Në rastin e ish-deputetit Gerti Bogdani, i cili humbi jetën ditën e djeshme nga një arrest kardiak, ai tha se nuk e ka parë konkretisht kartelën, por ekzistojnë 4 hipoteza se çfarë mund të ketë ndodhur.

“Ekzistojnë 4 hipoteza që një person mund të pësojë vdekje kardiake. I pari që duhet të them është infarkti i miokardit, pra infarkti është mbyllja e njërës nga arteriet e zemrës dhe zemra ka 2 arterie dhe ajo zonë që nuk merr gjak praktikisht fillon e ul funksionin.

Fakti që ai ka filluar të ketë marrje fryme, do të thotë që ana e majtë e zemrës, pra ventrikuli i majte, ka filluar të mos furnizohet mirë me gjak dhe ndërkohë ka ardhur duke u mbyllur në mënyrë totale. Në momentin që mbyllet komplet arteria nuk është se ndalet zemra, siç mendon populli, por ndërhyn një aritmi malinje. që bën që zemra mos të tkurret më, por vetëm bën një lëvizje që nuk arrin të pompojë.

Kjo ndodh shumë e shpejt dhe është e vështirë të ndërhyet. Shpesh herë na ka ndodhur ne që edhe në repart të jesh nuk arrijmë dot t’i çojmë në sallë dhe t’i shpëtojmë. E dyta është ajo që ne e quajmë diseksioni i aortës ose çarja e aortës. Por kjo jep një dhimbje të menjëhershme sikur të ngulet një thikë një gjoks.

I treti është tromboembolia pulmonare, pra që të mbushen mushkëritë me trombë, 2 arteriet e mëdha dhe mbushja në mënyrë masive e bën që të pamundur jetën e pacientit. I katërti është një aritmi që ndodh tek futbollistët që nuk mendoj që është rasti i tij. Janë këto futbollistë që duke luajtur rrëzohen në që quhet aritmia e ventrikulit të djathtë”, tha mjeku.

The post Shefi i Kardiokirurgjisë shpjegon çfarë mund të ketë ndodhur me Gerti Bogdanin: Ekzistojnë katër hipoteza appeared first on Albeu.com.

Emri i Bushatit nuk figuronte as si kandidat për Kryesinë dhe as për Sekretariatin.

Tre vite më parë, kur Asambleja e PS zgjodhi Kryesinë në prag të zgjedhjeve parlamentare të 25 prillit 2021, Ditmir Bushati, ishte më i votuari.

Ky moment u interpretua si një afrim mes Bushatit dhe Ramës, raportet e të cilëve ishin ftohur ndjeshëm që prej largimit të tij si ministër dhe deputet.

Pas tre vitesh, ish-ministri i Jashtëm e sheh veten jashtë strukturave drejtuese të PS.

Krahas Bushatit, janë përjashtuar nga Kryesia e PS edhe Olta Xhaçka, e akuzuar se ka shkelur Kushtetutën pasi bashkëshorti i saj u shpall investitor strategjik nga qeveria, si dhe Ilir Beqaj i arrestuar nga SPAK për abuzim me fondet e BE.

Anëtarët e Asamblesë së PS, do të votojnë sot për të zgjedhur anëtarët e rinj dhe Sekretariatin.

Po sot, PS caktoi edhe drejtuesit politikë në 12 qarqet e vendit, duke ndezur kështu zyrtarisht motorët e fushatës elektorale të 2025.

The post Tre vite më parë më i votuari, sot jashtë Kryesisë/ Çfarë ka ndodhur mes Ditmir Bushatit dhe PS-së? appeared first on Albeu.com.

Asambleja e Përgjithshme, në të cilën marrin pjesë të 193 vendet anëtare të OKB -së , do të mblidhet të hënën pasdite me kërkesë të Ukrainës dhe Shqipërisë, tha Paulina Kubiak.

Burime diplomatike i than se pritet të diskutohet një rezolutë, aktualisht në përgatitje, mbi aneksimet. Në mbledhjen e Këshillit të Sigurimit për të njëjtën çështje të premten e kaluar, Rusia vuri veton ndaj saj, ndërsa Kina, India, Brazili dhe Gaboni abstenuan. Drafti i asaj rezolute, i hartuar nga Shqipëria dhe SHBA, u bëri thirrje të gjitha vendeve dhe organizatave “të mos e njohin aneksimin e rremë” të katër rajoneve dhe bëri thirrje për tërheqjen “e menjëhershme, të plotë dhe të pakushtëzuar” të forcave ruse nga Ukraina.

Amerikanët kishin paralajmëruar se nëse Rusia vendos veton ndaj saj, ata do të apelojnë në Asamblenë e Përgjithshme të OKB-së, ku secili vend ka një votë pa veto.

Votimi do të japë një pamje më konkrete të izolimit të Rusisë. Disa vende në zhvillim janë të pakëndshme sepse Perëndimi po e përqendron gjithë vëmendjen te Ukraina.

The post Çfarë ka ndodhur, Shqipëria kërkon mbledhjen me urgjencë të OKB-së appeared first on Albeu.com.