushk, Tiranë.

Pasuritë e sekuestruara:

Pasuria e paluajtshme në Mumajes, Baldushk, (pjesë e OE-së “S. FARM”);

Godinë shërbimesh restorant; kati i parë përbëhet nga kuzhina, restoranti, ambienti i restorantit, veranda, etj dhe kati i dytë i përbërë nga dy dhoma, sallon etj.

Oborri (hapsira rreth ndërtesës) në të cilën gjenden tavolina dhe karrige shërbimi, një kënd lojërash për fëmijë, një ambient ku mbahen shpendë të ndryshëm;

Dhomë shërbimi jashtë restorantit;

Sendet dhe orendi, të ndodhura në restorant.

Në po të njëjtën datë, (18.02.2025), në orën 18:45 u procedua nga prokurori me ndalimin e shtetasit P.L., në cilësinë e administratorit të operatorit ekonomik “S. FARM”, si person i dyshuar për kryerjen e veprave penale “Pastrimi i produkteve të veprës penale ose veprimtarisë kriminale”, kryer në bashkëpunimin e posaçëm, në formën e organizatës kriminale, “Organizata kriminale” dhe “Kryerja e veprave penale nga organizata kriminale dhe grupi i strukturuar kriminal”, parashikuar nga nenet 287 – 28/1, 333, 334 të Kodit Penal.

Gjatë kontrollit personal të ushtruar ndaj shtetasit P.L., u gjetën dhe sekuestruan në cilësinë e provës materiale:

Shuma monetare në valutë euro 2940 (dy mijë e nëntëqind e dyzet)

Shuma monetare në monedhë Lekë (ALL), në total 203,000.00 (dyqind e tre mijë)

Orë dore, marka Rolex

1(një) varëse floriri, me pllakë në dukje me përbërje floriri, pas të cilës është gdhendur data 29.09.2022, ndërsa në pjesën e përparme janë të vendosura dhe 3 (tre) gurë të çmuar, në dukje diamante;

4 (katër) telefona;

Etj

The post Krerët e bandës kriminale të Elbasanit, SPAK sekuestron pasurinë e vëllezërve Franc e Hajdar Çopja appeared first on Albeu.com.

Pasuritë e tyre ishin vënë më parë në masën e sekuestros nga GJKKO e shkallës së parë, me kërkesë të SPAK, teksa të dyshuarit nuk kishin ushtruar të drejtën e ankimit.

Sekuestrot u vendosën pas operacionit të Prokurorise se Posaçme më 31 korrik, ku kërkoi arrestimin e 33 personave, por që u arrestuan vetëm 11, ndërsa për dy të tjerë, u komunikua akuza në burg, pasi janë arrestuar më herët për vepra të tjera penale. Për rastin po zhvillohen hetime edhe për një dekonspirim të mundshëm të operacionit.

Grupi në fjalë, ku bënin pjesë vëllezërit Hajdar e Franc Çopja, akuzohen nga Prokuroria për një sërë atentatesh e vrasjesh, ndërsa ndaj tyre nisi edhe hetimi pasuror.

Franc Çopja, u arrestua për llogari të Belgjikës, ndërsa Hajdar Çopja vijon të jetë në kërkim, ku ka të dhëna se ndodhet në Dubai.

Një pjesë e pasurive të organizatës kriminale të drejtuar nga Çopjajt, rezultonin në emër të Arben Lamçes, i arrestuar në Kosovë dhe i ekstraduar së fundmi në Shqipëri, ku akuzohet për sigurim kushtesh për vrasjen e Nuredin Dumanit dhe pastrim parash.

The post Goditja ndaj organizatës kriminale “Çopja”/ Apeli i GJKKO lë në fuqi sekuestrot e pasurive për anëtarët e grupit (EMRAT) appeared first on Albeu.com.

Kjo është një taktikë e përsëritur që SPAK kryen mbi drejtuesit e Policisë së Shtetit, me dyshime se mund të kenë nxjerrë sekretin hetimor përpara se vendimi i gjykatës t’i vihej në ekzekutim.

Ikja e Çopjave dhe shumë emrave të tjerë që ndodheshin në atë vendim për t’u arrestuar, ka angazhuar prokurorin Behar Dibra, i cili njëlloj si me rastin e gazetarit e “Ora News” Elton Qyno, ka vendosur të hapë një hetim për “nxjerrjen e sekretit hetimor”.

Në vazhdën e këtij hetimi, oficerë të Byrosë Kombëtare të Hetimit, kanë shkuar me urgjencë në zyrën e Drejtorit të Përgjithshëm të Policisë së Shtetit, Muhamet Rrumbullaku, duke i sekuestruar aparatin e telefonit, me dyshimin se informacionet dhe emrat e operacionit të nisur nga SPAK kundër grupit “Çopja”, mund të kishin dalë prej tij.

Rrumbullaku ka dorëzuar telefonin, ndërsa pas tij agjentët e BKH-së i kanë marrë telefonin dhe këqyrur e-mailin një zyrtari tjetër të lartë të Policisë së Shtetit, i cili ja kishte dërguar me e-mail vendimin e gjykatës disa prej drejtuesve të Forcës Operacionale dhe Drejtuesit të Policisë së Elbasanit.

Punonjësve të policisë që u ka shkuar ky e-mail i dërguar nga zyrtari i lartë në drejtorinë qendrore, u janë marrë telefonat dhe këqyrur adresat postare elektronike, me shpresën e gjetjes së personit që kishte nxjerrë informacionin, përpara se SPAK të ndize dritën jeshile për ekzekutimin e vendimit.

Të gjithë emrat kishin dalë dhe pjesa dërmuese e personave përfshirë dhe biznesmenët që duhet të arrestoheshin, ishin larguar. Ndërkohë emrat në mesditë u publikuan.

Ky nuk është rasti i parë që SPAK, hap hetim për nxjerrje sekreti, apo qoftë dhe publikim i akteve sekrete, pasi janë dhe 4 procedime të tjera të kësaj natyre.

The post Informacioni doli para se të nisnin arrestimet për grupin “Çopja”, BKH i merr telefonin Rrumbullakut dhe dy drejtuesve të policisë appeared first on Albeu.com.

Shumat financiare janë investuar më pas në biznese të ndryshme duke u “tretur” në industrinë e ndërtimit në Tiranë, biznesin e shitjes dhe dhënies me qëra të makinave, në blerjen e apartamente, vilave luksoze në komplekse moderne si “Mandarine Drive” në Lundër të Tiranës, hotel “Domus”, lokale, e deri në investime në bizhuteri, makina luksoze duke blerë lingota floriri dhe Ar.

Ndërkohë, një shifër marramendëse financiare grupi e shpenzonte për të kryer vrasje me pagesë, blerjen e armëve moderne dhe një seri apartamentesh në Tiranë, Durrës dhe Elbasan, me qëllim krijimin e tyre si baza vend-strehuese të anëtarëve që dilnin në kërkim, përfshirë këtu dhe Talo Çelën.

Valixhet emetoheshin me një postcode dhe më pas priteshin në aeroporte ku më tej tërhiqeshin nga njerëz të organizatës, duke i shpërndarë më tej në linjat respektive sipas direktivave që jepte nga Dubai, Franc dhe Hajdar Çopja alias Bako.

Sipas SPAK, njerëzit që maskoheshin si tregtarë dhe biznesmenë por të përfshirë në pastrimin e parave të vëllezërve “Çopja”, janë Talo Çela, përmes gruas dhhe vajzës së tij, kushëriri i tij Armis Stafa, Rexhino Doçi, Klajdi Merkaj, Arben Lamçja, Maklen Mici, Bashkim Lika dhe biznesmeni i ndërtimit në Elbasan, Arjan Ormenaj.

Në një bisedë, të zhvilluar në muajin Maj 2020 i hetuari Klajdi Merkaj i kërkon Franc Gergely, që t’i ndajë në 3 pjesë shumat monetare dhe të tri pjesët të jenë në një valixhe me rrota që të jenë më praktike në lëvizje.,NË22HR.

Një praktikë e tillë ka ndodhur në dhjetëra raste, ku në Shqipëri kanë hyrë sasitë e eurove.

Pesë ditë më vonë nga kjo bisedë në 27 Maj 2020 Klajdi Merkaj bisedon me Franc Çopjan, lidhur me masat e ndërmara për bllokim pasurie në bazë të Operacionit Forca e Ligjit, ku në këtë bisedë kuptohet se grupi ka bllokuar dy drejtorët e policisë, Elbasan dhe Tiranë.

Merkaj flet me Francin, duke e informuar atë se për punën e OFL-së ka takuar Drejtorin e Elbasanit dhe Tiranës, të cilët e kanë siguruar se nuk kanë asgjë me emrin e Franc Çopja, madje e njohin si person që punon jashtë dhe, sipas tyre, nuk është problematik.

Qëllimi i kapjes së dy drejtorëve të policisë ka qenë për ndërmarrjen e asnjë procedure hetimore apo dërgimi formulari për deklarim pasurie, lidhur me pronat që gëzonin në Tiranë dhe Elbasan dy vëllezërit “Çopja”.

Ndërkohë në 30 Maj 2020, Klajdi Merkaj informon Franc Çopjan se e mori shtëpinë. Më pas Klajdi Merkaj i kërkon Franc Çopjas që shtëpinë ta hedhë në emër të një personi të tretë dhe sipas tij e mira e kësaj shtëpie është se është blerë me kontratë të brendshme dhe jo me noteri.

Në vijim, Klajdi Merkaj i shkruan Franc Çopja se do bëhet revokim kontrate.

Përmbajtja e mesazhit që Klajdi Merkaj i dërgon shtetasit Franc evidentohet kështu:

“…ti hidhet në emër direkt personit dhe vlera bëhet minimale 50.000 € po “ok” shpia kur të duhet për tu fut…”?

Në vijim, të komunikimeve ndërmjet tyre, Klajdi Merkaj i dërgon Franc Çopjas një armë automatike e cila nga biseda kuptohet se është e llojit “Glock”.

Më pas, Klajdi Merkaj i rikujton Franc Çopja se duhet të gjejë një emër personi, tek i cili do jetë pronësia e shtëpisë së blerë nga Franc Çopja për shtëpinë dhe se në kontratë duhet të shënohet minimum 55 Euro.

Më datën 23 qershor 2020 Klajdi Merkaj i dërgon Franc Çopja postcodin me numër NË37SD, të valixheve të tjera. Po më datën 27 qershor 2020, Klajdi Merkaj i dërgon Francit, postcodin me numër LU13LZ.

Më pas, Klajdi Merkaj në bisedë me Francin, jep detaje se janë 2.5 dhe se personi nuk arriti t’i mblidhte në kohë ku dyshohet se bëhet fjalë për transportim të vlerave monetare.

Gjithashtu, në bisedën e 27 qershorit 2020, Klajdi Merkaj e falënderon Franc Çopja për dhuratën e ditëlindjes edhe pse e ka nesër. Në bisedë e sipër Klajdi Merkaj i dërgon Francit postcodin e një valixhe tjetër me rrota B152GJ dhe e informon se në orën 15:00 me të tyren (Angli) do jenë gati.

Përmbajtja e mesazhit që Klajdi Merkaj i dërgon Francit: “…B152GJ në orën 15:00 me të tyren janë gati atje është ok…? Ok…”. USA.

Më pas, Klajdi Merkaj në bisedë me Franc Çopjan jep detaje se ato që janë dërguar janë 50 (50.000 Euro/Paund) dhe se janë të ndara 1.000, ndërsa për të tjerat shkruan se kanë qenë 1000 dhe të ndara në tufa 10 mijë euro.

Më 14 Gusht 2020 Klajdi Merkaj bisedon me Franc Çopjan, të cilit i shpjegon se po interesohet të investojë në ndërtimin e një kompleksi banimi, sa dyfishi i atij që ka ndërtuar më parë si dhe një pallati në Tiranë.

Më pas, Klajdi Merkaj i tregon Franc Çopjas se kanë diskutuar për të dy vendet e ndërtimit dhe kanë marrë “…ok…”.

Gjithashtu, Klajdi Merkaj i thotë Franc Çopjas se tani janë në pritje të bëjnë blerjet e pronave, por për momentin nuk janë mirë me gjendjen e parave “..cash…” dhe i kërkon Francit që ta ndihmojë me një vlerë monetare “…cash…” prej 1.500.000 Euro.

Nga bisedat e zhvilluara ndërmjet tyre, Klajdi Merkaj ndër të tjera informon Francin për ndërtimin hap pas hapi të kompleksit të banimit duke i dërguar edhe foto.

Përmbajtja e disa prej mesazheve që Klajdi Merkaj i dërgon Francit më 19 Gusht 2020 Klajdi Merkaj e pyet Francin, nëse ka nisur gjë poshtë (shuma monetare) dhe më pas i shkruan Francit se nuk i duhen urgjent.

Nga bisedat evidentohet se, për Klajdi Merkaj rëndësi ka dakortësia e Francit dhe se tani mund t’i karikojë personat me kapar financiar duke synuar blerjen e pronave.

Klajdi Merkaj, i shkruan Francit se takimi me B-në, Arben Lamçja ishte i rëndësishëm pasi jep mundësi të shikoj gjëra sa më të mëdhaja.

Pastrim të parave Franc Çopja, ka kryer edhe përmes shtetasit Rexhino Doçi, i cili ka marrë një lokal me qira përballë fakultetit të Drejtësisë në Tiranë.

Lokali është marrë me qira tek shtetësja M.L, për një periudhë 8 vjeçare është planifikuar të paguhet 70 mijë euro qira.

Ndërkohë, janë dhjetëra raste kur Rexhino Doçi, ka kryer tërheqjen e më shumë se 1.5 milion euro cash nga persona të ndryshëm në Tiranë dhe Durrës, para këto që ishin në qarkullim nga Franc Çopja.

Një tjetër rast dhe person që pastron para për Franc Çopjan është kushëriri i tij, Armis Stafa.

Evidentohet se Armis Stafa, ka marrë përsipër dhe ka kryer veprime aktive nëpërmjet shitjes dhe blerjes së automjeteve me qëllim pastrimin e produkteve të veprës penale për llogari të Franc Çopjas.

Në 14 korrik 2023 ka dhënë shpjegime për këtë biznes dhe Erion Alibej një i arrestuar se ka porositur vrasje me pagesë, duke deklaruar në lidhje me asetet dhe pasuritë e vëllezërve Çopja. Ndër të tjera ai ka deklaruar se:

“…Kanë një biznes, pikë shitjesh dhe dhëniesh makinash me qira në aksin Elbasan-Metalurgji, por personi që me letra ka në pronësi këtë biznes e ka emrin Armi, mbiemrin nuk ia di, por di që e ka shtëpinë tek kryqëzimi i Cërrikut, tek lagjia “Gjurma e Mushkës”, dhe di që është kushëri i afërt me vëllezërit “Çopja”, sepse e ëma e vëllezërve Çopja me mamanë e Armit janë vajza tezeje…”.

Po ashtu, Alibej ka treguar dhe për disa biznese të tjera, duke përfshirë dhe rastin e dy vilave të blera në zonën e pas TEG-ut.

Armis Stafa merret në Elbasan me shitjen e makinave të shtrenjta, për llogari të Franc Çopjas. Del qartë nga bisedat se për çdo veprim komunikon me Franc Çopjan, i cili është pronari real i mjeteve.

Po ashtu Armis Stafa, e këshillon Franc Çopjan për veprime financiare në funksion të pastrimit të produkteve të veprës penale. Për çdo makinë që shitet në këtë biznes Armis, pyet Francin lidhur me çmimin përfundimtar.

The post Grupi “Çopja” futi euro dhe paund në Shqipëri me valixhe. Dy drejtorë policie “rregulluan” letrat e OFL-së appeared first on Albeu.com.

Lamçe u arrestua rreth dy javë më parë në një operacion në lagjen “Emshir” të Prishtinës. Ai ishte shpallur në kërkim nga SPAK lidhur me operacionin “Plumbi i Artë 2”. Ai dyshohet si pjesëtar i grupit të Çopjave, madje konsiderohet si “ekzekutori” i këtij grupimi në mjaft ngjarje kriminale.

Arben Lamçe është një figurë kyçe e kërkuar nga Struktura e Posaçme Kundër Korrupsionit dhe Krimit të Organizuar (SPAK) në Shqipëri. Lamçe dyshohet se ka marrë pjesë në disa vrasje vitet e fundit në Shqipëri.

Historia kriminale e Lamçes është e gjerë. Ai ka qenë i burgosur më parë në Itali për 14 vite me akuzën e shfrytëzimit të prostitucionit, duke çuar në sekuestrimin e pronave të tij në Tiranë dhe Elbasan. I arrestuar në Elbasan dhe i ekstraduar në Itali në vitin 2011, Lamçe u kërkua të vuante dënimin e dhënë nga Gjykata e Breshias.

Më herët në vitin 2003, Lamçe u arrestua pasi iu shmang autoriteteve për gati një vit. Ai u identifikua si një nga organizatorët e trafikut klandestin detar. Pavarësisht se fillimisht i shpëtoi një urdhër-arresti të lëshuar nga Prokuroria e Vlorës duke ndryshuar identitetin e tij, ai u kap përfundimisht gjatë një operacioni të shpejtë të natës.

The post Do vriste Nuredin Dumanin për llogari të vëllezërve Çopja, ekstradohet nga Kosova vrasësi me pagesë Arben Lamçja appeared first on Albeu.com.

I arrestuari nga njësia FAST Kosova dhe AKI në lagjen Emshir të Prishtinës, dyshohet i përfshirë në të paktën 5 vrasje të porositura nga grupi kriminal i vëllezërve Franc dhe Hajdar Çopja.

Lamçja ndodhej në shoqërinë e një personi tjetër kur ka rënë në pranga, i cili gjithashtu është arrestuar.

Operacioni “Plumbi i Artë” është bërë shkak për zbardhjen e 6 vrasjeve të ndodhura vitet e fundit në Elbasan, Rrogozhinë dhe Peqin. Për Arben Lamçen u lëshua një urdhër arresti nga SPAK në kuadër të vijimit të megaoperacionit “Plumbi i Artë 2”, që u krye prej SPAK, BKH, Policisë së Shtetit dhe strukturave policore në Belgjikë, Holandë dhe Francë.

Tashmë pritet që Lamçja të ekstradohet në Shqipëri dhe të njihet me masën e sigurisë.

Në krye të grupit kriminal të çmontuar nga SPAK ishin vëllezërit Franc dhe Hajdar Çopja alias Hajdar Bako i njohur edhe si “Dari i Elbasanit” që ndodhen jashtë dhe janë në kërkim.

Prokuroria e Posaçme bëri të ditur se organizata kriminale e drejtuar nga vëllezërit Çopja kishte porositur në kohë të ndyshme 22 atentate.

Nga këto, 6 persona u ekzekutuan, përfshirë masakrën e trefishtë në Bradashesh në 29 dhjetor të vitit 2018. Katër është numri i atentateve që i janë bërë Erion Alibejt i cili ka mundur të shpëtojë. Ndërsa në 2 raste të tjera është tentuar vrasja e Nuredin Dumenit, të penduarit të drejtësisë.

Numri i urdhëarresteve të ekzekutuar, pas prangosjes së Arben Lamçes në Prishtinë, shkon në 16.

Kush është “Dari i Elbasanit”

Hajdar Bako alias Hajdar Copja alias Hajdar Hysa, 40 vjeç, u arrestua në Dubai pasi është i dënuar me 4 vjet burgim, për veprën penale “Plagosja e rëndë me dashje”. Në vitin 2017, në fshatin Katund i Ri, Hajdar Bako i njohur edhe si “Dari i Elbasanit”, së bashku me 4 të tjerë, është implikuar në një konflikt, gjatë të cilit është qëlluar me armë zjarri dhe janë plagosur 3 persona. Atë kohë në konflikt u përfshi Hajdar Bako dhe F.G, 25 vjeç, të cilët u përplasën me Alfred Gjini, Klevis Gjini dhe Emiljano Gjini. Nga përplasja e dhunshme mbetën të plagosur 3 persona.

Emri i Hajdar Bakos, i njohur dhe si “Dari i Elbasanit”, nuk është i njohur vetëm për këtë përplasje të dhunshme. Emri i Bakos, doli edhe në dosjen e të pandehurit, Nuredin Dumani. Hajdar Bako shfaqej si një nga porositësit për eliminimin fizik të rivalëve të tij në dosjen e Nuredin Dumanit.

Nga dosja hetimore rezultonte se Dumani, ka dëshmuar se grupi i Erjon Alibejt alias Agim Shurbi me pseudonimin “Krymi” dhe grupi i Hajdor Bakos alias (Çopja), i thirrur shkurtimisht “Dari”, janë vënë në garë për të eliminuar njëri-tjetrin. Vetë Dumani atë kohë pranoi para SPAK-ut se kishte mbajtur kontakte me dy grupet rivale në Elbasan, atë të Erjon Alibejt dhe Hajdar Bakos, raporton Balkanweb.

Sipas tij, Arjan Spahiu, i cili mbeti i vrarë në Belgjikë, ka qenë në listë për t’u ekzekutuar nga vëllezërit Çopja, të cilët janë financuesit. “Talo Çela, më ka thënë mua që nëse kryeja vrasjen e Arjan Spahisë do më jepte 300 mijë euro”, ka rrëfyer Dumani.

The post Akuzohet për përfshirje në 5 vrasje, kush është Arben Lamçe që u arrestua sot në Prishtinë? appeared first on Albeu.com.