Avni Arifi, sekretari i përgjithshëm i Aleancës për Ardhmërinë e Kosovës (AAK), ka pohuar se subjekti i tij politik është i hapur për të lehtësuar procesin e zgjedhjes së presidentit që do të propozojë Lëvizja Vetëvendosje, por me një kusht: që partia që doli e para më 7 qershor të marrë përsipër përmbushjen e gjashtë kërkesave kryesore të Aleancës.

Gjatë një interviste në emisionin “Intervista e Javës” në KosovaPress, Arifi tregoi se ata presin një ftesë nga lideri i Vetëvendosjes, Albin Kurti, për të biseduar mbi këto pika, ndër të cilat spikat çështja e miratimit të gazit amerikan.

Ai shtjelloi më tej se në këtë takim do të trajtohej edhe krijimi i institucioneve të ardhshme, duke nënvizuar se shtatë deputetët e AAK-së janë të gatshëm të sigurojnë kuorumin për presidentin, pavarësisht nëse kandidatura e ofruar nga LVV-ja do të jetë Glauk Konjufca apo dikush tjetër.

Arifi sugjeroi se gjatë takimit pala tjetër mund të zotohet për implementimin e të gjitha kërkesave, duke hapur rrugën për diskutime të mëtejshme. Ai theksoi se Aleanca ia ka bërë shumë të thjeshtë punën LVV-së duke ofruar shtatë votat për të siguruar kuorumin me koston më të vogël të mundshme. Sipas tij, AAK-ja është e vetmja parti e dalë nga periudha e pasluftës që i ofron fituesit të zgjedhjeve votat e veta pa kërkuar asgjë në shkëmbim për vete – as poste ministrore, as zëvendësministra, ambasadorë, këshilltarë apo përfitime për komunat që drejton.

Për çështjen e gazit amerikan, sekretari i Aleancës theksoi se nuk bëhet fjalë thjesht për gaz, por për një çështje të partneritetit strategjik dhe të rreshtimit të Kosovës. Sipas tij, duke i thënë jo gazit dhe po ashtu jo thëngjillit, vendi rrezikon të mbetet i varur nga importet përmes asaj që ai e quajti “mafia energjetike”.

Arifi sqaroi se këto pika nuk janë të ngurta dhe mund të jenë objekt bisedimesh në një takim midis krerëve të dy partive, duke shtuar se nga ana e tyre ekziston vullneti politik për të diskutuar dhe për të gjetur kompromis. “Ne nuk kemi sjellë as Bibël e as Kuran që të mos mund t’ia ndryshojmë asnjë shkronjë,” tha ai, duke nënvizuar se aty ku ka vullnet, ka edhe zgjidhje.

Krahas pranimit të gazit amerikan, Aleanca ka parashtruar edhe pesë kërkesa të tjera: lehtësime për bizneset e vogla, mbështetje për sektorin bujqësor, buxhetim për infrastrukturën, fillimin e menjëhershëm të procedurave për ndërtimin e një termocentrali me bazë thëngjilli, si dhe një fond prej 1 miliardë eurosh për kryeqytetin.

I pyetur në lidhje me profilin e kandidatit për president, Arifi u përgjigj se partia e tij nuk e kushtëzon mbështetjen me emra të caktuar, por vetëm me garancitë që LVV-ja duhet t’i japë për zbatimin e pikave të përmendura. Ai deklaroi se çfarëdo profili që të përzgjidhet – qoftë Glauk Konjufca, Dimal Basha apo Albulena Haxhiu – Aleanca do të qëndrojë në sallë dhe do të votojë, me kusht që të marrë zotimet e duhura, qoftë përmes garancive publike apo formave të tjera që mund të përcaktohen në një takim mes drejtuesve të dy forcave politike.

Ai sqaroi se AAK-ja nuk do të pengojë as ndonjë marrëveshje që LVV-ja mund të arrijë me LDK-në apo PDK-në për zgjedhjen e presidentit ose për formimin e institucioneve, duke theksuar se ata vetëm kanë përcaktuar kushtet e tyre dhe nuk ndërhyjnë në marrëveshjet e mundshme të forcës fituese.

Megjithatë, Arifi kritikoi ashpër zvarritjen e seancës konstituive dhe rikujtoi se 6 gushti është dita e fundit ligjore për shtyrjen e kësaj date. Ai argumentoi se rezultatet e zgjedhjeve kanë qenë të qarta që nga 15 qershori, duke i dhënë kohë të mjaftueshme partisë fituese për t’u përgatitur për ngritjen e institucioneve, përfshirë një marrëveshje për presidentin dhe formimin e qeverisë me partnerët ekzistues që zotërojnë 63 vota.

Për mundësinë e zgjedhjeve të reja, ai e cilësoi një skenar të tillë si “çmenduri” dhe një akt egoizmi të skajshëm nga ata që mendojnë se PDK-ja dhe LDK-ja mund të përfitojnë më shumë vota në një palë zgjedhje të tjera. Sipas tij, dërgimi i vendit në zgjedhje të reja është i papranueshëm, jo vetëm për shkak të shpenzimit prej 5-6 milionë eurosh.

Në një temë tjetër, Arifi shprehu mbështetjen e tij të plotë për vendimin e qeverisë që prokurorët dhe gjyqtarët serbë, të cilët dhanë dorëheqjen në vitin 2022, të mos rikthehen në sistem. Ai theksoi se duhet një proces i ri dhe se qëndrimi i ekzekutivit për këtë çështje është i drejtë dhe gëzon përkrahjen e tij absolute.

The post Avni Arifi: Mund të mbështesim Glauk Konjufcën për president, mjafton të na jepen garanci për pikat tona appeared first on Albeu.com.

Gjithashtu, Dumani u shpreh se çështjet me natyrë korruptive dhe shkelje e barazisë në tendera, apo edhe shpërdorimi i detyrës kërkojnë kohë shumë të gjatë.

Pjesë nga fjala e Dumanit:

“SPAK është përpjekur të ndërtojë marrëdhënie të mirë me shoqërine civile dhe do të vazhdojmë të jemi bashkëpunues. Shumica e çështjeve të SPAK kërkojnë afat të gjatë, ka shtyrje të seancave dhe zvarritje të hetimit. Çështjet me 20 të pandehur krijojnë shtyrje.

Sidomos çështjet me natyrë korruptive dhe shkelje e barazisë në tendera, apo edhe shpërdorimi i detyrës kërkojnë kohë shumë të gjatë, por edhe teknika speciale. Nuk krahasohet një çështje e SPAK me një çështje të prokurorive të juridiksionit të përgjithshëm. Sa i takon trasparencës ne jemi perpjekur aq sa ligji na lejon të jemi transparent me publikun dhe të gjitha i kemi publikuar në faqen e SPAK. Ka njoftime të rralla kur interesi publik është shumë i madh dhe ne kemi reaguar.

Presioni mediatik dhe retorika politike nuk ka asnjë lloj ndikimi. Jam imun ndaj të dyjave. Këtë përpiqem t’ua përcjell edhe hetuesve. Jemi të vëmendshem kur evudentohen problematika nga media apo politika në diskutime të ndryshme, sigurisht që ne i ndjekim. Por në raport me hetimet nuk na ndikojnë”, shprehet Dumani.

The post Altin Dumani: Shumica e çështjeve të SPAK, kërkojnë afat të gjatë appeared first on Albeu.com.

E mitura u dogj e gjallë  në vitin 2011 në Pire të Greqisë.

Çështja është rikthyer nga emisioni investigativ grek, “Dritë në tunel”.

Ngjarja ka qenë e pazbardhur plotësisht përgjatë një dekade, ndërsa autori që akuzohet është shqiptari Adrian Zeko, i cili u arrestua në dhjetor me akuzën për përdhuni, njofton Abcnews.al.

Ai jetonte në apartamentin tjetër ngjitur me atë të familjes Selimaj dhe menjëherë pas vdekjes së Zanedës u largua dhe askush nuk e dinte adresën e tij të re.

Kështu, pas arrestimit dhe publikimit të detajeve të tij nga policia greke,  pas një urdhri përkatës të Prokurorisë së Pireut, prindërit vendosën të fillonin procedurat në mënyrë që dosja e çështjes të rihapej.

Sipas informacionit nga protothema.gr , çështja e vdekjes tragjike të 12-vjeçares është në fazat e fundit, pasi hetuesi i Pireut po zhvillon një hetim në mënyrë që të mbledhë informacione për atë që ndodhi atë mëngjes fatal.

Kështu që në ditët në vijim, 59-vjeçari Adrian Zeko pritet të dëshmojë para hetuesit se çfarë di për çështjen, pasi që sipas historisë, ai ishte ai që pa vajzën e vogël duke u djegur në hyrje të banesës, në rrugën Kallikratida.

Si ka ndodhur ngjarja:

Çështja u rikthye nga emisioni “Dritë në tunel”, ku sipas kronikës ishte e premte, 23 shtator 2011, kur prindërit e Zeneida Selimaj nga Shqipëria dolën nga shtëpia e tyre në rruga Kallikratida për të shkuar në punë. Gjyshi shoqëroi djalin më të vogël të familjes në shkollë dhe 12-vjeçarja mbeti vetëm në shtëpi.

Autori i krimit me sa duket u fut në banesë dhe u përpoq të përdhunonte vajzën e vogël. Ajo arriti të shpëtonte nga duart e tij dhe e zhveshur nga beli lart. E vogla filloi të zbresë shkallët për të dalë në rrugë që të kërkonte ndihmë.

Autori i saj i vuri flakën dhe fëmija u dogj i gjallë. Në ditët e para të incidentit, autoritetet folën për vetëvrasje. Pastaj dolën në konkluzionin se e mitura është vrarë dhe fajësuan gjyshin e saj. Sidoqoftë, në proces ai u la i lirë.

Ngjarje makabër nisi të hetohej kur fotografia e autorit, u bë publike pasi u akuzua për një krim tjetër që kreu ndaj një të mituri.

Sipas ekzaminuesit mjekësor, zjarri u shkaktua nga autori i krimit për të fshehur provat që do të tradhtonin krimin e tij seksual sepse disa gjurmë u gjetën në organet gjenitale të fëmijës.

The post Rihapet pas një dekade çështja e shqiptarit që përdhunoi dhe dogji të gjallë 12 vjeçaren në Greqi appeared first on Albeu.com.