Në pranga është vënë shtetasi S. L., 48-vjeç, banues në fshatin Plug, Lushnje, i cili akuzohet për veprën penale “Kontrabanda me mallra që paguajnë akcizë”.

Njoftimi:

“Në hyrje të Republikës së Shqipërisë, në Pikën e Kalimit Kufitar Kapshticë, shërbimet e Policisë Kufitare kaluan në vijë të dytë për kontroll të detajuar një automjet me drejtues shtetasin S. L., 48 vjeç, banues në fshatin Plug, Lushnjë. Gjatë kontrollit të ushtruar në automjet, u konstatuan të fshehura 32 steka me cigare dhe disa produkte ushqimore, të cilat shtetasi S. L. tentonte t’i fuste në Shqipëri pa i deklaruar, në kundërshtim me ligjin”, – thuhet në njoftim.

Policia raporton se ka sekuestruar në cilësinë e provës materiale mallrat e futura kontrabandë, të fshehura në automjetin që drejtonte 48-vjeçari.

Materialet procedurale i janë referuar Prokurorisë së Korçës për veprime të mëtejshme.

The post Tentoi të fuste kontrabandë në Shqipëri cigare dhe produkte ushqimore, arrestohet 48-vjeçari në Kapshticë appeared first on Albeu.com.

Ministri i Shëndetësisë, Frank Vandenbrouck në një intervistë tha se cigaret elektronike të disponueshme janë një produkt i ri që është krijuar thjesht për të tërhequr konsumatorë të rinj.

SHBA shpall 9 janarin ditë zie kombëtare për ish-presidentin Jimmy Carter.

“Cigaret elektronike shpesh përmbajnë nikotinë. Nikotina është e varur dhe e dëmshme për shëndetin tuaj. Këto janë fakte”, është shprehur ai.

“Ata krijojnë mbetje kimike të rrezikshme,” pasi njerëzit thjesht i hedhin në plehra, shpjegoi ai.

The post Belgjika ndalon shitjen e cigareve elektronike nga 1 janari appeared first on Albeu.com.

Legjislacioni ka kaluar në parlament, konfirmoi Komisioni parlamentar për Mjedisin, Ushqimin dhe Çështjet Rurale.

Komisioni njoftoi se kishte punuar fort për ndalimin dhe se do të përpiqej të afronte datat e hyrjes në fuqi.

Bizneset do të kenë kohë deri më 1 qershor të vitit të ardhshëm që të shesin çdo stok të mbetur dhe të përgatiten për hyrjen në fuqi të ndalimit.

The post Anglia ndalon shitjen e cigareve elektronike appeared first on Albeu.com.

Sipas lajmeve në ABC News, Australia do të jetë vendi i parë që do të ndalojë shitjen e cigareve elektronike jashtë farmacive. Qeveria australiane është përpjekur të zbusë ligjin e saj më gjithëpërfshirës të ndalimit të cigareve elektronike për të fituar mbështetjen e Partisë së Gjelbër në Senat. Në projektligjin e ri, i cili planifikohet të zbatohet nga java e ardhshme, shitja e cigareve elektronike do të lejohet vetëm në farmaci.

Sipas projektligjit të ri, i cili do të mbështetet nga Partia e Gjelbër, të rriturit do të mund të blejnë cigare elektronike në farmacitë ndërsa ata nën moshën 18-vjeç do të mund të blejnë cigare elektronike vetëm me recetë të mjekut.

– “Nëse nuk merren masa, do të krijohet një gjeneratë e varur nga nikotina”

Ministri australian i Shëndetësisë, Mark Butler deklaroi se qëllimi i projekt-ligjit është ta kthejë përdorimin e cigareve elektronike në “një produkt që ndihmon në lënien e zakonit të pirjes së duhanit”.

Ai tha se kufizimi duhet të ishte bërë 5 vjet më parë. “Këto ligje mbrojnë të rinjtë australianë dhe komunitetin e gjerë nga dëmet e cigareve elektronike rekreative ndërsa sigurojnë që ata që kanë vërtet nevojë për akses në një cigare elektronike për të lënë duhanin mund ta marrin në farmacitë e tyre lokale”, tha Butler.

Qeveria paralajmëron se do të vjen një brez i varur nga nikotina nëse nuk merren masa urgjente ndërsa do të sigurohen fonde shtesë për të mbështetur të rinjtë që të heqin dorë nga cigaret elektronike.

The post Australia do të shesë cigaret elektronike vetëm në farmaci appeared first on Albeu.com.

“Që nga këto ambiente që jemi, po të vish në mëngjes mund të gjesh në çdo cep të kësaj godine bishta cigareje. Patjetër se jemi më të mirë se çdo ekspert shëndeti publik që demonstron duhan dhe që pi duhan. Të gjitha agjencitë ligj zbatuese të shtetit të merren me këtë gjë, pa pyetur i kujt është lokali, institucioni, restoranti”, tha socialisti Braçe.

Deputetja Gjonaj prezantoi ndryshimet në ligj, të cilat i konsiderojnë si thelbësore.

“E para ka të bëjë me ndalimin e shitjes dhe tregtimit tek të gjithë fëmijët nën moshën 18 vjeç nga çdo lloj subjekti tregtar. Kjo iniciativë sjell ndalimin e shitjes me ofertë. Kemi përcaktuar vendosjen e tabelave të dukshme të ndalimit të cigareve elektronike për çdo fëmijë të moshës nën 18 vjeç”, tregoi socialistja Gjonaj.

Nga opozita për ndryshimet ligjore nuk pati asnjë kundërshtim, por u kërkua zbatim rigoroz i tij me miratimin në kuvend.

“Është një ligj shumë i mirë, por unë shpresoj që deri në fund interesa të mëdha mos ta pengojnë këtë ligj dhe mos të lejojmë qeverinë që ta pengojnë dhe të thonë do ta sjellim ne nesër”, u shpreh kryetarja e komisionit, Jorida Tabaku.

“Duhet t’i imponohemi ekzekutivit, institucioneve që kanë për detyrë të zbatojnë ligjet që ne votojmë për të përmirësuar jetën e qytetarëve”, tha deputetja e PL, Erisa Xhixho.

Në ndryshimet e propozuara nga dy socialistët, Gjonaj e Braçe, kërkohet ndalimi i reklamimit apo sponsorizim në çdo formë për produktet e duhanit me qëllim vështirësimin e aksesit nga personat nën 18 vjeç. Në projektligjin e nxjerrë për konsultim publik rreth dy muaj më parë, propozohen edhe gjoba deri në 500 mijë lekë apo dënim deri në 8 vite burg për të gjithë ata persona që jua shesin këto produkte të miturve.

The post Drafti/ Burg kush i shet cigare të miturve! Braçe: Cepat e Kuvendit plotë bishta, ekspertët e shëndetit e pinë vet appeared first on Albeu.com.

Ndalohet në aeroportin e Lutonit, një 38-vjeçar që kontrabandoi nëpërmjet PKK Rinas, 1700 paketa me cigare.

Si rezultat i shkëmbimit të menjëhershëm, me homologët britanikë, të informacioneve të siguruara nga Departamenti i Policisë Kriminale dhe Departamenti i Kufirit dhe Migracionit të Policisë së Shtetit, u finalizua nga shërbimet e Policisë Kufitare të Mbretërisë së Bashkuar, operacioni policor ndërkombëtar i koduar “Paketa”.

Gjatë operacionit, në aeroportin e Lutonit, Londër, u kap dhe u ndalua shtetasi shqiptar E. M., 38-vjeç, i lindur në Burrel, pasi nga kontrollet, iu gjetën në çantë, 1700 paketa me cigare të kontrabanduara nëpërmjet PKK Rinas.

Gjithashtu, gjatë këtij operacioni, u sekuestruan në cilësinë e provës materiale, paketat me cigare.

The post Londër/ Kontrabandoi cigare, ndalohet në aeroportin e Lutonit 38-vjeçari shqiptar appeared first on Albeu.com.

Dy projektligje të deputetëve socialist Erion Braçe dhe Etilda Gjonaj, synojnë të ashpërsojnë masat ndëshkuese për shkelësit e ligjit, të cilët u shesin ose ofrojnë duhan të rinjve nën 18-vjeç.

Konkretisht në Kodin Penal propozohet të shtohet një nen 288/c, ku përcaktohet se ata persona që tregtojnë këto produkte tek të rinjtë nën 18 vjeç që janë ndëshkuar më parë do të gjobiten nga 100-300 mijë lekë ose burg deri në 6 muaj. Në rast të përsëritjes së shkeljes, gjoba do të jetë 300-500 mijë ose burg nga 6 muaj deri në 1 vit.

Kur si pasojë e kryerjes së veprës penale të parashikuar në paragrafin e parë dhe të dytë të këtij neni, ka ardhur si pasojë dëmtimi i rënde i shëndetit të të miturit, dënimi është nga 4 deri në 8 vjet burgim. Ndërsa në rastet kur shkaktohet vdekje prej këtyre produkteve, dënimi – thuhet në projektligj – do të jetë 8 deri ne 16 vjet burgim.

Në relacion theksohet se këto masa shtrënguese propozohen për shkak se përdorimi i duhanit, cigareve elektronike apo produkteve të tjera të duhanit nga fëmijët e të rinjtë është në rritje vitet e fundit.

“Vitet e fundit ka pasur një rritje alarmante te përdorimit te duhanit dhe produkteve te duhanit tek fëmijët dhe te rinjtë. Konsumimi i nikotinës tek fëmijët dhe adoleshentet ka ndikime negative ne zhvillimin e tyre. Ajo sjell pasoja negative afatgjata për zhvillimin e trurit dhe mund te shkaktoje çrregullime ne te mësuarin dhe gjithashtu shkakton ankth. Po ashtu edhe ekspozimi i drejtpërdrejtë apo aksidental i fëmijëve ndaj lëngjeve qe cigaret elektronike përmbajnë, paraqet rrezik serioz për ta, pasi pajisjet mund te rrjedhin dhe fëmijët mund te gëlltisin lëngun, i cili është helmues”, thuhet në relacion.

Projektligji i dytë i propozuar parashikon rishikimin e disa neneve të ligjit “Për mbrojtjen e Shëndetit Nga Produktet E Duhanit”. Deputetët propozojnë që për personat nën 18 vjeç të jetë e ndaluar shitja jo vetëm e duhanit, por edhe e cigareve elektronike, shishave, nargjileve dhe produkteve të tjera të përcaktuara në nenin 3 të këtij ligji.

Po ashtu propozohet të ndalohet ofrimi falas apo shitja me ofertë e këtyre produkteve, si dhe në të gjitha pikat e shitjes duhet të vendoset në një vend të dukshëm tabela ku të shkruhet: “Ndalohet shitja e produkteve te duhanit, cigareve elektronike, shishave/nargjileve personave nen 18 vjeç”.

Nëse këto rregulla nuk zbatohen, parashikohen gjoba dyfish më të larta. Nga 100 mijë lekë që është gjoba aktualisht bashkë me konfiskim të produkteve të duhanit, në projektligj propozohet që përpos konfiskimit të produkteve gjoba të arrijë deri në 500 mijë lekë, dhe kur cigaret elektronike i janë shitur një të mituri nën 15 vjeç, gjoba do jetë dyfish më e lartë.

Neni 20, shkronja b) ndryshohet si vijon:

1. b) Shkelja e nenit 9 dënohet me:

– konfiskim te produkteve te duhanit, cigareve, cigareve elektronike, dhe për te gjitha produktet e parashikuara ne nenin 3 “Përkufizime” te këtij ligji, dhe gjobe 200.000 leke për subjektin shitës me shumice apo pakice apo subjektit qe e ofron falas sipas kushteve te nenit 9.1 dhe nenit I 0;

-500.000 leke gjobe kur kjo shkelje përsëritet nga subjekti sipas kushteve te nenit 9 dhe nenit 10;

-Dyfishim te gjobës se parashikuar ne piken (i) ne rastin e shitjes ose ofrimit te cigareve elektronike nen moshën 15 vjet.

Në projektligj thuhet se do ndalohet reklamimi në median e shkruar dhe atë televizive jo vetëm i duhanit por edhe i të gjitha produkteve të tjera. Kohët e fundit është ekspozuar ndjeshëm nëpër programe televizive, konsumi i produkteve të duhanit apo cigaret elektronike.

Shkaku kryesor i ashpërsimit të këtyre ligjeve thonë deputetët është fakti që konsumi i këtyre produkteve është kthyer në burimin kryesor të sëmundshmërisë dhe vdekshmërisë në vend.

“Prevalenca e duhanpirjes ngelet ende e larte në vendin tonë dhe është e rëndësishme të reduktohet në mënyrë që të ulet numri personave me sëmundje kronike”, thuhet në relacionin e projektligjit “Për mbrojtjen e Shëndetit Nga Produktet E Duhanit”.

The post DRAFTI/ Kush u shet cigare të miturve burg deri 8 vite! Dënohen me 16 vite nëse shitja e paligjshme sjell vdekje appeared first on Albeu.com.

53-vjeçari rumun hoqi maskën që vazhdonte të nxirrte oksigjen për të pirë duhan. Shkëndija nga çakmaku shkaktoi flakët dhe shpërthimin e menjëhershëm të bombolës së oksigjenit.

Zjarrfikësit më pas e kanë gjetur të vdekur 53-vjeçarin, ndërsa u evakuuan katër pacientët të tjerë të shtruar në spital. Zjarri ka rënë pak para orës 20:00, teksa flakët dhe tymi që pushtuan repartin në katin e parë të spitalit.

Flakët u shuan pas mbërritjes së zjarrfikëseve dhe autoritetet raportuan se nuk ka persona të tjerë të lënduar apo të asfiksuar, por i gjithë reparti i spitalit nuk është funksional.

Prokurori kujdestar pranë prokurorisë Sciacca, i cili hapi hetimet, urdhëroi sekuestrimin e zonës së prekur nga flakët.

The post Ndezi cigaren gjatë trajtimit me oksigjen, pacienti i vë flakën spitalit në Itali! Zjarrfikësit e gjejnë të vdekur, evakuohen disa persona appeared first on Albeu.com.

Ministri i Brendshëm malazez Danilo Sharanoviq tha se “arrestimi tregon se askush nuk është dhe nuk do të jetë mbi ligjin dhe se kushdo që është përfshirë në veprimtari të paligjshme do të vihet para drejtësisë”, sikurse tha ai. Kryeministri i Malit të Zi Milojko Spajiq përshëndeti vendimin e autoriteteve për arrestimin e Slavko Stojanoviqit. Ai tha se “lufta e vendosur kundër krimit të organizuar dhe korrupsionit është parakusht për sundimin e ligjit dhe kriteri më i rëndësishëm për përshpejtimin e rrugës evropiane” të vendit.

Slavko Stojanoviq ka qenë në detyrën drejtorit të policisë të Malit të Zi prej vitit 2013 deri në 2018. Analistët përmendin se “gjatë mandatit të tij janë vrarë më shumë se 40 persona si pasojë e përplasjeve mes klaneve kriminale në Mal të Zi”.

Në korrik të këtij viti autoritetet arrestuan pasuesin e zotit Stojanoviq në detyrën drejtorit të policisë, Veselin Vujoviq, i cili shërbeu prej vitit 2018 deri në 2020. Ndërsa prej vitit 2020 deri në vitin 2023 ai shërbeu si këshilltar për Sigurinë i ish-Presidentit Milo Gjykanoviç.

Veselin Vujoviq ndodhet në paraburgim, nën dyshimet për krijimin e një organizate kriminale, shpërdorim detyre dhe kontrabandë.

Partia Demokratike e Socialistëve e ish-Presidentit Gjukanoviq tha në atë kohë se ish-drejtori i Policisë Veselin Veloviq ishte arrestuar pas “presionit të paprecedentë të kryeministrit në largim Dritan Abazoviqit, ndaj këtij institucioni”, sikurse e cilësoi ajo.

The post Kontrabandonte cigare, arrestohet ish-Drejtori i Policisë appeared first on Albeu.com.

Siç shihet edhe në video, edhe se me drita të fikura deputetët vijojnë të qendrojnë në sallë ndërsa në sfond dëgjohet kënga “Mora Fjalë” kushtuar heroit legjendar Adem Jashari, e cila është bërë hit pasi këndohet në çdo stadium kur luan kombëtarja e Shqipërisë.

Në video shihet gjithashtu që disa prej deputetëve janë ulur në dysheme, karrige të përmbysura, si dhe deputetë të tjerë që qendrojnë në këmbë.

Ndëkrohë ka nga ata deputetë që pijnë dhe cigare për të përballuar “stresin” që ju ka krijuar mazhoranca.

Kujtojmë që seanca e sotme plenare nuk u zhvillua pas deputetët e opozitës bllokuan foltoren dhe karriget e ministrave.

Ndëkrohë pas kërkesës së mazhorancës, 26 prej deputetëve të opozitës janë përjashtuar nga Komisiioni i Etikës për 10 ditë.

Deutetët e përjashtuar janë Sali Berisha, Flamur Noka, Albana Vokshi, , Xhelal Mziu, Gazment Bardhi, Bledion Nallbati, Edmond Spaho, Saimir Korreshi, Lindita Metaliaj, Ramadan Likaj, Luan Baçi, Lefter Gështenja, Ina Zhupa. Helidon Bushati, Isuf Çela, Asllan Dogjani, Bujar Leskaj, Lodovik Hasani, Tritan Shehu, Greta Bardeli, Dhurata Çupi, Sorina Koti, Kastriot Piroli, Kasëm Mahmutaj, Tomor Alizoti dhe Qani Xhafaj.

/AlbEu.com/

The post Mes territ dhe karrigeve të përmbysura, deputetët e PD ngujohen në Kuvend, ia marrin këngës së Adem Jasharit me cigare ne gojë (VIDEO) appeared first on Albeu.com.