Dinamo City dhe Pafosi u ndanë në barazimin 1-1 në takimin e parë të fazës “play-off” të Ligës së Konferencës, në një sfidë të pasur me raste, penallti dhe tension deri në vërshëllimën e fundit.

Skuadra shqiptare e kërkoi avantazhin gjatë pjesës së parë, ndërsa mundësia më e mirë për të shënuar iu paraqit Pafosit në minutën e 36-të, kur iu akordua penallti. Nga pika e bardhë u paraqit David Luiz, ish-mbrojtësi i njohur i Chelseat dhe Paris Saint-Germainit, por braziliani u ndal nga portieri i Dinamo Cityt.

Edhe pse të dy ekipet krijuan mundësi, 45 minutat e para përfunduan me rrjeta të paprekura.

Pas pushimit, Dinamo City u shfaq më aktive në sulm dhe provoi të gjente golin me Qardakun, Berishën, Ditën dhe Silva-Richards.

Presioni i vendasve u konkretizua në minutën e 78-të. David Fadairo dërgoi topin në rrjetë pas pasimit të Adamu Alhassanit, duke i dhënë Dinamo Cityt epërsinë 1-0.

Skuadra shqiptare nuk pati mundësi ta ruante gjatë avantazhin e krijuar.

Vetëm tri minuta pas golit, Pafosi fitoi një tjetër 11-metërsh, pasi Lorenco Vila ndërhyri në mënyrë të parregullt ndaj Gonçalo Rodrigues brenda zonës.

Këtë herë nga pika e bardhë nuk u ekzekutua penallti, ndërsa Pafosi arriti të barazojë në minutën e 83-të me Leles, duke vulosur shifrat 1-1.

Gjatë minutave të mbetura, të dyja skuadrat u përpoqën të shënonin golin e fitores, por asnjëra nuk ia doli. Dinamo City pati një rast të rrezikshëm, ndërsa në fund të takimit portieri Aldo Teqja u detyrua të bëjë një ndërhyrje vendimtare.

Barazimi e lë të hapur kualifikimin, i cili do të përcaktohet në ndeshjen e kthimit.

The post Dinamo City barazon me Pafosin, gjithçka vendoset në ndeshjen e kthimit appeared first on Albeu.com.

Drita dhe Inter D’Escaldes e kanë mbyllur në barazim 2-2 përballjen e parë të ‘play-off’-it të Ligës së Konferencës, të luajtur në stadiumin “Fadil Vokrri” në Prishtinë.

Ekipi nga Gjilani e gjeti golin që në aksionet e para të takimit, duke kaluar në avantazh në minutën e katërt.

Hajdin Salihu, i cili iu bashkua Dritës gjatë kësaj vere, shënoi me kokë pas një realizimi të bukur dhe i dha skuadrës kosovare epërsinë e hershme.

Megjithatë, avantazhi vendas zgjati vetëm nëntë minuta. Në minutën e 13-të, mesfushori maroken Doni Berlanga realizoi për Inter D’Escaldes dhe vendosi baraspeshën, 1-1.

Drita nuk u ndal së kërkuari golin e radhës dhe pak para pushimit arriti ta rikthejë epërsinë.

Blerim Krasniqi shënoi në minutën e 42-të për 2-1, ndërsa aksioni u ndërtua pas asistimit të Igball Jasharit.

Me këtë rezultat skuadrat shkuan në dhomat e zhveshjes pas përfundimit të pjesës së parë.

Në fraksionin e dytë, Inter D’Escaldes reagoi përsëri dhe barazoi shifrat për herë të dytë.

Portieri i Dritës, Faton Maloku, e grushtoi topin në zonë në minutën e 56-të, por David Lopez përfitoi nga situata dhe e dërgoi topin në rrjetë për 2-2.

Asnjëra skuadër nuk arriti të shënonte më deri në vërshëllimën e fundit, ndaj sfida përfundoi me ndarjen e pikëve.

Barazimi e lë të hapur garën për ndeshjen e kthimit, ku Drita do të synojë të sigurojë kalimin në fazën e ligës së Ligës së Konferencës.

The post Drita dhe Inter D’Escaldes barazojnë në Prishtinë, vendimi për kualifikimin merret në Andorrë appeared first on Albeu.com.

Drita do ta zhvillojë në shtëpi përballjen me Inter Escaldes, të vlefshme për ‘play-off’-in e Ligës së Konferencës. Ndeshja nis në orën 20:00.

Pak para fillimit të sfidës, trajneri i kampionit të Kosovës, Ardian Nuhiu, ka bërë publike përbërjen me të cilën skuadra e tij do të luajë nga minuta e parë.

Nuhiu ka zgjedhur skemën 4-4-2, ndërsa në mesin e zëvendësuesve kanë mbetur disa futbollistë të rëndësishëm, mes tyre Arb Manaj, Liridon Balaj dhe Rron Broja.

Blerim Krasniqi do ta udhëheqë repartin ofensiv të Dritës, ndërsa Besnik Krasniqi është vendosur në krahun e djathtë të sulmit.

Në qendër të mesfushës do të jenë Ëilliam Beaten dhe Vesel Limaj. Në formacionin titullar është përfshirë edhe Hajdin Salihu, i cili do ta nisë takimin në mbrojtje.

Formacionet zyrtare:

Drita: Maloku, Bytyqi, Pëllumbi, Ovouka; Beaten, Limaj; Krasniqi, Nguena, Jashari; Krasniqi.

Inter Escaldes: Diaz; Torres, Sanchez, Hernandez, Pochettino; Molina, Otegui, Lopez; Sidibe, Chouaib, Berlanga.

The post Drita pret Inter Escaldes në ‘play-off’: Kampioni i Kosovës vetëm 180 minuta larg historisë appeared first on Albeu.com.

Dinamo siguroi një vend në “play-off”-in e Conference League, pasi mposhti Audan me rezultatin 4-0 në takimin e kthimit të zhvilluar në “Elbasan Arena”. Kryeqytetasit kontrolluan plotësisht lojën gjatë 90 minutave dhe i dhanë një goditje të rëndë kundërshtarit letonez.

Në përfundim të ndeshjes, kapiteni i Dinamos, Bruno Dita, dha prononcimin e tij për mediat.

Dita u shpreh shumë i emocionuar për triumfin, duke kujtuar se verën e kaluar skuadra kaloi dy turne, ndërsa tashmë ka mbërritur në “play-off”. Ai theksoi se shpresat vazhdojnë dhe se momentet më të mira mund të jenë ende përpara.

Kapiteni tregoi se, pas ndeshjes, futbollistët kishin diskutuar mes tyre se rezultati 1-0 në takimin e parë ishte më i dobishëm sesa një barazim, pasi i shtyu ta merrnin shumë seriozisht sfidën e kthimit. Sipas tij, në përballjen e parë pati vetëm një çast pakujdesie nga skuadra, ndërsa ai rezultat shërbeu si motivim për paraqitjen e sotme.

Fitoren, Dita ia kushtoi babait të tij. Ai rrëfeu se, kur ndodhej atje, i ati pati një problem në zemër dhe iu nënshtrua një ndërhyrjeje. Fatmirësisht, tashmë është mirë dhe sot ishte i pranishëm në stadium.

Duke folur për mundësitë e kualifikimit, kapiteni pranoi se misioni do të jetë shumë i vështirë, pasi Pafos është një ekip i mirë dhe vitin e kaluar ka prekur grupet e Champions League. Megjithatë, ai deklaroi se Dinamo do të luajë shanset e saj dhe do të provojë, ndërsa e cilësoi krenari për skuadrën arritjen në këtë fazë.

The post Bruno Dita optimist për fazën e grupeve: Më e mira mund të jetë ende përpara, ndaj Pafos do të shfrytëzojmë mundësitë tona appeared first on Albeu.com.

Dinamo City ka prerë biletën për në fazën “play-off” të Ligës së Konferencës, pasi triumfoi 4-0 në shtëpi përballë skuadrës letoneze Auda.

Ekipi i drejtuar nga Ilir Daja zhvilloi një përmbysje spektakolare, duke rikuperuar humbjen minimale 1-0 të pësuar në takimin e parë.

Eridon Qardaku zhbllokoi rezultatin në minutën e 36-të, duke shënuar golin e parë të Dinamos.

Para përfundimit të pjesës së parë, Qardaku mori rolin e asistuesit dhe shërbeu Klevi Qefalinë, i cili e çoi rezultatin në 2-0.

Pas pushimit, vendasit shtuan ritmin dhe gjetën rrugën e rrjetës edhe në dy raste të tjera.

Malomo Ayodeji realizoi golin e tretë në minutën e 52-të, pas pasimit vendimtar të Ruben Richards.

Fitorja e thellë dhe kualifikimi i Dinamos u vulosën në minutën e 76-të, kur nigeriani David Fadairo shënoi për rezultatin përfundimtar 4-0.

The post Dinamo City përmbys humbjen ndaj Audës dhe siguron fazën “play-off” në Ligën e Konferencës appeared first on Albeu.com.

Drita e ka siguruar kualifikimin në ‘play-off’-in e Ligës së Konferencës, pasi mposhti Tre Fiorin me rezultatin 5-0, ndërsa rezultati i përgjithshëm ishte 9-1.

Ekipi kosovar e nisi ndeshjen me vrull, ndërsa epërsinë e gjeti në minutën e 20-të. Kemehlo Nguena dërgoi topin në rrjetë për rezultatin 1-0.

Drita iu afrua golit të dytë vetëm një minutë më pas, ndërsa Ovouka goditi shtyllën në minutën e 38-të.

Këmbëngulja e Dritës dha rezultat përsëri në minutën e 41-të. Pas asistimit të Ovoukas, Nguena shënoi për herë të dytë në këtë takim dhe e ndryshoi rezultatin në 2:0.

Goli i tretë nuk vonoi. Arb Manaj realizoi në minutën e 43-të për 3:0, shifra me të cilat dy skuadrat u drejtuan drejt pushimit.

Ritmi i lartë i Dritës vazhdoi edhe pas rikthimit nga dhomat e zhveshjes. Vetëm pak çaste pas nisjes së pjesës së dytë, në minutën e 47-të, Mike Arthur shënoi golin e katërt.

Në minutën e 60-të, Manaj gjeti sërish rrjetën. Ai përfitoi nga asistimi i Kemehlo Nguenës dhe e çoi epërsinë e Dritës në 5-0.

Skuadra kosovare nuk ndaloi së krijuari mundësi. Në minutën e 73-të, Nguena mund ta kompletonte het-trikun, por tentativa e tij u ndal nga shtylla.

Gjatë minutave të fundit, Drita pati disa raste të tjera për ta bërë fitoren edhe më të thellë. Pëllumbi, Arthur dhe Jashari tentuan të shënonin, por nuk arritën ta gjenin portën.

The post Drita triumfon bindshëm ndaj Tre Fiorit dhe siguron fazën ‘play-off’ të Ligës së Konferencës appeared first on Albeu.com.

Drita zbret sërish në fushë sonte (e enjte), kur në stadiumin “Fadil Vokrri” zhvillon ndeshjen e kthimit kundër Tre Fiorit, të vlefshme për raundin e tretë kualifikues të Ligës së Konferencës.

Skuadra nga Gjilani vjen në këtë takim me një epërsi të konsiderueshme, pasi triumfoi bindshëm 4-1 në udhëtim dhe hodhi një hap të rëndësishëm drejt kualifikimit.

Trajneri i ri, Ardian Nuhiu, ka përzgjedhur skemën 4-2-3-1, ndërsa përgjegjësinë kryesore në repartin ofensiv do ta kenë Liridon Balaj, Arb Manaj dhe Kristal Abazaj.

Nga minuta e parë do të luajë edhe afrimi i ri, Ëilliam Beaten, i cili në këtë përballje do të vendoset në një pozicion më të avancuar.

Formacionet zyrtare:

Drita: Maloku; Mjaki, Bytyqi, Pëllumbi, Ovouka; Dabiqaj, Limaj, Beaten; Balaj, Manaj, Abazaj.

Tre Fiori: Nardi; Sirri, Rea, Sancisi; Mengucci, Giocondi, Benedettini, D’Addario; Bernardi; Prandelli, Ferri.

The post Drita pret Tre Fiorin në “Fadil Vokrri”, publikohen formacionet zyrtare appeared first on Albeu.com.

Dinamo e Iir Dajës do të zbresë sonte në fushë për ndeshjen e kthimit ndaj Auda, e vlefshme për turin e tretë kualifikues të Conference League. Takimi nis në orën 21:00.

Skuadra kryeqytetase duhet të përmbysë humbjen minimale 1-0 të pësuar në duelin e parë me letonezët, ndërsa sfida vendimtare do të zhvillohet në “Elbasan Arena”.

Besimi i trajnerit Daja mbështetet edhe te ecuria e mëparshme e ekipit në ndeshjet e kthimit. “Blutë” ia dolën të përsërisnin rezultat pozitiv ndaj Astanës në fazën e parë dhe kundër Aluminij në të dytën.

Mundësitë për të arritur një tjetër rezultat historik mbeten të hapura, ndërsa Dinamo do të ketë edhe avantazhin e fushës së saj. Në stadium pritet një numër edhe më i lartë tifozësh, të cilët do ta përkrahin skuadrën në synimin për të siguruar “play-off”-et e Conference League dhe, në skenarin më të “artë”, grupet e kompeticionit.

The post Dinamo luan gjithçka ndaj Auda në “Elbasan Arena”, synimi është kualifikimi në “play-off appeared first on Albeu.com.

Shkëndija u mund me shifrat 2-1 në fushën e skuadrës skoceze Hibernian, në ndeshjen e vlefshme për raundin e tretë kualifikues të Ligës së Konferencës.

Fraksioni i parë u karakterizua nga përplasje të forta në mesfushë mes dy ekipeve, por deri në përfundimin e tij rezultati mbeti pa gola.

Skuadra shqiptare kaloi në disavantazh në minutën e 76-të të pjesës së dytë, kur Owen Elding realizoi për vendasit.

Përgjigjja e Shkëndijës erdhi vetëm tre minuta më pas. Marko Gjorgjievski gjeti rrjetën dhe vendosi baraspeshën 1-1.

Në minutat e fundit, Hiberniani arriti ta ndryshonte sërish rrjedhën e takimit, me Warren O’Hora që shënoi golin për rezultatin përfundimtar 2-1.

Pas kësaj disfate, Shkëndija do të synojë ta përmbysë rezultatin në ndeshjen e kthimit, e cila do të luhet pas një jave në Shkup.

The post Shkëndija mposhtet 2-1 në transfertën ndaj Hibernianit appeared first on Albeu.com.

Dinamo siguroi një triumf me vlerë të madhe mbrëmjen e sotme, duke prerë njëkohësisht biletën për në turin e tretë të Conference League. Në ndeshjen e kthimit, të luajtur në “Elbasan Arena”, “Blutë” fituan pastër 3-0 kundër Aluminij. Pas përfundimit të takimit, mbrojtësi Naser Aliji dha prononcimin e tij për mediat.

Duke folur për fizionominë e Dinamos, Aliji theksoi se organika vazhdon të ketë lojtarë me peshë të rëndësishme, ndërsa edhe futbollistët e afruar së fundmi kanë sjellë cilësi.

Sa i përket sfidës së ardhshme dhe lodhjes së shfaqur pas përballjes së sotme, mbrojtësi pranoi se skuadra ka harxhuar shumë energji. Megjithatë, ai nënvizoi se gjendja është shumë e mirë dhe se ekipi do të përgatitet për ndeshjen e radhës.

Aliji shprehu gjithashtu besimin se Dinamo mund të arrijë në grupe. Sipas tij, skuadra punon pikërisht për këtë objektiv dhe, nëse të gjithë bashkohen, gjithçka bëhet e mundur.

Për të ardhmen, futbollisti sqaroi se vëmendja fillestare është përqendruar te Europa, ku synimi është të shkohet sa më larg. Më pas, fokusi do të zhvendoset te kampionati, ndërsa ai shtoi se janë bërë shumë investime.

The post Spikati ndaj Aluminij, Naser Aliji beson te grupet: Të bashkuar mund të arrijmë gjithçka, afrimet kanë shtuar cilësinë appeared first on Albeu.com.