Meriton Korenica ka zyrtarizuar transferimin te Steaua Bukureshtit, duke u larguar nga CFR Cluj pas një aventure me klubin rumun. Sulmuesi 29-vjeçar do të vijojë karrierën te një tjetër skuadër e kampionatit rumun.

Palët kanë firmosur një marrëveshje dyvjeçare, e cila do të jetë në fuqi deri në verën e vitit 2028. Për kartonin e futbollistit shqiptar, Steaua e Bukureshtit ka paguar 1 milion euro.

Korenica e nisi rrugëtimin në futbollin profesionist në Kosovë, me Rahovecin. Gjatë karrierës së tij, ai ka veshur gjithashtu fanellat e Shkëndijës së Tetovës, Metalurg Skopjes, Lirisë, Prishtinës, Ballkanit dhe Manisa FK.

Te Ballkani, 29-vjeçari punoi nën drejtimin e trajnerit Ilir Daja. Pikërisht në këtë periudhë, sulmuesi u dallua për paraqitjet e tij dhe “shpërtheu” në aspektin sportiv me skuadrën nga Theranda.

The post Meriton Korenica kalon te Steaua Bukureshtit për 1 milion euro appeared first on Albeu.com.

Meriton Korenica, futbollisti i Kombëtares së Kosovës, është pranë finalizimit të kalimit nga CFC Cluj te FCSB, në përfundim të afatit kalimtar në Rumani.

Mundësia që Korenica të ndërronte klub gjatë ditëve të fundit të merkatos rumune ishte diskutuar gjerësisht, ndërsa tashmë kanë mbërritur edhe konfirmimet.

Mediumi rumun Gsp.ro raporton se FCSB ka përfunduar tri përforcime, mes të cilave edhe atë të Meriton Korenicës. Zyrtarizimi i reprezentuesit kosovar pritet të bëhet më së largu nesër, të premten.

Sipas të njëjtit burim, FCSB i ka paguar CFR Clujit 600,000 euro për kartonin e tij. Korenica do të firmosë kontratë dyvjeçare dhe do të përfitojë pagë mujore prej 30,000 eurosh.

Presidenti i FCSB-së, Gigi Becali, e ka konfirmuar marrëveshjen për Digisport Special: “Ne nënshkruam me Korenicën, nuk bëmë asnjë ankand për të. Bëmë një ofertë prej 600,000 eurosh dhe kaq!”

Korenica e kishte nisur sezonin e tretë me CFR Clujin, skuadër me të cilën regjistroi statistika të spikatura, duke realizuar 27 gola dhe duke dhënë 16 asistime në mbi 100 paraqitje.

Përpara transferimit te Cluj, ai ishte aktivizuar gjatë karrierës edhe për Rahovecin, Shkëndijën, Lirinë, Prishtinën, Ballkanin dhe klubin turk Manisan.

The post Meriton Korenica bëhet lojtar i FCSB-së appeared first on Albeu.com.

Meriton Korenica mund të largohet nga CFR Cluj gjatë kësaj vere, pasi për futbollistin kosovar janë konkretizuar interesimet e tri klubeve, mes tyre edhe FCSB-ja, një nga ekipet më të njohura të Rumanisë.

Negociatat për transferimin e 29-vjeçarit po zhvillohen mes pronarit të FCSB-së, Gigi Becali, dhe presidentit të CFR Clujit, Ioan Varga. Afati kalimtar në Rumani përfundon më 7 shtator.

Gazeta Sporturilor raporton se FCSB-ja i ka paraqitur tashmë Clujit një ofertë zyrtare prej 500 mijë eurosh. Shumën e këtij propozimi e ka konfirmuar publikisht edhe Becali.

“Kam bërë ofertë prej 500 mijë eurosh dhe kaq”, është shprehur ai.

Oferta e klubit rumun nuk i afrohet shumës që kërkon CFR Cluji për lojtarin. Ioan Varga ka zbuluar se në drejtim të Korenicës kanë mbërritur edhe dy propozime të tjera: 800 mijë euro nga një klub i Shteteve të Bashkuara dhe 700 mijë euro nga Universitatea Craiova.

Pavarësisht interesimit të disa skuadrave, drejtuesi i Clujit nuk planifikon ta shesë Korenicën për një vlerë të ulët. Varga synon të përfitojë të paktën 1.5 milionë euro nga kartoni i futbollistit kosovar.

Korenica iu bashkua CFR Clujit në vitin 2024, pasi u transferua nga Manisa për shumën prej 400 mijë eurosh.

FCSB-së i mbetet tani të vendosë nëse do ta përmirësojë ofertën për të bindur Clujin ta lërë të lirë Korenicën, ndërkohë që merkatoja verore në Rumani vazhdon të jetë e hapur.

The post Meriton Korenica në qendër të interesimit të tri klubeve, FCSB zbulon ofertën për të appeared first on Albeu.com.

Meriton Korenica ishte një nga protagonistët e fitores së Clujit në kampionatin rumun, ku regjistroi asistimin e parë sezonal në këtë garë.

Skuadra e Clujit fitoi 3:2 në transfertë ndaj Csikszereda Miercurea Ciuc, në ndeshjen e vlefshme për javën e shtatë të elitës së futbollit rumun, të zhvilluar sot, të shtunën.

Futbollisti kosovar ndikoi në rezultat që në pjesën e parë. Në minutën e 28-të, ai i dha pasimin vendimtar Lorenzo Biliboc, i cili shënoi golin që i çoi mysafirët në epërsi 1:0.

Korenica e filloi takimin si titullar dhe qëndroi në fushë gjatë gjithë ndeshjes. Paraqitja e tij ishte ndër më të spikaturat në radhët e Clujit, pas formës së mirë të treguar edhe në ndeshjet evropiane.

Gjatë këtij sezoni, 29-vjeçari ka realizuar dy gola në arenën ndërkombëtare, të dy gjatë fazës kualifikuese të Ligës së Konferencës.

Megjithatë, performancat pozitive nuk e kanë larguar pasigurinë rreth vazhdimit të aventurës së tij te klubi rumun.

Mediumet në Rumani raportojnë se largimi i lojtarit mund të ndodhë së shpejti.

Cluji po kalon vështirësi të mëdha financiare dhe kjo situatë mund ta shtyjë klubin të shesë disa prej futbollistëve të tij.

Duke qenë një element i rëndësishëm i skuadrës, Korenica mund të jetë një nga lojtarët që do të largohej, me qëllim që t’i jepte klubit mundësi për të lehtësuar problemet ekonomike.

Deri në një vendim përfundimtar, ai vijon të përqendrohet te angazhimet me Clujin. Mbetet për t’u parë nëse asistimi ndaj Csikszereda Miercurea Ciuc do të jetë një nga kontributet e fundit të tij me fanellën e klubit rumun.

The post Korenica asiston në suksesin e Clujit, ndërsa e ardhmja e tij në Rumani mbetet në pikëpyetje appeared first on Albeu.com.

Meriton Korenica mund të largohet nga Cluji në ditët e para të javës së ardhshme, duke i dhënë fund qëndrimit të tij te klubi rumun.

Sipas raportimeve të publikuara të premten nga mediat e njohura rumune, Cluji po planifikon të ndajë rrugët me disa prej lojtarëve kryesorë të skuadrës.

Në këtë listë bëjnë pjesë edhe Korenica dhe Andrei Cordea, të cilët vlerësohen si dy nga futbollistët më të rëndësishëm të ekipit.

Shkak për vendimet e klubit janë vështirësitë e mëdha financiare që po kalon Cluji, raportohet nga Rumania.

Reprezentuesi kosovar, i cili aktivizohet në krah, pritet të shitet për një vlerë rreth 400 mijë euro.

Futbollisti 29-vjeçar u transferua te Cluji në vitin 2024, pasi la skuadrën turke Manisa, dhe gjatë kësaj kohe u rendit ndër lojtarët më të dalluar të ekipit.

Gjatë periudhës së tij me klubin, Korenica ka regjistruar gjithsej 107 paraqitje, 26 gola dhe 16 asistime.

Nëse ndarja bëhet zyrtare, kosovari do ta përfundojë një kapitull të suksesshëm në Rumani, ndërsa hapat e ardhshëm në karrierën e tij pritet të përcaktohen gjatë ditëve në vijim.

The post Cluji përgatit largimin e Meriton Korenicës, problemet financiare shtyjnë klubin drejt shitjeve appeared first on Albeu.com.

Meriton Korenica mund të ndahet nga Cluji gjatë afatit kalimtar të kësaj vere.

Sipas raportimeve të mediave rumune, reprezentuesi i Kosovës synon ta vazhdojë karrierën në një skuadër tjetër dhe i ka kërkuar menaxherit të tij që të angazhohet për gjetjen e një klubi të ri.

Synimi i mesfushorit për të nisur një aventurë të re lidhet edhe me gjendjen ekonomike të Clujit. Për shkak të problemeve financiare, klubi rumun është i hapur ndaj propozimeve për disa lojtarë të skuadrës.

Në listën e futbollistëve që mund të largohen përfshihet edhe Korenica, kartonin e të cilit Cluji raportohet se e vlerëson rreth 1 milion euro.

Për 29-vjeçarin ka interesim, ndërkohë që oferta kanë mbërritur edhe për dy lojtarë të tjerë të ekipit rumun. Në këto rrethana, mundësia që Korenica të transferohet në ditët e ardhshme të afatit kalimtar po bëhet gjithnjë e më konkrete.

Marrëveshja e reprezentuesit kosovar me Clujin është e vlefshme deri në verën e vitit të ardhshëm. Kjo situatë i krijon klubit mundësinë që të sigurojë të ardhura nga shitja e tij përpara se futbollisti të hyjë në vitin e fundit të kontratës.

Korenica u transferua te Cluji në vitin 2024 dhe prej asaj kohe ka fituar një rol të rëndësishëm në formacionin rumun.

The post Problemet financiare të Clujit afrojnë largimin e Korenicës appeared first on Albeu.com.

Mediat shkruan se kalimi i Ermal Krasniqit te Rapid Bukureshti u bë për një çmim pesë herë më të ulët se ai i dëshiruari nga klubi, pasi flitej se ai kërkohej nga Lazio për 5 milionë euro.

Megjithatë, Varga nuk është penduar që ka hequr dorë nga Krasniqi dhe vendimin e tij e ka shpjeguar për “Pro Sport”.

“Nuk jam penduar që e kam shitur. Ishte një marrëveshje e mirë, vlerë për paratë. Ai është një lojtar i mirë me potencial për momentin, por nuk mund ta vlerësoni më lart nëse ai nuk paraqitet vazhdimisht mirë”.

“Është lojtar i vlefshëm, por jo konstant”, ka thënë pronari i Clujit, Varga.

Ermal Krasniqi në stinorin vjeshtor kishte 17 ndeshje te Cluj, ku nuk shënoi asnjë gol dhe kishte dy asistime.

Sulmuesi i krahut te Rapid Bukureshti për nëntë ndeshje ka shënuar katër gola dhe ka asistuar tri herë. /Telegrafi/

The post “Nuk pendohem që e shita, ishte marrëveshje e mirë” – pronari i Cluj flet pas shitjes së Ermal Krasniqit appeared first on Albeu.com.

Një duel historik për skuadrën e Ilir Dajës, që ka zgjedhur edh formacionin.

Ballkani: Frashëri, Thaçi, Dellova, Jashanica, Thaqi, Korenica, Zyba, Emërllahu, Gripshi, Rrahmani, Krasniqi.

Cluj: Scuffet, Camora, Burca, Matias, Braun, Cvek, Vito-Hammershoj, Adjei-Boateng, Deac, Roger, Yeboah.

The post Ballkani-Cluj, publikohen formacionet zyrtare appeared first on Albeu.com.