Dy ish-deputetët Myslym Murrizi dhe Kreshnik Çollaku, kanë reaguar ashpër në rrjetet e tyre sociale.

“Problemi i PD nuk është pse i dhuron 7 deputetë e një grup parlamentar ish-LSI (parti me ideologji e histori tjetër)…,por se nuk ndal dot hemoragjinë brenda llojit, nuk bashkon të djathtën dhe dëgjon pak ose aspak e pjesën gri të elektoratit antiRame!!!”-shprehet Kreshnik Çollaku.

“Kjo “qerasja” me deputetë nga PD te partitë që nuk kanë vota as për një mandat, po më “pëlqen” shumë.
Opozita në zgjedhjet e 11 majit mori gjithsej 50 deputetë.
Nga këto, 4 ishin të LSI, 1 ishte i PR, 1 ishte i PDIU, 1 i PPDNJ, 1 i Partisë Agrare.
Vetë PD i ngelën 42 deputetë pa llogaritur ndonjë që ka ardhur si në transfertë, i huazuar nga LSI ose PS.
Nga 42 deputetë që i ngelën PD, dëgjova që 3 do t’i jepen për qerasje LSI që të krijojë grup parlamentar me 7 deputetë. 6 deputetë do t’i jepen Mediut për të krijuar grup tjetër parlamentar me 7 deputetë.
Dhe 6 të tjerë Partisë Agrare që edhe kjo të ketë grup parlamentar.

Kështu që grupit parlamentar të PD i ngelen vetëm 27 deputetë gjithsej.
Mirë do ishte që 6 deputetë të tjerë t’ia jepnin për kusur PDIU, që edhe kjo partiçkë që mori 1500 vota ta ketë një grup parlamentar. Dhe 6 deputetë të tjerë t’ia jepnin hua PPDNJ-së së Dules që nuk mori asnjë votë në 11 maj, që edhe Dulja ta ketë një grup parlamentar.

Dhe PD vetë të mbajë çfarë të ngelë pas “qerasjes”, që sipas llogarive ngelen 15 deputetë. Po edhe nga këto 15 “mirë” do bënit t’i jepnit 5 Agron Shehut, që edhe ai ta bëjë një grup parlamentar, se PD vetë “tamam” i ka 10 deputetë. Po kur shqiptarët shohin se si bëhet “qerasja” me deputetë, që këto parti parlamentare leshi të kenë grup parlamentar fiktiv vetëm për të marrë para nga taksat e shqiptarëve dhe për të punësuar 2-3 familjarë të tyre si këshilltarë apo sekretarë grupi si gjoja parti parlamentare, dhe që “kanë” grup parlamentar me deputetë të “shitur” në merkato, pse duhet të qëndrojnë stoikë si votues dhe nuk mund ta bëjnë këtë “pazar” vetë me votën e tyre ditën e zgjedhjeve????? Pse u dashka që votat e demokratëve t’i “dorovisni” ju ku të keni interes, në parti që kanë luftuar demokratët dhe demokratët vetë e paskan të ndaluar ta bëjnë një “dorovitje” me votë sa herë të ketë zgjedhje te çdo parti apo partiçkë që i ofrohet me pagesë???? Dhe pastaj themi pse kemi 16 vjet në opozitë.“-shkruan Maurrizi.,

The post Berisha “i fali” tre deputetë Metës, reagojnë Murrizi e Çollaku: Po dorovisni votat e demokratëve, ja pse jemi 16 vjet në opozitë appeared first on Albeu.com.

Çollaku shkruan në Facebook, se tani e deri në zgjedhjet e ardhshme, duhet një armëpushim brenda opozitës deri zgjedhjet e 2025.

“Teoritë se ‘për opinionet ose parimet tona, mbajmë të përçare PD’ është fondamentalizëm politik.

Në situatën ku ndodhet vendi është emergjente që deri për zgjedhjet politike, në përballjen finale me Ramën, duhet shpallur një armëpushim brenda opozites.

I vetmi projekt që duhet ndjekur e punuar është bashkimi, pa të cilin opozita nuk ka asnjë shans suksesi.

Të bëhemi bashkë sot, e pas përballjes me Ramën kemi kohë për të zhvilluar rivalitetet, ambiciet apo betejat e brendshme për parimet apo bindjet tona.

Kur bie hasmi i madh, gjaqet e vogla mbyllen”, shkruan Kreshnik Çollaku në Facebook.

The post Çollaku, mesazh Bashës: Ndale fondamentalizimin politik! Pas përballjes me Ramën kemi kohë për të… appeared first on Albeu.com.

Çollaku shkruan se nuk mund ta refuzojë një dorë të shtrirë për paqe e bashkim, teksa shton se ideja e një fraksioni brenda PD duhet eksploruar.

“Unë si deputet i PD, rreshtuar në pozicione të kundërta me ish-Rithemelimin këto tre vite, nuk jam i gatshëm ta refuzoj një dorë të shtrire për paqe e bashkim, të paktën pa e provuar sinqeritetin e saj. Por çështja e bashkimit te PD, nuk është çështje e bashkimit të një apo disa deputetëve.

Çështja e bashkimit te PD është një sfidë që duhet, nëse mundet të bëjë bashkë dy realitete të tëra njerëzore, të ndara brenda PD. Këto nuk janë masa amorfe njerëzish, por një strukturë e tërë njerëzore e organizuar, nga të dy palët.

Ideja e një Fraksioni të strukturuar brenda PD, edhe pse për herë të pare si eksperiencë në historinë e pluralizmit në Shqipëri, mund të jetë një opsion që duhet eksploruar seriozisht”, shkruan Çollaku.

The post Kreshnik Çollaku rikonfirmon bashkimin me Berishën: Nuk e refuzoj një dorë të shtrirë appeared first on Albeu.com.

Por me deklaratën e sotme të kreut të PD, Sali Berisha, në konferncën me gazetarët ku tha se ishin të ftuar të gjithë që të flisnin në podium përveç Alibashës, duke ju refruar Enkelejd Alibeajt, siuata ka ndryshuar sërish 180 gradë, dhe kampet janë ripozicionuar sërish.

“Në qoftë se kanë dëshirë pa diskutim. E përshëndes vendimin e tyre, janë të mirëpritur. Përveç Bravës dhe Alibashës të tjerët janë të mirëpritur”, tha Berisha.

Më herët deputeti demokrat Ferdinand Xhaferaj deklaroi në një studi televizive se ai si gjithë deputetët e tjerë të opozitës dhe qytetarët shqiptarë do të dalë në protestë kundër skkandaleve qeveritare.

Por pas deklaratës së berishës Xhaferaj dhe disa deputetë të tjerë janë tërhequr.

AlbEu.com mëson se në grupin e brendshëm të whatsapp, Xhaferaj ka bërë të ditur se pavarësisht dëshirës së mirë që pati shprehur për të protestuar ditën e shtunë kundër skandaleve qeveritare, përjashtimi që Sali Berisha i bëri Enkelejd Alibeajt, e bën atë që të tërhiqet nga deklarata e mëparshme.

Sipas tij Berisha me përjashtimin e Alibeajt kërkon të shkrijë ekzistenën e grupit demokrat që mendon ndryshe nga ai.

“Përshëndetje: Unë kisha deklaruar, nisur nga skandalet e qeverisë, që do marr pjesë në protestë. Por sot pashë zotin Berisha që vuri kushte duke kërkuar që kreu i grupit parlamentar z. Alibeaj nuk pranohet në protestë. Z. Berisha nuk mund të na diktojë qendrimet dhe nuk mund të bashkëpunojë duke na vendosur kushte. Duke përjashtuar kreun e grupit synohet të shkrihet ekzistenca jonë dhe parimet që jemi ndarë deri më tani. Unë nuk do marr pjesë në protestë”, ka shkruar Xhaferaj në grupin e whatsapp me të cilën komunikojnë disa nga deputetët e PD.

Në të njëjtën linjë me Xhaferajn ka qenë dhe deputetu kreshnik Çollaku, sipas të cilit përjashtimi me emra të përveçëm që bëri Berisha është provokim për të gjithë.

“Bashkohem me qendrimin e Ferdinantit. Përjashtimi i deputeteve me emra të përveçëm nga pjesmarrja është provokim për të gjithë ne”, k shkruar Çollaku.

/AlbEu.com/

The post “Alibeaj nuk lejohet të flasë”, Xhaferaj dhe Çollaku tërhiqen pas deklaratës së Berishës: Nuk dalim në protestë appeared first on Albeu.com.

Në një lidhje me edicionin e lajmeve të orës 19:00 në Abc, Çollaku tha se është për të ardhur keq që po ndodhin këto gjëra brenda PD-së, ku përplasjet tashmë kanë mbërritur deri në parlament.

Konomi: Situata në PD nga seanca në seancë po degradon në sherre personale?

Çollaku: Unë jam ndier jashtëzakonisht keq për atë skenë. Nuk do doja të isha në një seancë të tillë ku demokratët sulmojnë njëri-tjetrin. Nuk kam çfarë t’i shtoj kësaj historie. Më erdhi keq të shihja një PD ku përplasen me njëri-tjetrin dhe në krahun tjetër shihje socialistët në sallë që talleshin. A ka mundësi të gjejmë një gjuhë të përbashkët? Unë mendoj se e kemi detyrim për gjetjen e një gjuhe të përbashkët. Kemi bërë dhe tentativa ku e fundi ishte zgjedhja e një kandidati të përbashkët, por dështuam, pasi dominuan interesat politike. Ajo që prishi marrëveshjen ishte fjalia: Hajde njihni statutin tim. Sa i përket këtyre skenave janë degraduese më vjen keq që marr pjesë në një seancë të tillë, më duket si një formë për të shpallur armik njëri-tjetrin.

The post “Ik o legen”, Çollaku për sherrin Noka- Alibeaj: Socialistët talleshin në sallë me deputetët e PD-së appeared first on Albeu.com.