cfare te beni Archives - Albeu.com

Doni të keni djalë? Dr. Shkëlqim Balili tregon metodën aziatike që bën ëndrrën tuaj realitet

A M — Thu, 15 Dec 2022 11:54:12 +0000

Gjίnekologu i njohur Shkëlqim Balili ishte i ftuar ditën e sotme në “Shije Shtëpie” ku foli për planifikimin familjar dhe shpjegoi cilat janë ato tre gjëra ku çiftet mund të bazohen që të ndikojnë në përcaktimin e gjinisë së fëmijës së tyre. Megjithatë, nëse shkenca ju duket e vështirë, ai solli shembullin e një mίti me origjinë aziatike që është formuluar në teorinë e grupit të gjakut të partnerëve dhe mund të jetë një metodë për të lindur djalë.

Shkëlqim Balili: Ka edhe disa mίte të tjera që varet, por nuk janë të sigurta, që varet nga grupi i gjakut. Dihet që grupi i gjakut te meshkujt dhe te femrat çdo 4 vjet rinovohet. Kur marrëdhënie kryhet kur ti ke gjakun e ri, kjo është një metodë japoneze, kineze, krijon mundësinë që të bësh djalë, edhe te mashkulli, edhe te femra.

Katerina Trungu: Është formulë?

Shkëlqim Balili: Është formulë, ka disa tabela dhe femra nëse ka gjakun e ri ajo mund të bëjë djalë.

Katerina Trungu: Duhet ta kishim provuar doktor, vërtet, të kishim marrë laps e letër.

The post Doni të keni djalë? Dr. Shkëlqim Balili tregon metodën aziatike që bën ëndrrën tuaj realitet appeared first on Albeu.com.

11 gjërat që nuk duhet t’i bëni kurrë gjatë rrufeve!

A M — Thu, 09 Jun 2022 14:54:58 +0000

Shqipëria është përfshirë nga moti i keq gjatë ditës së sotme, ku mjaft zona janë përmbytur, ndërsa gjatë orëve të pasdites u shënua edhe një viktimë për shkak të shkarkesave elektrike. Ndërkohë, raportohet për përmbytje sporadike në Tiranë, Durrës, Lezhë, Mamurras dhe Gramsh, ku uji ka pushtuar rrugët për shkak të intensitetit të lartë të reshjeve të shiut.

Kjo nuk do të thotë se duhet të bini në panik sa herë që të fillojë të gjëmojë jashtë. Duhet të jeni të vetëdijshëm për rrethanat dhe sigurinë tuaj pasi eshte paralajmeruar se ne mbremje pritet me e keqja.

Këto janë 11 gjëra që kurrë nuk duhet të bëni kur bien vetëtima, pavarësisht situatës që ndodheni.

1.Të flisni në linjë telefonike fikse

Edhe pse është vështirë të gjesh një rrjet fiks telefoni ne ditët e sotme, duhet të mbani mend se është i rrezikshëm një komunikim i tillë gjatë një stuhie.

Nëse ndërtesa juaj është goditur nga një rrufe, rryma elektrike do të përpiqet të gjejë tokën përmes rrugës më të shpejtë të mundshme, e cila do të jetë përmes instalimeve elektrike.

2.Të bëni dush

Nuk duhet të bëni dush kur ka rrufe që godasin jashtë, pasi rrymat elektrike mund të udhëtojnë nëpër gypat në shtëpinë tuaj, ashtu si telat përmes telefonit tuaj.

3.Të injoroni flokët e elektrizuara

Pjesa e poshtme e stuhisë është e ngarkuar negativisht dhe për të transferuar energjinë kërkon për gjëra të ngarkuara pozitivisht.

Nëse flokët tuaj fillojnë elektrizohen në fund gjatë rrufeve, kjo është një shenjë se ngarkesa juaj pozitive është duke bashkëvepruar me ngarkesën negative të saj. Nëse vini re se kjo ndodh, qëndroni në ambiente të mbyllura pasi rrezikoni të goditeni nga rrufeja.

4.Të rrini para dritares

Të qëndruarit para dritares nuk do bëjë që t’ju godasë rrufeja, por e vendosni veten në rrezik për t’u goditur nga një grumbull xhami i copëtuar. Qelqi nuk është një dirigjent i mirë i energjisë elektrike, por forca e vetëtimës mund ta shkatërrojë atë..

5.Të lani enët

Për të njëjtën arsye që nuk duhet të bëni dush, gjithashtu nuk duhet të lani enët. Prekja e një rubineti të elektrizuar mund të ketë pasoja të mëdha..

6.Të ngisni një makinë kabriole

Përfundimisht nuk do doni të jeni në një kabriole kur rrufeja godet. Nëse jeni në një tillë gjatë një stuhie, përpiquni të arrini në një zonë më të sigurt brenda shtëpisë sa më shpejt që të mundeni.

7.Të harroni të merrni një elektrik

Nëse energjia elektrike ndërpritet, do ju duhet një burim drite gjatë natës, prandaj sigurohuni që gjithmonë të keni një elektrik dore

8.Të përdorni laptopin

Nëse keni nevojë të përdorni një kompjuter ose një pajisje elektronike gjatë vetëtimave, sigurohuni që mos ta keni në prizë. Energjia elektrike mund të rritet përmes kordonit të rrymës dhe të dëmtojë pajisjen tuaj ose edhe ju!

9.Të qëndroni pranë pemëve

Qëndrimi pranë një peme në një stuhi është si të kërkosh të goditesh nga rrufeja. Nëse kjo pemë është goditur, rrufeja kalon përmes saj në tokë.

10.Të dalësh në hapësirë

Pra, në qoftë se ju nuk mund të qëndroni pranë një peme as jashtë në hapësire, çfarë duhet të bëni?

Nëse e gjeni veten në një situatë të tillë gjatë një stuhie, duhet të uleni poshtë, duke prekur sa më pak tokë të jetë e mundur./albeu.com/

The post 11 gjërat që nuk duhet t’i bëni kurrë gjatë rrufeve! appeared first on Albeu.com.

Çfarë të bëni nëse vini re se dikush po ju ndjek me makinë? 6 manovrat që duhet të dijë çdo shofer

A M — Wed, 30 Mar 2022 14:51:02 +0000

Jo vetëm personat e famshëm ndiqen! Fatkeqësisht, 15% e grave dhe 6% e burrave në SHBA janë ndjekur nga dikush të paktën një herë.

Por, nëse dikush na ndjek më makinë, fillojmë të frikësohemi dhe mund të bëjmë lëvizjen e gabuar.

Sipas “Bright Side”, ekzistojnë 6 mënyra se si mund ta shpëtoni veten nga kjo situatë e frikshme dhe e sikletshme.

1.Konfirmoni që dikush po ju ndjek. Gjëja e parë që duhet të bëni është të qëndroni të qetë dhe të siguroheni se nuk po i ekzagjeroni gjërat. Bëni një devijim që askush nuk do ta bënte rastësisht. Për shembull, merrni katër kthesa djathtas, në mënyrë që të përfundoni në të njëjtën rrugë. Nëse jeni në autostradë, bëni sikur po dilni në një rrugë dytësore, por kthehuni sërish në autostradë. Ju gjithashtu mund të lëvizni në korsinë e djathtë dhe të ngadalësoni. Makinat që lëvizin pas jush do të duhet të kalojnë. Nëse pas këtyre veprimeve, e njëjta makinë është akoma pas jush, me shumë mundësi dikush po ju ndjek!

2.Vazhdoni të ngisni makinën. Opsioni më i sigurt për ju është që të vazhdoni udhëtimin. Mos u mundoni të dilni nga makina, pasi dikush mund t’ju sulmojë. Sigurohuni që keni kyçur dyert dhe keni mbyllur dritaret.

3.Mos shkoni në shtëpi. Me shumë mundësi, personi që ju ndjek nuk ka shumë informacione rreth jush. Dhe me siguri, ju nuk doni t’i tregoni personit që po ju ndjek se ku jetoni, kështu që, qëndroni në rrugë ku ka shumë trafik. Opsioni më i mirë do të ishte të shkonit me makinë tek stacioni i policisë dhe të prisnit në makinë derisa oficeri të vinte tek ju. Kjo, sepse ata do t’ju shoqërojnë brenda në mënyrë të sigurt.

4.Mundohuni të manovroni për ta shmangur. Është më e lehtë të heqësh qafe dikë që të ndjek në një rrugë me shumë trafik dhe ku ka shumë tabela ndalimi. Mundohuni të devijoni, pasi ndjekësi mund të mos jetë në gjendje t’i thyejë rregullat e qarkullimit.

5.Mos bini në sy se e dini që po ju ndjek. Edhe pse është e vështirë të qëndroni të qetë, përpiquni të mos e provokoni ndjekësin dhe mos zbuloni se tashmë e dini se ai po ju ndjek. Mos shihni në pasqyrë dhe drejtojeni automjetin si zakonisht. Do të jetë më mirë për ju nëse ata nuk e kuptojnë që ju i keni vënë re.

6.Përgatituni të telefononi policinë. Duke mos bërë veprime që i tregojnë ndjekësit se jeni në dijeni që ai po ju ndjek, përpiquni të mblidhni informacione, si për shembull, ç’pamje ka shoferi, ç’lloj makine ka, cili është numri i targës, por sigurisht të gjitha këto duhet t’i bëni me kujdes gjatë kohës që vazhdoni të udhëtoni me makinë. Pas kësaj, telefononi policinë.

The post Çfarë të bëni nëse vini re se dikush po ju ndjek me makinë? 6 manovrat që duhet të dijë çdo shofer appeared first on Albeu.com.

Pse ju ndodh shpesh t’i ndjeni këmbët “me miza”? Çfarë të bëni për ta ndaluar

A M — Wed, 16 Mar 2022 10:23:23 +0000

E keni provuar të paktën një herë që, pasi keni qenë në të njëjtën pozicion për një kohë të gjatë, ndjeni se një pjesë e trupit tuaj “bie në gjumë”.

Pastaj, kur përpiqeni të lëvizni, filloni të ndjeni “shpimet” në atë vend. Ndonjëherë bëhet aq e pakëndshme saqë as nuk doni të lëvizni.

Sipas Institutit Kombëtar të Çrregullimeve Neurologjike dhe Goditjes në tru, ndjesia e mpirjes, si dhe djegia ose “gjembat” në trupin tuaj, quhet parestezi. Kjo zakonisht ndihet në duar ose këmbë, por mund të ndodhë edhe në pjesë të tjera të trupit. Ju ndoshta e keni pasur këtë ndjenjë më parë, është sikur një tufë milingonash po zvarriten nëpër atë pjesë të trupit tuaj dhe mund të jetë shumë e pakëndshme.

Një studim tregon se kjo mpirje zakonisht shfaqet pa paralajmërim paraprak. Kjo sepse subjekti zakonisht nuk është i vetëdijshëm kur fillon ndjesia. Për më tepër, jo gjithmonë shkakton dhimbje, por kryesisht shqetësim. Miliona njerëz në të gjithë botën i nënshtrohen këtyre llojeve të shqetësimeve, veçanërisht te ata që punojnë më profesione pa lëvizje fizike, si puna në zyrë ku kalojnë orë të tëra ulur.

Ndodh shpesh kur rrimë me këmbë të kryqëzuara ose biem në gjumë me njërin krah të palosur poshtë kokës. Në shumicën e rasteve, kjo ndodh kur ushtrohet presion i qëndrueshëm mbi një nerv. Ndjesia e një gjymtyre të mpirë zakonisht zhduket mjaft shpejt pasi lehtësohet presioni mbi nervin që ishte prekur, duke bërë që gjaku të qarkullojë përsëri.

Në mënyrë që të ndodhë kjo, ju thjesht mund të lëvizni pjesën e mpirë duke bërë stërvitje, duke u shtrirë ose duke e masazhuar atë.

Gradualisht, ndjesia si shpim gjilpërash do të zvogëlohet, derisa të zhduket.

The post Pse ju ndodh shpesh t’i ndjeni këmbët “me miza”? Çfarë të bëni për ta ndaluar appeared first on Albeu.com.

Nuk ka vend për panik! Çfarë duhet dhe s’duhet të bëni nëse dikush po kalon një krizë epilepsie

A M — Sun, 06 Mar 2022 11:24:25 +0000

Nëse bëhet fjalë për një mik, një të afërm apo për një të huaj që rastësisht po kalon një krizë epileptike para syve tanë, nuk duhet të përfshihemi në panik. Edhe pse është një gjendje që mund të gjenerojë frikë të fortë, sidomos nëse ju ndodh për herë të parë, kriza epileptike në vetvete nuk përbën rreziqe serioze për pacientin, përveç ndonjë rrëzimit të papritur.

Si duhet të sillemi kur dikush po kalon një krizë epilepsie

Janë të paktën 6 pika për t’u përmbushur në rast se shihni dikë që po kalon një krizë epileptike. Si fillim duhet të ruani qetësinë që të merreni me atë person që ka nevojë për ju:

Nëse personi është përtokë, vendosini diçka të butë (jastëk, peshqir) nën kokë në mënyrë që të zbuten goditjet për shkak të konvulsioneve.

Pasi të përfundojnë konvulsionet (1 ose 2 minuta), lirojini veshjet (kopsat, tokëzën e rripit, zinxhirin) të cilat mund t’i shtypin kafazin e brinjëve dhe rrugët e frymëmarrjes. Vendoseni kokën e tij anash në mënyrë që ta lejoni të marrë frymë më mirë.

Kuriozët, që metë drejtë janë të shqetësuar, janë gjithmonë pranë personit që është në vështirësi. Por është e nevojshme t’i largoni ata, sepse gjatë rikuperimit të vetëdijes së personit që ka pësuar një krizë epileptike, krijohet një gjendje konfuzioni që mund të zgjasë për minuta të tëra.

Çfarë nuk duhet bërë absolutisht në rast se dikush po kalon një krizë epileptike:

Mos u përpiqni të hapni gojën e pacientit duke i futur gishtat në tentativë për të shmangur kafshimin e gjuhës gjatë konvulsioneve.

Lëreni personin të lirë, pa provuar të parandaloni lëvizjet e pavullnetshme të këmbëve dhe krahëve.

Gjatë krizës, mos i jepni pacientit asgjë për të pirë apo ngrënë ose mos provoni t’i jepni ndonjë ilaç.

Kriza epileptike normalisht kalon brenda 5 minutave.

The post Nuk ka vend për panik! Çfarë duhet dhe s’duhet të bëni nëse dikush po kalon një krizë epilepsie appeared first on Albeu.com.