Chris Sutton, një prej emrave të njohur të futbollit anglez, ka hedhur kritika të ashpra për rolin që Cristiano Ronaldo pati te përfaqësuesja e Portugalisë në Kupën e Botës 2026.

Ish-sulmuesi anglez vlerëson se kombëtarja portugeze nuk mundi të nxirrte në pah nivelin e saj real, pasi mbështetja e tepruar te ylli 41-vjeçar i kushtoi shumë skuadrës.

“Gonçalo Ramos luajti në fazën e 1/8-tës së finales në Botërorin e kaluar dhe shënoi një hat-trick, në momentin kur trajneri pati guximin ta linte Cristiano Ronaldon në stol”, është shprehur Sutton.

Më tej, ai shtoi: “Kanë kaluar katër vite, Ronaldo është katër vite më i vjetër dhe shikoni se çfarë ndodhi. Ata nuk arritën të performonin në nivelin e tyre pikërisht për shkak të tij”.

Rruga e Portugalisë në Kupën e Botës 2026 u ndal në fazën e 1/8-tës së finales, pas humbjes 0-1 përballë Spanjës.

Për Cristiano Ronaldon, ky kompeticion shihej si Botërori i fundit në karrierë, duke qenë se vetë sulmuesi kishte deklaruar më herët se nuk do të merrte më pjesë në këtë turne.

Pas komenteve të Sutton, është rihapur diskutimi nëse Portugalia duhej të kishte krijuar një ekip më pak të varur nga Ronaldo, apo nëse eksperienca dhe roli udhëheqës i njërit prej futbollistëve më të mëdhenj të historisë mbeteshin ende thelbësore për skuadrën.

The post Chris Sutton sulmon Ronaldon: Portugalia pagoi çmimin në Botërorin 2026 për varësinë ndaj tij appeared first on Albeu.com.

“Trajneri i Italisë, Luçiano Spaleti, ka ndaluar lojtarët e tij nga përdorimi i ‘play station’ gjatë Europianit, prandaj që tani është trajneri im preferuar i turneut. Ata na befasuan duke fituar Europianin e fundit, por do të ishte shumë mbresëlënëse nëse do të merrnin të dytin radhazi. Italia padyshim do të jetë e organizuar shumë mirë dhe ka disa lojtarë të talentuar me shumë influencë nga Interi, janë 5 lojtarë të kampionëve të Serisë A në skuadër.

Unë jam kritikuar shumë se kam thënë që Shqipëria është një nga ekipet surprizë, me sa duket shoh shumë si të tilla, por nuk duhet t’i marrësh lehtë ata. Shqipëria fitoi grupin kualifikues dhe luajnë një futboll thuajse direkt. Ata kanë zakonin që shënojnë gola spektakolarë dhe nuk do të kenë asgjë për të humbur përballë fituesve në fuqi, prandaj kjo nuk do të jetë një shëtitje për Italinë”, ishin fjalët e tij, duke parashikuar që ndeshja do të mbyllet me barazimin 1-1. /panorama

The post Eksperti i “BBC”-së pret surprizën: Itali-Shqipëri mbyllet 1-1 appeared first on Albeu.com.