Për ditëlindjen e 45-të të aktorit hollivudian, Inka i dedikoi një postim të ndjerë në InstaStory, duke ndarë një kolazh fotosh intime dhe plot jetë nga momentet e tyre së bashku: përqafime, buzëqeshje, pushime dhe lojëra me qentë. Një përzierje perfekte e dashurisë dhe spontanitetit.

“Gëzuar ditëlindjen për njeriun më të pashëm, më të sjellshëm, më qesharak, më “budalla”, më të mrekullueshëm ndonjëherë”, shkroi ajo, duke e përfunduar me një “JTM trop fort” – fraza franceze që i bie “Të dua shumë”.

Lidhja e tyre ishte përfolur që në shkurt, kur u panë së bashku në një festë para-Oscars në Los Angeles, vetëm pak muaj pasi Tatum i kishte dhënë fund fejesës me Zoë Kravitz në tetor 2024.

Tashmë duket se gjërat janë më serioze. Një burim pranë aktorit tha se Channing po kalon një periudhë shumë të mirë dhe se Inka e bën të ndihet vërtet i lumtur.

Ndërkohë, përkrah karrierës në rritje dhe romancës së re, aktori mbetet i përkushtuar edhe në rolin e babait – ai ka një vajzë 11-vjeçare, Everly, nga martesa me Jenna Dewan.

The post Channing Tatum zyrtarizon lidhjen me Inka Williams: “Jeta është më e bukur me ty” appeared first on Albeu.com.