Para sfidës së Kupës së Botës mes Holandës dhe Marokut, Cody Gakpo kaloi një periudhë tejet të dhimbshme në jetën personale, pasi partnerja e tij Noa van der Bij humbi fëmijën gjatë shtatzënisë.

Edhe pse po përballej me këtë humbje të rëndë, sulmuesi i Liverpoolit vendosi të luante për kombëtaren e tij dhe madje arriti të gjente rrugën e rrjetës gjatë takimit.

Sidoqoftë, realizimi i tij nuk mjaftoi për të shmangur eliminimin e Holandës. Pas golit të Issa Diop, ndeshja shkoi në vazhdime, ndërsa më pas Maroku doli fitues në serinë e penalltive.

Menjëherë pas mbylljes së ndeshjes, futbollistët e Marokut iu afruan Gakpos për t’i dhënë ngushëllime dhe për t’i qëndruar pranë në këtë moment të vështirë.

Veprimi i tyre u prit me shumë vlerësime, duke nënvizuar edhe një herë se futbolli shpesh tejkalon rezultatin dhe rivalitetin sportiv.

Marokenët po fitojnë simpatinë e publikut jo vetëm për atë që tregojnë në fushë, por edhe për respektin dhe qëndrimin që shfaqin ndaj kundërshtarëve.

The post Futbollistët e Marokut vlerësohen nga publiku edhe për humanizmin e treguar pas ndeshjes me Holandën appeared first on Albeu.com.

Tragjedia ka ndodhur vetëm dy ditë përpara sfidës së fazës eliminatore kundër Marokut, kur Gakpo dhe partnerja e tij, Noa van der Bij, bënë të ditur se kishin humbur djalin e tyre ende të palindur.

Ishte Noa ajo që ndau lajmin e trishtë në rrjetet sociale, përmes një postimi të shoqëruar me një fotografi prekëse, ku zbuloi gjithashtu se foshnja ishte pagëzuar me emrin Elijah Raphael Gakpo.

“Me zemër të thyer ndajmë lajmin se djali ynë i vogël ndërroi jetë gjatë shtatzënisë. Faleminderit për gjithëve për mbështetjen tuaj”, shkroi ajo.

Katër javë më herët, çifti kishte bërë publik lajmin e bukur se po prisnin një fëmijë. Nga martesa e tyre, ata kanë një djal.

Kjo humbje e rëndë vjen në një kohë kur përfaqësuesja e Holandës po bëhet gati për ndeshjen e 1/16-tës së finales në Kupën e Botës, pasi e përfundoi fazën e grupeve në krye.

Gjatë kësaj periudhe të vështirë, Gakpo dhe familja e tij kanë marrë shumë mesazhe ngushëllimi dhe mbështetjeje nga tifozë, bashkëlojtarë dhe njerëz të futbollit, ndërsa futbollisti ka kërkuar që privatësia e familjes të respektohet.

The post Dhimbje e madhe për Cody Gakpo, ylli i Holandës humb foshnjën appeared first on Albeu.com.

Në vijën e parë shkëlqyen Messi, David dhe Undav, ndërsa Room, Xhaka dhe Bruno Fernandes u shndërruan në pikat kyçe të skuadrave të tyre në një xhiro të mbushur me spektakël dhe rekorde.

Eloy Room, gardiani i pakalueshëm i Kuraçaos

Barazimi pa gola i Kuraçaos ndaj Ekuadorit mbajti vulën e portierit Eloy Room, i cili ishte njeriu vendimtar i ekipit të tij. Me 15 pritje të realizuara, ai vendosi edhe rekordin e këtij Botërori për më shumë ndërhyrje në një ndeshje të vetme.

Falë kësaj paraqitjeje të jashtëzakonshme, Kuraçao arriti të marrë një pikë historike.

Një prapavijë e ndërtuar mbi liderë

Në krahun e djathtë të mbrojtjes vendoset Denzel Dumfries, i cili kontribuoi me dy asistime në suksesin e thellë 5-1 të Holandës përballë Suedisë.

Në qendër të repartit defensiv qëndron Ko Itakura. Japonezi ishte figurë udhëheqëse në fitoren spektakolare 4-0 të Japonisë ndaj Tunizisë, duke imponuar veten në duelet ajrore dhe në organizimin e mbrojtjes.

Treshja plotësohet nga Nuno Mendes, që përveç sigurisë në fazën mbrojtëse, realizoi edhe një gol fantastik nga goditja e lirë në fitoren 5-0 të Portugalisë kundër Uzbekistanit.

Mesfushë me cilësi dhe kontroll total

Johan Manzambi ndryshoi krejtësisht rrjedhën e ndeshjes së Zvicrës me Bosnjën pasi hyri nga stoli dhe shënoi dy herë në fitoren 4-1.

Përkrah tij renditet Bruno Fernandes, organizatori i lojës së Portugalisë ndaj Uzbekistanit. Mesfushori portugez diktoi ritmin e takimit dhe shtoi edhe një asistim në një tjetër paraqitje të nivelit të lartë.

Granit Xhaka, kapiteni i Zvicrës, ishte dominues në çdo aspekt të mesfushës. Ai udhëhoqi skuadrën, inicioi aksionet dhe e mbylli paraqitjen me një gol të shënuar nga penalltia.

Nga ana tjetër vjen Cody Gakpo, futbollisti që del gjithnjë në pah në ndeshjet e mëdha me Holandën. Ai realizoi dy gola dhe dha një asistim në fitoren e thellë ndaj Suedisë.

Sulmuesit që vendosën ndeshjet

Në repartin ofensiv nuk mund të lihej jashtë Lionel Messi, i cili po vazhdon formën e shkëlqyer në këtë Botëror. Argjentinasi shënoi dy gola ndaj Austrisë dhe dëshmoi edhe një herë nivelin e tij të jashtëzakonshëm.

Jonathan David ishte emri kryesor i Kanadasë, teksa realizoi një het-trik spektakolar dhe udhëhoqi ekipin drejt një fitoreje me shumë peshë.

Formacionin në sulm e kompleton Deniz Undav, super-zëvendësuesi i Gjermanisë. Pasi u aktivizua nga banka rezervë, ai realizoi dy gola vendimtarë që i siguruan “Pancerëve” fitoren dhe kualifikimin ndaj Bregut të Fildishtë.

The post Formacioni ideal i xhiros së dytë në Botërorin 2026, mes surprizave dhe yjeve të mëdhenj appeared first on Albeu.com.

Gazetari Nicolo Schira raporton se klubi nga Londra është i përgatitur t’i bëjë Liverpoolit një ofertë të konsiderueshme. Ndërkohë, futbollistit i është propozuar një marrëveshje deri në vitin 2031, si edhe një rol i rëndësishëm në projektin e ri të teknikut italian.

Që nga janari i vitit 2023, Gakpo është pjesë e Liverpoolit, pasi u transferua nga PSV Eindhoven për afro 42 milionë euro. Marrëveshja e tij ekzistuese me klubin nga Anfield përfundon në qershor të vitit 2030, ndërsa vlera e tij në treg llogaritet rreth 60 milionë euro.

Në sezonin e fundit, 27-vjeçari realizoi nëntë gola dhe kontribuoi me gjashtë asistime në 52 ndeshje me fanellën e Liverpoolit.

Për momentin, Gakpo është i angazhuar me Përfaqësuesen e Holandës në Kupën e Botës 2026, ku e ka nisur turneun në mënyrë të shkëlqyer, me dy gola dhe një asistim në dy takime.

Tashmë mbetet për t’u parë nëse Liverpooli do të pranojë të shqyrtojë ofertat për sulmuesin holandez, i cili po zgjon interes të fortë nga Tottenhami i Roberto De Zerbit.

The post Tottenham i bën ofertë afatgjatë Cody Gakpos pas formës së tij me Holandën appeared first on Albeu.com.