Çmimi i gazit standard në Dutch TTF ra në 48.775 euro për litër. Ky nivel i çmimit për herë të fundit kishte qenë në gusht të vitit 2021, që i bie se është pothuajse shtatë herë më i ulët sesa çmimet e larta për gaz që ishin pasi Rusia nisi pushtimin e Ukrainës pothuajse një vit më parë.

“Çmimet e gazit evropian kanë rënë për 50 për qind që nga nëntori i vitit të kaluar falë motit të nxehtë… konkurrencës me Kinën kur në këtë shtet ishte ende në fuqi strategjia Zero-Covid”, tha analisti nga UniCredit, Edoardo Campenella.

Kina hoqi kufizimet ndaj pandemisë së koronavirusit në dhjetorin e vitit të kaluar, por ky shtet ende nuk ka rritur kërkesat e saj për gaz.

Pas nisjes së pushtimit rus të Ukrainës, shtetet perëndimore janë detyruar që të furnizohen me gaz nga shtete të tjera, jo nga Rusia, që është një prodhuese e madhe e këtij produkti.

Që atëherë, Norvegjia është bërë furnizuesja kryesore e Evropës me gaz.

Konflikti në Ukrainë ka shkaktuar trazira në ekonominë globale, duke rritur çmimet e energjisë dhe inflacionin./rel

The post Bie çmimi i gazit në Europë appeared first on Albeu.com.

Kontrata TTF, e cila qëndroi mbi pragun prej 90 euro të enjten, shënon një rënie prej 4.2% në 88 euro për megavat orë.

The post Marrëveshja e vendeve të BE, çmimi i gazit kthehet në nivelet para pushtimit rus të Ukrainës appeared first on Albeu.com.

Lajme të tilla, si këto nga Brandenburgu, tani kur po fillojnë stinët e ftohta, janë gjithnjë e më të shpeshta. Qendrat për Mbrojtjen e Konsumatorit këshillojnë klientët si familja nga Brandenburgu që të përdorin të drejtën e tyre speciale të ndërprerjes se kontratave dhe të kërkojnë një furnizues më të lirë. Por në treg aktualisht nuk ka gati asnjë furnizues shumë më të lirë. Familja e përmendur më në fund gjeti një kompani që e furnizon me gaz për rreth 700 euro në muaj.

Konsumatorët që e marrin gazin nga kompanitë më të mëdha janë ende relativisht mirë. Në Berlin, për shembull, ky është GASAG, i cili pretendon se ka rreth 800.000 klientë në kryeqytet dhe është furnizuesi më i madh komunal në vend.

Furnizuesit bazë mund të refuzojnë klientët e rinj vetëm nëse kanë probleme serioze ekonomike. Kompanitë e tjera më të vogla mund ta bëjnë këtë shumë mirë. Nga 1 nëntori, kompanitë e mëdha si GASAG nuk do të lejohen më të bëjnë dallime çmimesh midis klientëve të rinj dhe klientëve ekzistues.

“Askush nuk duhet të ngrijë!”

Që nga shpërthimi i luftës në Ukrainë, GASAG ka rritur çmimet në mënyrë drastike, por jo aq shumë sa kompanitë më të vogla. Për një apartament me gati 110 metra katrorë, janë rritur çmimet nga 139 në 171 euro në muaj. Nga nëntori çmimet dotë rriten në 260 euro në muaj, që do të thotë gati dyfish më shumë.

GASAG është mjaft i kujdesshëm. “Askush nuk duhet të ngrijë, sado ftohtë të jetë”, tha kreu i kompanisë, Georg Friedrichs, në një intervistë për të përditshmen e Berlinit Tagesspiegel. Por ai nuk ishte në gjendje të bëj parashikime se sa do të rriten çmimet dhe kur.

Lindner: “Ndërtimi i një ure drejt normalitetit”

As ministri i Financave, Christian Lindner (FDP) nuk mund të ndihmojë në këtë çështje. Ai thotë se klientët e gazit duhet të përgatiten për periudha të vështira. “Ne supozojmë se në një të ardhme jo të largët, në vitin 2023, do kemi një normalizim të gjendjes, jo në nivelin e dikurshëm, por në nivelin e çmimit të gazit të lëngshëm në tregun botëror.” Sepse shumë vende, duke përfshirë edhe Gjermaninë, po blejnë gjithnjë e më shumë gaz të lëngshëm, si zëvendësim për gazin e lirë rus. Rusia e ka ndërprerë furnizimin e Gjermanisë me gaz.

Lindner tha se çmimi i gazit “do të jetë sfidues”, por “jo shkatërrues”. Tani bëhet fjalë për “ndërtimin e një ure drejt një normaliteti të ri të rritjes së çmimeve të energjisë”. Me fjalë të tjera: në terma afatgjatë, njerëzit duhet të mësohen me faktin se energjia, pra gazi dhe energjia elektrike, do të mbeten të shtrenjta.

Një nxitës tjetër rritjes së çmimit të gazin është taksa shtetërore, e cila do të vijë më 1 tetor, ndonëse ende ka mosmarrëveshje në këtë çështje. Kjo do të thotë se klientët duhet të mbështesin kompanitë që duhet të blejnë gaz nga vende të tjera, për shkak të ndërprerjes së furnizimit nga Rusia. E çmimet e gazit në tregun botëror janë shumë më të larta. Ekspertët vlerësojnë se kjo shtesë do t’i kushtojë një familjeje mesatare rreth 600 euro të tjera në vit.

Por edhe këto çmime mund të ndryshojnë, nëse çmimet në tregjet ndërkombëtare vazhdojnë të rriten, që është një pasiguri tjetër. Shumë ekspertë parashikojnë edheçmimet e energjisë elektrike mund të dyfishohen. Me fjalë të tjera, pasojat e sulmit rus në Ukrainë do të godasin vërtet gjermanët në muajt e ardhshëm.

Kursimi i energjisë është e vetmja rrugëdalje

Kështu masa më efektive për të ulur kostot e energjisë mbetet: kursimi i energjisë. Fondacioni Warentest ka llogaritur se një familje me tre anëtarë mund të kursejë rreth 970 euro në vit për energji elektrike dhe gaz me vetëm disa masa.

Është e rëndësishme, për shembull, të zvoglohet koha e bërjes dushe të ngrohta dhe të blehen koka për dushe që kursen energji. Sipas testuesve të produktit, vetëm kjo ul kostot me rreth 770 euro në vit. Ulja e temperaturës mesatare gjatë ngrohjes nga 22 në 20 gradë sjell kursime prej 151 euro në vit. Kurdoherë që është e mundur duhet të hiqni dorë nga përdorimi i tharëses për flokë.

CSU kërkon kufizimin e rritjes së çmimit

Por fakt është që një pjesë e madhe e popullsisë do të ketë probleme me çmimet e larta. Çdo e dyta familje në Gjermani ngrohet me gaz. Prandaj partia CSU ka propozuar tani që të bëhet edhe kufizimi i çmimit maksimal të gazit për tre të katërtat e konsumit për ngrohje private.

“Për familjet private, do të ishte e mundur të kufizohej 75 përqind e gazit të shpenzuar më parë, me një çmim bazë për qytetarët,” tha Alexander Dobrindt për gazetën Augsburger Allgemeine. “Ndërsa sasia tjetër do ta paguhej me çmimin e plotë të gazit”, shtoi nënkryetari i fraksionit të partive të Unionit CDU/CSU. Por problemi këtu është që shteti do të duhet të paguajë këtë ndryshim. E kjo shkakton futje të reja në borxhe./DW/

The post Gjermani: Rritja e çmimit të gazit shton frikën nga dimri i ftohtë appeared first on Albeu.com.

“Ne vazhdojmë të besojmë në kufizimin e çmimit të gazit të importuar nga tubacionet ruse, por ne ende duhet të punojmë në vlerësimin e ndikimit të dëmshëm në disa vende anëtare,” tha Simson, duke shtuar se Brukseli po analizon nëse një kufi më i gjerë në çmimet e gazit për importet BE mund të funksionojë.

Ndërkohë, presidentja e Komisionit Evropian, Ursula von der Leyen, deklaroi se çmimet e gazit në vendet e BE-së janë rritur më shumë se 10 herë në krahasim me periudhën para pandemisë së virusit korona.

“Bërja e skajeve është bërë burim ankthi për miliona biznese dhe familje. Por evropianët e trajtojnë atë me guxim”, tha Von der Leyen.

Ajo përkujtoi se vitin e kaluar gazi rus ka marrë pjesë me 40 për qind në importin e gazit në BE, ndërsa sot merr pjesë me nëntë për qind përmes gazsjellësve.

“Por Rusia vazhdon të manipulojë në mënyrë aktive tregun tonë të energjisë. Ata preferojnë të djegin gaz në vend që ta dërgojnë atë (në Bashkimin Evropian). Ky treg nuk funksionon më. Në të njëjtën kohë, kriza klimatike ka një ndikim të fortë në llogaritë tona. Valët e të nxehtit rritën kërkesën për energji elektrike dhe për shkak të thatësirës u mbyllën hidrocentralet dhe ato bërthamore”, sqaroi presidentja e KE-së.

The post KE nuk heq dorë nga kufizimi i çmimit të gazit rus appeared first on Albeu.com.

The post Rritja e çmimit të gazit, BE-ja do të përballet me 10 dimra të tmerrshëm appeared first on Albeu.com.

Këto janë vlerësimet e Gazprom, sipas një shënimi nga kompania ruse e rilançuar nga agjencia Tass.

Kostoja e gazit, saktëson deklarata, në Evropë ka arritur nivelin e 2500 dollarëve për tregtim.

Nëse vazhdon ky trend, çmimet mund të kalojnë tavanin prej 4000 dollarësh gjatë sezonit të dimrit.

The post Trendi në rritje, ja sa pritet të shkojë dimrin e ardhshëm çmimi i gazit në Europë appeared first on Albeu.com.

Sipas BBC, Rusia ka shkurtuar flukset përmes gazsjellësit Nord Stream 1 në Gjermani, me atë që tani operon me më pak se një të pestën e kapacitetit të saj normal. Gjermania importon 55% të gazit të saj nga Rusia dhe pjesa më e madhe e tij vjen përmes Nord Stream 1, ndërsa pjesa tjetër vjen nga tubacionet me bazë tokësore.

Firma ruse e energjisë Gazprom ka kërkuar të justifikojë shkurtimin e fundit duke thënë se ishte e nevojshme për të lejuar punën e mirëmbajtjes në një turbinë. Qeveria gjermane, megjithatë, tha se nuk kishte asnjë arsye teknike që ajo të kufizonte furnizimin.

Reduktimi i fundit i flukseve ushtron presion mbi vendet e BE-së për të reduktuar edhe më tej varësinë e tyre nga gazi rus dhe ka të ngjarë ta bëjë më të vështirë për ta rimbushjen e furnizimeve të tyre me gaz përpara dimrit. Ukraina ka akuzuar Moskën për një “luftë gazi” kundër Evropës dhe për ndërprerjen e furnizimeve për të shkaktuar “terror” mbi njerëzit.

BE-ja ra dakord në maj të ndalojë të gjitha importet e naftës ruse që vijnë nga deti deri në fund të këtij viti, por një marrëveshje për ndalimin e gazit ka zgjatur më shumë.

The post Rusia redukton furnizimin drejt Gjermanisë, rritet çmimi i gazit appeared first on Albeu.com.

Në njoftimin e 15 korrikut, thuhet se kjo po bëhet si pjesë e paketës së tij të rregullt të vendimeve për “shkeljet” që rrezikojnë të drejtat, liritë themelore ose sundimin e ligjit midis shteteve anëtare.

Kryeministri hungarez, Viktor Orban, ka luftuar me Brukselin për një sërë çështjesh, që nga perceptimi i kthimit demokratik dhe të të drejtave, deri te sanksionet kundër Rusisë për pushtimin e Ukrainës, zgjerimi dhe çështje të tjera të brendshme të BE-së.Çështja LGBT ka qenë një burim i veçantë acarimi. Qeveria e Orban miratoi ndryshime ligjore në qershor 2021 që tërhoqën kritika të ashpra nga Komisioni Evropian, Komisioni i Venecias i Këshillit të Evropës dhe anëtarët e komunitetit LGBT, të cilët thonë se stigmatizojnë pakicat seksuale dhe mbytin diskursin mbi orientimin seksual.

Orban ka hedhur poshtë vazhdimisht akuzat për diskriminim dhe tha se legjislacioni lejon kontrollin prindëror për atë se çfarë lloj edukimi seksual marrin fëmijët në shkollë./REL

The post BE padit Hungarinë për ligjet LGBT, lirinë e medias dhe çmimin e gazit appeared first on Albeu.com.

Ditët e fundit Rusia ka kufizuar rreptësisht furnizimin e Evropës me gaz, duke fajësuar problemet teknike të shkaktuara nga sanksionet. Evropa e akuzon Kremlinin për lojë gjeopolitike.

Një ndërprerje e plotë do ta zhyste Evropën në një krizë energjitike, thotë për Zërin e Amerikës analisti Tom Marzec-Manser.

“Për momentin, furnizimet me gaz përmes tubacioneve nga Rusia janë sa një e katërta e një vit më parë. Ky vëllim i ulët po ngjall shqetësime. Çka do të thotë se rindërtimi i depove dhe shtimi i rezervave përpara dimrit është shumë më i vështirë.”

Evropa dëshiron që deri në nëntor të mbushë rezervat e saj të gazit në masën 80% të kapaciteteve. Aktualisht kjo rezervë është 55%. Rritja e çmimit të gazit që nga sulmi në Ukrainë ka sjellë përfitime për Rusinë.

“Brenda një periudhe të shkurtër kohore Gazprom ka përfituar shuma të mëdha parashë. Kjo do të thotë që kompania të ketë para rezervë për disa vite kur flasim për kufizimin e fluksit të karburantit”, thotë analisti Tom Marzec-Manser.

Gjermania importon nga Rusia rreth një të tretën e gazit të saj. Qeveria deklaroi të enjten se vendi ishte në fazën e dytë të planit emergjent për gazin, duke u bërë thirrje gjermanëve që të pakësojnë konsumimin e gazit.

“Tani e tutje Gjermania ka mungesë furnizimi me gaz”, tha shefi i ekonomisë gjermane Robert Habeck.

Konsumatorët duhet të luajnë rolin e tyre, thotë analistja Claudia Kemfert.

“Pritej që herët a vonë të përballeshim me këtë situatë. Tani është e rëndësishme që të bëjmë gjithçka që mundemi për të kursyer gazin.”

Këtu përfshihet edhe industria, duke shkaktuar drojën se një krizë energjie mund ta zhysë Evropën në recesion.

“Industria dhe sektori energjitik duhet të luajnë një rol të rëndësishëm në kursimin e gazit. Shumë qeveri në Evropë kanë propozuar për lejimin e përdorimit të qymyrit”, thotë analisti Tom Marzec-Manser.

Kjo bie ndesh me premtimin e Evropës për heqjen dorë gradualisht nga qymyri dhe lëndët djegëse fosile.

“Kemi nevojë për zgjerim shumë më të shpejtë të sektorit të energjisë së rinovueshme”, thotë analistja Claudia Kemfert.

Udhëheqësit evropianë janë përpjekur të gjejnë burime të tjera përballë situatës së krijuar nga gazi rus. Importet nga Shtetet e Bashkuara të gazit natyror, të tjetërsuar në gjendje të lëngshme, janë rritur ndjeshëm. BE-ja nënshkroi këtë muaj një marrëveshje për të shtuar importet nga Izraeli dhe Egjipti.

Por analistët thonë se Evropa do ta ketë të vështirë për ta zëvendësuar gazin rus përpara dimrit. Një sezon i ftohtë do ta rëndonte krizën./VOA

The post Rusia gati të ndërpresë furnizimin e Evropës me gaz appeared first on Albeu.com.

Ka qenë Bordi i transparencës, i cili ka publikuar çmimet e reja që do të përdoren për blerjen naftës, benzinës dhe gazit të lëngshëm.

Këto çmime do të vijojnë të qëndrojnë në treg deri në një vendim tjetër, në mbledhjen e radhës së Bordit të Transparencës.

Vendimi i Bordit të Transparencës datë 23.4.2022

Bordi i Transparencës i mbledhur në datë 23 Prill 2022 vendosi çmimet e reja të shitjes së karburanteve me pakicë dhe shumicë për tregun vendas. Këto çmime reflektojnë ndryshimet që janë shfaqur në tregjet ndërkombëtare.

Nisur sa më sipër, bazuar në metodologjinë e ndërtimit të çmimeve sipas nenit  21/5 të Aktit Normativ,  Bordi vendosi:

Miratimin e çmimit tavan të tregtimit me shumicë të produkteve për datën 23.04.2022 deri në mbledhjen e ardhshme të Bordit, si më poshtë:

220 Lekë/litri për gazoilin;

200 Lekë/litri për benzinën;

92 Lekë/litri për gazit të lëngshëm të naftës.

Miratimin e çmimit tavan të tregtimit me pakicë të produkteve për datën 23.04.2022 deri në mbledhjen e ardhshme të Bordit, si më poshtë:

232 Lekë/litri për gazoilin;

212 Lekë/litri për benzinën;

104 Lekë /litri për gazit të lëngshëm të naftës.*( çmimi i shitjes për gazin e lëngshëm të automjeteve do jetë çmimi i furnizimit në stacionet e furnizimit në pikat e karburanteve, ndërkohë që në pikat e tjera për konsumatorët familjarë dhe industrial çmimi nuk duhet të përfshijë akcizën).

Vendimi i Bordit hyn në fuqi  dhe do reflektohet në datë 23.04.2022, ora 18.00 p.m, deri në mbledhjen e ardhshme të bordit, me qëllim pasqyrimin në çmimin e shitjes me pakicë të këtyre nënprodukteve, të ndryshimeve të mundshme të çmimeve në tregjet ndërkombëtare.

Çdo operator i shitjes me shumicë dhe pakicë i nënprodukteve të naftës është i detytuar të zbatojë Vendimin e Bordit të Transparencës, në lidhje më çmimet e shitjes me shumicë dhe pakicë.

Organet ligjzbatuese do të kontrollojnë zbatimin e vendimeve të Bordit të Transparencës çdo ditë.

Në rast të shkeljeve të konstatuara nga operatorë të ndryshëm do të vendoset pezullim aktiviteti, heqje licence dhe sekuestrim./albeu.com/

The post Ndryshon çmimi i karburanteve në Shqipëri: Sa do të shiten tani nafta, benzina dhe gazi appeared first on Albeu.com.