Ballkani i Suharekës ka prerë biletën për në raundin e dytë kualifikues të Ligës së Konferencës, pasi mposhti Connah’s Quay Nomads nga Uellsi me rezultat 3-2.

Kampionët e Kosovës e nisën mirë përballjen në shtëpi dhe në minutën e 20-të kaluan në epërsi. Kapiteni Edvin Kuç realizoi golin që vendosi rezultatin 1-0, me të cilin skuadrat shkuan në pushim.

Vendasit e nisën furishëm pjesën e dytë, duke krijuar përshtypjen se e kishin mbyllur ndeshjen brenda pak minutash. Giovanni Ribeiro dyfishoi avantazhin në minutën e 49-të, ndërsa më pas braziliani 24-vjeçar asistoi për Valentin Serebes, i cili shënoi golin e tretë në minutën e 57-të.

Megjithatë, skuadra uellsiane nuk hoqi dorë dhe e komplikoi ndjeshëm fundin e takimit. Max Woodcock realizoi nga pika e penalltisë në minutën e 69-të, duke e ngushtuar rezultatin në 3-1.

Emocionet u shtuan edhe më shumë në minutën e 76-të, kur Hussein Mehasseb shënoi golin e dytë për mysafirët dhe çoi shifrat në 3-2.

Edhe pse e rrezikoi një epërsi prej 3-0 duke pranuar dy gola në pak minuta, Ballkani arriti ta ruajë avantazhin deri në vërshëllimën e fundit dhe të sigurojë avancimin në raundin e dytë kualifikues të Ligës së Konferencës.

Në raundin pasues, ekipi nga Suhareka do të luajë ndaj fituesit të përballjes mes Bohemian të Irlandës dhe St Joseph’s të Gjibraltarit.//

The post Ballkani avancon në raundin e dytë të Ligës së Konferencës pas triumfit dramatik appeared first on Albeu.com.

Ballkani ka bërë publik formacionin startues për ndeshjen e dytë kundër Connah’s Quay Nomads, e vlefshme për raundin e parë kualifikues të Ligës së Konferencës.

Pasi sfida e parë përfundoi pa gola, 0:0, ekipi nga Suhareka kërkon ta sigurojë kalimin në raundin e dytë përpara mbështetësve të vet.

Mislav Karoglan ka zgjedhur një qasje ofensive, duke i besuar repartit të avancuar Valentin Serbe, Almi Klinaku dhe Engjëll Ajazaj.

Skuadra që del fituese nga ky duel do të sigurojë një vend në raundin e dytë kualifikues të Ligës së Konferencës.

Ballkani: Golubovic, Vokrri, Batarelo, Halili, Dosso, Sabanadzovic, Giovanni, Kuç, Klinaku, Serebe, Ajazaj.

Connah’s Quay: Renshaw, Stone, Cowan, Deane, Flynn, Ferguson, Jones, Shariff, West, Murray dhe Franklin.

The post Ballkani – Connah’s Quay, formacionet zyrtare: Karoglan zgjedh një përbërje sulmuese appeared first on Albeu.com.

Ballkani e mbylli me rezultatin 0-0 transfertën ndaj Connah’s Quay Nomads, në përballjen e parë të raundit të parë kualifikues të Ligës së Konferencës, duke bërë që kualifikimi të mbetet i hapur për ndeshjen e ardhshme pas një jave në Suharekë.

Ekipi nga Kosova ishte më kërkues në pjesën më të madhe të takimit dhe pati më shumë iniciativë, por nuk arriti t’i shfrytëzonte mundësitë e krijuara. Ndërkohë, vendasit u treguan të organizuar në mbrojtje dhe tentuan të godasin kryesisht me ndërprerje dhe kundërsulme.

Që në nisje të sfidës, Ballkani dha sinjale pozitive duke rrezikuar në minutën e parë me Albert Diene, por gjuajtja e tij shkoi jashtë portës. Më pas, skuadra e udhëhequr nga trajneri kroat mbajti kontrollin e lojës, edhe pse nuk arriti të ndërtonte raste të pastra për gol.

Me intensitet të lartë nisi edhe pjesa e dytë. Ballkani provoi në disa raste me Almedin Klinakun, Giovanni dhe Anel Sabanadzovic, por pa arritur të ndryshojë rezultatin. Në vazhdim, trajneri ndërhyri në sulm duke hedhur në fushë Ardit Deliun, Giovannin, Marsel Ismajlgecin, Gentrit Halilin dhe Lorik Dobratiqin.

Në krahun tjetër, Connah’s Quay u shfaq më kërcënues në minutat e fundit të takimit.

Michael Stone, Darren Stephenson dhe pjesa tjetër e skuadrës vendase kërkuan golin e epërsisë, por mbrojtja e Ballkanit së bashku me portierin Artan Golubovic reaguan me kujdes.

Në përfundim, asnjëra nga skuadrat nuk arriti të tundë rrjetën dhe ndeshja përfundoi 0-0.

Pas këtij barazimi, gjithçka mbetet e hapur për duelin e kthimit, i cili do të luhet pas një jave në stadiumin ‘Fadil Vokrri’.

The post Ballkani ndalet në barazim pa gola në Uells, vendimi shtyhet për sfidën e kthimit në Prishtinë appeared first on Albeu.com.