Ngërçi diplomatik prej muajsh ka tensionuar marrëdhëniet midis Athinës dhe Teheranit ndërsa tensionet rriten midis Iranit dhe Shteteve të Bashkuara.

Ekuipazhet do të zëvendësohen, duke lejuar kthimin e tyre në vendet e origjinës së shpejti, tha sindikata PENEN për marinarët e anijeve tregtare. Nuk ishte e qartë nëse dy anijet greke, MT Prudent Warrior dhe Delta Poseidon, do të liroheshin.

Të hënën, ministri grek i transportit konfirmoi se një anëtar i ekuipazhit të anijes Delta Poseidon po kthehej në Greqi.

“Një marinar grek nga anija Delta Poseidon, e cila, siç dihet, është e ndaluar ilegalisht në Iran, tashmë është nisur për në Greqi. Kthim të mbarë,” shkroi në Twitter ministri Yannis Plakiotakis.

Më herët, zëdhënësi i Ministrisë së Jashtme të Iranit, Nasser Kanaani nuk mundi të konfirmonte informacionin për lirimin e anëtarëve të ekuipazhit, por tha se shpresonte se “do të kishte zhvillime pozitive në të ardhmen”.

Një zyrtar grek tha se përpjekja për të liruar ekuipazhet ishte në vazhdim, por lirimi i cisternave do të zgjaste më shumë se zëvendësimi i ekuipazheve.

Cisterna Lana me flamur iranian, dikur Pegas, u kap nga Greqia në prill dhe u mbajt për muaj të tërë. Shtetet e Bashkuara kishin konfiskuar një pjesë të ngarkesës së saj të naftës për shkak të sanksioneve ndaj Iranit.

Konfiskimi i naftës nga cisterna Lana i shtyu forcat iraniane në maj të kapnin dy cisterna greke në Gji dhe t’i lundronin përsëri në Iran. Teherani kishte paralajmëruar për “veprim ndëshkues” kundër Greqisë.

Lana, e cila kishte probleme me motorin, u lirua zyrtarisht në korrik. E ankoruar në portin grek të Pireut që atëherë, ajo ka marrë ngarkesën e naftës që Shtetet e Bashkuara kishin konfiskuar dhe pritet të lundrojnë përsëri në Iran.

The post Irani do të lirojë ekuipazhin e dy cisternave greke të sekuestruara appeared first on Albeu.com.

Për vite me radhë, Izraeli ka kryer sulme në Siri ndaj atyre që i përshkruan si shënjestra të lidhura me Iranin.

Duke folur në një konferencë në Nju Jork, Gantz prezantoi një hartë që ai tha se paraqesin ndërtesat ushtarake të Centre D’Etudes et de Recherches Scientifiques (CERS), agjenci qeveritare siriane, që sipas tij është e përfshirë në prodhimin e raketave dhe armëve për Iranin.

“Irani e ka shndërruar CERS-in në vend për prodhimin e raketave me rreze të mesme dhe të gjatë veprimi, në prodhimin e raketave precize dhe armëve, që i jepen Hezbollahut dhe grupeve të afërta me të. Me fjalë të tjera, CERS është bërë një fabrikë për armë të avancuara dhe strategjike të Iranit”, tha Gantz.

Sulmet ajrore, që i janë atribuuar Izraelit, së fundmi janë intensifikuar në aeroportet siriane, me qëllim që të pengojnë Teheranin që të përdorë linjat ajrore për dërgimin e armëve tek aleatët në Siri dhe Libi, përfshirë edhe Hezbollahun, kanë thënë për Reuters burime rajonale diplomatike dhe të inteligjencës.

Sulmet ajrore izraelite vazhdimisht kanë goditur zonën e Masjafit, në veriperëndim të Sirisë, ku sipas Gantzit, gjenden ndërtesat nëntokësore për prodhimin e armëve. Sipas ministrit izraelit, këto armë kërcënojnë Izraelin dhe rajonin.

“Masjafi veçanërisht përdoret për prodhimin e raketave të avancuara”, tha ai.
Gantz shtoi se Irani po ashtu po punon për të ndërtuar industri të prodhimit të armëve dhe raketave në Libi dhe Jemen.

“Nëse nuk ndalet ky trend, brenda një dekade do të ketë industri të avancuara iraniane në mbarë rajonin, të cilat do të prodhojnë armë dhe do të shpërndajnë terror”, tha ai.

As Irani dhe as Siria ende nuk kanë komentuar për këto deklarata të bëra më 12 shtator nga ministri izraelit. Por, në të kaluarën Damasku ka refuzuar të komentojë akuza të ngjashme dhe Teherani po ashtu ka mohuar se ka ngritur ndërtesa për prodhimin e armëve në mbarë Lindjen e Mesme./REL/

The post Irani do të lirojë ekuipazhin e dy cisternave greke të sekuestruara appeared first on Albeu.com.