Spanja e fitoi titullin e kampiones së botës për herë të dytë në historinë e saj, me qëndrueshmërinë e jashtëzakonshme në mbrojtje që u shndërrua në një prej faktorëve vendimtarë të triumfit.

Ekipi i drejtuar nga Luis de la Fuente u tregua thuajse i pakalueshëm gjatë Kupës së Botës 2026, pasi e mbylli të gjithë turneun me vetëm një gol të pësuar.

Një rol kryesor në këtë arritje pati Unai Simón. Portieri spanjoll nuk pësoi gol për 650 minuta radhazi, duke regjistruar serinë më të gjatë pa u mposhtur ndonjëherë në historinë e Kupës së Botës.

Paraqitjet e tij u vlerësuan me çmimin “Doreza e Artë”, që iu dha si portieri më i mirë i turneut.

Rekordi i Unai Simónit u ndërpre në çerekfinalen kundër Belgjikës. Charles De Ketelaere shënoi me kokë dhe barazoi përkohësisht rezultatin, duke u bërë i vetmi lojtar që depërtoi mbrojtjen spanjolle gjatë gjithë Botërorit.

Spanja e dha menjëherë përgjigjen dhe e fitoi takimin me rezultatin 2-1, për të vijuar më pas marshimin drejt trofeut të kampionit të botës.

Forca e repartit defensiv mbështetej te organizimi i shkëlqyer i skuadrës. Pau Cubarsí, i cili u shpall “Lojtari më i mirë i ri” i turneut, formoi së bashku me Aymeric Laporte një dyshe mbresëlënëse në qendër të mbrojtjes.

Kontributi i tyre, i kombinuar me ndërhyrjet vendimtare të Unai Simónit, bëri që kundërshtarët të krijonin shumë pak mundësi gjatë të gjithë garës.

Kështu, De Ketelaere përfundoi Botërorin si i vetmi futbollist që gjeti rrjetën përballë Spanjës. Lionel Messi, Kylian Mbappe, Cristiano Ronaldo, Ousmane Dembele, Romelu Lukaku dhe Julián Álvarez ishin mes emrave të mëdhenj që nuk arritën ta mposhtnin portierin spanjoll gjatë rrugës së kampionëve drejt titullit.

The post Futbollisti i vetëm që mposhti prapavijën e pathyeshme të Spanjës në Botëror appeared first on Albeu.com.

Pas mbylljes së ndeshjeve të fazës së 1/8-tës, është përpiluar formacioni më i mirë në skemën 4-2-3-1, i përbërë nga futbollistët që u dalluan me paraqitjet e tyre dhe patën rol të drejtpërdrejtë në kualifikimin e kombëtareve përkatëse në çerekfinalet e Kupës së Botës 2026.

Kjo fazë prodhoi emocione të mëdha, surpriza në rezultate dhe performanca individuale që rezultuan vendimtare në çastet kyçe të ndeshjeve.

Nga ndërhyrjet vendimtare të portierëve te qëndrueshmëria në mbrojtje, kontrolli dhe imagjinata në mesfushë, si edhe konkretizimi në repartin ofensiv, disa lojtarë u veçuan qartë dhe i udhëhoqën kombëtaret e tyre drejt fazës çerekfinale të Kupës së Botës 2026.

Mes shtyllave është përzgjedhur norvegjezi Orjan Nyland, i cili me pritjet e tij vendimtare u bë një nga figurat kryesore të kualifikimit historik të Norvegjisë.

Në vijën e mbrojtjes bëjnë pjesë Noussair Mazraoui, Cristian Romero, Nico Elvedi dhe Achraf Hakimi, katër futbollistë që spikatën për sigurinë në lojë, ndërhyrjet e rëndësishme dhe ndikimin e tyre të madh në të dy drejtimet e fushës.

Në mesin e fushës janë vendosur Azzedine Ounahi dhe Jude Bellingham, të cilët u imponuan me energjinë, menaxhimin e lojës dhe ndikimin në ritmin e takimeve.

Përpara tyre qëndrojnë Andreas Schjelderup, Charles De Ketelaere dhe Lionel Messi, tre emra që shkëlqyen me gola, asistime dhe çaste magjike, duke qenë mes protagonistëve më të mëdhenj të këtij raundi.

Në krye të sulmit është Erling Haaland, që e udhëhoqi Norvegjinë drejt një kualifikimi historik dhe rikonfirmoi edhe një herë se mbetet një nga sulmuesit më të rrezikshëm të futbollit botëror.

Ky formacion 4-2-3-1 përmbledh lojtarët që lanë gjurmën më të thellë në fazën e 1/8-tës dhe që me paraqitjet e tyre u bënë vendimtarë në rrugëtimin e kombëtareve drejt tetë më të mirave të Botërorit 2026.

The post Formacioni ideal i fazës së 1/8-tës: 11 lojtarët që çuan kombëtaret e tyre në çerekfinalet e Kupës së Botës 2026 appeared first on Albeu.com.

Agjenti i mesfushorit, Tom De Mul ka thënë për mediat se kuqezinjtë duhet të besojnë te ky lojtar, pasi do arrijë të përshtatet.

“Milan beson te ky lojtar. Ai e di që të gjithë po e gjykojnë shumë sepse ishte transferimi më i madh i Milanit, por ai gjithashtu e kupton se mund të japë edhe më shumë se kaq. Ai e di, si të gjithë ne, që ka cilësitë për të qenë i suksesshëm. Ai nuk është talenti i parë që ka nevojë për një periudhë përshtatjeje në një klub të madh evropian” – tha ai.

The post U cilësua një dështim, agjenti i De Ketelaere: Shumë shpejt do të shkëlqejë te Milani appeared first on Albeu.com.

Ai do të realizojë ekzaminimet mjekësore sot dhe do të zhvendoset pasdite për të firmosur kontratën e tij për të filluar një aventurë të re në Itali.

De Keteleare mbërriti në Milano në orët e para të mëngjesit./ h.ll/albeu.com

?? #Milan, è il giorno delle visite mediche per Charles #DeKetelaere:
? @AntoVitiello pic.twitter.com/R0phcQ7Dza

— TUTTOmercatoWEB (@TuttoMercatoWeb) August 2, 2022

The post De Ketelaere mbërrin në “Madonnina”, belgu gati për vizitat mjekësore (VIDEO) appeared first on Albeu.com.

“Dua të falënderoj Club Bruges që më dha mundësinë që kur isha fëmijë të bëj pjesë në radhët e tyre duke bërë realitet ëndrrat e mia, që më keni trajnuar si lojtar profesionist. Faleminderit shumë për gjithçka,” shkruan De Ketekaere.

Pritet që ditën e nesërme lojtari të kryejë vizitat mjekësore te klubi i Milanit dhe pas nënshkrimi i kontratës dhe prezantimi./albeu.com

I want to thank Club Bruges for giving me the opportunity since I was a child to belong to their ranks, for making my dreams come true, for having trained me as a professional player. Thank you so much for everything.?? pic.twitter.com/ikoQDAcOuk

— Charles De Ketelaere (@C_De_Ketelaere) August 1, 2022

The post De Ketelaere i thotë lamtumirë Club Bruges appeared first on Albeu.com.