Copa Libertadores Archives - Albeu.com

VIDEO/ ‘Luftë’ në Brazil para finales së Copa Libertadores

prak tike — Fri, 03 Nov 2023 14:12:51 +0000

Ditën e shtunë në orën 21:00, stadiumi brazilian “Maracana” do të jetë presë finalen e Copa Libertadores, një version amerikano-jugor i Ligës së Kampionëve.

Skuadrat, Boca Juniors dhe Fluminense do të përballen në stadiumin mitik dhe kur ka mbetur edhe një ditë deri në këtë takim, incidentet mes tifozëve kanë nisur në Rio de Janiero.

Sipas mediave braziliane, plazhi ka shërbyer si një lloj “fan zone”, ku ka pasur një atmosferë të mirë mes tifozëve argjentinas, por shumë shpejt filluan përplasjet me tifozët brazilian.

Pamjet tregojnë një përleshje mes tifozëve, ndërkohë policia ushtarake ka arrestuar disa persona.

Në fund, policia ushtarake u desh të ndërhynte me forcë, për të shmangur pasoja edhe më të mëdha, raporton CNN Brasil, janë përdorur edhe të ashtuquajturat “bomba-shoku”, ndërsa mediat e tjera braziliane përmendin edhe plumbat e gomës dhe gazin lotsjellës. /albeu.com/

#WATCH : Another video of Brawl breaks out on Copacabana Beach between rival Boca Juniors and Fluminense fans ahead of Copa Libertadores final.#CopacabanaBeach #BocaJuniors📷 #Boca #CopaLibertadores #latestnews #BREAKING #Brazil #Fluminense📷 #RiodeJaneiro pic.twitter.com/H7YRYFZXKr

— upuknews (@upuknews1) November 3, 2023

The post VIDEO/ ‘Luftë’ në Brazil para finales së Copa Libertadores appeared first on Albeu.com.

Pamje virale dhe gazmore si asnjëherë tjetër, gjyqtari anësor “meriton” kartonin e kuq (VIDEO)

admin — Fri, 01 Jul 2022 08:00:05 +0000

Palmeiras dhe Cerro Porteno u përballën të mërkurën në Copa Libertadores në Paraguaj.

Por pas tetë minutash në ndeshjen e parë të raundit të 16-të në stadiumin General Pablo Rojas, arbitri anësor vendosi të bënte një veprim që më pas theu rrjetin e internetit.

Ylli i Palmeiras, Gustavo Scarpa shkoi të ekzekutojë një goditje këndi nga e majta. Gjyqtari u largua për t’i dhënë Scarpës hapësirë të mjaftueshme për të realizuar goditjen e këndit. Megjithatë, ai më pas bëri një hap të vogël në të djathtë të tij dhe e pengoi sulmuesin të gjuante topin.

out of context palmeiraspic.twitter.com/FdOphnuw1h

— maxwell (@maxsepz) June 29, 2022

Braziliani më pas goditi aksidentalisht pjesën e pasme të këmbës së drejtuesit të linjës dhe ra në tokë në mënyrë gazmore. 28-vjeçari me sa duket kishte disa dhimbje teksa ishte shtrirë në fushë, por fatmirësisht arriti të çohej dhe të vazhdonte.

Megjithatë, ajo përplasje e vogël nuk iu pengua Palmeiras-it pasi ata fituan me lehtësi 3-0 dhe e kthyen ndeshjen e kthimit në Brazil në një formalitet./ h.ll/albeu.com

The post Pamje virale dhe gazmore si asnjëherë tjetër, gjyqtari anësor “meriton” kartonin e kuq (VIDEO) appeared first on Albeu.com.

Futbolli i Brazilit dominon në “Copa Libertadores”

admin — Fri, 26 Nov 2021 19:02:50 +0000

Klubet braziliane e kanë dominuar futbollin në Amerikën e Jugut, ndërsa tani dy skuadra nga ky shtet do të luajnë në finale të “Copa Libertadores”.

Flamengo dhe Palmeiras të shtunën do të ballafaqohen në Montevideo.

Një skuadër braziliane do ta fitojë epitetin e më të mirit në Amerikën e Jugut për herën e tretë rresht dhe për herë të tetë që prej vitit 2010.

Flamengo e ka fituar trofeun në vitin 2019. Palmeiras është kampion në fuqi falë fitores 1:0 kundër rivalit lokal Santosit.

Garën “Copa Libertadores” skuadrat e Brazilit e kanë fituar 21 herë në histori krahas 25 titujve të fituar nga skuadrat nga Argjentina.

Dominimi i klubeve braziliane përfshinë edhe garën “Copa Sudamericana” që u fitua nga Athletico këtë javë.

Ky vit shënon herën e parë kur të gjitha katër skuadrat e këtyre kupave vijnë nga i njëjti shtet.

The post Futbolli i Brazilit dominon në “Copa Libertadores” appeared first on Albeu.com.

Sistemi VAR për turp, arbitrat e bëjnë “baltë” në Copa Libertadores (VIDEO)

admin — Thu, 15 Jul 2021 14:23:49 +0000

Në mesnatë janë luajtur ndeshjet e para të fazes me eliminim direkt në Copa Libertadores por ajo që ka ndodhur në sfidën Cerro Porteno-Fluminense mund të quhet e turpshme dhe ndoshta me qëllim pasi gabimi i bërë nga VAR dhe arbitrat ishte i pabesueshëm.

Në minutën e 42’, sulmuesi i ekipit paraguaian, Mauro Boselli shënoi golin e avantazhit për skuadrën vendase që u anulua nga VAR për pozicion të parregullt por pamjet tregojnë se ishte një gol i pastër pasi mbrojtësi i Fluminenses mbante në lojë Bosellin kur ai u shërbye me kokë nga lojtari i skuadrës.

Polemikat kanë nisur për dhomën ku qëndronin dy arbitrat e VAR, kilianët, Eduardo Gamboa e Cesar Deischler të cilëve nuk mund t’u shpëtonte një pamje e tillë. CONMBOL nuk mund të mos reagonte dhe ka njoftuar se dy arbitrat e mësipërm bashkë me anësorin, Julio Fernandez janë pezulluar për një kohë të pacaktuar për gabimet e rënda të bëra në këtë ndeshje të cilët paraguaianët e Cerro Porteno kanë kërkuar ta përsërisin pasi ndeshja përfundoi 2-0 për Fluminensen.

The post Sistemi VAR për turp, arbitrat e bëjnë “baltë” në Copa Libertadores (VIDEO) appeared first on Albeu.com.

Armando Sadiku në histori, shqiptari i parë që luan në Copa Libertadores

E S — Wed, 17 Mar 2021 10:30:03 +0000

Sulmuesi elbasanas i Kombëtare Shqiptares ka hyrë në histori. Ai është bërë futbollisti i parë shqiptar që luan në Copa Libertadores. Sadiku u aktivizua në minutën e 69-të takimit mes Bolivar dhe Wanderers.

Kujtojmë që kompeticion është më i rëndësishi në Amerikën e Jugut.

Bolivianët triumfuan me rezultatin 5-0 duke përmbysur kështu humbjen 1-0 të sfidës së parë dhe duke u kualifikuar në për në raundin final të fazës paraeliminatore aty ku do të kenë përballë me shumë gjasa kolumbianët e Junior, përballje që do të vlejë një biletë për në fazën e grupeve të Copa Libertadores.

Aktivizimit të Sadikut si i pari shqiptar që luan në Copa Libertadores i kanë bërë jehonë edhe mediat argjentinase. Edhe pse luajti për pak minuta sulmuesi kuqezi iu afrua ndjeshëm golit të tij të parë me Bolivar në Copa Libertadores teksa në minutën e 76-të Sadiku goditi shtyllën, ndërkohë që anësori kishte ngritur flamurin për një pozicion jashtë loje inekzistent. Gati pesë minuta para mbylljes së ndeshjes ish-lojtari i Malagas kishte një mundësi të mirë shënimi, por pranë portës e devijoi topin jashtë kuadratit. Megjithatë për Sadikun i rëndësishëm ishte debutimi me Bolivar në Copa Libertadores pasi herët apo vonë golat do të vinë.

The post Armando Sadiku në histori, shqiptari i parë që luan në Copa Libertadores appeared first on Albeu.com.