Sipas projektit që është publikuar, në të gjithë zonën, do të ndërtohen plot 22 ndërtesa deri në 15 kate, të cilat do të “rrethojnë” atë pak sipërfaqe ujore që është aktualisht dhe që përdoret për varka dhe jahte. E ndërtuar si një domosdoshmëri për anijet e vogla, Marina administrohej deri pak vite më parë nga një firmë italiane.

Në foto: Gjendja aktuale e Marinës së Orikumit, ku janë vetëm 2 ndërtesa nga 3 kate secila

Në zonë u ndërtuan dy godina nga 3 kate secila, pjesë e administratës së Marinës. Por duke parë simotrat e porteve në Shqipëri, kryesisht Portin e Durrësit apo edhe vetë Portin e Vlorës, ku po ndërtohen resorte, hotele, restorante, bare etj, edhe Marina e Orikumit do të ketë të njëjtin fat.

Por, ndryshe nga dy të parat, historia e kësaj Marine është tepër e dyshimtë, pasi me vendime “nën rrogoz” apo me influenca, pronarët e rinj ia kanë dalë mbanë që të marrin leje nga Këshilli Kombëtar i Territorit dhe Ujit për të ngritur në atë vend plot 22 ndërtesa.

Leja ende nuk është zbardhur nga KKTU-ja, por kjo s’e ka penguar firmën “Marina Orikum”, ku vëllezërit Dulaku kanë 51 % të aksioneve dhe 49 % i ka Fatjon Veizaj, ish-deputet i Partisë Demokratike, të reklamojnë në internet të gjithë projektin.

Në foto: Maketi i ndërtimeve në Marinën e Orikumit, me 22 ndërtesa deri në 15 kate

E gjithë zona ka një sipërfaqe të stërmadhe, prej 143 mijë metrash katrorë, teksa nga ajo që shihet në fotot, duket se ndërtimet do të jenë edhe në breg të detit, një pronë ekskluzive shtetërore. Ligji e përcakton qartë se sipërfaqja ujore apo edhe bregu i detit janë shtetërore dhe nuk mund të tjetërsohen, por ligji është vetëm një copë letër.

Por, si qëndron e vërteta e Marinës së Orikumit?!

VoxNews ka hulumtuar dhjetëra dokumente zyrtare, bankare, noteriale apo administrative, që hedhin dritë mbi transaksionet tepër të dyshimta për të zaptuar një pronë ekskluzive, që dikur është dhënë në përdorim (me koncesion) një firme italiane.

Faksimile: Në vitin 2021, vëllezërit Dulaku e blejnë Marinën e Orikumit për 400 mijë euro

Sipas dokumentit, shitësi është pronar i një kuote pjesëmarrjeje të barabartë me 100% të kapitalit themeltar të shoqërisë tregtare “Giorgi Alfo” sh.p.k., me seli në Vlorë,  në adresën Porti i Jahteve, Orikum. “Çmimi total për shitjen e kuotës është 400.210 euro, shumë e cila do të paguhet nga blerësi në momentin e nënshkrimit të kësaj kontrate” thuhet në dokumente.

Faksimile: Kontrata që firma Concord Investment mori kredi në Bankën Amerikane të Investimeve (ABI BANK)

Në këtë mënyrë, një pronë e stërmadhe u mor në administrim nga një familje që vitet e fundit janë njohur për ndërtime të shumta në bregdet. Madje, në muajin tetor 2025 u raportuar se SPAK-u kreu kontrolle në banesën e Artan Dulakut, në lidhje me fitimin e koncesionit të portit të Limionit në Sarandë, dikur një bazë ushtarake.

Por, larg zhurmës së Sarandës apo edhe të lejeve të tjera në mbarë Shqipërinë, vëllezërit Dulaku papritur u bënë pronar të një prone tepër të lakmueshme, buzë detit Jon. Dhe këtu filloi edhe ambicia e tyre për të ndërtuar dhe tjetërsuar të gjithë zonën.

Sipas dokumenteve, firma Concord pasi shtiu në dorë Marinën, mori një kredi te Banka Amerikane e Investimeve (ABI BANK), një bankë e cila njihet për pronarët e saj që veprojnë në parajsa fiskale. Shuma që vëllezërit Dulaku morën kredi është plot 3 milionë euro.

Faksimile: Kontrata e shitjes së 49 % të aksioneve nga Concord te RDA e Fatjon Veizajt

Koha kaloi dhe vijmë në janar 2023. Megjithëse s’ka lidhje të drejtpërdrejta me firmën, apo menaxhimin e Marinës, një lajm bëri bujë në atë muaj. Deputeti i Partisë Demokratike, Fatjon Veizaj, dha dorëheqjen nga mandati. Një veprim që, nëse do të shohim letrat, duhet të ketë lidhje pikërisht me pronën gjigande.

Sipas dokumenteve që ka hulumtuar VoxNews, në datën 22 qershor 2023, është bërë një tjetër kontratë shitje kuotash. Pala shitëse në këtë rast është Concord Investment, e cila i shet aksionet firmës RDA.

Faksimile: Pronari i RDA është Fatjon Veizaj, i cili rimori aksionet pasi la mandatin e deputetit

Në këtë kohë, Fatjon Veizaj ishte “në hije” në këtë firmë, duke vendosur si administrator dhe pronar me letra dy miq të tij. Në dokument përcaktohet se çmimi i shitjes nga Dulakët te Veizaj të 49% të kuotave, u bë për 196.103 euro.

RDA lë peng aksionet dhe merr edhe ajo kredi

Firma RDA ka vijuar me procedurat dhe pasi mori 49 % të aksioneve, mori një kredi në bankë, duke vendosur si kolateral pikërisht kuotat. Një vendim në mbrojtje, pasi megjithëse s’ka mazhorancën, RDA-ja mbrohet pikërisht nga banka, e cila nëse s’paguan këstet apo detyrimet, mund të shesë asetet që zotëron Marina Orikum.

Faksimile: Rendi i ditës i KKTU-së, i datës 24 dhjetor 2024 kishte në pikën 12 edhe lejen e zhvillimit për objektin “Orikum Marina Resort”

Sërish larg syve kureshtarë, tashmë me dy ortakë të fuqishëm, majtas dhe djathtas, Dulakët dhe Veizaj vijuan veprimet, duke synuar që në gjithë atë sipërfaqe të bënin ndërtime shumëkatëshe.

Sipas dokumentit më sipër, i cili është rendi i ditës i mbledhjes së Këshillit Kombëtar të Territorit dhe Ujit në datën 24 dhjetor 2024, në pikën 12 është edhe një leje zhvillimi në Orikum.

“Leje zhvillimi për objektin ‘Orikum Marina Resort, Hotel dhe Struktura akomoduese rezidenciale’, me vendndodhje në Orikum, Bashkia Vlorë, me subjekt zhvillues shoqërinë ‘Marina Orikum’ sh.p.k” thuhet në dokument.

Deri më sot, leja nuk është zbardhur nga KKTU-ja, por lejen e kanë “zbardhur” pronarët e saj. Dulakët dhe Veizaj kanë filluar që t’a reklamojnë projektin.

Në foto: Maketi i ndërtimeve në Marinën e Orikumit, me 22 ndërtesa deri në 15 kate

Gjatë hulumtimeve që ka kryer VoxNews, firma shkruan se në zonën në fjalë do të ndërtohen plot 22 godina, deri në 15 kate. Do të ketë vila, restorante, hotele e shumë apartamente. Por ajo që bie në sy është se ndërtimet do të shtrihen në një sipërfaqe prej 143 mijë m2 buzë detit Jon.

Asnjë institucion shtetëror nuk ka dhënë informacion për tjetërsimin e kësaj marine; Kush është pronari i truallit? Çfarë kishte nën administrim firma italiane? Si u zgjerua projekti në 143 mijë m2? A nuk është pronë shtetërore uji dhe bregu i detit? A duhej të ishte rishtetëzuar Marina e Orikumit? /voxnews

The post Si u tjetërsua Marina Orikum: Nga italianët, te Dulakët dhe Veizaj (ish-deputet) që zaptuan 143 mijë m2 buzë detit appeared first on Albeu.com.

Në kuadër të hetimeve që SPAK po zhvillon prej 2 vitesh për tjetërsimin e pronave të ushtrisë në Sarandë, mësohet se ditën e sotme janë ushtruar kontrolle në banesën dhe zyrën e biznesmenit Artan Dulaku. Burime për Report Tv bëjnë me dije se kontrollet janë ushtruar me kërkesë të prokurores Manjola Kajana dhe me vendim të GJKKO-së, ndërsa agjentët e BKH-së janë mbështetur edhe nga Policia e Shtetit.

Në bazë të këtyre hetimeve, me vendim të GJKKO është vënë në sekuestro edhe Portin e Limionit, një bazë e Forcave Detare, pronë e ushtrisë shqiptare e cila në korrik të viti 2020, me vendim të qeverisë, i është dhënë me qira, si pjesë e një territori shumë më të madh, prej mbi 265 mijë metrash katrorë. Shoqëria “Marina Bay Saranda” shpk parashikon ndërtimin e një kompleksi hotelesh, rezidencash dhe një port jahtesh që do të ofrojë mundësinë për ankorim, për 400 anije. Kërkesa e shoqërisë “Marina Bay Saranda” për heqjen e sekuestros për bazën detare në qytetin bregdetar është rrëzuar edhe nga Gjykata Kushtetuese më 12 nëntor 2024.

Hetimi nisi pas kallëzimit në SPAK nga ish-zëvendëskomandanti i Forcës Detare, Artur Meçollari në vitin 2021 kundër vendimit të Këshillit të Ministrave, që më 1 korrik 2020 vendosi që Baza Detare Limion me një sipërfaqe të përgjithshme mbi 265 mijë metra katrorë, t’i jepej me qira për 20 vjet me tarifën simbolike 1 euro bashkimit të 2 shoqërive.

Baza detare e Sarandës do të qëndrojë e sekuestruar derisa Prokuroria e Posaçme të dalë me një vendim për hetimin e nisur lidhur me procedurat e ndjekura për dhënien me qira te privati të pronës së ushtrisë.

The post SPAK dhe BKH kontrolle në banesën dhe zyrën e biznesmenit Artan Dulaku appeared first on Albeu.com.

As part of the investigation that SPAK has been conducting for 2 years into the alienation of military property in Saranda, it is learned that searches were carried out today in the apartment and office of businessman Artan Dulaku. Sources for Report TV indicate that the searches were carried out at the request of prosecutor Manjola Kajana and by decision of the GJKKO, while BKH agents were also supported by the State Police.

Based on these investigations, by decision of the GJKKO, the Port of Limioni, a Naval Forces base, property of the Albanian army, which in July 2020, by decision of the government, was leased, as part of a much larger territory of over 265 thousand square meters. The company “Marina Bay Saranda” shpk envisages the construction of a hotel complex, residences and a yacht port that will offer the possibility of anchoring for 400 ships. The request of the company “Marina Bay Saranda” for the lifting of the seizure of the naval base in the coastal city was also rejected by the Constitutional Court on November 12, 2024.

The investigation began after the complaint to SPAK by the former deputy commander of the Naval Force, Artur Meçollari in 2021 against the decision of the Council of Ministers, which on July 1, 2020 decided that the Limion Naval Base, with a total area of ​​over 265 thousand square meters, would be leased for 20 years at the symbolic fee of 1 euro to the merger of the 2 companies.

The Saranda naval base will remain sequestered until the Special Prosecution Office issues a decision on the investigation launched regarding the procedures followed for the lease of military property to a private party.

The post SPAK and BKH search the apartment and office of businessman Artan Dulaku appeared first on Albeu.com.