Në stadiumin “Stadion Celje” ka nisur sfida e kthimit mes Celjes dhe Egnatias, e vlefshme për fazën e dytë kualifikuese të Champions League. Skuadrat vijnë pas një barazimi dramatik 3-3 në ndeshjen e parë, çka e bën këtë takim thelbësor për të vendosur se cila prej tyre do të avancojë më tej.

Arbitri holandez Joey Kooij është gjyqtari kryesor i këtij dueli, i cili do të përcaktojë fatin e të dyja ekipeve në kompeticionin më të rëndësishëm europian për klube.

Skuadra vendase, e drejtuar nga trajneri Vitor Campelos, zbret në fushë me një formacion 4-3-3: Leban në portë; mbrojtja përbëhet nga Sirvys, Hrka, Tutyskinas dhe Koutris; në mesfushë aktivizohen Kvesic, Daniel dhe Zabukovnik; ndërsa tresha sulmuese formohet nga Seslar, Kucys dhe M.Avdyli.

Ndërkohë, Egnatia e Nevil Dedes luan me një skemë 3-5-2, duke u mbështetur te Dajsinani në portë dhe treshes së prapavijës Xhemajli, Bitri e Sota. Në mesfushë rreshtohen Yago, Fernando, Kryeziu, Loukili dhe Jaime, teksa dyshja e sulmit përbëhet nga Adjessa dhe Albanese.

Topi i parë është shkelmuar në orën 20:00, duke i dhënë jetë një përballjeje që pritet të jetë e luftuar deri në sekondën e fundit.

The post Përballja vendimtare në Slloveni për një vend në raundin tjetër të Champions League, starton dueli Celje – Egnatia (VIDEO) appeared first on Albeu.com.

Egnatia duhet të fitojë në Slloveni, pasi vetëm ky rezultat do t’i mbante gjallë shpresat për të vazhduar rrugëtimin në Champions League.

Skuadra e drejtuar nga Nevil Dede ka udhëtuar drejt Sllovenisë pas barazimit 3-3 në Rrogozhinë dhe po zhvillon përgatitjet e fundit për përballjen me NK Celje. Ndeshja do të luhet nesër, duke nisur nga ora 20:15, në “Z’dezele Stadium”.

Gjashtë golat e shënuar në takimin e parë dhuruan një sfidë përgjithësisht spektakolare, ndaj pritet që edhe dueli i kthimit të ketë një rrjedhë të ngjashme. Kampionët e Shqipërisë do të luajnë gjithçka për gjithçka në këtë përballje.

Nëse rrogozhinasit triumfojnë në këtë duel, do të realizonin një tjetër hap të rëndësishëm në aventurën evropiane. Në skenarin më të favorshëm, edhe nëse rrugëtimi i tyre në Champions do të përfundonte, ata do të afroheshin ndjeshëm me grupet e Conference League.

The post Egnatia kërkon në Slloveni fitoren që e mban në garë për kualifikimin në Champions League appeared first on Albeu.com.

Ndeshja e parë e turit të dytë kualifikues të Champions League mes Egnatias dhe Celjes u mbyll në barazim 3-3. Përballja, e luajtur mbrëmjen e djeshme në stadiumin e Rrogozhinës, dhuroi spektakël dhe gjashtë gola.

Takimin në “Arena Egnatia” e ndoqi nga afër edhe presidenti i Federatës Shqiptare të Futbollit, Armand Duka. Pas përfundimit të sfidës, kreu i FSHF-së reagoi në rrjetet sociale, ku vlerësoi paraqitjen e skuadrës rrogozhinase dhe atmosferën e krijuar nga tifozët.

“Atmosfera fantastike e krijuar nga tifozët në Rrogozhinë dhe paraqitja e Egnatias në këtë përballje të fortë europiane më bëjnë krenar. Rezultati 3-3 kundër Çeljes e mban gjithçka të hapur. Egnatia zotëron cilësinë dhe potencialin e nevojshëm për të luftuar deri në fund për kualifikimin”, shkruan Duka.

The post Champions League dhuron spektakël në Rrogozhinë, Armand Duka: Krenar për Egnatian dhe tifozët appeared first on Albeu.com.

Një ndeshje e jashtëzakonshme në Rrogozhinë mes Egnatias dhe Celjes u mbyll në shifrat 3-3, në kuadër të turit të dytë kualifikues të Champions League. Sfida ofroi emocione të forta dhe gola nga të dyja palët, ndërsa pas përfundimit të saj, opinionin e tij e dha edhe mesfushori Altin Kryeziu.

Ai u shpreh se ekipi e nisi mjaft mirë takimin, duke ruajtur një balancë në fushë. Sipas tij, momenti i pësimit të golit të parë ndikoi disi në ritmin e skuadrës, megjithatë në fraksionin e dytë, pavarësisht se kundërshtarët fituan shumë duele për topa të dytë, skuadra tregoi forcë mendore duke u rikthyer dy herë në lojë. Kryeziu theksoi me bindje se objektivi për ndeshjen e kthimit është i qartë: Egnatia do të udhëtojë në Slloveni me synimin për të marrë fitoren.

Në lidhje me rolin e tij taktik, mesfushori sqaroi se ndjek me përpikëri udhëzimet e trajnerit. Ai vuri në dukje se Celje zotëron një repart ofensiv të rrezikshëm, prandaj loja u bazua në tranzicione të shpejta. Kur mbrojtësit kundërshtarë përqendrohen për t’a neutralizuar atë, Kryeziu beson se kjo gjë krijon automatikisht shtigje të lira për shokët e tjerë të ekipit.

The post Egnatia nuk dorëzohet pas spektaklit me 6 gola, Altin Kryeziu: Në Slloveni synojmë triumfin appeared first on Albeu.com.

Një ndeshje me shumë emocione dhe gola është luajtur në Rrogozhinë, ku Egnatia dhe Celje u ndanë në barazim 3-3, në përballjen e parë të raundit të dytë eliminues të Ligës së Kampionëve. Pas takimit, ka folur për mediat mbrojtësi i skuadrës shqiptare, Eneo Bitri.

Ai theksoi se shënimi i golave tashmë është kthyer në një praktikë të përvitshme për të dhe shpreson ta ruajë këtë formë të mirë. Bitri shtoi se pozicionimi i tij në fushë është gjithmonë i saktë, aty ku e kërkon situata. Që nga momenti i transferimit të tij, objektivi ka qenë i qartë: të paktën pjesëmarrja në Conference League. Ai zbuloi se presidenti Agim Demrozi i ka siguruar të gjitha premisat e nevojshme, duke e gjetur klubin në gjendje kampioneje si në aspektin sportiv ashtu edhe në atë organizativ, gjë që e sheh si arsyen kryesore të hapave përpara që po hedh Egnatia.

Duke analizuar rrjedhën e lojës, Bitri vlerësoi ndikimin e hyrjes së Adjessas, profili i ndryshëm i të cilit në krahasim me Bakayokon solli njëfarë rregullimi në fraksionin e dytë të ndeshjes. Sipas tij, përparësia absolute e Egnatias duhet të jetë mospranimi i golave, përpara se të mendojnë për fazën sulmuese. Ai u shpreh se skuadra humbi shumicën e dueleve për topin e dytë, me përjashtim të golit të dytë që erdhi nga një moment shpërqendrimi.

Duke hedhur vështrimin drejt sfidës së kthimit, mbrojtësi është i bindur se do të jetë një histori krejt tjetër. Lidhur me alternativat që ka në dispozicion trajneri, Bitri theksoi se lojtarët e ardhur rishtazi që ishin në bankinë kanë cilësi thuajse të barasvlershme me titullarët. Për sa i përket gjendjes fizike, ai garantoi se i gjithë grupi është në formën maksimale dhe gati për të dhënë kontributin e vet në terren.

The post Eneo Bitri flet pas spektaklit në Champions: Presidenti Demrozi më përmbushi kushtet, jam gjithmonë në vendin e duhur appeared first on Albeu.com.

Egnatia dhe Celje ofruan një takim me shumë emocione në sfidën e parë të raundit të dytë kualifikues të Ligës së Konferencës. Dueli që u luajt në Rrogozhinë u mbyll në barazim 3-3, një rezultat që lë gjithçka të hapur. Pas përfundimit të përballjes, një nga protagonistët ishte sulmuesi shqiptar që mban fanellën e kampionëve të Sllovenisë, Milot Avdyli, i cili ndau mendimet e tij për atë që ndodhi në fushë.

“Duke pasur parasysh stilin e lojës që aplikon Egnatia, përballja ishte mjaft e ndërlikuar për ne,” vlerësoi Avdyli. “Për publikun ishte një ndeshje e këndshme, plot me rrjeta. Ne e dinim se kundërshtari ynë disponon elementë të talentuar dhe mbrojtës fizikisht të fortë si Eneo Bitri, të cilin e kam takuar edhe më parë. Ishim të vetëdijshëm për vështirësitë, por duke parë grupin që kemi, unë mendoja se fitorja do të ishte në anën tonë. Megjithatë, ndodhi kështu.”

Sulmuesi i Celjes bëri një analizë të detajuar të ecurisë së sfidës, duke pranuar se fillimi i takimit i përkiste vendasve. “Gjysmë ore e parë foli qartë në favor të Egnatias. Më vonë arritëm të identifikonim pikat e dobëta të tyre. Në fragmentin e dytë të ndeshjes, ritmi i lojës ishte disi më tepër në kontrollin tonë,” shpjegoi ai. “Siç mund ta dini, unë jam i profilizuar të luaj në krahun e djathtë, por këtë radhë e fillova si anësor i majtë dhe kjo më kushtoi në aspektin e rrezikshmërisë. Në çerekun e fundit të minutave, u zhvendosa në pozicionin tim natyral dhe arrita të shfaqesha më mirë.”

Avdyli nuk e fsheh aspak besimin për ecurinë e skuadrës së tij në këtë kompeticion, duke u shprehur qartë për raportin e forcave. “Duke gjykuar nga shorti dhe objektivat kryesorë që kemi, unë mendoj se ndaj Egnatias jemi ne favoritët. Synimi ynë është të shkojmë sa më thellë në Ligën e Kampionëve. Shpresoj fort që ta fitojmë titullin kampion, pasi kemi krijuar të gjitha premisat dhe kemi një skuadër të plotë. Sa i përket rrugëtimit tim personal, dua t’i kryej mirë këto përballje europiane dhe më vonë të shohim zhvillimet. Edhe nëse do të qëndroj te Celje, ndihem i lumtur.”

I pyetur në lidhje me momentin që po kalon skuadra sllovene, ai pranoi se niveli i paraqitjeve nuk është ende në maksimum. “Ne nuk jemi në 100 përqind të potencialit tonë, ashtu siç ishim sezonin e kaluar. Megjithatë, besoj me forcë se në sfidat e ardhshme do të paraqitemi dukshëm më mirë,” përfundoi sulmuesi shqiptar i Celjes.

The post “Besoj se jemi më favoritë se Egnatia”, rrëfimi i Avdylit pas spektaklit 3-3 në Rrogozhinë: 30 minutat e para ishin të tyre, ja pse pata vështirësi në fillim appeared first on Albeu.com.

Champions League ka zbritur në Rrogozhinë, ku Egnatia pret Celjen në ndeshjen e parë të turit të dytë. Sfida e arbitruar nga turku Atilla Karaoglan po luhet në stadiumin “Arena Egnatia” dhe ka nisur me rrjeta të paprekura.

Nevil Dede ka përzgjedhur një formacion 3-5-2 për vendasit, me Dajsinanin në portë dhe treshen Sota, Bitri, Xhemajli në mbrojtje. Në mesfushë aktivizohen Jaime, Loukili, Kryeziu, Medeiros dhe Yago, ndërsa dyshja e sulmit përbëhet nga Albanese dhe Bakayoko.

Nga krahu tjetër, trajneri Vitor Campelos i beson skemës 4-3-3 për kampionët e Sllovenisë. Leban qëndron në portë, me Koutris, Hrka, Vuklisevic dhe Diounkou në vijën e prapme. Mesfusha mbështetet te Seslar, Kvesic dhe Daniel, teksa tresha ofensive përbëhet nga Dukuly, Kucys dhe M.Avdyli.

Minuta e parë ka sjellë startin zyrtar të këtij përballjeje, me topin që ka nisur të rrotullohet në fushën e Rrogozhinës. Egnatia shpreson të nxjerrë një rezultat pozitiv përpara sfidës së kthimit.

The post Egnatia synon të befasojë në Champions ndaj skuadrës sllovene, starton dueli në stadiumin e Rrogozhinës (VIDEO) appeared first on Albeu.com.

Egnatia 1-0 Petrocub (1-1)

Shënues: Bitri 2’

Champions League, raundi i parë kualifikues, ndeshja e kthimit. Sfida luhet në stadiumin “Arena Egnatia” dhe drejtohet nga arbitri Philip Farrugia nga Malta.

Kampionët e Shqipërisë e kanë nisur në mënyrën më të mirë përballjen e kthimit me Petrocub. Bitri realizoi për Egnatian në minutën e 2’, duke i dhënë avantazhin skuadrës rrogozhinase.

Në minutën e 1’ u luajt topi i parë në Rrogozhinë, aty ku Egnatia dhe Petrocub nisën duelin e kthimit.

Formacioni i Egnatias: Dajsinani, Yago, Xhemajli, Bitri, Sota, Jaime, Kryeziu, Fernando, Loukili, Bakayoko, Albanese. Trajner: Nevil Dede.

Formacioni i Petrocub: Avram, Puscas, Jardan, Guera Djou, Cucos, Pascari, Rotaru, S.Platica, Popescu. Trajner: Shota Makharadze.

The post Egnatia gjen golin që në minutën e dytë ndaj Petrocub, Bitri ndez “Arena Egnatia” në Champions League appeared first on Albeu.com.

Egnatia do të luajë sonte në orën 21:00 përballë Petrocub, kampionëve të Moldavisë, në stadiumin “Arena Egnatia”, në sfidën e kthimit të raundit të parë eliminator të UEFA Champions League.

Ekipi i Nevil Dedes u rikthye nga transferta me një barazim thelbësor 1-1, rezultat që i mban shpresat e kualifikimit plotësisht të gjalla.

Sfida e parë nisi me një goditje të rëndë për rrogozhinasit, të cilët pësuan gol që në sekondat e para të takimit. Megjithatë, skuadra shqiptare nuk u dorëzua dhe baraspeshën e gjeti me anë të Altin Kryeziut.

Pavarësisht se mbetën me dhjetë lojtarë gjatë gjithë pjesës së dytë, kampionët e Shqipërisë treguan një personalitet të fortë dhe mbrojtën me sukses barazimin, duke e bërë këtë rezultat edhe më të vlefshëm.

Tani fati i tyre në kompeticionin më të rëndësishëm europian për klube do të përcaktohet në duelin vendimtar para publikut vendas, ku synohet një tjetër hap pozitiv.

Një kalim në raundin tjetër do të përfaqësonte një arritje të jashtëzakonshme për klubin dhe një shtytje të madhe për imazhin e futbollit shqiptar në Evropë.

The post Barazimi në Moldavi i hap rrugën kualifikimit, Egnatia kërkon vendimin final në Rrogozhinë appeared first on Albeu.com.

Petrocub 1-0 Egnatia

Takimi luhet në kuadër të kualifikueseve të Champions League në stadiumin “Zimbru”. Drejtësinë në këtë përballje e vendos arbitri kazak Sayat Karabayev.

Janë publikuar edhe formacionet zyrtare të ndeshjes.

Petrocub rreshtohet me Avram; Jardan, Bors, Djou, Cucos, Platica, Bogaciuc, David, Puscas, Lupan, Popescu.

Trajner: Shota Makharadze.

Egnatia zbret në fushë me Dajsinani; Sota, Bitri, Xhemajli, Jaime, Kryeziu Aleksi, Medeiros, Yago, Gruda, Bakayoko.

Trajner: Nevil Dede

LIVE

1’ Në Moldavi jepet starti i sfidës Petrocub – Egnatia, me topin e parë të luajtur.

The post Petrocub i befason kampionët e Shqipërisë që në 40 sekondat e para, moldavët kalojnë në epërsi ndaj Egnatias (VIDEO) appeared first on Albeu.com.