Nafta Brent u rrit fillimisht me 1.6%, duke arritur në 110.85 dollarë për fuçi, përpara se të tërhiqej lehtë gjatë tregtimit të mëngjesit në tregjet aziatike.

Ndërkohë, nafta amerikane regjistroi një rritje më të moderuar prej 0.3%, duke shkuar në 111.80 dollarë për fuçi.

Rritja e menjëhershme e çmimeve erdhi pasi Trump shtoi presionin ndaj Iran, duke paralajmëruar sulme ndaj infrastrukturës kyçe, përfshirë urat dhe centralet energjetike, nëse Teherani nuk tërhiqet nga kërcënimet ndaj anijeve që kalojnë në Ngushticën e Hormuzit.

Paralelisht me zhvillimet në tregun energjetik, edhe tregjet aksionare në Azi shënuan rritje. Indeksi Nikkei 225 në Japoni u rrit me 1.6%, ndërsa indeksi Kospi në Korenë e Jugut shënoi një rritje prej 0.9%.

Analistët vlerësojnë se tensionet gjeopolitike në Lindjen e Mesme, vijojnë të ndikojnë drejtpërdrejt në luhatjet e çmimeve të energjisë dhe në stabilitetin e tregjeve globale.

The post Pas kërcënimeve të Trump ndaj Iranit rritet sërish çmimi i naftës në tregjet ndërkombëtare appeared first on Albeu.com.

Në bazë të këtij çmimi taksohet nafta dhe vlera vetëm e taksave në doganë arrin 105 litër. Në bazë të këtij çmimi bëhet dhe zhdoganimi i naftës nga operatorët vendas, sipas shpjegimeve të tyre, pavarësisht se kur është blerë.

Vetëm në një ditë, çmimi është rritur me rreth 195 dollarë, pasi në datën 2 mars Platts ishte 1420 dollarë (shiko grafikun).

Rritja e fundit erdhi pas pasigurive të luftës dhe deklaratave kontradiktore të presidentit amerikan Trump. Duke qenë se është fundjavë dhe pashkë, ky çmim pritet të jetë për të paktën katër ditë.

Sipas të dhënave të deritanishme të ecurisë së Platts dhe çmimit të naftës në vend, të analizuara nga Monitor, çdo 100 dollarë rritje në bursa përkthehet në rreth 6-8 lekë në vend. Psh, nga data 27 shkurt, kur Platts ishte 763 dollarë, ai arriti në 1435 dollarë 27 mars, ose 672 dollarë më shumë. Për të njëjtën periudhë, nafta në vend u rrit nga rreth 170-173 lekë mesatarisht në 218 lekë, ose 45-48 lekë më shumë.

Bordi ka njoftuar operatorët se do të mblidhet ditën e sotme.

Aktualisht nafta tregtohet me 218 lekë dhe pritet që të shkojë përtej kufirit të 220 lekëve, që automatikisht aktivizon uljen me 20% të akcizës së naftës, sipas vendimit të qeverisë.

Akciza sot pa TVSh është 39.4 lekë dhe efekti i kësaj uljeje pritet të jetë vetëm rreth 8 lekë pa TVSH dhe 9.5 lekë, përfshirë TVSH-në, duke mos arritur të amortizojë as rritjen e ditës së fundit të naftës në Bursa.

Operatorët kanë pohuar më herët se vetëm ulja e barrës fiskale mund të amortizojë rritjen e çmimit të naftës.

Në Shqipëri, elementi që shton më shumë barrën fiskale është taksa e qarkullimit prej 27 lekë për litër. Akciza është fikse, 39.4 lekë për litër dhe 3 lekë është taksa e karbonit.

Mbi këto llogaritet TVSH-ja, që është 20% mbi çmimin final (përfshirë taksat e tjera), ndryshe nga rajoni që TVSH nuk e ngarkon mbi taksat e tjera./Monitor

The post Bordi i Transparencës pritet të rrisë sërish sot çmimin e naftës, mund të ulet akciza, por… appeared first on Albeu.com.

Këtë taksë e paguan çdo përdorues makine sa herë që ble karburant, në shumën fikse prej 27 lekë për litër (pa TVSH).

Ky është niveli më i lartë i arkëtuar ndonjëherë, me një rritje prej 13.6% më krahasim me 2024-n, ndërsa është gati 30% më i lartë se në 2019-n.

Të ardhurat nga kjo taksë janë rritur vazhdimisht, si rrjedhojë e shtimit të konsumit të karburanteve në vend, që vitin e kaluar arriti në rekordin e 740 mijë tonëve, sipas të dhënave të Ministrisë së Financave dhe Doganave.

Taksa e qarkullimit mbi karburantin u vendos në Shqipëri në vitin 2012. Fillimisht ishte vetëm 7 lekë për litër, por u rrit gradualisht në vitet pasuese deri në vitin 2015, kur arriti nivelin prej 27 lekësh për litër, që mbetet i pandryshuar edhe sot.

Taksa mblidhet për çdo litër benzine apo nafte të shitur dhe konsiderohet një tarifë për përdorimin dhe mirëmbajtjen e rrjetit rrugor.

Realisht ka munguar transparenca se për çfarë është përdorur konkretisht, ndërkohë që mirëmbajtja e rrugëve lë shumë për të dëshiruar, sidomos nyja qendrore midis Tiranës dhe Durrësit.

Kjo taksë, është nja nga arsyet kryesore, që çmimet e karburanteve janë të paktën 30% më të larta sesa në vendet e rajonit, ndërkohë që Shqipëria renditet dhe e 13-ta më e shtrenjta në botë, sipas Global Petrol Price, (deri në 23 mars), me naftën që kushton njësoj sa në Gjermani, Suedi, Holandë, shtetet që kanë të ardhura për frymë shumë më të larta sesa ne.

Shqipëria rezulton vendi me karburantin më të shtrenjtë në Europë kur çmimi i naftës krahasohet me të ardhurat e qytetarëve.

Një qytetari shqiptar do ti duheshin aktualisht 7.2% e të ardhurave ditore për të blerë një litër naftë. Në krahasim me vendet e tjera të rajonit pesha është të paktën dy herë më e lartë.

Holanda ka naftën më të shtrenjtë në Europë në vlerë absolute, por një qytetari aty i duhen vetëm 1.1% e të ardhurave ditore për të blerë një litër, ose 7 herë më pak sesa Shqipëria.

Në Shqipëri, elementi që shton më shumë barrën fiskale është taksa e qarkullimit prej 27 lekë për litër. Akciza është fikse, 39.4 lekë për litër dhe 3 lekë është taksa e karbonit. Mbi këto llogaritet TVSH-ja, që është 20% mbi çmimin final (përfshirë taksat e tjera), ndryshe nga rajoni që TVSH nuk e ngarkon mbi taksat e tjera.

Mali i Zi ngarkon mbi çmimin e naftës vetëm akcizën, që së fundmi është përgjysmuar në 0.22 euro për litër, si një mjet për të lehtësuar rritjen e çmimeve. TVSH në Mal të Zi është 21%.

Maqedonia e Veriut ngarkon mbi naftën vetëm akcizë prej 0.42 lekë për litër. Së fundmi, qeveria e Maqedonisë së Veriut uli TVSh-në për naftën dhe benzinës nga 18% në 10% si një masë e përkohshme për të amortizuar rritjen e çmimit në bursa.

Kosova ka akcizë prej 0.37 euro për litër dhe TVSH prej 18%.

Në total, aktualisht, një shqiptar paguan në një litër naftë 1.16 euro taksa, (53% të çmimit final); një qytetar maqedonas 0.58 euro për litër (36% të çmimit final); një malazez 0.55 euro (35% të çmimit final); një shtetas i Kosovës 0.67 euro, ose 38.5% të çmimit final.

Aktualisht nafta tregtohet me 218 lekë për litër. Qeveria tentoi të kontrollonte çmimet përmes Bordit të Transparencës, por ulja zgjati vetëm një ditë, pas presionit të importuesve se do të ndërprisnin furnizimin me naftë në vend.

Masa e vetme e ndërmarrë është ulja e akcizës me 20%, nëse nafta kalon mbi 220 lekë, që do të përkthehej me rënie të çmimit me rreth 8 lekë për litër.

Me fillimin e krizës, Shoqata e Shoqërive të Hidrokarbureve i ka paraqitur qeverisë një propozim për reformimin e taksës së qarkullimit, që sipas tyre do të çonte menjëherë në uljen e çmimit të karburanteve.

Në një propozim të detajuar, aktorët e tregut sugjerojnë që taksa aktuale prej rreth 32.4 lekë për litër të hiqet nga karburanti dhe të zëvendësohet me një tarifë vjetore të drejtpërdrejtë mbi automjetet, e diferencuar sipas kategorive dhe ndikimit në infrastrukturë.

Ata argumentojnë se sistemi aktual krijon pabarazi fiskale, pasi taksa paguhet njësoj për çdo litër karburanti, pavarësisht nga lloji i mjetit apo dëmi që ai shkakton në rrugë.

Një model i ri do të zhvendoste barrën drejt mjeteve më të rënda dhe ndotëse, duke e bërë sistemin më të drejtë dhe më të krahasueshëm me praktikat në vendet e Bashkimit Europian.

Megjithatë, qeveria është shprehur kundër heqjes së taksës së qarkullimit nga nafta dhe kalimit të barrës direkt te përdoruesit e automjeteve.

Ndërkohë, Shqipëria vlerësohet se humb të paktën 1 milionë euro në ditë, si rrjedhojë e furnizimit, që automjetet me targa shqiptare dhe ato të huaja që duan të hyjnë në vend, bëjnë në vendet kufitare.

Shoqata e Shoqërive të Hidrokarbureve llogarit rreth 300 -500 / tonë në ditë naftë merren nga klientët shqiptarë afër zonave kufitare. Krahas tyre, një tjetër konsum i humbur prej 120-300 ton në ditë llogaritet nga shtetasit të huaj, që potencialisht do të blinin në Shqipëri, por furnizohen në hyrje e dale në kufi.

Sipas të dhënave nga Ministria e Financave dhe Doganat, konsumi vjetor në Shqipëri i karburanteve është rreth 740 mijë ton në vit, ose rreth 2000 ton në ditë (që me çmimin aktual prej 214 lekë për litër përkthehet në një konsum prej 5.2 milionë euro në ditë).

Nëse çmimet do të ishin në nivele të ngjashme me rajonin, konsumi do të përqendrohej në vend dhe do të rritej me 25-30%, duke arritur afër 1 milion ton në vit.

Kjo rritje e konsumit, pa dyshim do të kompensonte gati 70-80% uljen e barrës fiskale mbi naftën dhe do të lehtësonte qytetarët dhe ekonominë jo vetëm nga barra direkte, por dhe nga efekti zinxhir që jep shtrenjtimi i karburanteve në çmimet e produkteve të tjera./Monitor

The post Çmimi i naftës 30% më i lartë se vendet e rajonit, u arkëtuan 250 mln euro në 2025-n nga taksa e qarkullimit! Pse qeveria nuk pranon ta heqë appeared first on Albeu.com.

Sipas njoftimit zyrtar, ndryshimet vijnë pas rënies së çmimeve të benzinës dhe gazoilit në tregjet ndërkombëtare më 25 mars 2026.

Si rrjedhojë çmimet e vendosura janë :

✅Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 203 lekë/litri, ndërsa i shitjes me shumicë jo më shumë se 191 lekë/litër.

✅Çmimi i shitjes me pakicë i nënproduktit benzinë e standardit SSH EN të jetë jo më shumë se 175 lekë/litri,ndërsa i shitjes me shumicë jo më shumë se 163 lekë/litër.

Njoftim për Media

Vendimet e Bordi i Transparencës në datë 26 Mars 2026, janë si rezultat i rritjes së çmimeve në bursën Platts Mediteran ku benzina ështe ulur me -3.35 $/ton dhe Gazoili është ulur me -7.1 $/ton nga data 25.03.2026

Si rrjedhojë çmimet e vendosura janë :

✅Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 203 lekë/litri, ndërsa i shitjes me shumicë jo më shumë se 191 lekë/litër.
✅Çmimi i shitjes me pakicë i nënproduktit benzinë e standardit SSH EN të jetë jo më shumë se 175 lekë/litri,ndërsa i shitjes me shumicë jo më shumë se 163 lekë/litër.

🗓Çmimet e caktuara nga Bordi do të hynë në fuqi sot datë 26 Mars ora 18.30 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Bordi i transparencës që në krijimin e tij i është përmbajtur me përpikëmëri në vendimet e tij lëvizjes së bursës Plats të Mesdheut për gazoilin,benzinën, si dhe faturave zyrtare të operatoreve.

Theksojmë se Bordi nuk cakton çmimet e naftës Bruto, por të gazoilit, benzinës dhe gazit të lëngshëm sipas standardeve të përcaktuara në Aktin Normativ.

Bordi ka caktuar vetëm marzhet bruto maksimale për shitjen me shumicë dhe pakicë, me të cilat operatorët duhet të mbulojnë të gjitha shpenzimet operative.
Pra, vendimet që merr bordi dhe ndryshimi i çmimeve të shitjes lidhet vetëm me ndryshimet në bursën Platz të Mesdheut për gazoilin dhe benzinës, pra jo të bursës së naftës bruto, si dhe në lëvizjen e kursit të dollarit.

Gjithë elementët e tjerë që formojnë çmimin janë fikse dhe për këto bordi nuk merr vendim.

Ministria e Ekonomisë dhe Inoacionit sëbashku me Ministrinë e Financave dhe Ministirinë e Infrastrukturës dhe Energjisë janë angazhuar të mbrojnë interesat e konsumatorëve shqiptarë dhe ruajtjes së parimeve të konkurencës së ndershme në treg.

Situata që po kalojmë nuk është e zakontë, ndaj dhe vendimet që marrim, vijnë si përgjigje e zhvillimeve të ekonomisë vendase por edhe e lëvizjeve të tregjeve ndërkombëtare.
Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.

🚫Në rast të shkeljeve të konstatuara nga operatorë të ndryshëm do të vendoset pezullimi i aktivitetit.

🛢Jemi në monitorim të vazhdueshëm të ecurisë së bursave, me qëllim reagimin sa më të shpejtë. treg.

The post Bordi i Transparencës: Duke nisur nga sot çmimi i naftës do shitet jo më shumë se 203 lekë/litri appeared first on Albeu.com.

Sipas burimeve të njohura me zhvillimet, plani i është përcjellë Teheranit përmes Pakistanit ditët e fundit, por autoritetet iraniane ende nuk kanë dhënë një përgjigje. Dokumenti përfshin kufizime mbi programin bërthamor të Iranit, aktivitetet raketore dhe mbështetjen për milicitë rajonale.

Presidenti amerikan, Donald Trump, deklaroi se Irani po “flet me arsye” në negociatat që po vazhdojnë përpara afatit të vendosur për një marrëveshje deri të premten. Paralelisht, SHBA planifikon të dërgojë mijëra trupa shtesë në rajon, përfshirë njësi të Divizionit të 82-të Ajror.

Në këtë klimë, çmimi i naftës ra nën 100 dollarë për fuçi, duke u ulur rreth 5% krahasuar me një ditë më parë, ndërsa më herët kishte zbritur deri në 97 dollarë në tregjet aziatike. Edhe çmimet e gazit natyror në Europë ranë me mbi 6%, në rreth 50.5 euro për megavat/orë.

Tregjet financiare reaguan me rritje të gjerë. Indeksi europian Stoxx Europe 600 u rrit me 1.5%, ndërsa në Azi, indekset kryesore shënuan fitime të forta, me Topix në Japoni që u rrit me 2.6%. Edhe obligacionet u rritën, duke reflektuar pritshmëritë për një stabilizim të situatës.

Megjithatë, zhvillimet në terren tregojnë se konflikti mbetet intensiv. Irani vazhdoi sulmet ndaj objektivave në rajon, duke përdorur dronë ndaj infrastrukturës energjetike në Kuvajt, ndërsa Arabia Saudite raportoi rrëzimin e një droni mbi territorin e saj. Izraeli dhe Irani vijojnë shkëmbimin e sulmeve, ndërsa forcat ajrore izraelite goditën objekte të lidhura me prodhimin e raketave detare në Teheran.

Në të njëjtën kohë, Irani ka mohuar zyrtarisht përfshirjen në negociata direkte me SHBA, duke theksuar se nuk do të arrijë marrëveshje me kundërshtarët e tij. Megjithatë, kanale diplomatike indirekte përmes vendeve si Pakistani, Turqia dhe Egjipti duket se janë aktive.

Ndërkohë, kriza energjetike po krijon mundësi për prodhuesit alternativë. Kanadaja dhe Norvegjia po përpiqen të rrisin prodhimin dhe eksportet e naftës dhe gazit për të furnizuar Europën dhe Azinë. Zyrtarë kanadezë paralajmërojnë se bota po përballet me një nga ndërprerjet më të mëdha të furnizimeve energjetike në histori.

Nga ana tjetër, dëmtimet në infrastrukturën e gazit në Katar pritet të kenë ndikim afatgjatë, duke kufizuar ofertën globale dhe duke ushtruar presion mbi çmimet. Sipas Goldman Sachs, humbjet në prodhimin e gazit janë më të vështira për t’u kompensuar sesa ato të naftës, për shkak të mungesës së kapaciteteve rezervë dhe fleksibilitetit në treg.

Në këtë sfond, tregjet po lëvizin mes optimizmit për një zgjidhje diplomatike dhe pasigurisë për një përshkallëzim të mëtejshëm, ndërsa zhvillimet e ditëve në vijim pritet të jenë vendimtare për drejtimin e konfliktit dhe ndikimin e tij në ekonominë globale. / FT

The post Konflikti në Lindjen e Mesme/ Çmimi i naftës bie nën 100 dollarë appeared first on Albeu.com.

Ai argumentoi se nëse kjo taksë hiqet nga struktura aktuale, ajo do të transferohet në një formë tjetër, konkretisht si taksë mbi automjetin.

Kryeministri theksoi se sistemi aktual, ndjek parimin që kush konsumon më shumë karburant dhe ndot më shumë, paguan më shumë.

“Taksa e qarkullimit e vendosur në strukturën e çmimit të karburantit, për ata që e dëgjojnë këtë dhe nuk janë të informuar, nuk është problemi se ulet këtu, problemi është se po iku nga këto do shkojë në një vend tjetër. Aty ku e kanë vendet që nuk e kanë në strukturën e çmimit. Nëse shkon diku tjetër do shkojë tek përdoruesi i automjetit në formën e taksës për automjetin. Nga llogaritja që kemi bërë rezultati është shumë i thjeshtë. Nuk besoj se ka përdorues automjeti sot që do preferonte se në vend që ta paguante në strukturën e çmimit për aq karburant sa harxhon, të paguajë 4 fishin e asaj që paguan sot për makinën. Sipas kategorive të makinave të mund të paguajë në ndonjë rast 10-fishin. Ndotësit e mëdhenj duhet të paguajnë më shumë. Në atë strukturë të çmimit nuk janë pensionistët, por janë ata që kanë mundësi ta bëjnë këtë gjë”, tha Rama.

The post Rama sqaron pse ‘taksa e qarkullimit’ nuk do hiqet nga çmimi i naftës: Ndotësit e mëdhenj duhet të paguajnë më shumë appeared first on Albeu.com.

Ai gjithashtu i bëri thirrje Departamentit të Energjisë të SHBA-së të përshpejtojë shpimet.

“Të gjithë mbajini çmimet e naftës të ulëta. Po ju vëzhgoj! Po luani lojën e armikut. Mos e bëni!”, tha presidenti i SHBA-së në një postim në Truth Social.

Ndërkohë në një postim tjetër tha: “Për Departamentin e Energjisë: shponi, shponi, shponi. Dhe bëjeni TANI, e them me bindje.”

The post Mesazhi i Trump për kompanitë e naftës: Mbani çmimet të ulëta, po ju vëzhgoj appeared first on Albeu.com.

Deri në publikimin e lajmit, tregu Brent, që shihet si pikë referimi për çmimet globale të naftës, shënoi një rënie prej 1.6% ose 84.94 dollarë për fuçi. Çmimi i një fuçie naftë në tregun WTI, që ka të bëjë me çmimet e naftës bruto në Shtetet e Bashkuara, ra me 1.7% ose 80.54 dollarë për fuçi.

Shifrat e mëngjesit të së mërkurës tregojnë se dy tregjet shënuan rënien më të madhe që nga 13 marsi, duke bërë që Brent dhe WTI të jenë pranë territorit të mbishitjes për herë të parë që nga dhjetori i vitit 2023.

Agjencia amerikane për energjinë (EIA) tha se firmat energjetike rritën rezervat e naftës së papërpunuar me 7.3 milionë fuçi gjatë javës që përfundoi më 26 prill.

Ndërkohë janë shtuar pritshmëritë për arritjen e një marrëveshje armëpushimi mes Izraelit dhe Hamasit pas një shtytje të udhëhequr nga Egjipti për të ringjallur negociatat e ngecura edhe pse kryeministri izraelit Benjamin Netanyahu është zotuar të vazhdojë sulmin në Rafah.

“Tregu i naftës së papërpunuar po ndikohet nga shpresat e vazhdueshme për një armëpushim”, tha analisti Ole Hansen me Bankën Saxo. “Përveç kësaj, inflacioni në SHBA ka ulur më tej pritjet për uljen e normave”.

Rezerva Federale pritet që të mos e ulë normën bazë të interesit që ka qenë që nga korriku i vitit 2023 mes intervaleve 5.25% dhe 5.50%. Banka Qendrore filloi rritjen e interesit në mars të vitit 2022 për të luftuar inflacionin në rritje. Norma më të ulëta interesi do të reduktonin kostot e huamarrjes çka do të nxiste rritjen ekonomike dhe kërkesat për naftë./VOA

The post Çmimi i naftës më i ulti në 7 javë, shtohen rezervat amerikane appeared first on Albeu.com.

Fillimisht çmimet ranë me 4-5 lekë për litër rreth dy javë më parë, ndërsa ditët e fundit janë reduktuar edhe me 5 lekë për litër.

Kjo është hera e parë që çmimet e karburanteve kanë tendencë uljeje në vend, që nga muaji maj, kur çmimet u rritën disa herë radhazi, nga niveli më i ulët në mëse një vit prej rreth 170 lekësh, që u arrit në atë kohë.

Në qerhor 2023 u shfuqizua Bordi që përcaktonte çmimet tavan të karburanteve, i cili ishte krijuar që në mars 2022, kur çmimet e karburanteve u rritën me shpejtësi pas sulmeve të Rusisë ndaj Ukrainës, duke arritur në tregun vendas deri në rekordin e 245 lekë për litër në prill 2022.

Që nga shfuqizimi i Bordi, çmimet u rritën disa herë në vend, pas reflektuar asnjë ulje, ndonëse në bursa kishin tendencnë ulje-ngritje. Kjo është hera e parë që operatorët po reduktojnë çmimet e karburanteve.

Në bursat ndërkombëtare çmimet kanë rënë ndjeshëm nga 95 dolarë për fuçi, që arritën në mes të shtatorit, në rreth 75 dollarë për fuçi aktualisht. Çmimet në bursa kanë rënë në nivelin më të ulët të 6 muajve të fundit, si rrjedhojë e shqetësimeve për nivelin e lartë të prodhimit si dhe rënies së kërkesës së konsumatorëve nga çmimet ende të larta.

Sipas parashikimeve të hershme, edhe kërkesa globale për naftë pritet që të jetë e dobët përgjatë viti 2024.

Administrata e Informacionit të Energjisë së SHBA-së (EIA) uli parashikimin e saj të çmimit për vitin 2024 për naftën bruto Brent (treguesi referencë i naftës europiane) me 10 dollarë për fuçi. Brent do të luhatet mesatarisht 83 dollarë për fuçi, parashikoi administrata në një raport mujor, kundrejt një vlerësimi të publikuar muajin e kaluar prej 93 dollarë për fuçi.

The post Çmimet e naftës ulen me 9-10 lekë për litër në javët e fundit appeared first on Albeu.com.

Sot një fuçi naftë po tregtohet me 72-73 dollarë, ndërkohë që ka rënë me afërsisht 7 dollar që prej fillimit të këtij muaji. Ndërsa në raport me vitin e kaluar çmimi i naftës në bursë është rreth 10 dollarë më lirë.

Edhe tregu vendas ka reflektuar në shifra të vogla uljen e çmimit në bursë, pasi nga 199 lekë që ishte javën e kaluar një litër naftë, ka zbritur në mesatarisht 193-195 lekë litri.

Bursa e naftës ka qenë e luhatshme në javët e fundit, për shkak të luftës që vijon në Ukrainë dhe tensioneve Palestinë-Izrael, që vënën në pikëpyetje mjaftueshmërinë e naftës në treg.

The post Bie çmimi i naftës në tregjet e huaja, kap vlerën më të ulët që nga qershori appeared first on Albeu.com.