Presidenti i FIGC, Gabriele Gravina, kishte zhvilluar bisedime me 73-vjeçarin, i cili aktualisht është këshilltar i pronarit të Romës, Dan Friedkin, pas një periudhe gjashtëmujore si trajner i përkohshëm i klubit kryeqytetas.

Federata Italiane ishte e hapur për ta lejuar Ranierin të mbante edhe rolin e tij te Roma, por burime me njohuri të drejtpërdrejta mbi çështjen kanë treguar se veterani nuk ishte i bindur për të përballuar një rol të dyfishtë si me klubin, ashtu edhe me kombëtaren.

Dan Friedkin kishte dhënë dritën jeshile për këtë marrëveshje, si nga ana e tij ashtu edhe nga ajo e FIGC, por ish-trajneri i Leicester City zgjodhi të mos e pranonte ofertën.

Me shumë gjasë, Ranieri ka menduar se nuk do të kishte kohën e mjaftueshme për të zhvilluar projektin te Roma, ndërkohë që do të drejtonte edhe kombëtaren italiane.

Kjo do të thotë se FIGC mbetet ende në kërkim të një pasuesi për Luciano Spallettin.

Stefano Pioli është një kandidat serioz, edhe pse ka zhvilluar tashmë bisedime me Fiorentinën.

The post Claudio Ranieri refuzon ofertën për të marrë drejtimin e kombëtares së Italisë appeared first on Albeu.com.

Claudio Ranieri ka arritur shumë suksese në karrierën e tij dhe të enjten në mbrëmje në Londër kundër Tottenhamit, trajneri i ri i Romës do të përpiqet të arrijë një tjetër, pavarësisht momentit negativ për verdhekuqtë:

“Unë jam duke punuar jo aq shumë në aspektin taktik, por në atë mental. U kam kërkuar djemve që të japin gjithçka deri në sekondën e fundit dhe më pas do të pranojmë rezultatin që vjen”, tha trajneri në konferencën për shtyp.

“Nuk do të jetë një ndeshje e lehtë. Tottenhami është në një moment të shkëlqyer (sapo e ka mposhtur Cityn 4-0 jashtë). Ndeshjet e fundit që ata luajtën ishin të pabesueshme. Unë e dua atë lloj futbolli. Trajneri po bën një punë të shkëlqyer. E përgëzoj”.

The post Ranieri synon rikthimin e Romës përballë Tottenham appeared first on Albeu.com.

Asgjë nuk ka qenë e lehtë për djemtë e Claudio Ranierit, që iu falën golit të Pavolettit në fundin e ndeshjes, konkretisht në të 90+4 minutë. Asisti i Zappas u shfrytëzua mirë nga sulmuesi, që dërgoi në festë të tijtë.

Pas fërshëllimës së arbitrit Marco Guida, nga play-off Cagliari mori biletën e mbetur për në Serie A. Fundi ka sjellë lot trishtimi dhe gëzimi, me trajnerin Claudio Ranieri që në moshën 71-vjeçare siguroi ngjitjen në Serie A. Tekniku veteran do jetë sërish pjesë e elitës në Itali, teksa pas ndeshjes ka qarë si fëmijë. Me Cagliarin që siguroi ngjitjen dhe Veronën që mundi Spezian, kompletohet edhe numri i skuadrave italiane që do jenë pjesë e Serie A në sezonin e ri.

20 skuadrat e Serie A për sezonin e ri: Atalanta, Bologna, Cagliari, Empoli, Fiorentina, Frosinone, Genoa, Inter, Juventus, Lazio, Leçe, Milan, Monza, Napoli, Roma, Salernitana, Sassuolo, Torino, Udinese, Verona.

The post VIDEO/ Ngjiti Cagliarin në Serie A, 71-vjeçari Claudio Ranieri qan si fëmijë appeared first on Albeu.com.