Statuja, një nga dy trofetë e aktorit e fituar në 2004 dhe 2009 respektivisht, do të qëndrojë në Ukrainë deri në fund të luftës.
Njoftimi erdhi gjatë vizitës së tretë të Penn në vend gjatë luftës në shkallë të gjerë. Gjatë vizitës së tretë në Ukrainë, aktori u nderua nga presidenti ukrainas, Zelensky me Urdhrin e Meritës të shkallës III.

Ai falënderoi Penn-in për kontributin e tij të rëndësishëm në përpjekjet e luftës. Penn u nderua gjithashtu duke vendosur emrin e tij në një gur në “Walk of the Brave”, i cili i dedikohet njerëzve të guximshëm që kanë përkrahur Ukrainën që nga fillimi i luftës.

Emri i tij do të shfaqet pranë listës së shumë liderëve botërorë që kanë ndihmuar Ukrainën gjatë konfliktit. ”Aktori dhe regjisori amerikan Sean Penn erdhi në Ukrainë për herë të tretë”, shkroi Zelensky në Instagram.

”Këtë herë takimi ynë ishte i veçantë. Sean solli statujën e tij të Oscar-it si simbol i besimit për fitoren e vendit tonë. Ajo do të qendrojë në Ukrainë deri në fund të luftës”, tha Zelensky.

“Me kënaqësi të madhe i dhashë Sean Penn Urdhrin e Meritës të shkallës III. Faleminderit për mbështetjen kaq të sinqertë dhe kontributin e rëndësishëm në popullarizimin e Ukrainës në botë”, shtoi ai.

The post Sean Penn i dhuron një nga çmimet e tij, Zelensky merr një statujë Oscar appeared first on Albeu.com.

53-vjeçari ka kërkuar ndihmën e ekspertëve në një klinikë rehabilitimi për personazhe të famshëm, për ta ndihmuar në trajtimin e çështjeve të lidhura me stresin.

Kjo vjen si pasojë e  incidentit që i shkatërroi natën e bukur kur fitoi një Oscar. Stresi i është krijuar nga polemikat që shpërthyen pas shuplakës që i dha komedianit Chris Rock, në mbrëmjen e çmimeve Oscar.

Will Smith jo vetëm që u kritikua ashpër pas incidentit, por ka humbur edhe disa kontrata, mes të cilave edhe kontratën me Netflix për filmin “Fast and Loose”.

Kjo është pa dyshim beteja më e madhe e karrierës së tij.

Është një qendër rehabilitimi ku kanë shkuar shumë yje të tjerë të botës së spektaklit dhe Smith do të përpiqet që të gjejë një mënyrë për të ecur përpara./albeu.com

The post Pas skandalit në Oscar, Will Smith hyn në qendër rehabilitimi    appeared first on Albeu.com.

Arjola Demiri ishte e ftuar në “N’majë t’gjuhës” me Xheraldina Vulën, ku foli për të gjitha ndjesitë që kishte përjetur në format, e jo vetëm.

Arjola zbuloi se kjo ishte hera e tretë që në emër të fëmijëve të saj, vendosi të merrte të tillë iniciativë.

“I kam sakrifikuar fëmijët në emër të tyre për t’u ringritur dhe për të funksionuar si person”, u shpreh ajo.

Arjola gjithashtu preku pak edhe fillimet e karrierës së saj dhe tregoi se impenjimi si nënë me kohë të plotë, ia ka bërë rrugën drejt karrerierës shumë të vështirë.

“Të jesh një nënë me kohë të plotë, pa jetë sociale, pa jetë shoqërore, e ke shumë të vështirë të fillosh karrierën, e sidomos në moshën që unë kam pasur në atë kohë, 31 vjeç.” tregoi tutje Arjola

E duke qëndruar te karriera Arjola zbuloi edhe planet e të ardhmes. Ndër të tjera zbuloi edhe një pritshmëri shumë të madhe, siç është fitimi i një çmimi Oscar.

“Ermal Mamaqi më ka bërë një ftesë për te seriali H.O.T. Kam dhe një serial në Kosovë “Ç’ka je bre tu folën”. Do doja që këtë vit të bëj dhe një shfaqe teatrale. Vazhdojnë qeshin me mua por unë nuk i heq shpresat nga çmimi “Oscar”. Unë shpresoj akoma dhe kam përshtypje se çfarë thërras bëhet.” tha ajo ndër tjerash.

Deri tani ende asnjë aktor shqiptar nuk është nderuar me një çmim të tillë, mbetet për tu parë nëse Arjola do e realizojë dëshirën dhe qëllimin e saj.

The post “Kam sakrifikuar fëmijët për t’u ringritur”, Arjola zbulon qëllimet e saj, ku nuk ka arritur asnjë aktor shqiptar appeared first on Albeu.com.