Pista kryesore ku janë përqendruar hetimet e policisë janë mosmarrëveshjet që viktima ka pasur me partneren e tij, e cila ishte shqiptare dhe shkak për këtë ka qenë zhdukja e disa milionë eurove.

Në hetim, për identifikimin dhe kapjen e aitorëve është marrë edhe dëshmia e një personi, i cili ka qenë mik me biznesmenin grek dhe ditën që ky i fundit u vra, ata kanë qenë së bashku.

“Unë dhe Kristos e filluam biznesin së bashku. Shkonim në shtëpinë e tij për t’u ulur. U vonova pak, por e ndiqja në një distancë rreth 100 metra. Në një moment humba shikimin për shkak të rrugës dhe kthesave. Kam dëgjuar disa të shtëna. Kur mbërrita në rrugën Agia Aikaterini, pashë makinën e Kristos në flakë. Pranë tij pashë një motoçikletë me motor të madh me dy persona duke u larguar me shpejtësi të madhe. Nga distanca pashë dy persona me motor që po largoheshin. Por, kuptoni, nuk arrita t’ua shoh as fytyrat, as llojin e makinës, as numrin nga targat. Por më dukej se motoçikleta ishte një model i vjetër”, deklaroi shoku i viktimës për policinë.

Mediat greke shkruajnë se autorët donin të ishin absolutisht të sigurt se 59-vjeçari do të vdiste dhe nuk u ndalën tek breshëria me kallashnikovin por i vunë flakën edhe makinës së biznesmenit gjatë kohës që ishte brenda.

Oficerët që po hetojnë vrasjen do të presin rezultatet e ekzaminimit të kallashnikovit të gjetur në makinë, ndonëse flakët dhe uji i derdhur nga Shërbimi Zjarrfikës ka shumë të ngjarë të mos kenë lënë asnjë provë pas.

Kristos Jalias ishte një biznesmen tepër i njohur në Greqi. Ai ishte një ndër tregtarët më të mëdhenj të mishit në Greqi. Ai kishte edhe një fabrike boje si dhe ka qenë president i ekipit të futbollit të Trikallas.

Ai ishte martuar me një grua shqiptare nga Elbasani dhe kishte me të një fëmijë. Bashkëshortja e parë e tij ishte ekzekutuar në mënyrë misterioze në vitin 2018 dhe autorët nuk janë gjendur kurrë.

Emri i Jalas është përfshirë edhe në Shqipëri në disa aktivitete tregtare, import-eksport mallrash tregtie nga vendet e Amerikës latine drejt Shqipërisë me stacion ndërmjetës Athinën, tregti mishi, boje dhe blerje pronash.

Viktima ka qenë ortak jo zyrtar me Thimio Dobroniku, një shtetas shqiptar i ekzekutuar pak muaj më parë në Faliro të Athinës.

Dyshohet se pista kryesore është kontrabanda e cigareve dhe me gjasa autoret janë bandat e gjeorgjianëve që po ekzekutojnë gjithë eksponentët e mafies së trafikut të cigareve kontrabandë në Athinë./albeu.com

The post Detaje të reja nga ekzekutimi i biznesmenit grek: Sherri me gruan shqiptare për miliona euro dhe dëshmia e mikut appeared first on Albeu.com.

Sipas tij, autorët e ndoqën dhe ekzekutuan biznesmenin në një zonë të frekuentuar dhe pranë shtëpisë ku ndodheshin badigardët e tij.

“Ata kanë ndjerë të sigurt, por edhe me fat pasi gjithçka ka ndodhur pranë shtëpisë ku në çdo moment kur të shkonte ndonjëri prej badigardëve të tij. Duket e çuditshme që kanë patur një guxim të tillë, por edhe kanë lënë gjurmë duke ia lehtësuar punën policisë”, tha ai në mediat greke.

“Ndihmë, po më v*rasin”!

Policia po mbledh të gjitha faktet duke pyetur edhe ortakët e tij.

Mësohet se biznesmeni ishte duke komunikuar në telefon, teksa vrasësit i kanë prerë rrugën.

Gjatë telefonatës, ai i ka thënë shkurt: “Ndihmë! Po më v*rasin”.

Blutë e Athinës, kanë mësuar se ortaku tjetër ndodhej vetëm pak minuta pas makinës së Gialia-s dhe ka mbërritur aty shumë shpejt, por gjithçka kishte mbaruar pasi vrasësit i kishin vënë zjarrin edhe makinës me viktimën brenda pas ekzekutimit.

Shtëpia si fortesë

Gialia mbrohej për arsye që policia nuk i di ende. Ai jetonte në një shtëpi të kthyer në fortesë dhe me mbikëqyrje të fortë me kamera dhe roje.

Po ashtu, shtëpia kishte mure të larta mbrojtëse si edhe një kullë vëzhgimi.

Të gjitha këto nuk e kanë shpëtuar dot biznesmenin nga ekzekutimi.

Policia dyshon se vrasja e tij ka ndodhur në kuadër të luftës së mafias në Greqi, e cila prej 6-7 vitesh po sjell një numër të madh të vrarësh në Athinë dhe qytetet e tjera të mëdha.

The post Avokati zbulon detajet tronditëse nga ekzekutimi i biznesmenit appeared first on Albeu.com.

Ai u qëllua me 15 plumba brenda makinës së tij, të cilës më pas iu vu zjarri.

Sipas informacioneve të protothema.gr, drejtuesit e ELAS, të cilët trajtojnë çështjen po hetojnë të kaluarën e biznesmenit duke kërkuar njerëz që do të kishin arsye, profesionale apo financiare, për të kërkuar vrasjen e tij.

Në të njëjtën kohë, ata kanë marrë edhe deklarime nga dy shokë të 59-vjeçarit, në kërkim të informacioneve që mund t’i ndihmojnë në zhvillimin e hetimeve.

Një mik i tij është dëshmitari vendimtar pasi është i vetmi që mund të japë një përshkrim më të detajuar të asaj që ndodhi në minutat e fundit të biznesmenit të vrarë.

Shoku i 59-vjeçarit po fliste në telefon me biznesmenin, para se ky i fundit të vritej.

Sipas këtij personi, kur biznesmeni pikasi sulmuesit, tashmë ishte vonë dhe gjithçka që ai arriti të thoshte ishte “ndihmë, po më vrasin”.

Gjithashtu, policia po heton edhe veprimtarinë e biznesmenit, i cili ishte pronar i kompanive të tregtimit të mishit me qindra punonjës.

Në të njëjtën kohë, ai ishte pronar i tre skuadrave të futbollit, përkatësisht AO Trikala, Paneleussiniakou dhe Mandraikos, ndërkohë që dyshohet se ishte aktiv profesionalisht edhe në Shqipërinë fqinje.

Së fundmi, një vrasje e ndodhur dhjetorin e kaluar në Paleo Faliro ku viktimë mbeti një shqiptar po hetohet pasi raportohet se dy viktimat janë njohur me njëri-tjetrin. Mediet greke nuk kanë dhënë detaje se kush është shqiptari i ekzekutuar në dhjetor.

/albeu.com

The post “Ndihmë, po më vrasin”, fjalët e fundit të biznesmenit grek që u ekzekutua me 15 plumba, lidhja me shqiptarin e vrarë appeared first on Albeu.com.