Pikë e vetme e rendit të ditës, do të jetë shqyrtimi i një rezolute “për rritjen e çmimeve të naftës, mungesës së ndërhyrjes së Qeverisë dhe ndikimit të drejtpërdrejtë në koston e jetës, si dhe stabilitetin ekonomik të vendit”.

Seanca do të mbahet prej orës 11:00, njoftoi Kuvendi i Kosovës.

The post Kosovë, seancë e jashtëzakonshme e Kuvendit për çmimin e naftës appeared first on Albeu.com.

Në daljen për mediat, ministrat shpjeguan vendimet e marra, ndërsa iu përgjigjën edhe pyetjeve të ndryshme që lidheshin me aktualitetin politik, ekonomik dhe social.

Ministri i Infrastrukturës, Enea Karakaçi, pas mbledhjes së Këshillit të Ministrave shpjegoi edhe çmimin e karburanteve pas konfliktit në Lindjen e Mesme dhe luftës në Iran.

Ai konfirmoi deklaratën e bërë dje edhe nga ministrja e Ekonomisë, Delina Brahimaj, se nuk do kishte ulje të taksës së qarkullimit apo akcizës, teksa shtoi se do monitorohej tregu i karburanteve dhe do kishte një çmim tavan nëse do vëreheshin abuzime.

“Taksa e qarkullimit që të ulet 45 lekë, do të thotë që të jetë aq. Por nuk është aq. Taksa e qarkullimit është në të gjitha venet e BE, por është e segmentuar, në pagesat e taksave të qarkullimit dhe të mjeteve. Marrja e taksës së qarkullimit në pikën e karburantit është me e mirë, pasi ai që paguan më shumë litra karburant, ka më shumë taksa”, tha ministri.

I pyetur për çmimin e karburanteve dhe veçanërisht tregun e naftës, ai shtoi:

“Jemi duke ndjekur në mënyrë dinamike tregun e karburanteve. Ajo që kemi ndjekur, është një model i vendosjes së çmimit tavan. Kemi Bordin e Transparencës dhe ky bord, siç u njoftua dhe dje, është aty dhe mund të krijohet me një vendim. Po e shohim problemin në dinamikë. Siç është mungesa në treg e hidrokarbureve, a ka apo jo. Ngushtica e Hormuzit nuk përbën problem për furnizimin. Pasi nafta vjen nga rrugë të tjera detare”, tha ai.

The post Mbledhja e Qeverisë/ Ministri Karakaçi flet për kufirin e çmimit të naftës dhe Bordin e Transparencës: Ja pse nuk e ulim taksën e qarkullimit appeared first on Albeu.com.

Çmimi i naftës së papërpunuar ka rënë fillimisht në 68 dollarë për fuçi, ndonëse ndërkohë është rritur për pak – 69.68 dollarë për fuçi – pasi Irani dhe Izraeli e kanë akuzuar njëri-tjetrin për shkelje të armëpushimit pak orë pas nisjes.

Çmimet e naftës janë rritur në ditët e fundit, pas shqetësimeve se Teherani do të mund t’i pengonte furnizimet globale duke mbyllur Ngushticën e Hormuzit, rrugë kryesore detare për transportin e naftës dhe gazit.

Tregjet e aksioneve në Shtetet e Bashkuara, Mbretëri të Bashkuar dhe Evropë kanë qenë stabile, pasi presidenti amerikan Donald Trump i ka thënë Izraelit që të mos gjuajë më me bomba, ndonëse e ka akuzuar edhe Iranin për shkelje të armëpushimit.

Vetëm disa orë më parë, Trump ka thënë se armëpushimi ka nisur të zbatohet. Çmimi aktual i naftës është nën nivelin që ishte kur Izraeli nisi raketa kundër qendrave bërthamore iraniane më 13 qershor.

Sulmi ndikoi në rritjen e çmimit të naftës deri në 81 dollarë për fuçi, duke shtuar shqetësimet për rritje të çmimeve të produkteve tjera të domosdoshme për jetesë.

Diçka e tillë ndodhi pasi Rusia nisi luftën në Ukrainë tre vjet më parë, duke ndikuar në jetët e njerëzve në mbarë globin.

Situata në Lindje të Mesme është e tensionuar prej sulmit të befasishëm të Izraelit në qendra bërthamore dhe ushtarake të Iranit.

Izraeli konsideron se Iraninuk mund të ketë armë bërthamore sepse ia rrezikon ekzistencën, ndonëse Teherani pretendon se programin bërthamor e ka vetëm për qëllime paqësore

Irani është hakmarrë me sulme raketore në Izrael dhe në shkëmbim e sipër të raketave janë vrarë dhe plagosur banorë të të dyja shteteve. REL/

The post Ulet çmimi i naftës pas arritjes së armëpushimit Izrael-Iran appeared first on Albeu.com.

Çmimet referente të derivateve të naftës në tregun botëror, në krahasim me përllogaritjen e mëparshme, shënojnë rritje mesatarisht: te benzina për 4,045 %, te nafta ka ulje për 1,262 %, te vaji ekstra i lehtë ka ulje për 3,443 % dhe te mazuti rritja është për 0,827% .

Kursi i denarit në raport me dollarin në periudhën e kaluar, sipas të cilës janë formuar çmimet në përllogaritjen e mëparshme, është më i ulët për 0,859%.

Çmimi i shitjes me pakicë i Vajit Ekstra të Lehtë për Amvisëri (ЕL-1) ulet për 3,00 den/litër, ndërsa çmimi i shitjes me pakicë i benzinës EUROSUPER BS-98 rritet për 2,00 den/l.

Çmimet e shitjes me pakicë të benzinës EUROSUPER BS-95, të EURODIZELIT (D-E V) dhe të Mazutit

M-1 SU nuk ndryshojnë.

Nga data 4.11.2022, ora 00:01 çmimet maksimale të derivateve të naftës do të jenë:

Benzinë motori EUROSUPER BS – 95 90,50 (denarë/litër)

Benzinë motori EUROSUPER BS – 98 94,50 (denarë/litër)

Naftë motori EURODIZEL BS (D-E V) 99,00 (denarë/litër)

Vaj për Djegie Ekstra i Lehtë 1 (EL-1) 93,00 (denarë/litër)

Mazut М-1 SU 50,067 (denarë/kilogram)

Theksojmë se këto janë çmimet maksimale të derivateve të naftës nga ora 00:01 e datës 4.11.2022. Tregtarët me shumicë dhe pakicë me derivate të naftës dhe lëndë djegëse për transport, mund t’i formulojnë çmimet e derivateve të ndryshme të naftës dhe lëndëve djegëse për transport edhe më të ulëta se çmimet më të larta që janë përcaktuar.

The post Nga mesnata, në Maqedoninë e Veriut çmime të reja të derivateve të naftës appeared first on Albeu.com.

Ndërkohe, që çmimi i naftës në tregjet ndërkombëtare në 2 javën e parë të muajit gusht 2022 ka rënë në mënyre të ndjeshme nën 95$/fuci në tregun shqiptar vazhdon çmimi i fiksuar prej pothuaj 2 javësh në 221 lekë/litër në shitjet me pakicë. Nërkohë, në fillim të muajit shkurt, kur nafta shitej po kaq ë bursë, në Shqipëri litri kushtonte jo më shumë se 170 lekë.

Mbështetur në vlerësimet krahësuese të periudhave të mëparshme, çmimi i naftës më pakicë sot në treg duhet të ishte të paktën nën 200 lekë/liter.

Njoftim për shtyp:

Konfindustria i kërkon Bordit të Trasparencës ndërhyrjen e menjëhershme për uljen e cmimit të karburanteve në treg.

Ndërkohe, që cmimi i naftës në tregjet ndërkombëtare në 2 javën e parë të muajit gusht 2022 ka rënë në mënyre të ndjeshme nën 95$/fuci në tregun shqiptar vazhdon cmimi i fiksuar prej pothuaj 2 javësh në 221 lekë/litër në shitjet me pakicë.

Mbështetur në vlerësimet krahësuese të periudhave të mëparshme, cmimi i naftës më pakicë sot në treg duhet të ishte të paktën nën 200 lekë/litër.

Mosndërhyrja e përsëritur në kohë e Bordit të Trasparencës për uljen e cmimit është tregues i qartë i kapjes së shtetit nga karteli i kompanive të naftës si edhe përpjekje për të shtuar të ardhurat buxhetore nëpërmjet “shtrydhjes” së bizneseve dhe qytetarëve shqiptarë.

Është shumë shqetësuese dhe goditje e rëndë shkatërrueëe për zhvillimin e qëndrueshëm të ekonomisë kombëtare rritja e fortë e të ardhurave të planifikuara në buxhetin e shtetit në kushtet e inflacionit të lartë dhe me kah rrites. Në 6 mujorin e parë të vitit 2022 të ardhurat në buxhet janë shtuar me afër 200 milionë euro drejtëpërdrejtë të lidhura vetëm më rritjen e cmimeve. Inflacioni i raportuar zyrtarisht nga Banka e Shqipërisë është 7.8%, ndërkohe sipas të dhënave reale është mjaft më i lartë.

Cmimet e larta në nivel absolut botëror të karburanteve në Shqipëri, gërshetuar me cmimet e ulta krahësuese në rajon kanë pasoja të forta shkatërrueëe sidomos për prodhimin vendor dhe industritë, që rrezikojnë qartësisht rrezikun e falimentimit.

Cmimet e larta të karburanteve janë ndër faktorët kryesorë edhe të goditjes ndaj sektorit strategjik të turizmit në vitin 2022 në vazhdim.

The post Bordit nuk ia ndjen për çmimet në bursë, Konfindustria: Nafta duhej të ishte nën 200 lekë/litër, ndërhyni menjëherë appeared first on Albeu.com.

Kjo ulje është një tallje me shqiptarët, pasi nafta në bursa ka rënë.

“Çmimi i shitjes me pakicë i nënproduktit gazoil i standardit SSH EN 590 të  jetë jo më shumë se 238 lekë/litri, ndërsa i shitjes me shumicë jo më shumë se 226 lekë/litër.

Çmimi i shitjes me pakicë i nënproduktit benzinë e standardit SSH EN  të  jetë jo më shumë se 218 lekë/litri,ndërsa i shitjes me shumicë jo më shumë se 206 lekë/litër.

Çmimi i shitjes me pakicë i nënproduktit gaz, të jetë 81  lekë/litër edhe i shitjes me shumicë 69 lekë /litër.

Çmimet e caktuara nga Bordi do të hynë në fuqi sot datë 15 Korrik ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi”, njofton Bordi.

Ndërkohë, sipas “S&P Global Platts”, treguesi Platss, që është referenca me të cilën punojnë importuesit shqiptarë dhe që merret si bazë nga Bordi i transparencës për llogaritjen e çmimit, ishte në 3 korrik 1,181 dollarë për ton. Ndonëse në rritje të lehtë me një ditë më parë, në raport me fundin e qershorit treguesi është ulur me rreth 100 dollarë për ton, apo me 8.3%.

Ndërsa në tregun vendas, çmimi me pakicë i naftës, i cili që prej fillimit të marsit caktohet nga Bordi i Transparencës është në nivelin 238 lekë/litër.

Sipas grafikut krahasues të çmimeve të naftës në bursa dhe në tregun vendas (Nafta në bursa dhe tregun vendas, Shkurt 2022- 13 korrik 2022), herën e fundit që nafta ishte në këto nivele në bursat ndërkombëtare, në datën 26 maj, në tregun vendas ishte 230 lekë për litër, ose 10 lekë më pak se aktualisht.

Ndërsa në raport me nivelet e njëjta, në mes të muajit prill, nafta sot është rreth 20 lekë më e shtrenjtë./albeu.com

The post Në bursa bie çmimi, bordi tallet me shqiptarët, ul me 2 lekë litrin e naftës appeared first on Albeu.com.

Çmimet e shitjes me pakicë të benzinës ЕUROSUPER BS-95 dhe EUROSUPER BS-98 nuk ndryshojnë, ndërsa çmimet e shitjes me pakicë të EURODIZELIT (D-Е V) dhe të Vajit Ekstra të Lehtë për Amvisëri (EL-1) rriten për 1,00 den/l.

Çmimi i shitjes me pakicë i Мazutit М-1 SU ulet për 0,323 den/kg dhe do të jetë 54,640 den/kg.

Nga data 31.5.2022, ora 00:01 çmimet maksimale të derivateve të naftës do të

EUROSUPER BS – 95    95,00   (denarë/litër)

EUROSUPER BS – 98    97,00 (denarë/litër)

EURODIZEL BS (D-E V)    86,00 (denarë/litër)

The post Nga mesnata, rritet çmimi i naftës në Maqedoninë e Veriut appeared first on Albeu.com.

Vaji Ekstra i Lehtë për Amvisëri do të shtrenjtohet për 1.50 denarë për litër.

Pas mesnate këto do të jenë çmimet maksimale të derivateve të naftës:

EUROSUPER BS-95 do të shitet për 84,00 denarë për litër

EUROSUPER BS-98 do të shitet për 86,00 denarë për litër

EURODIZEL do të shitet për 85,50 denarë për litër

Vaj Ekstra i Lehtë për Amvisëri 84,00 denarë për litër.

The post Shtrenjtohet çmimi naftës në Maqedoni appeared first on Albeu.com.

Çmimo sot ka shkuar mesatarisht në 243 leke/litër. Brenda javës, karburati në Shqipëri u rrit me 30%, duke prekur shifra rekord, gjithësesi pas kësaj ulje të lehtë mbetet ende 26.5% më i lartë se një javë më parë.

Në bursat ndërkombëtare çmimet e naftës kanë zbritur në 113 dollarë për fuçi, pasi kaluan mbi 130 dollarë ditën e djeshme, pas lajmit se SHBA-të ndaluan importet e naftës nga Rusia. Por, deklarata e OPEC se do të rrisin prodhimin ka qetësuar tregjet, duke sjellë dhe rënien e naftës në nivelet e para fillimit të luftës.

Në tregun vendas, nafta u shtrenjtua në 192 lekë kur arriti mbi 90 dollarë në bursa dhe arriti në 250-260 lekë në ditën që ajo shkoi në 130 dollarë. Ndërsa tani që ari i zi ka zbritur në 113 dollarë, karburanti vijon të tregtohet afër niveleve maksimale historike.

Ndonëse rritja e kaburanteve në tregjet ndërkombëtare reflektohet shumë shpejt, përvoja ka treguar se ulja e tyre në tregun vendas është më e ngadaltë, kur e njëjta gje ndodh në bursa.

The post Çmimi i naftës në vend u ul me 6 lekë për litër, po në bursa? appeared first on Albeu.com.

Sa i përket vendit tonë, ajo që po rëndon më shumë xhepat e qytetarëve, e shumë mendojnë që po abuzohet, është rritja e frikshme e çmimit të naftës.

Sot çmimi i arit të zi në Shqipëri varion nga 230 leke/ litri deri në 250, si kurrë më parë.

Një çmim që duket i paërballueshëm për shumicën e shoqërisë, të cilët mllefin e tyre nuk e kanë më shumë se një koment në “facebook-un” e kryeministrit Rama.

Një komentues shkruan se kur shikon çmimin e naftës i dridhen gjunjët dhe se i duhet ta hedhë makinën në greminë, por Rama i përgjigjet duke e këshilluar mos shohë atë të naftës, por atë të energjisë elektrike, që ende nuk ka ndryshuar pasi qeveria me dhëmbë po e mban në vend.

Kryeministri gjithashtu paralajmëron se edhe çmimi energjisë elektrike në një moment do rritet, por nuk e përcakton kohën.

Qytetari: “Qe s’jeni te mir nuk jeni, se kur lexoj numrat e naftes me dridhen gjunjet se na duhet te hedhim makinen ne gremine, kur mendoj te via ca kohe ne shqiperi se gjithmon mendoj te kthem, por nje hap para dy pase, ose mbrapma, por te tjeret jan shpellar fare, s,meritonin asnje bashki, dhe dihet do votonin PS..POR UN JAM PD dhe ‘sdua ti shikoj me sy shpellaret..JENI ME FATE ..!”

Rama: Arsyeja e rritjes se naftes keshtu eshte lufta, ku te tjeret nuk po hedhin ne gremine makinen po po rrezikojne te ikin ne boten tjeter bashke me familjen dhe atdheun, nderkohe qe ti shiko faturen e energjise ku s’ka akoma asnje rritje, sepse ndryshe nga naften qe e tregtojne privatet, energjine po e mban me dhembe ne vend qeveria! Nuk e di edhe per sa kohe, por po e bejme, nderkohe qe tere te tjeret e kane rritur! /albeu.com

The post “Kur lexoj numrat e naftës me dridhen gjunjët”, Rama – komentuesit: Shiko faturën e energjisë që qeveria po e mban me “dhëmbë” në vend appeared first on Albeu.com.