Muaj pas incidentit, Cabot vendosi të flasë publikisht për herë të parë , dhe, siç pohon ajo, për herë të vetme. Në një intervistë për podkastin e Oprah Winfrey, ajo kërkon të mbyllë një kapitull të shënuar nga dhimbja personale dhe ekspozimi mediatik. Gjatë bisedës, Cabot ndan detaje të reja të asaj nate dhe kritikon platformat dixhitale për mënyrën se si “përfitojnë nga dhimbja” kur momentet virale shpërthejnë online.

Videoja, e regjistruar në stadium para mijëra njerëzve, u shpërnda me shpejtësi në mediat sociale dhe arriti mbi 300,000 miliardë shikime. Në të, Cabot shfaqet pranë drejtorit ekzekutiv të Astronomer, Andy Byron, në një situatë që nxiti spekulime të shumta. Kur ata kuptuan se ishin duke u shfaqur në ekranin e madh, Byron u largua shpejt, ndërsa Cabot u kthye duke shmangur kamerën.

Vokalisti i Coldplay, Chris Martin, reagoi me shaka: “Uau, shihini këta të dy! Ose kanë një aferë ose janë thjesht shumë të turpshëm.” Ky koment, megjithatë, nuk pasqyronte situatën reale.

Sipas Cabot, ajo ishte tashmë e ndarë nga bashkëshorti i saj gjatë koncertit, dhe ish-partneri i saj ishte gjithashtu aty. Ajo rrëfen:

“Po hyja në koncert kur vajza ime më dërgoi një mesazh: ‘Sa mirë që ti dhe Andrew jeni në Coldplay!’ Pastaj më njoftoi që edhe ish-i im ishte aty. Mendova: ‘A do të ishte e sikletshme të takoja Andyn?’ Por më pas mendova: ‘Jam në stadiumin Gillette. Ka 55,000 njerëz këtu. Ndoshta nuk do ta takoja.’”

Cabot thekson se marrëdhënia e saj me Byron ishte e njohur në rrethin e saj të ngushtë dhe nuk kishte ndonjë konflikt:

“Ai [ish-i im] e di sa ngushtë kemi punuar së bashku unë dhe Andy. Nuk kishte problem.”

Përkundër kësaj, reagimi global ishte i menjëhershëm dhe i fuqishëm. Mediat sociale e kthyen Cabot në shënjestër të kritikave, memeve dhe madje edhe kërcënimeve me vdekje, duke shkaktuar një rrëzim të jetës së saj personale dhe profesionale. Presioni ishte i tillë sa ajo dha dorëheqjen nga pozicioni i saj si drejtoreshë e burimeve njerëzore në Astronomer.

Pas skandalit, Cabot nisi procedurat e divorcit dhe u përpoq të rindërtonte jetën larg syrit të publikut. Ajo pohoi më parë për The New York Times se edhe Byron po kalonte një ndarje, por ai nuk ka bërë kurrë deklarata publike.

Tani, Cabot shpreson që kjo intervistë të japë një pasqyrim të qartë mbi koston njerëzore të viralitetit dhe të mbyllë një nga episodet më personale dhe virale të kohëve të fundit.

The post U kap ‘mat’ duke u përqafuar me shefin e saj në koncertin e “Coldplay”, Kristin Cabot thyen heshtjen: Bëra një gabim dhe e pranoj, kam paguar një çmim të paimagjinueshëm appeared first on Albeu.com.

Sipas këtij burimi, marrëdhënia mes dy kolegëve ishte “vetëm miqësore dhe profesionale”, dhe përqafimi në koncert nuk ishte shenjë e ndonjë afere. Në atë kohë, Cabot ishte në proces divorci dhe kishte jetuar e ndarë nga bashkëshorti i saj. Edhe bashkëshorti i saj ndodhej në të njëjtin koncert, me një takim tjetër.

“Kristin dhe Andy nuk kishin një marrëdhënie romantike,” thotë burimi. “Ishte një moment i papërshtatshëm në një mbrëmje me miq. Ajo e pranon këtë, por reagimi i publikut ka qenë jashtë çdo mase.”

Pas incidentit, të dy dhanë dorëheqjen nga pozicionet e tyre në Astronomer, mes presionit mediatik dhe zhurmës publike. Sipas burimit, Cabot ka marrë qindra kërcënime dhe është ndjekur nga paparacët, gjë që ka ndikuar rëndë në shëndetin dhe privatësinë e saj dhe familjes.

“Ajo po përpiqet të mbrojë fëmijët e saj dhe të ecë përpara,” thotë burimi. “Kjo histori u fry në mënyrë të padrejtë. Kristin është një njeri i zakonshëm që u kap në një moment jo të mirë.”

The post Përqafimi që shkaktoi divorc, merr një tjetër rrjedhë skandali në koncertin e “Coldplay” appeared first on Albeu.com.

Sipas dokumenteve gjyqësore, Kristin ka dorëzuar kërkesën për divorc në Portsmouth, New Hampshire, më 13 gusht.

Skandali shpërtheu pasi momenti i tyre u transmetua në ekranin gjigant gjatë koncertit, pasi Chris Martin paralajmëroi fansat se fytyrat e tyre mund të shfaqeshin aty.

Pamjet treguan Kristin dhe Byron, duke u përqafuar dhe më pas duke u larguar me shpejtësi sapo vunë re kamerat. Kjo ndezi menjëherë spekulime për një lidhje jashtëmartesore.

Ish-bashkëshortja e Andrew Cabot, Julia, i tha Daily Mail se ndarja nuk ishte surprizë. Ajo zbuloi se Andrew i kishte dërguar një mesazh menjëherë pas koncertit, duke i shkruar: “Jeta e saj nuk ka të bëjë me mua” dhe se ata tashmë ishin duke u ndarë.

Julia shtoi: “Ai thotë se kjo s’ka të bëjë me të, edhe pse ishin të martuar dhe jetonin bashkë. Por gjëja e vetme që i intereson Andrew është paraja. As Kristin, as Andrew nuk dukeshin të përshtatshëm për martesë”.

Pasuria dhe martesat e mëparshme

Dokumentet e pronës tregojnë se Kristin dhe Andrew kishin blerë së bashku një shtëpi me vlerë 2.2 milionë dollarë në Rye, New Hampshire, në muajin shkurt.

Ky është divorci i dytë për Kristin, e cila më herët ka qenë e martuar me Kenneth Thornby deri në vitin 2022. Për Andrew, CEO i Privateer Rum, kjo do të jetë martesa e tretë e dështuar.

Julia u shpreh gjithashtu se; skandali ishte një lloj “karme” dhe se Andrew, ka qenë më shumë i turpëruar sesa i prekur emocionalisht nga situata.

Nga ana tjetër, Kristin ishte parë pa unazën e martesës që në muajin korrik, duke shtuar thashethemet për probleme martesore përpara se të depozitonte kërkesën për divorc.

Ky divorc ka tërhequr shumë vëmendje mediatike, duke kombinuar intrigën e një skandali publik në një koncert ndërkombëtar me jetën private të një ish-ekzekutive të profilit të lartë dhe bashkëshortit të saj biznesmen.

The post Skandali në koncertin e Coldplay: Kristin Cabot ndahet nga bashkëshorti pas “kiss cam” me Andy Byron appeared first on Albeu.com.

Bazuar në atë që thonë burimet pranë menaxherit të cituara nga New York Post , padia kundër grupit dhe organizatorëve të eventit bazohet në akuzat për “shkelje të privatësisë” dhe “shqetësim emocional” për shkak të sikletit që përjetoi.

Tabloidi i Neë York-ut shpjegon se Byron, përveç “mosdhënies së pëlqimit për t’u filmuar”, ndihet “viktimë e poshtërimit publik pa pëlqim”, gjë që e ka “shndërruar atë në një meme”.

Ekspertët ligjorë të konsultuar nga gazeta besojnë se shanset e padisë për sukses janë të pakta.

Coldplay nuk i është përgjigjur ende zyrtarisht padisë së mundshme të Byron. Megjithatë, kolumnisti i njohur i thashethemeve, Rob Shuter, duke cituar burime, pohon se Chris Martin “qeshi me të madhe” me idenë e përfshirjes në veprime ligjore pas incidentit me kamerën e puthjes. Ekspertët ligjorë, siç u përmendën, janë skeptikë në lidhje me shanset e suksesit të padisë.

Pas dorëheqjes së Byron si CEO e Astronomer, shpërthyen polemika të forta sepse Cabot kishte mbetur në kompani. Por pak më shumë se një javë pas kamerës famëkeqe me puthje, ajo vendosi gjithashtu të linte rolin e saj. Pas jehonës globale të videos, kompania e teknologjisë njoftoi se kishte nisur një hetim të brendshëm për këtë çështje, i cili çoi në emërimin e bashkëthemeluesit dhe drejtorit kryesor të produktit Pete DeJoy si CEO të përkohshëm.

The post Puthja që bëri ‘xhiron’ e rrjetit/ Ish-CEO i Astronomer planifikon të padisë Coldplay appeared first on Albeu.com.

Videoja u përhap me shpejtësi në TikTok dhe Instagram, pasi dyshja u pa duke kërcyer dhe më pas duke u përpjekur të shmangnin kamerat. Këngëtari i njohur Chris Martin reagoi drejtpërdrejt nga skena duke komentuar: “Ose kanë një aferë, ose janë thjesht shumë të turpshëm”, duke e bërë situatën akoma më të diskutuar në rrjet.

Vetë kompania Astronomer konfirmoi për BBC-në se Kristin Cabot nuk është më pjesë e stafit, duke theksuar se largimi i saj vjen menjëherë pas dorëheqjes së CEO-së Andy Byron, i cili ishte përfshirë gjithashtu në videon e përfolur.

Ngjarja ka shkaktuar reagime të shumta, me ndjekës të shumtë që e kanë shpërndarë klipin dhe e kanë kthyer atë në meme, ndërsa mediat amerikane e kanë ndjekur me interes zhvillimin.

The post Videoja e “përqafimit” në koncert i kushton postin, jep dorëheqjen drejtoresha e Astronomer appeared first on Albeu.com.

Pamjet, ku dy zyrtarët e kompanisë “Astronomer” shihen të përqafuar, u bënë shkas për reagime të ashpra, sidomos pasi Byron, i martuar dhe me dy fëmijë, tentoi të fshihej sapo e kapi kamera.

Në një prononcim për “The Sun”, Grace u shpreh: “Një pjesë e imja ndihet keq… por kur luan lojëra budallaqe, fiton çmime budallaqe”.

Videoja ka kapur mbi 46 milionë shikime dhe ka kthyer jetën e protagonistëve përmbys. Grace shton se shpreson që për bashkëshorten e CEO-s, kjo të jetë një “bekim i maskuar”.

The post Kush e filmoi CEO-n? Ja kush që ‘fundosi’ shefin në koncertin e Coldplay appeared first on Albeu.com.

Imazhet kanë dalë në dritë nga koncerti i Coldplay në Athinë gjatë kësaj jave, ku tregohet kryesuesi i grupit, Chris Martin, duke ndaluar në mes të një kënge ndërsa një burrë i mbështjellë me flamurin izraelit ngjitet në një varg dritash në skajin e skenës, para se të bjerë papritur përmbys.

Chris i kërkon menjëherë grupit të ndalojë muzikën, dhe pastaj ai dhe kitaristi Johnny Buckland ecin përpara dhe shikojnë nën skenë për të parë nëse djaloshi është mirë, shkruan TMZ.

Komediani izraelit, Guy Hochman, vjen para dhe vetë-identifikohet si burri që ra, duke postuar një fotografi të tij me flamurin te koncerti dhe duke thënë se mori një goditje të rëndë si rezultat i rënies, madje duke thyer një brinjë.

Hochman thotë se mund të ndiente djersën e Chris dhe ishte pothuajse në skenë – dhe po, ai po përpiqej të tërheqë vëmendje për luftën në Lindjen e Mesme, ashtu si edhe të tjerët në shfaqje.

Ndërkohë që demonstrata e Izraelit e Hochman doli të jetë një tentativë e dhimbshme, shumë persona në turmën e Coldplay bërtitën për të kthyer pengjet nga Gaza – dhe ka video të postuara për këtë efekt.

The post Rrëzohet në koncertin e Coldplay burri që tentoi të hipte në skenë me flamurin izraelit appeared first on Albeu.com.