Por cilat janë zhvillimet më të fundit në Ukrainë?

-Sipas kryebashkiakut të Mariupolit më shumë se 200 civilë janë ende të bllokuar, së bashku me ushtarët, në fabrikën e çelikut Azovstal.

-OKB dhe Kryqi i Kuq kanë deklaruar se shpresojnë që të evakuohen më shumë civilë nga fabrika e çelikut ditën e sotme.

-Të paktën nëntë civilë janë vrarë nga bombardimet ruse në rajonin Donetsk të Ukrainës lindore, sipas guvernatorit rajonal.

-Emmanuel Macron dhe presidenti rus Vladimir Putin  zhvilluan një bisedë telefonike, e cila zgjati rreth dy orë.

-Boris Johnson tha se Britania e Madhe duhet të kishte vepruar më shpejt në miratimin e vizave për refugjatët ukrainas.

-Kryeministri i Mbretërisë së Bashkuar e ka vlerësuar guximin dhe  rezistencën e Ukrainës kundër Rusisë  në një fjalim virtual drejtuar parlamentit ukrainas.

-Johnson miratoi gjithashtu një paketë prej 300 milionë paund ndihmë ushtarake për Ukrainën.

-Papa tha se ka kërkuar të takohet me Putinin në Moskë, por ende nuk ka marrë përgjigje nga Kremlini./albeu.com

The post Lufta, çfarë ka ndodhur deri më tani në Ukrainë appeared first on Albeu.com.