Teksa vëmendja e botës së futbollit është përqendruar te ngjarjet e Kupës së Botës, nga merkato e verës ka ardhur një lajm i bujshëm i zbuluar nga specialisti i njohur i transferimeve, Fabrizio Romano.

Sipas tij, Robert Lewandowski do t’i japë fund aventurës së tij në futbollin evropian për ta vijuar karrierën përtej Atlantikut.

Romano ka përdorur shprehjen e tij karakteristike “Ja ku jemi”, një sinjal i qartë se marrëveshja është përfunduar dhe tashmë pritet vetëm konfirmimi zyrtar nga klubet.

Destinacioni i ri i sulmuesit polak do të jetë Chicago Fire në MLS. Po sipas informacioneve të Romano-s, Lewandowski ka qenë fshehurazi në Çikago dy javë më parë, ku ka parë nga afër ambientet e klubit.

Gjatë kësaj vizite, ai ka mbetur i kënaqur si nga projekti i paraqitur, ashtu edhe nga vetë qyteti, duke miratuar kështu përmbylljen e transferimit.

Firmosja zyrtare e kontratës pritet të bëhet në fillim të kësaj jave, moment që do të shënojë edhe nisjen e një etape të re në karrierën e tij të pasur.

Pasi ka lënë gjurmë në Bundesligë me Borussia Dortmund dhe Bayern Munich, si edhe ka kaluar sezone në La Liga me Barcelonën, Lewandowski tani zhvendoset në SHBA si një prej emrave më të mëdhenj që i shtohen MLS-së.

Kalimi i tij te Chicago Fire merr rëndësi të veçantë edhe për shkak të pranisë së madhe të komunitetit polak në qytet, faktor që pritet ta kthejë menjëherë në një figurë shumë të pëlqyer nga tifozët dhe të sjellë stadiume të mbushura që në ndeshjet e para.

Kjo lëvizje vlerësohet si një nga transferimet më të rëndësishme në historinë e Chicago Fire, si edhe një tjetër tregues i qartë i rritjes së vazhdueshme të MLS-së në afrimin e yjeve të futbollit botëror.

The post Lewandowski drejt Chicago Fire, marrëveshja e mbyllur dhe zyrtarizimi pranë appeared first on Albeu.com.

Raporti thekson se 37-vjeçari zhvilloi javën e kaluar një takim me drejtuesit e skuadrës amerikane, me qëllim që të njihej më nga afër me projektin sportiv të klubit.

Pas disa ditësh reflektimi dhe pasi shqyrtoi alternativat që kishte në dispozicion, ai ka miratuar kalimin te ekipi nga Çikago.

Ndonëse kishte në tavolinë oferta shumë të leverdishme financiarisht nga klube të Saudi Arabia, Lewandowski ka zgjedhur të vijojë rrugëtimin e tij në Major League Soccer, aty ku synon të luajë vitet e fundit të karrierës si futbollist profesionist.

Mësohet se ai ka rënë dakord për një kontratë dyvjeçare me Chicago Fire, me opsionin që marrëveshja të zgjatet edhe për një sezon tjetër.

Sipas burimeve, përfitimi i Lewandowskit do të jetë afërsisht 10 milionë euro neto për sezon, ndërsa klubi i ka propozuar edhe një rol ambasadori pasi të mbyllë karrierën si lojtar.

The post Robert Lewandowski vendos për destinacionin e radhës, kalimi te Chicago Fire pritet të zyrtarizohet së shpejti appeared first on Albeu.com.

Sulmuesi është shprehur i lumtur për këtë transferimin dhe shpreson të japë më të mirën në MLS.

“Faleminderit për të gjithë që keni ardhur. Është një eksperiencë e re për mua, pasi erdha në ShBA. Gjithmonë kam qenë një admirues i MLS-së. Siç e dini unë isha tek Lyoni dhe isha duke luajtur për gjashtë muaj, andaj jam i gatshëm.”

“Në fund, trajneri do të vendos për gjërat tjera, por unë jam i gatshëm dhe do të shohim se çfarë dot ë ndodhë, por unë jam këtu për të fituar”, ka deklaruar Shaqiri në konferencë për media. /albeu.com

The post Shaqiri flet për herë të parë si lojtari i Chicago appeared first on Albeu.com.

Shaquru tha se ardhur për fitore dhe trofe në klubin amerikan, si dhe për të sjell përvojën e tij.

“Kjo është për mua gjëja më e rëndësishme në fund të ditës, të punoj shumë në fushë dhe të përpiqemi me këtë ekip, së bashku si ekip, me Georgin së bashku, të jemi të suksesshëm”- tha Shaqiri për Chicago Sun-Times.

“Ky është qëllimi im, të sjell këtë përvojë nga Evropa. Të përpiqemi të fitojnë ndeshje dhe t’u japim besim lojtarëve, të përpiqemi të fitojnë trofe, të sjellim trofe te Chicago”, deklaroi Shaqiri.

Shaqiri e ka fituar Ligën e Kampionëve me Bayern Munich dhe Liverpool, ndërsa me klubin anglez ai po ashtu fitoi titullin e kampionit në Ligën Premier, titull që erdhi për klubin pas 30 vitesh.

“Kurrë nuk e kam menduar se populli amerikan më njeh aq mirë dhe do të ishte kështu. Ata (tifozët) janë duke u çmendur. Ata janë vërtet të lumtur që erdha në këtë klub. E vlerësoj këtë dhe shpresoj se edhe unë do të mund t’i bëj ata shumë të lumtur në fushë. Unë e di se çfarë mund të bëj”.

“Erdha që të jem i suksesshëm, të punoj shumë dhe të përpiqem të fitoj trofe me këtë klub”, e ka mbyllur Shaqiri intervistën e tij për mediumin amerikan.

The post Intervista e parë e Shaqirit pas kalimit te Chicago Fire: Nuk e besoja që isha kaq i famshëm në SHBA appeared first on Albeu.com.

E ardhmja e lojtarit me origjinë nga Kosova duket largë nga Evropa, në SHBA. Lyon ka njoftuar zyrtarisht se ka autorizuar lojtarin për të diskutuar detajet e një marrëveshjeje të mundshme me një klub nga MLS.

Sipas thashethemeve që viojnë nga SHBA, klubi në fjalë është Chicago Fire./ h.ll/albeu.com

The post Shaqiri dëshiron të largohet nga Lyon, në kontakte intensive me një klub nga MLS appeared first on Albeu.com.