Chelsea-Bournemouth Archives - Albeu.com

VIDEO/ Havertz e Mount kalojnë me lehtësi “qershitë” në “Stamford Bridge”

E S — Tue, 27 Dec 2022 19:40:24 +0000

Chelsea nuk është lodhur aspak në “Stamford Bridge”, teksa ka mundur me rezultatin e pastër 2 me 0, Bournemouth në një përballje që nuk pati shumë emocion.

Me fillim e lojës, djemtë e Potter u hodhën menjëherë në sulm, duke kërkuar golin që nga minuta e parë e ndeshjes. Mirëpo do të ishte Kai Havertz, i cili hapi siparin e golave në minutën e 14’, pas një krosimi të ulët nga Raheem Sterling në krahun e djathtë. Goli i dytë nuk do të vononte ku vetëm 8 minuta më pas, në të 24’-tën, Mason Mount shënon më një goditje fantastike jashtë zonës së “qershive”, duke vulosur fatet e ndeshjes.

“Blutë” arritën të shënonin dhe golin e tretë, me anë të Christian Pulisic, por goli u anullua në mënyrë të menjëhershme më anë të sistemit VAR.

Pjesa e dytë nuk ndryshoi asgjë me lojtarët e Bournemouth që u munduan të bënin “mrekullinë”, por pa ia dalë dot të mposhtnin portierin Kepa.

Me këtë fitore Chelsea shkon në kuotën e 28 pikëve dhe momentalisht pozicionohet në vendin e 8-të në kampionat. /albeu.com

The post VIDEO/ Havertz e Mount kalojnë me lehtësi “qershitë” në “Stamford Bridge” appeared first on Albeu.com.

VIDEO/ Zhbllokohet sfida, Havertz gëzon tifozat në “Stamford Bridge”

E S — Tue, 27 Dec 2022 17:53:54 +0000

Ekipit të Chelsea i janë dashur vetëm 15 minuta për të zhbllokuar sfidën ndaj Bournemouth.

Pas një kundërsulmi fantastik të “bluve”, Sterling kroson një top ultazi nga krahu i djathtë, për gjermanin Kai Havertz, i cili para porte nuk di të gabojë dhe kalon të tijët në avantazh.

/albeu.com

The post VIDEO/ Zhbllokohet sfida, Havertz gëzon tifozat në “Stamford Bridge” appeared first on Albeu.com.

Formacionet zyrtare Chelsea-Bournemouth: Pulisic, Havertz e Sterling në sulm për 3 pikë “evropiane”

E S — Tue, 27 Dec 2022 16:58:23 +0000

Pas pak minutash në “Stamford Bridge”, Chelsea do të përballet me Bournemouth në një ndeshje të vlefshme për javën e 17-të, të Premier League.

Tekniku Graham Potter ka përzgjedhur formacionin 4-3-3 për “blutë” e tij, ku në portë është vendosur Kepa e para tij Cucurella, Thiago Silva, Koulibaly dhe Reece James të vendosur rrespektivisht nga e majta në të djathtë. Mesfusha me 3 përbëhet nga Mount, Zakaria dhe Jorginho, ndërsa “tridenti” i sulmit plotësote nga Pulisic, Sterling dhe Kai Havertz në majën e sulmit.

Në anën tjetër tekniku i “qershive”, Gary O’niel ka përdorur formacionin klasik 4-4-2 me Travers në portë, Smith, Senesi, Kelly dhe Zemura në mbrojtje, Stacey, Cook, Lerma dhe Billing në mesfushë e në majë të sulmit dyshja Solanke-Moore.

Aktualisht “blutë” e Londrës ndodhen në vendin e 9-të në renditje, me 21 pikë dhe një fitore sot mund t’i jepte një “shtytje” të lehtë, në garën për një kompeticion Evropian sezonin tjetër. /albeu.com

The post Formacionet zyrtare Chelsea-Bournemouth: Pulisic, Havertz e Sterling në sulm për 3 pikë “evropiane” appeared first on Albeu.com.